མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཕྲན་གྱིས་༧གོང་ས་མཆོག་གི་བཀའ་མ་རྟོཊ་པ་རེད་དམ།

བོད་ཀྱི་དུས་བབ།
༢༠༡༢/༠༨/༢༤
Share on FacebookShare on TwitterShare on EmailShare on Whatsapp

མི་ཕམ་ཚངས་ཐིག

ཕྱི་ལོ་ ༢༠༡༡ ལོར་བཙན་བྱོལ་བོད་གཞུང་ཟེར་བའི་ཐ་སྙད་དེ་འཇིག་རྟེན་ལས་ཆོས་ཀྱི་དབྱིངས་སུ་གཤེགས་པ་རེད། རྒྱལ་ཁབ་ ༣༠ ལྷག་ཏུ་འཁྱམས་སྡོད་ངང་ཡོད་པའི་བོད་མི་སེམས་ཤུགས་དང་ལ་རྒྱ་ཅན་མང་ཆེ་བའི་མི་ལོ་ ༦༠ མ་ཟིན་ཙམ་གྱི་རེ་སྨོན་དང་རྨི་ལམ་དེ་ཚེ་ལས་འདས་པའི་ཚོར་སྣང་བྱུང་བ་རེད།

བོད་བསྟན་སྲིད་གཉིས་ཀྱི་ཆེད་དུ་ཚེ་སྲོག་སོང་བ་ཀུན་གྱི་རྣམ་ཤེས་དག་གིས་ངུ་འབོད་བྱས་པའི་ཚོར་གདུང་ཞིག་རང་བཞིན་གྱིས་བྱུང་བ་རེད། ལྷག་བསམ་དང་ལ་རྒྱ་ཡིས་ཕྱུག་པའི་གངས་རིའི་ལྕམ་སྲིང་ཀུན་གྱིས་ཁྲག་དང་མིག་ཆུ་ནི་དྲྭ་རྒྱ་ཁག་མ་གཏོགས་ཕྱི་ས་གཞན་ཞིག་གང་ན་ཡོད།

དེའི་སྐབས་ཀྱི་ཆབ་སྲིད་མི་སྣས་བབ་ཅོལ་དང་ནང་འགལ་གྱི་གསུང་བཤད་མང་དུ་གནང་ཡང་། ཉོག་རིང་བསྐྱར་ཟློས་ཟད་མེད་ཀྱི་ལབ་བརྡོལ་ནི་ལོ་ངོ་ཕྱེད་གཉིས་རིང་མ་རྫོགས་པར་བཤད་ཀྱང་དོན་འབབ་ས་ཞིག་མེད་པ་གཟུར་གནས་བློ་ལྡན་ཀུན་གྱིས་ཤེས་གསལ་རེད།

དུས་དང་ནུས་པ་ཆུད་ཟོས་ཀྱི་ཉོག་གཏམ་དེ་རེ་ཞིག་རྫོགས་ནས་ཉན་མཁན་རྣམས་ལོ་ངོ་ཕྱེད་ཙམ་རིང་ཁོ་ཆད་རྣ་འཇམ་དུ་བསྡད་ཡོད་པ་འདྲ། ངོ་མཚར་དགོས་པ་ཞིག་ནི། ཉེ་ཆར་ལ་དྭགས་དང་ཨེ་ཊ་ལིའུ་སོགས་ནས་རང་ཅག་བོད་མིའི་༧སྐྱབས་མགོན་རྒྱལ་དབང་མཆོག་གིས་ཡང་བསྐྱར་དེའི་སྐོར་ལ་གླེང་སློང་ཤུགས་ཆེར་གནང་འདུག་པ་དེར་དགོས་པ་ཆེན་པོ་ཞིག་ཡོད་པར་ཡིད་ཆེས་བྱེད་བཞིན་ཡོད།

འོན་ཀྱང་བླུན་པོ་ཕྲན་ལ་ནི་༧གོང་ས་སྐྱབས་མགོན་ཆེན་པོའི་གསུང་གི་ཟབ་གསང་གིས་ཀྱང་དེ་སྔོན་གྱི་དོན་གནད་དེ་དག་ད་དུང་གསལ་བོར་ཆགས་མ་སོང་། དེའི་ཕྱིར་ཕྲན་གྱིས་འདིར་གཟུར་གནས་བློ་ལྡན་བོད་མི་སུ་ཡིན་རྣམས་ལ་དྲི་བ་སྟབས་བདེ་ཞིག་འདྲི་ཆོག་པར་ཞུ། རང་རེའི་བཙན་བྱོལ་བོད་མི་རྣམས་ཀྱིས་འཛིན་སྐྱོང་བྱེད་བཞིན་པའི་གཞུང་དེའི་མིང་ལ་དབྱིན་ཡིག་གིས་(Government)ཞེས་བཏགས་པ་གཏན་ནས་འདོགས་མི་རུང་བ་དང་། གལ་ཏེ་བཏགས་ན་དཀའ་ངལ་འཕྲད་རྒྱུ་ཡིན་པར་དམ་བཅའ་བ་བདེན་པའི་དབང་དུ་ཐོང་། ཡིན་ཡང་བོད་ཡིག་ཐོག་ཏུ་བཙན་བྱོལ་བོད་གཞུང་ཟེར་བ་དེ་བཞག་ན། དེ་ལ་སུ་ཞིག་གིས་དཀའ་ངལ་སྤྲོད་རྒྱུ་རེད་དམ། གཞུང་ཟེར་བ་དེ་ང་ཚོའི་བོད་པ་རང་སྐད་དུ་མཐའ་གཅིག་ཏུ་རྒྱལ་ཁབ་ཅིག་ལ་གོ་བས་སྒྲུབ་མི་ཐུབ་པ་ཞིག་ཡིན་པ་སུས་ཀྱང་བསྙོན་དུ་མེད་ན། སྐད་ཡིག་གཞན་ཞིག་གིས་དེ་རྒྱལ་ཁབ་ཅིག་གི་དོན་དུ་སྒྲུབ་ནས་དཀའ་ངལ་སྤྲོད་ཐུབ་པ་ཞིག་ནི་མི་སྲིད་པ་ཞིག་མ་རེད་དམ། གལ་ཏེ་ཐུབ་པར་འདོད་མཁན་ཡོད་ན་ཕྲན་དང་ཕྲན་འདྲ་བའི་བླུན་པོ་ཀུན་ལ་གསལ་བཤད་ཅིག་གནང་རོགས་ཞུ།

