ཁ་སང་གཟའ་ཟླ་བ་ནས་དཔལ་འབྱོར་ལས་ཁུངས་སྤྱི་ཚོཊ་ཡར་རྒྱས་ཐེབས་རྩ་ཁང་གིས། བོད་མིའི་སྒྲིག་འཛུཊ་ཀྱི་བཀའ་བློན་དང་དྲུང་ཆེ་རྣམ་པར། ལས་འཆར་སྒྲིག་སྟངས་དང་སྲིད་བྱུས་གཏན་འབེབས་བྱེད་ཕྱོཊ་སྐོར་གྱི་ཟབ་སྦྱོང་ཞིག་སྤྲད་འདུག
ཟླ་འདིའི་ཕྱི་ཚེས་ ༢༧ དང་ ༢༨ བཅས་ཉིན་གཉིས་རིང་བོད་མིའི་སྒྲིག་འཛུགས་དཔལ་འབྱོར་ལས་ཁུངས་སྤྱི་ཚོགས་ཡར་རྒྱས་ཐེབས་རྩ་ཁང་ (SARD) གི་གོ་སྒྲིག་འོག ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཚོགས་ཁང་དུ། རྒྱ་གར་གྱི་གཙུག་ལག་སློབ་དཔོན་སྐུ་ཞབས་ཧི་ཏེ་ཤི་བྷ་ཊི་མཆོག་ (Prof. Hitesh Bhat) དང་། ལྕམ་སྐུ་བྷ་སི་ཝ་ཏི་ཅཀ་ར་བྷོ་ཊི་ (Ms. Bhaswati Chakrovorty) མཆོག སྐུ་ཞབས་སན་ཇིབ་ཀུ་མཱར་གུ་བྷ་ཊ་ (Mr. Sanjeev Kumar Gupta) མཆོག་བཅས་ཆེད་མཁས་མི་སྣ་གསུམ་གདན་ཞུའི་ཐོག བོད་མིའི་སྒྲིག་འཛུཊ་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གིས་གཙོས་པའི་བཀའ་བློན་རྣམ་པ་དང་། ལྷན་ཁང་ཁག་གི་དྲུང་ཆེ་རྣམ་པར་བོད་མིའི་སྒྲིག་འཛུཊ་ཀྱི་ལས་འཆར་སྒྲིག་སྟངས་དང་། སྲིད་བྱུས་གོ་སྒྲིག་བྱེད་སྟངས་ (Srtategic Development Planning) ཞེས་པའི་བརྗོད་གཞིའི་ཐོག་ཟབ་སྦྱོང་ཞིག་སྤྲད་ཡོད་འདུག
ཁ་སང་ཟབ་སྦྱོང་དབུ་འཛུགས་སྐབས་བཀའ་ཁྲི་བློ་བཟང་སེང་གེ་མཆོག་གིས། འཛིན་སