ཁ་ཆེ། ཡེ་ཤུ། ཇོ་ནང་། མེར་བསྲེཊ།

འཇིགས་མེད་སེངྒེ་ཞུ་བ་ལགས། ངས་ཁྱེད་ཀྱིས་ལན་ཟློས་བྱ་འདོད་མེད་ཀྱང་གནས་ལུགས་ཀྱིས་མི་བྱ་ཐབས་མེད་བྱུང་། དང་ཐོག་ཁྱེད་ཀྱི་ངར་ཞལ་རྡུང་མ་གཏོང་གོང་ངའི་མཆན་དེ་ཚར་བརྒྱ་ཀློག་ཏེ་བསམས་ཚུལ་སྤེལ་རོགས་ཞུ་རྒྱུ་ཡིན། འདྲེ་ཤར་ལ་བཞག་ཏེ་གཏོར་མ་ནུབ་ལ་གཡུག་པའི་དཔེ་ལྟར་གྱི་དོན་སྣ་གཅིག་ཁྱོད་ལ་བཤད་རྒྱུ་ཡོད་དམ། ཡོད་ན་བཤད་རོགས། ང་སུ་ཡིན་མིན་དེ་གནད་དོན་གཙོ་བོ་མ་རེད། ངའི་གཏམ་ལ་རིགས་པའི་རྒྱབ་ལྗོངས་ཡོད་མེད་གཙོ་བོ་རེད། ཁྱེད་ཀྱིས་ངའི་མཆན་དུ་ཡིག་ནོར་ཡོད་ཚུལ་གསུངས་པར་དགའ་བསུ་ཞུ། དེ་བཞིན་ཁྱེད་ཀྱིས་བྲིས་པའི་མཆན་ཐུང་ནང་དུའང་ཡིག་ནོར་མི་ཉུང་བ་ཞིག་ཡོད་སྟབས་གཞན་ལ་ལྟ་བའི་མིག་ཡོད་ཀྱང་རང་ལ་ལྟ་བའི་མེ་ལོང་མེད་པ་མིན་འགྲོ་བསམ་པ་བྱུང་། མི་ཕམ་ཚངས་ཐིག་ཞུ་བས་བཀའ་ལན་ཡོང་མི་ཡོང་གི་ང་ལ་རེ་དོགས་གང་ཡང་མེད། མ་གཞི་ནས་ཁྱེད་ཀྱིས་ཐམས་ཅད་མཁྱེན་པ་རུ་འདོགས་སའི་མི་ཕམ་ཚངས་ཐིག་ཞུ་བ་དེ་ཁྱེད་རང་ཉིད་མིན་པའི་ངེས་པའང་མི་འདུག གང་ལྟར་ཇོ་ནང་པར་དགའ་ན་དགའ་སྟངས་ཤེས་དགོས་རེད། གང་ལྟར་ཇོ་ནང་ལྷ་སྡེ་མི་སྡེ་ཡོང་ནག་པོ་བཟོ་འདོད་ཡིན་ན་རྒྱུ་འབྲས་ལ་རུང་གི་མ་རེད་པས་དེའང་ཤེས་པ་གནང་རོགས། ཞོར་དུ་རྗེ་མི་ལའི་གསུང་ཅིག་དྲན་བྱུང་། ཤ་ཡང་ཕར་ཚ་ཚུར་ཚ་རེད། སྙིང་ཡང་ཕར་རྗེ་ཚུར་རྗེ་རེད།

ཨོ་་་སེམས་སྙིང་ནས་ཡུལ་གྱར་བ་ཡིན་ས་རེད། སྙིང་ལུས་ནས་ཡུལ་དུ་གྱར་ཡོད་ས་རེད།
ཁྱེད་ཀྱིས་ཕྱོགས་རྔས་ཅི་ཞིག་བཤད་ཡོད་ཁྱོན་ནས་མ་གོ་བཞིན་དུ། དྲྭ་གྲོགས་ཚོས་ཅི་བཤད་མ་ཤེས་བཞིན་དུ། ཚིག་ནོར་ཡིག་ནོར་ཁོ་ནའི་ལུང་མདའ་འཕེན་ཁ་བྱས་འདུག
འདྲེ་ཤར་ལ་བཞག་ཏེ་གཏོར་མ་ནུབ་ལ་གཡུག་ཟེར་བ་རང་རེད། མི་ཕམ་ཚངས་ཐིག་གིས་ཁྱེད་ལྟ་བུ་ལ་ལན་རྒྱབ་རྒྱུ་མ་ཡིན་པ་མ་ཤེས་སམ། རྒྱབ་རིན་ཙམ་ཡང་མེད་པ་ཤེས་འཚལ། ངས་ཁྱེད་སྙིང་རྗེ་ནས་ལན་ཙམ་བྱས་པ་ཡིན།
ཁྱེད་ཀྱིས་དངོས་གནས་རྩོད་འདོད་ན། རྩོམ་ཡིག་དེ་ཐང་༥༠ ལ་གློག་ནས་ཅིག་འབྲི་ཁུལ་བྱོས་དང་། དེ་ནས་ལན་རྒྱབ་རིན་ཡོད་མེད་བལྟ་ཆོག ལོ་ལོ། སྙིང་རྗེ།