ཕྱི་ལོ་ ༢༠༡༡ ལོའི་སྐུའི་འཁྲུངས་སྐར་ཉིན། ཨ་རིའི་རྒྱལ་ས་ཝ་ཤུན་ཀྲོན་དུ། ༸གོང་ས་མཆོག་སྐུ་ཉིད་ཀྱིས། “དེ་ག་ནང་བཞིན་དུ་ང་ཚོས་དེར་བཙན་བྱོལ་གཞུང་བྱས་ནས། བོད་སྐད་ནང་ལ་གཞུང་ཟེར་བ་ཁོ་དག་དག་འགྲོ་གི་ཡོད་རེད། ང་ཚོས་བླ་བྲང་གཞུང་ཟེར་ཡ། ཆོས་གཞུང་ཟེར་བ་འདྲ་བོ། མི་ཚང་གཞུང་ཟེར་བ། ང་ཚོས་དེ་འདྲ་ཟེར་གི་རེད་པ། ཚིག་དེ་གོ་བའི་ཐོག་ནས་ང་ཚོ་བོད་གཞུང་ཟེར་བ་དེ་ཡོད་བསྡད་པ་དེ། ད་ཆ་དངོས་གནས་དྲང་གནས་ཀྱིས་དམངས་གཙོ་མི་མང་གིས་འོས་བསྡུ་བྱས་ནས་སླེབས་བསྡད་པའི་གཞུང་དང་མགོ་ཁྲིད་ཞིག་དུ་ཆགས་བསྡད་ཡོད་པ་རེད”  ཞེས་གསུངས་གནང་འདུག་པ་དེ་ཨ་རིའི་བོད་སྐད་བརྙན་འཕྲིན་ཁང་ནས་ཐད་ཀར་རྒྱང་བསྲིངས་བྱས་བ་ད་དུང་དྲྭ་ལམ་ནས་གཟིགས་ན་༸གོང་ས་མཆོག་གིས་བོད་སྐད་དང་བོད་ཡིག་ཐོག་ཏུ་བོད་གཞུང་ཞེས་པ་འདོགས་རུང་བར་གསུང་བའི་གོ་བ་ལེན་སླ་བར་སྙམ། དྲི་བ་མདོར་བསྡུས་ན། བོད་ཡིག་གི་ཐོག་ཏུ་བོད་གཞུང་ཞེས་བརྗོད་མི་རུང་བའི་རྒྱུ་མཚན་ཅི་རེད་དམ།

