ཉེ་ལམ་བལ་ཡུལ་རྒྱལ་བོ་ཇེ་ནན་ཌི་རཱ་ཤཱ་ཡིས་ཁོང་གི་འཁྲུངས་སྐར་སྲུང་གཙིའི་སྐབས། ཁོང་བསྐྱར་དུ་བལ་ཡུལ་རྒྱལ་བའི་ཁྲི་ལ་ཡོང་རྒྱུ་ཡིན་སྐོར་བརྗོད་འདུག
དེ་སྔོན་རྒྱལ་པོའི་སྲིད་སྟེགས་ནས་གནས་དབྱུང་བཏང་ཟིན་པའི་བལ་ཡུལ་རྒྱལ་པོ་ཇེ་ནན་ཌི་རཱ་ཤཱ་(Gyanendra Shah)ཡི་ད་ལྟའི་སྡོད་གནས་ནེ་མཱ་ནེ་ཝ་སཱི་(Nima Nivas) ནང་། ཕྱི་ཚེས་ ༧ ཉིན་རྒྱལ་བོ་ཁོང་དགུང་ལོ་ ༦༦ ལ་སོན་པའི་འཁྲུངས་སྐར་སྲུང་གཙི་བྱས་ཡོད་པ་དང་། ཁོང་གི་ནང་མི་དང་གཉེན་ཉེ།དེ་བཞིན་རྒྱལ་བོ་ཁོང་ལ་དགའ་ཞེན་ཡོད་མཁན་བཅས་མི་མང་སྟོང་ཕྲག་འགའ་འདུ་འཛོགས་ཀྱིས་རྒྱལ་བོ་ཇེ་ནན་ཌི་རཱ་ཤཱ་ཡི་འཁྲུངས་སྐར་ལ་རྟེན་འབྲེལ་ཞུས་ཡོད་འདུག
ཉིན་དེའི་འཁུངས་སྐར་མཛད་སྒོའི་སྐབས་རྒྱལ་བོ་ཁོང་གིས་བལ་ཡུལ་ནང་རྩ་ཁྲིམས་གཏན་འབེབ་བྱས་མ་ཐུབ་པ་དང་། ཆབ་སྲིད་ཚོགས་པ་ཁག་བར་ཆིག་སྒྲིལ་མེད་པར་སྐྱོན་བརྗོད་བྱས་ཡོད་པ་མ་ཟད། ཁོང་གིས་གལ་སྲིད་བལ་ཡུལ་མི་མང་གིས་ཁོང་བསྐྱར་དུ་རྒྱལ་བོའི་ཁྲི་ཐོག་ལ་ཡོང་རྒྱུར་རེ་བ་བྱེད་ཀྱི་ཡོད་ཚེ་ཁོང་ཡོང་གི་ཡིན་པར་བརྗོད་འདུག
དེ་བཞིན། རྒྱལ་བོ་ཇེ་ནན་ཌི་རཱ་ཤཱ་ཡིས་བཅར་འདྲི་ཞིག་ལ་ལན་འདེབས་གནང་སྐབས། ཁོང་གིས “ ལོ་དྲུང་གི་གོང་དུ་ངས་བལ་ཡུལ་གྱི་ཆབ་སྲིད་ཚོགས་པ་དག་དང་གྲོས་བསྡུར་གྱིས། བལ་ཡུལ་ནི་རྩ་ཁྲིམས་ལྡན་པའི་རྒྱལ་པོའི་ལམ་ལུགས་ཤིག་ཏུ་སྐྱོད་རྒྱུར་མོས་མཐུན་བྱས་ཡོད་ཀྱང་། ༢༠༠༨ ལོར་གཞུང་གིས་རྒྱལ་བོའི་ལམ་ལུགས་རྩ་མེད་བཏང་པ་རེད། ”ཅེས་བརྗོད་འདུག
ད་ཡང་བསེ་རུས་ཀློག་ཞོར་དུ་མཐོང་བའི་ཡིག་ནོར་ལ་ཇུས་མེད་ཇུས་འཁྲི་བྱས་ཆོག་པ་ཞུ།
རྒྱལ་བོ། རྒྱལ་པོ།
རྒྱལ་བའི། རྒྱལ་པོའི།
འཁུངས་སྐར། འཁྲུངས་སྐར།
ལོ་དྲུང་། ལོ་དྲུག
འདི་དག་བཏགས་ནོར་ཤོར་བ་དངོས་བདེན་ཡིན་སྲིད་ནའང་ཀློག་པ་པོ་ཚོ་བོད་ཡིག་གི་དག་སྡེབ་ལ་ཐུགས་སྣང་ཡོང་ཕྱིར་ནོར་བཅོས་ཞུས་པ་ཞིག་ཡིན།