ཇོ་ནང་པ་ལ་ཆོས་ལུགས་ཀྱི་ཐོབ་ཐང་དགོས་པ་བདེན་པ་རེད། དེར་རྒྱབ་སྐྱོར་ཡོད་དེ་བཞིན་བོ་དོང་བ་དང་། བཀའ་གདམ་པ་སོགས་ལ་ཡང་ཆོས་ལུགས་ཀྱི་ཐོབ་ཐང་དགོས་པ་མ་ཟད། ད་དུང་ཤུགས་ལྡན་ཚོགས་པ་ཡང་བོད་མི་དང་བོད་ཀྱི་ཆོས་ལུགས་ཤིག་རྟེན་ཁོང་ཚོར་ཡང་ཆོས་ལུགས་ཐོབ་ཐང་སྤྲོད་ཟེར་བ་སོགས་མང་པོ་ཡོངས་རྒྱུ་རྟེན། དེ་ལས་ཆོས་པ་རྣམས་ཆོས་རྣམ་དག་གནང་ནས་སྲིད་ལ་འཐེ་ཇུས་མ་གནང་རོགས། ད་ཡོད་ཀྱི་ཆོས་ལུགས་སྤྱི་འཐུས་ཟེར་བ་དེ་མེད་པ་བཟོ་ན་ཆོས་ལུགས་ཚང་མ་ཉམས་ལེན་ལ་བར་ཆད་མེད་པ་ཡག་པོ་ཡོངས་ཀྱི་རེད་བསམ།