ཡང་ཕྱི་ལོ་ ༢༠༡༢ ལོ་ཕྱི་ཟླ་ ༦ ཚེས་ ༢༨ ལ་ཡང་བསྐྱར་ཨེའུ་ཁྲི་ལིར་བོད་མི་སེར་སྐྱ་མང་ཚོགས་ལ་བསྩལ་པའི་བཀའ་སློབ་ཏུ། “༼གྷ་ཝར་མན་ཌ༽ (Government)བརྗོད་དུས་དེ་ནི་མིང་ཚིག་ཟུར་གསལ་ཞིག་རེད། ང་ཚོ་བོད་པའི་ཡི་གེའི་ནང་ལ་གཞུང་ཟེར་བ་འདི། དགོན་པ་གཞུང་རྐྱང་དང། བླ་བྲང་གཞུང་རྐྱང་། གཟིམ་ཤག་གཞུང་རྐྱང་ཞེས་བརྗོད་ཀྱི་ཡོད། དཔེར་ན་གཙང་པོ་ལ་ཆ་བཞག་ན་གཙང་པོའི་གཞུང་ཟེར་གྱི་ཡོད། ང་ཚོའི་བོད་སྐད་ནང་གཞུང་ཟེར་བ་འདི་འཇུག་ཡུལ་རྒྱ་ཆེན་པོ་ཞིག་ཡོད། དབྱིན་ཇིའི་སྐད་ནང་“གྷ་ཝར་མན་ཌ་” (Government)བརྗོད་པ་ཡིན་ན་རྡོག་རྡོག་གཅིག་ཆགས་ཡོད། ཤེས་སོང་ངམ” ཞེས་སོགས་གསུངས་འདུག བོད་གཞུང་ཟེར་བ་དེ་ཉིད་མཐའ་གཅིག་ཏུ་(Government )ཟེར་བའི་རྒྱལ་ཁབ་ཅིག་ལ་གོ་བ་རེད་ཅེས་ནི་གསུང་མི་སྲིད་པ་ཞིག་མ་རེད་དམ། དེའི་ཕྱིར་བོད་སྐད་དུ་བོད་གཞུང་ཟེར་བ་དེ་མཐའ་གཅིག་ཏུ་རྒྱལ་ཁབ་ཅིག་ལ་གོ་མི་དགོས་པས། བོད་སྐད་དང་བོད་ཡིག་ཐོག་༼ བཙན་བྱོལ་བོད་གཞུང ༽ཞེས་བཏགས་ན་དྲང་བདེན་གྱི་རིན་ཐང་ལྡན་ལ་དོན་དངོས་ལ་གཞོལ་བ། ཐ་ན་བརྗོད་བདེ་ཞིང་དོན་འདུས་པ། དབྱིན་ཇི་ཐོག་ཏུ་(Council of Tibet in Exile)ཞེས་བཏགས་ན་བོད་གཞུང་ཟེར་བ་བཞིན་དུ་རྒྱལ་ཁབ་དངོས་ཤིག་འགྲེལ་ན་གོ་ཆོག་ལ། ཡང་མཐའ་གཅིག་ཏུ་གོ་མི་དགོས་པར་གཞན་དུ་འགྲེལ་སླ་བས་བོད་མི་ཀུན་གྱི་སྐུ་ཚབ་ལ་ཡང་གོ་ཆོག ད་ལྟའི་དབྱིན་ཇིའི་ཐོག་ཏུ་ཡོད་པའི་མིང་(Central Tibetan Administration)ཟེར་མིང་དེ་ནི་དབྱིན་སྐད་མ་སྐད་པ་ཚོས་ཁྱད་མཚར་དོན་གྱིས་དབུལ་བ་ཞིག་ཏུ་མཐོང་གིན་འདུག་པས། བོད་ལ་བཀྲ་ཤིས་པའི་མ་འོངས་པ་དང་། དོན་འགྲུབ་པའི་བོད་མི་རིགས་ཀྱི་བསྟན་སྲིད་ཅིག་དགོས་ན་རྒྱལ་སྤྱིའི་མིག་ལམ་དུ་ངོ་ཚ་མི་དགོས་པའི་མིང་ཞིག་གི་གཞིར་བཟུང་ནས་དོན་ལེགས་པའི་ཕྱོགས་ལ་གོམ་སྟབས་བསྒྱུར་དགོས་པར་ཡིད་ཆེས་བྱེད་ཀྱི་ཡོད། གནས་སྐབས་སུ་མིང་ལ་མི་ཐུག་པ་འདྲ་ཡང་། མིང་དོན་ལྡན་ཞིག་ནི་མ་འོངས་པའི་ཆབ་སྲིད་དང་མི་རབས་ལ་གལ་གནད་ཤིན་ཏུ་ཆེ།

དྲི་བ་གཞན་གཅིག་ནི། ༧གོང་ས་མཆོག་གིས། “ང་རང་ལོ་བཅུ་དྲུག་སྐབས་སྲིད་སྐྱོང་སྟག་བྲག་རིན་པོ་ཆེའི་སྐུ་མདུན་ནས་ཆབ་སྲིད་ཀྱི་དབང་ཆ་རྩིས་ལེན་ཞུས་པ་ཡིན། ད་ཆ་ལོ་དྲུག་ཅུ་ཕྱིན་པའི་རྗེས་ལ་དམངས་གཙོའི་ཐོག་ནས་འོས་འདེམས་བྱས་ཏེ་ཐོན་པའི་བློ་བཟང་སེངྒེ་ལགས་སྲིད་སྐྱོང་གསར་པ་ཆགས་ཡོད། དམངས་གཙོ་མཚན་ཉིད་ཚང་བའི་ཐོག་ནས་འོས་འདེམས་བྱས་ཏེ་ཐོན་པའི་མགོ་ཁྲིད་སྲིད་སྐྱོང་ལ་དབང་ཆ་རྩིས་འབུལ་ཞུ་བ་འདི་དངོས་གནས་རིང་ནས་སྙིང་དུ་བརྣག་པའི་འདོད་པའི་དོན་ཟེར་བའི་དོན་དག་གཅིག་འདི་ཆགས་ཡོད། ད་ཧ་ཅང་ཡག་པོ་བྱུང་ཞེས་བརྗོད་རྒྱུ་བྱུང་། དེ་འདྲ་ཡིན་དུས་སྲིད་སྐྱོང་ཞེས་བརྗོད་ན་“པོ་ལི་ཀྲི་ཀལ་ལི་ཌར་” (Political Leader)དང་ང་ཚོས་སྲིད་སྐྱོང་ཞེས་བརྗོད་པ་གཉིས་ཏག་ཏག་འགྲོ་གི་འདུག (Prime Minister)བརྗོད་ན་ཚིག་འདི་ཧར་པོ་ཞིག་འདུག” ཅེས་པ་སོགས་ཀྱི་ནང་དོན་གཅིག་མཚུངས་སུ། ༧གོང་ས་མཆོག་གིས་ལོ་གཅིག་གི་སྔོན་ནས་གསུངས་ཡོད་མོད། ད་དུང་ང་ཚོས་བཀའ་བློན་ཁྲི་པ་ཞེས་འབོད་ཀྱིན་ཡོད་པ་འདི་ནི། གོང་ན་རྒྱལ་པོའམ་དཔོན་པོ་ཞིག་མེད་བཞིན་དུ་བཀའ་བློན་འབོད་པའི་གཞི་རྩ་ཅུང་ཙམ་ཡང་མེད་བཞིན་དུ་བཀའ་བློན་འབོད་པ་འདི་སུ་ཞིག་གིས་འཆར་གཞི་དང་། གང་ཞིག་གི་དགོས་གནད་ཡིན་པ་ནི་ཕྲན་ལྟ་བུའི་བླུན་པོ་ཞིག་གིས་རྟོགས་ཤིན་ཏུ་དཀའ་བས་མཁྱེན་ལྡན་བྱམས་བརྩེ་ཅན་ཞིག་གིས་ཕྲན་དང་ཕྲན་ལྟ་བུ་རྣམས་ལ་གསལ་བཤད་རེ་གནང་མཁན་བྱུང་ན་བཀའ་དྲིན་ཤིན་ཏུ་ཆེ།  

