ཨ་རིའི་གྲོང་ཁྱེར་ཌེན་ཝར་གྱི་གློག་བརྙན་ཁང་ཞིག་ཏུ་འབག་གྱོན་མཁན་ཞིག་གིས་ལྟད་མོ་བའི་ཁྲོད་མེ་མདའ་བརྒྱབ་ཏེ། ལྟད་མོ་བ་ ༡༤ དམར་གསོད་དང་གཞན་མི་ ༥༠ ཙམ་ལ་རྨས་སྐྱོན་བཟོས་ཡོད་འདུག
ཆུ་ཚོད་གཉིས་ཙམ་གྱི་གོང་དུ་ཨ་རིའི་གྲོང་ཁྱེར་ཌེན་ཝར་ (Denver) ནང་ཡོད་པའི་ཨའུ་རོ་རཱ་ (Aurora) ཁྲོམ་རའི་གློག་བརྙན་ཁང་ཞིག་ཏུ་གསར་དུ་ཐོན་པའི་བྷེ་ཊི་མན་ (Batman) ཞེས་པའི་གློག་བརྙན་སྟོན་བཞིན་པའི་སྐབས་སུ། གདོང་འབག་གྱོན་པའི་མི་ཞིག་གློག་བརྙན་ཁང་དུ་འཛུལ་ཡོང་ཡོད་པ་དང་། ཁོང་གིས་ལྟད་མོ་བའི་ཁྲོད་མེ་མདའ་བརྒྱབ་སྟེ་མི་༡༠ དེ་མུར་དམར་གསོད་བཏང་ཡོད་པ་དང་།མི་༥༠ཙམ་ལ་རྨས་སྐྱོན་བཟོས་ཡོད་འདུག
དོན་རྐྱེན་བྱུང་སྐབས་གློག་བརྙན་ཁང་དུ་ཡོད་པའི་མི་ཞིག་གིས་བརྗོད་པ་ལྟར་ན།གློག་བརྙན་སྟོན་མགོ་བརྩམས་ནས་ཅུང་མ་འགོར་པར་གློག་བརྙན་ཁང་ནང་དུ་རླངས་འགད་རྫས་ཞིག་གཡུག་ཡོད་པ་དང་།ལྟད་མོ་བ་ཚོས་དེ་ནི་གློག་བརྙན་སྟོན་མཁན་ཚོས་གློག་བརྙན་གྱི་སྣང་བརྙན་ལ་ཁ་སྣོན་བྱེད་ཆེད་ཡིན་པར་བསམ་ཡོད་ཀྱང་།དུ་རླངས་བཏང་པའི་སྐབས་དང་བསྟུན་ནས་མི་ཞིག་གིས་ལྟད་མོ་བའི་ཁྲོད་གང་བྱུང་མེ་མདའ་བརྒྱབ་ཡོད་འདུག
ད་ལྟ་རྨས་སྐྱོན་ཕོག་མཁན་རྣམས་ཉེ་འཁྲིས་སུ་ཡོད་པའི་སྨན་ཁང་ཁག་ཏུ་མྱུར་སྐྱོབ་བྱེད་བཞིན་ཡོད་ཀྱང་། རྨས་སྐྱོན་ཕོག་མཁན་ཁྲོད་ཀྱི་མི་ ༤ འདས་གྲོངས་སུ་གྱུར་པའི་གནས་ཚུལ་ཐོན་འདུག ཉེན་རྟོག་པས་དྲག་སྤྱོད་པ་དེས་གློག་བརྙན་ཁང་ནང་དུ་རླངས་ཅན་གྱི་འགད་རྫས་གཡུག་སྟེ།ལྟད་མོ་བའི་ཁྲོད་མེ་མདའ་བརྒྱབ་ཡོད་ཚུལ་བརྗོད་འདུག
གསར་འགོད་པ། བནྡེ་སྐྱབས།