སྐྱིག་རྫོགས་ཀྱི་སྐད་ཆ་འདི་ལ་རྒྱབ་སྐྱོར་རྩ་བ་ནས་མེད། གང་ཟེར་ན་བོད་སྤྱི་བའི་རྩ་དོན་ཆེད་དུ་ཚེ་སྲོག་བློས་བཏང་གནང་བ་ཚུན་ཆོད་ཀྱིས་འཇིགས་སྐུལ་བྱེད་བཞིན་པ་འདི་རེད། ༼འོན་ཀྱང་སྐྱིག་བྲོ་བའི་བསམ་ཚུལ་འདི་ཇོ་ནང་བའི་ཆོས་གྲོགས་ཡོངས་ཀྱིས་འཚབས་མཚོན་ཞིག་ཏུ་མི་སེམས།༽ མི་ཕམ་ཟེར་བ་ཁྱོད་ངོ་མ་ཚ་འོ་ཙམ་རེད། བོད་མི་ས་ཡ་དྲུག་གི་བདེན་དོན་ཆེད་དུ་འདས་པོས་བློས་བཏང་གི་བྱ་བཞག་ཆེན་མོ་ཁྱོད་མི་སྒེར་བའམ་ཚོགས་པ་བྱེ་བྲག་པ་ཞིག་གི་འདོད་དོན་སྒྲུབ་བྱེད་དུ་སྤྱོད་པར་ཤི་གསོན་སུས་ཡིས་གནང་བ་ཐོབ་ཡོད། ཁྱོད་འཇོན་པོ་ཡིན་ན་ཁྱོད་ཀྱིས་གོང་དུ་སྨྲས་པའི་འདས་པོ་དག་གི་འདོད་དོན་ངོ་མ་སྒྲུབས་དང་། མ་ཟད་ཁྱོད་ཇོ་ནང་བ་མིན་རབས་ཟེར། འོ་ན་ཁྱོད་ཀྱི་འདོད་དོན་དེ་ཡང་གཞན་གྱི་བདེན་དོན་ཆེད་མ་ཡིན་པར་(ཚངས་ཐིག་)ཅེས་པ་ཁ་ལ་ཁུར་ནས་བོད་མིའི་སེམས་ཁམས་དང་གཞུང་དམངས་བར་ལ་འགལ་ཟླ་བཟོ་རྒྱུ་ཁྱོད་ཀྱིས་བསྒྲུབ་བྱ་གཙོ་བོ་དེ་ཡིན་པ་ཟུར་བལྟས་ལེབ་མཐོང་རེད། གང་ཡིན་ཞེ་ན་ཁྱོད་ཀྱིས་(རྒྱལ་བ་ཇོ་ནང་པ་དང་བོད་པ་ཁ་ཆེ་བ། བོད་པ་ཡེ་ཤུ་བ་རྣམས་ལ་ཆོས་རྒྱུད་ཀྱི་ཐོབ་ཐང་གཅིག་མཚུངས་དགོས་རྒྱུ་རེད་བསམ་མཁན་ཡོད་པ་འདི་ནི། དེ་དག་གི་དོན་གནད་མ་གོ་བ་དང་། བསམ་བློ་མ་བཏང་བ། གནད་འགག་མ་རྟོགས་པ་གསུམ་གྱིས་རེད།)ཅེས་ཟེར། ཁྱོད་སྙིང་མ་རྗེ། རང་གིས་རང་བཀྱགས། སྐྱག་པས་རྐུབ་བཀྱགས། ཡང་ཁྱོད་ཀྱིས་(འོན་ཀྱང་ཁོང་ཚོས་ཆོས་རྒྱུད་ཆེན་པོའི་ཐོབ་ཐང་དགོས་ཞེས་རྩོད་མྱོང་མེད་ལ། མ་འོངས་པར་ཡང་རྩོད་མི་སྲིད། རྒྱུ་མཚན་ནི་རྩོད་ལུགས་མེད་པས་སོ།།)ཞེས་བཤད་འདུག ངས་འདྲི་རྒྱུར། ཁྱོད་ལ་རྩོད་ལུགས་ཡོད་ལ་བོད་པའི་ཁ་ཆེ་བ་དང་ཡི་ཤུ་བ་ཁོང་ཚོ་ལ་རྩོད་ལུགས་མེད་པའི་རྒྱུ་མཚན་གང་རེད། ཁོང་ཚོའི་ཆོས་རྒྱུད་ཀྱི་མིས་རྩ་དོན་ཆེད་དུ་ཤི་བ་ཉུང་དྲགས་པའམ་་་ཡང་ན་མེད་པས་རྒྱུ་མཚན་རེད་དམ་་་་ཨ་་་་་་ཕྱོགས་རེས་ཅན། ཡང་གཅིག་བཤད་ན་སྔོན་ཆད་ནས་ད་ལྟའི་བར་ཁྱོད་ལ་ཐོབ་ཐང་མ་རག་པ་དེ་མི་ཤི་བ་ཉུང་དྲགས་པའི་རྐྱེན་རེད་དམ། ཀླད་མེད། འོ་ན་རྩད་དོན་ཆེད་དུ་མི་ཤི་བ་སུས་མང་ན་དེ་ལ་ཐོབ་ཐང་དེ་རག་པའི་གནས་ལུགས་ཤིག་ཡོད་དམ། གང་ལྟར་ ཞར་ལ་རེ་སྐུལ་ཞིག་ལ། གལ་ཏེ་ངེས་པར་དུ་ཐོབ་ཐང་དེ་དགོས་ན་དཔལ་རྒྱུལ་བ་ཇོ་ནང་བའི་ཆོས་གྲོགས་རྣམ་པས་མི་འདི་ལྟ་བུས་སླུ་བྲུད་འོག་ཏུ་མ་ཚུད་པ་ཞིག་དང་། དགྲ་དགའ་གཉེན་སྡུག་གི་ལས་ཏེ་གཞུང་དམངས་བར་ལ་འགལ་ཟླ་དང་། སྤུན་ཟླ་རྒྱལ་གཅེས་པ་དག་གི་སེམས་ཁམས་དཀྲུག་པའི་རྒྱུ་ལ་མི་འགྲོ་བ་ཞིག་གི་ཐོག་ནས་ལས་ལ་འཇུག་པའི་རེ་བ་ཡོད།།