བོད་མིའི་སྒྲིག་འཛུགས་ཀྱི་ཆབ་སྲིད་དབུ་ཁྲིད་ཁག་ཅིག་གི་བྱ་སྤྱོད་དང་དམིགས་ཡུལ་དགོས་གནད་རྣམས་ལ་ཕྲན་ནི་མགོ་རྨོངས་ཤིང་དྲི་བ་སྟོང་ཕྲག་གིས་འདེད་པའི་བརྒྱུད་རིམ་ཞིག་རེད། འོན་ཀྱང་ང་ཚོར་དྲི་བ་འདྲི་ཡུལ་ཞིག་ཡོད་པ་ནི་སེམས་མེད་གློག་གི་དྲྭ་རྒྱའི་རླབས་ཕྲེང་ཞིག་ལས་མེད་པས་རེ་ཞིག་འདིར་འཇོག་གོ །

ཕྱི་ལོ་ ༢༠༡༢ ཟླ་ ༨ ཚེས་ ༢༢ ཉིན།

འབྲེལ་ཡོད་གསར་འགྱུར།

རྒྱ་ནག་རྐང་རྩེད་སྤོ་ལོའི་མཐུན་ཚོགས་སྒྲིག་ཁྲིམས་འགན་འཛིན་ཟུར་པར་ལོ་ ༡༠ ཁྲིམས་ཐག་བཅད། དྲ་ལམ་གྱི་པར།
Mobile App

རྒྱ་ནག་རྐང་རྩེད་སྤོ་ལོའི་མཐུན་ཚོགས་ནང་ལྐོག་ཟ་རུལ་སུངས་ཀྱི་གནད་དོན་བསྟུད་མར་བྱུང་།

ཆུ་ཚོད་ ༤ སྔོན་ལ།
Mobile App

དབྱིན་ཡུལ་གྲོས་ཚོགས་འོག་མས་རྒྱ་ནག་ཉིན་རེའི་ཚགས་པར་འགྲེམས་སྤེལ་བཀག་འགོག་གནང་།

ཆུ་ཚོད་ ༥ སྔོན་ལ།
དྲ་ལམ་གྱི་པར།
Mobile App

ཁུང་ཙིའི་སློབ་གླིང་ཁག་སྒོ་རྒྱག་རྒྱུ་ཡིན་པའི་ཉེན་བརྡ་བཏང་།

ཆུ་ཚོད་ ༥ སྔོན་ལ།
Former Pakistan prime minister Imran Khan, gestures as he speaks with Reuters during an interview, in Lahore, Pakistan March 17, 2023. REUTERS/Akhtar Soomro
Mobile App

པཱ་ཀི་སི་ཐན་གྱི་གྲོས་ཚོགས་འཐུས་མི་ཟུར་བ་ ༡༠༨ ལ་ལོ་བཅུ་རེའི་ཁྲིམས་ཐག་བཅད།

༢༠༢༥/༠༨/༠༡
ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་ལོ་ ༡༥ ཡི་ཁྲིམས་ཐག་བཅད་འདུག
Mobile App

ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་མི་ལོ་ ༡༥ ཡི་ཁྲིམས་ཐག་བཅད་འདུག

༢༠༢༥/༠༨/༠༡
Mobile App

ལོ་ངོ་ ༡༢༧ རྗེས་ནས་སངས་རྒྱས་ཀྱི་རིག་དངོས་ཕྱིར་སློག་བྱས།

༢༠༢༥/༠༧/༣༡

མཆན། 19

  1. བདེན་རྔ་། says:
    ལོ་ 13 སྔོན།

    ཚེ་རིང་རྡོ་རྗེ་ལགས།
    ཁྱེད་ཀྱིས་༧གོང་ས་མཆོག་གི་དགོངས་དོན་རྟོགས་ཡོད་མདོག་དང་། དད་པ་ཆེ་མདོག མ་ཟད་གཞན་དག་གིས་ཁྲེལ་མེད་ཀྱི་བྱ་བ་བྱེད་ཀྱི་ཡོད་མདོག་བཤད་འདུག་མོད། དོན་དངོས་ལ་སུ་ཡིས་བྱ་ངན་བྱས་པ་རེད། དྲྭ་མིང་ནས་སྨོས་ལ་ཤོད་དང་ལྟ་ཆོག ཁྱེད་ཀྱིས་ལན་རྒྱབ་ཤེས་ན་མི་ཕམ་ཚང་ཐིག་གིས་དྲི་བ་དྲིས་པ་ཁག་ལ་ལན་རྡོག་རྡོག་ཁ་གསལ་ཞིག་གནང་རོགས་ཞུ།

    Reply
  2. ཚེ་རིང་རྡོ་རྗེ says:
    ལོ་ 13 སྔོན།

    ༧རྒྱལ་བ་རིན་པོ་ཆེ། གུས་པའི་ཆོས་སྲིད་ཀྱི་དབུ་ཁྲིད། མངོན་སུམ་ཚད་མའི་གྲུབ་པའི་འཕགས་མཆོག ལོས་རྒྱུས་ཀྱི་འགག་རྩ་ནས་བཞེངས་པའི་དཔའ་བོ། རྒྱ་དཀར་ནག་གི་ཆབ་སྲིད་ཀྱི་གཡོ་སྒྱུའི་འོག་ཏུ་ཁྱེད་ཀྱིས་བདེན་དོན་མང་པོ་ཞིག་ཡོངས་གྲགས་གནང་མ་བདེ་བར་མ་གསང་རང་གསང་བྱུང་ཡང་། ལོ་ངོ་དྲུག་ཅུར་གཉོར་བའི་ཁྲེལ་འདས་བྱིས་པ་འགའ་ཡིས་ཁྱེད་ལ་རྒོལ་བར་བརྩམས་བྱུང་། དུས་རྒྱུན་ཁྱེད་ཀྱིས་གནས་ལུགས་བརྗོད་ན་བསྲེག་བཅད་བརྡར་གསུམ་གྱི་དཔྱད་པ་དགོས་པའི་མན་ངག་ལན་ཚར་གྲངས་མེད་ཅིག་བསྐྱར་ཡང་། བབ་ཅོལ་དང་ཕྱོགས་ཞེན་ལ་གོམས་པའི་བྱིས་པ་ལང་ཤོར་དག་ནི་ས་ཕུག་ཁ་བྱང་ལྟ་རུ་འཛུལ་བས་བདེན་པའི་ཉི་ཟེར་གྱིས་ནམ་ཡང་མ་ཕན། ད་དུང་ཁྱེད་ཀྱི་རིན་ཐང་ངོ་མ་མི་རྟོགས་པའི་བུ་ཕྲུག་མང་པོ་ཡང་ཁྲེལ་འདས་དག་གི་འཆལ་སྒྲར་འུར་འདྲོགས་ལངས་ན། ཐུགས་ཕམ་གྱི་ཚོར་སྣང་རེ་ལོས་འཁྲུངས།
    ཡིན་ནའང། དཔྱད་པ་གསུམ་གྱིས་འཁྲུལ་མེད་དུ་གྲུབ་པའི་ངེས་དོན་གྱི་༧སྐྱབས་མགོན་ལགས། ལོ་ངོ་དྲུག་ཅུའི་བྱམས་སྐྱོང་ཐོབ་པའི་བུ་ཕྲུག་གྲངས་མེད་ཅིག་ནི་དྲང་བདེན་སྐྱོར་བའི་རྟོགས་པ་སད་ཡོད་པས། ཁྱེད་ནི་སྐུ་གོང་མ་ལྟར་གྱི་དཔའ་བོ་དཔུང་མེད་ཁེར་རྒྱུག་ཅིག་གཏན་ནས་མིན། བདེན་པ་མཐོང་བའི་བུ་ཕྲུག་དག་གིས་ནམ་ཡང་གནས་ལུསག་ཀྱི་མདུན་ནས་མགོ་མི་སྒུར། ༧སྐྱབས་མགོན་ལགས། ཐུགས་ཕམ་མ་གནང་རོགས། ང་ཚོ་ནམ་ཡང་ཁྱེད་ཀྱི་བདེན་པའི་ལམ་སྟོན་གྱི་ཕྱི་བཞིན་འབྲང་གིན་ཡོད།
    ༼ཡིག་ནོར་ཞིག་བྱུང་བ་བཅོས་ནས་བསྐྱར་དུ་བཀོད་པར་དྲ་གྲོགས་ཚོར་དགོངས་དག་ཞུ་༽

    Reply
  3. བདེན་རྔ་། says:
    ལོ་ 13 སྔོན།

    འབྲུག་གྲགས་མ་རེད་ས་འབུ་རེད། །ས་འབུ་གྲགས་པས་ས་ཞིག་འཇིགས། །རྒྱ་མྱུལ་ཟེར་ན་མཐོ་དྲག་འདུག །རྒྱ་ལྡག་ཟེར་ན་འཚམས་ས་རེད། །
    ཟམ་གདོང་གཞུང་བསད་ལག་མར་རེད། །ཁྱེད་རང་དེ་ཡི་རྗས་འཇུག་རེད། །རྒྱ་དམར་འཕོངས་མགོ་ཕྱི་མཁན་རེད། །རང་ཤ་ཁྱི་ལ་སྦྱིན་མཁན་རེད། །

    Reply
  4. འབྲུག་གྲགས་རྒྱལ་པོ། says:
    ལོ་ 13 སྔོན།

    འབྲུག་གྲགས་རྒྱལ་པོའི་བདེན་གཏམ་སྲོང་པོ་ལ། འཇིགས་མེད་སེངྒེས་རྒྱ་དམར་མྱུལ་མ་ཟེར། །ཞོ་ལྟར་ཆགས་པ་ཁྲག་བཞིན་དཀྲུག་པའི་ལས། །རྒྱ་དམར་མྱུལ་མ་མིན་པ་སུ་ཡིས་བྱེད། །

    Reply
  5. མགོན་པོ་བསོད་ནམས། says:
    ལོ་ 13 སྔོན།

    མི་ཕམ་ཚངས་ཐིག་མཆོག་བདེན་གསུང་རྡོ་རྗེའི་ཟེགས་ཕྲེང་ལ་བསམ་ཡོད་དང་གཟུར་གནས་སུ་འདྲ་ཞིག་ཡིནའང་མངོན་པར་རབ་ཏུ་བསྟོད་ངེས། འོན་ཀྱང་ཟམ་གདོང་འགོལ་བོ་བདེན་པ་རླུང་བསྐུར་གྱིས་བོད་བོད་ལུགས་ཟུང་ལ་སྒྲེང་བའི་དར་ནག་དེས་བོད་ཀྱི་ཁ་ལ་ཐལ་བ་བཏབ་ཞིག་ཡིན་པས་ད་སུ་ལའང་ཞུ་ཡུལ་རེ་ས་མེད་པར་ཡིད་ཕམ་གྱི་མཆི་མ་ཁོག་མིད་ནས་ཉི་མ་འགྲོ་ཐབས་དང་། ཐང་མ་སྐམ་བྱས་ནས་ཡོད། དེའང་ང་ཚོས་མགོ་གཏད་ས་དེས་ཀླད་ཕིག་པ་ཞིག་རེད་དོ།།