བཙན་བྱོལ་སྤྱི་ཚོགས་ནང་ཆོས་ལུགས་སྐོར་ལ་ཆོས་རིགས་སྡེ་ཚན་ཡོད་པས་དེ་མི་འཐུས་པ་མེད་པས་དེ་ཚོར་དགོངས་བཞེས་ཐོག་ད་ཡོད་ཆོས་ལུགས་སྤྱི་མཐུས་སུ་ཡང་གང་དགོས་གལ་མི་འདུག་ལ་སྲིད་ཆོག་བྱེད་བརྗེད་འཇོག་མཁན་ཉམ་ཆུང་གྲྭ་དཀྱུས་ཚོ་རེད་འདུག་ལ། ཆོས་ལུགས་ཁག་གི་བླ་ཆེན་དེ་ཚོ་ནི་མི་མང་མདུན་ཏུ་ཆོས་སྲིད་ཀྱི་བཀའ་སློབ་སྦྲུལ་ལྕེ་གཉིས་གནང་བཞིན་མི་ལོ་ལྔ་བཅུ་སོང་ཚར།

ད་རྙོག་དྲ་མེད་སར་རྙོག་དྲ་བསླངས་ན་ཡག་པོ་ཡོད་པ་མ་རེད། དོན་ལ་རྒྱལ་དབང་ལྔ་བ་ནས་ དཔལ་ཁ་ཆེ་བ་དང་རྒྱལ་བ་ཡི་ཤུ་བའི་ཆོས་རྒྱུད་ཀྱང་བོད་ནས་གཞི་ཚུགས་ཡོད་ལ། གོང་ས་ལྔ་བ་ཆེན་པོའི་དཀྱེལ་ཡངས་ཀྱི་བློ་སྟོབས་དང་ཕྱིས་འབྱུང་སྔོན་གཟིགས་ཀྱི་ཐུགས་བཀོད་བླ་ན་མེད་པ་ཞིག་ཡིན། ཡིན་ནའི། ནང་འཁྲུག་དང་ཕྱོགས་ཞེན་གྱི་དབང་གིས་ཆོས་རྒྱུད་འདི་གཉིས་བོད་ཀྱི་བདེན་པའི་འཐབ་རྩོད་ཁྲོད་འབུར་དུ་བཏོད་ཐུབ་མེད་ལ། རྒྱུ་རྐྱེན་ཡང་ཕྱོགས་ཞེན་ཁོ་ན་ལས་བོད་དོན་བདེན་མཐའ་གསལ་ཐབས་ལ་བསམ་བློ་འཁོར་གྱི་མེད་པ་དེར་ཐུག་ཡོད། རྒྱལ་བ་ཇོ་ནང་བར་ཁེ་དབང་དགོས་ཀྱི་ཡོད་ན། གོང་སྨྲས་ཆོས་རྒྱུད་གཉིས་ལ་དེ་བས་ཀྱང་ཁེ་དབང་སྤྲད་དགོས་པ་དུས་སུ་བབས་པ། དགོས་པ་ཆེ་བ། བོད་དོན་ལ་ཐད་གར་གཞོགས་འདེགས་ཐུབ་པ་ཞིག་ཡིན།

དེ་མིན་བོད་ཀྱི་དཔའ་བོ་དཔའ་མོ་ཚོའི་ལྷད་མེད་ཀྱི་དགོས་འདུན་ཆོས་ལུགས་རྩོད་རྙོག་ཁྲོད་འདྲེན་མཁན་ལ་དོགས་པ་ཆེན་པོ་ཡོད། དེང་སྐབས་དངུལ་དངོས་ཀྱི་དབང་དུ་ཤོར་མཁན་ཉུང་ཉུང་ཞིག་རྩ་བ་ནས་མིན།

མང་པོ་བཤད་ནས་དགོས་པ་མེད། དོན་རྡོག་རྡོག་ཁྲིམས་བཟོ་ལྷན་ཚོགས་ནང་ཆོས་རྒྱུད་ཀྱི་སྤྱི་འཐུས་མེད་ན་ལེགས། ཡོད་ན་བོད་ལ་ཡོད་པའི་ཆོས་རྒྱུད་ཚང་མ་ཐོབ་ཐང་འདྲ་མཉམ་ལོས་དགོས། གོང་དུ་གླེང་པའི་ཆོས་རྒྱུད་ནང་ད་དུང་བོ་དོང་ལུས་བཟག