    Reply
  6. འཇིགས་མེད་སངྒེ་། says:
    ལོ་ 13 སྔོན།

    འབྲུག་གྲགས་རྒྱལ་བོ་མ་རེད་རྒྱ་དམར་གྱི་། །མྱུལ་མ་ཡིན་པས་རྟགས་ཀྱིས་གཡོ་རྒྱུའི་གཏམ། །གྲོས་གྲོས་ལྡན་པ་སུ་ཡིས་ཉན་འཇོག་སྲིད། །བཙན་པའི་བུ་རྒྱུད་ཡིན་ན་དེ་ཉིད་ཤེས།
    དོན་དུ་དགོས་དབང་བྲལ་བར་མིང་བསད་མཁན། །སྔར་ལས་ལྷག་སྒྲུབ་མ་རེད་སྔར་འཇོམས་རེད། ། །གངས་ཅན་མིང་བྱིང་བསད་ནས་བསྒྲིག་འཛུགས་སུ། །བརྒྱུར་བའི་དོན་ལ་བློ་ལྡན་སུ་ཞིག་གུས། །དགོས་མེད་དོན་མེད་ཤེས་པས་ཞེན་པ་ལོག །

    Reply
  7. འབྲུག་གྲགས་རྒྱལ་པོ། says:
    ལོ་ 13 སྔོན།

    དགོས་དབང་མིང་ལ་ཇི་ལྟར་བཏགས་ན་ཡང་། །དགོས་པའི་ལས་དོན་སྔར་ལྷག་སྒྲུབ་བཞིན་མཆིས། །དགོས་པ་མེད་པས་ཚིག་ལ་མ་རྩོད་པར། །དགོས་པའི་བསྟན་སྲིད་ཞབས་ཞུར་འབད་གལ་ཆེ། །

    Reply
  8. གསལ་ལེ་རྒྱལ། says:
    ལོ་ 13 སྔོན།

    དྲ་ཐོག་སྲིད་གཞུང་གི་སྲིད་འཛིན་ལ་ཨ་མཆོད་ཅིག་ཡོང་ས་རེད། ཧ་ཧ་ཧ་ཧ།

    Reply
  9. བཙན་ནག་པས། says:
    ལོ་ 13 སྔོན།

    བདག་དང་ཁྱོད་ལ་མཁོ་བ་རང་ཡུང་རང་བདག་ཡིན།
    བདག་དང་ཁྱེད་ཀྱིས་ནུས་པ་རང་ཁོག་སྟོང་པ་སྒྱོང་ནུས་ཙམ།
    བདག་དང་ཁྱོད་ཀྱི་བསམ་པ་སྐྱིད་ཉལ་རྒྱགས་རྒྱུ་ཁོ་ན་ཡིན།
    བདག་དང་ཁྱོད་ཀྱིས་བྱ་བ་གཞན་སེམས་དཀྲུགས་རྒྱུར་འབད་པ་རེ།
    བདག་དང་ཁྱོད་ཀྱི་མངོན་འདོད་རང་རིགས་བདེ་བའི་ཆེད་དུ་ཕྱོགས་ན་ལེགས།

    Reply
  10. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 13 སྔོན།

    དྲ་གྲོགས་ལགས་ཀྱིས་དེ་རིང་བསྐྱར་དུ་འཁུན་སྒྲ་ཞིག་བསྒྲགས་འདུག གནད་དོན་འདིའི་ཐོག་ཨག་སྐད་རྒྱག་མཁན་དང་ཤོས་དང་མང་ཤོས་ཀྱི་ནང་དུ་ང་ཡང་ཡོད། ང་ཚོས་ཨག་སྐད་བརྒྱབ་ནས་ཕན་ཅང་ཐོགས་ཚོད་མི་འདུག
    ཁྱེད་ཀྱི་ཚིག་ཟུར་ན་དབྱིན་སྐད་ཀྱི་ཚིག་དེ་government in exile ཞེས་པ་འདོགས་འདོད་མོས་གནང་གི་མེད་པ་འདྲ། ང་ལ་དེ་ལ་ཡང་འདོད་པ་མེད། government in exile དང་government གཉིས་ལ་ཁྱད་པར་ལོས་ཡོད། government ཞེས་བོས་ན་སྐྱོན་རེ་འབྱུང་སྲིད་མཐའ་ཙམ་ཡིན་སྲིད་ཀྱང་ government in exile ཞེས་བོས་ན་དེ་འདྲའི་ཉེན་ཁ་ཚ་བོ་ཞིག་ཡོང་དོན་ཡེ་ནས་མེད། ཉེན་ཁ་ཅུང་ཟད་རེ་ཡོད་ན་དེ་ལ་གདོང་ལེན་བྱེད་དགོས། འདི་ལ་གདོང་ལེན་བྱེད་རིན་ཀྱང་ཡོད། ཉེན་ཁ་ཅུང་ཟད་ཙམ་ཡང་མེད་པའི་ཉལ་ས་དྲོན་པོ་ཞིག་ལ་ང་ཚོས་རེ་བ་བྱེད་པ་ནི་རང་ཡུལ་སྟོར་ཟིན་པའི་མི་རིགས་ཤིག་ལ་ཡོང་སྲིད་དམ། འོན་ཀྱང་ད་ནི་ཚར་བ་རེད། ཁ་ཤེད་ཅན་དག་གི་དབང་ཤུགས་ལ་སོང་ནས་གཏན་པོ་ལམ་ཙམ་བཟོས་ཟིན་པ་རེད། ད་དགུལ་དགོས་ན་དེ་ལས་ཤུགས་ཆེ་བ་ཞིག་མེད་ན་སྒུལ་ཐུབ་ཀྱི་མ་རེད།
    ད་ངའི་རེ་བ་གཞན་ཞིག་རྒྱག་གིན་ཡོད། མི་རིང་དེའི་སྐོར་ལ་ཞིབ་ཕྲའི་བསམ་ཚུལ་ཡང་འབུལ་རྩིས་ཡོད། དེ་ནི་སྲིད་གཞུང་གི་ས་གནས་སྤར་རྒྱུ་དེ་ཡིན། དེ་ནི་ས་ཐོག་གི་སྲིད་གཞུང་ལས་དྲ་ཐོག་ལ་འཕོ་རྒྱུ་དེ་ཡིན། དྲ་ཐོག་གི་སྲིད་གཞུང་ཟེར་བ་ཞིག་ཡོང་ཆོག་པར་མཐོང་། གལ་སྲིད་དེ་བྱུང་ན་དེ་དུས་འཆུག་མི་ཉན།

    Reply
  11. འཇིགས་མེད་སངྒེ་། says:
    ལོ་ 13 སྔོན།

    རིག་པ།
    ཁྱེད་ཀྱིས་རྩོམ་ཡིག་འདིའི་བསམ་བློའི་རྒྱབ་ལྗོངས་ལ་རྒྱབ་སྐྱོར་མེད་མོད། རྩོམ་ཡིག་གི་གླེང་གཞིའི་གནད་དོན་དང་། གནད་དོན་གླེང་སློང་གནང་བར་རྒྱབ་སྐྱོར་མཐའ་གཅིག་ཏུ་ཡོད། གསུངས་འདུག་མོད། བསམ་བློའི་རྒྱབ་ལྗོངས་ལ་རྒྱབ་སྐྱོར་མེད་ཞེས་པའི་དོན་ཅི་ཡིན་དང་། རྒྱུ་མཚན་གང་ཡིན་ལ་གསལ་བཤད་ཞིག་གནང་ཐུབ་བམ།

    Reply
  12. བསོད་ནམས་རྒྱ་མཚོ། says:
    ལོ་ 13 སྔོན།

    མི་ཕམ་ཚངས་ཐིག་གིས་གནད་དུ་ཁེས་པའི་གསུངས་པར་་རྒྱབ་སྐྱོར་ལོས་བྱེད། ཡིན་ནའང་འབྲས་བུ་སྨིན་རྒྱུ་ཁ་པོ་རེད།

    Reply
  13. རིག་པ། says:
    ལོ་ 13 སྔོན།

    རྩོམ་ཡིག་འབྲི་སྟངས་དང་ཚིག་སྦྱོར་དེ་འདྲ་ཞིག་རེད།
    ནམ་རྒྱུན་ཆབ་སྲིད་ཐོག་ཐུགས་སྣང་དང་རྩ་དོན་ལ་འགན་འཁྱེར་མཁན་ཞིག་གི་བཟོ་ལྟ་འདུག
    རྩོམ་ཡིག་འདིའི་བསམ་བློའི་རྒྱབ་ལྗོངས་ལ་རྒྱབ་སྐྱོར་མེད་མོད། རྩོམ་ཡིག་གི་གླེང་གཞིའི་གནད་དོན་དང་། གནད་དོན་གླེང་སློང་གནང་བར་རྒྱབ་སྐྱོར་མཐའ་གཅིག་ཏུ་ཡོད།

    Reply
  14. ཀརྨ་རྡོ་རྗེ། says:
    ལོ་ 13 སྔོན།

    Central Tibetan Administration
    དབུས་བོད་མིའི་སྒྲིག་འཛུགས།

    བདེན་པ་ཉིད་རྒྱལ་འགྱུར་ཅིག །

    སྲིད་སྐྱོང་། བློ་བཟང་སེང་གེ།

    Reply
  15. གོང་དཀར་ངག་རྣམ། says:
    ལོ་ 13 སྔོན།

    མི་ཕམ་ཚངས་ཐིག་གིས་བཤད་པར་རྒྱབ་སྐྱོར་ཡོད།
    བོད་གཞུང་དགའ་ལྡན་ཕོ་བྲང་ཕྱིར་བསྡུའི་སྔ་རྗེས་ཀྱི་༸བཀའ་མོལ་མང་པོའི་ནང་ནས་ངེས་དགོས་པའི་གནད་དོན་ཅིག་ནི་དབྱིན་སྐད་དུ་དེ་ལྟར་འབོད་མི་དགོས་པའི་རྒྱུ་མཚན་གསལ་བཤད་དང་།
    རང་རེའི་སྐད་ཡིག་གཞུང་ཞེས་པར་སྐབས་སྟོབས་ཀྱི་གོ་རྒྱུ་མང་པོ་ཡོད་པའི་དངོས་ཡོད་ལ་བལྟས་ན། བོད་སྐད་དུ་བཙན་བྱོལ་བོད་གཞུང་ཞེས་མུ་སྤྱད་ན་མི་འོས་པ་དེ་འདྲ་གང་ཡང་མེད། གྲོས་ཚོགས་ཀྱི་ཚོགས་དུས་རྟག་པར་འདིའི་སྐོར་གླེང་མི་དགོས་པར་ད་ནས་སྔར་བཞིན་སོར་བཞག་གིས་བཀའ་ཤག་གི་ལོ་དུས་རེརེ་མིང་བྱང་རེ་བརྗེ་མི་དགོས་པར་གནང་འོས།
    ཆབ་སྲིད་ཀྱི་དུས་མཚམས་གལ་པོ་ཆེ་འདིའི་ཆ་ཙམ་ལས་དངོས་དོན་ར་མ་འཕྲོད་པའམ། འཕྲོད་ཀྱང་དགོས་དབང་གིས་སྤྱོད་མཁན་མང་པོ་ཞིག་ཡོད་ཀྱང་། ཕྱི་མ་ནི་རང་གི་ཆབ་སྲིད་ཀྱི་ལངས་ཕྱོགས་ཐོག་ནས་ཡིན་གྱི་རེད། དེ་ལ་འདིར་ཤོད་མི་དགོས་པར། གཙོ་བོ་ནི་སྔ་མ་རྣམས་ཀྱི་ཆེད་སྣེ་མོར་་གཏོགས་པ་ཚོས་ཐོག་མར་རང་ཉིད་ཀྱིས་ཤེས་རྟོགས་དང་དེ་ནས་གཞན་ལ་དངོས་དོན་གསལ་བཤད་བྱ་རྒྱུ་ནི་ད་ལྟའི་སྐབས་འདིར་གལ་པོ་ཆེར་མཐོང་།
    དེ་བཞིན་བཀའ་བློན་གྱི་ཚབ་ཏུའང་་སྲིད་སྐྱོང་ཞེས་སྤྱོད་དགོས་པའི་དགེ་མཚན་དང་རྒྱུ་མཚན་མང་པོ་ཞིག་ཉེ་དུས་གསུང་བཤད་དེ་ཚོའི་ནང་ནས་གསལ་རྟོགས་འོང་གི་མི་འདུག་གམ།
    ངས་བལྟས་ན་ད་རེས་སླར་ཡང་གྲོས་ཚོགས་ཀྱིས་མིག་སྔར་ལ་དྭགས་དང་ཨེ་ཌ་ལིར་གནང་བའི་དེའི་སྐོར་གྱི་གསུང་བཤད་དག་སློབ་སྦྱོང་མཐིལ་ཕྱིན་པ་གནང་སྟེ། མ་འོངས་པར་འདིའི་སྐོར་ལ་གྲོས་ཚོགས་ཀྱི་དུས་ཚོད་སྐྱེལ་མི་དགོས་པར་བྱ་དགོས་སྙམ།
    དུས་ཆོག་གི་ཆར་པ་ཞེས་པ་ལྟར་རྩོམ་ཡིག་འདིའང་དུས་ཐོག་གི་གཏམ་དུ་འཁུམས་སོ།།

    Reply
  16. བཙན་སྲས། says:
    ལོ་ 13 སྔོན།

    ཁ་ཤེས་ཀྱིས་མི་ཕམ་ཚངས་ཐིག་ལ་ཁོས་མཚང་རྒོལ་ནང་ལ་བྱེད་ཀྱི་འདུག་ཟེར་ནས་སྡིག་ར་འཐེན་གྱི་འདུག་མོད། དྲང་མོ་བཤད་ན། གདམ་ངག་གི་མཆོག་མཚང་ལ་ཕོག་དགོས་ནི་རེད། གདམ་ངག་གཉེན་ལ་བཤད་དགོས་པ་ལས། དགྲ་ལ་རྒྱབ་བཤད་དགོས་པ་མ་རེད་མོད། ད་ཐང་ཁོང་གིས་ཤུགས་བསྟན་བྱས་འདུག མངོན་པར་བསྟོད་དོ།

    Reply
  17. བདེན་རྔ། says:
    ལོ་ 13 སྔོན།

    ཨོ་་་ཡང་མི་ཕམ་ཚངས་ཐིག་གིས་བདེན་པའི་དྲང་ཐིག་བརྒྱབ་བྱུང་། འདི་ལ་བརྒོལ་ཐུབ་མཁན་མེད་ངེས། འོན་ཀྱང་དོན་མ་གོ་ན་ཚིག་རྩིག་རེ་བཤད་ན་ཐང་ཡ།

    Reply
  18. འཆི་མེད་ལྷ་སྐྱིད། says:
    ལོ་ 13 སྔོན།

    གོང་ས་མཆོག་ལ་གསུང་འདུག་བསམ་ཏེ། རེད་མི་འདུག ཡག་པོ་བྲིས་འདུག གལ་ཆེན་ཞིག་བྲིས་འདུག བཀའ་དྲིན་ཆེ། དངོས་གནས་རེད། ངོས་གནས་ཐུགས་བསམ་བཞེས་འདུག

    Reply
  19. དོན་ལྡན། says:
    ལོ་ 13 སྔོན།

    འདི་ནི་གནད་འགག་ཧ་ཅིང་ཆེན་པོ་ཞིག་རེད། འདི་ལ་དངོས་བསྟན་དང་ཤུགས་བསྟན་མང་དུ་འདུག འདི་ཀུན་གྱིས་བསམ་བློ་གཟབ་གཟབ་ཞིག་བཏང་ན་ལེགས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese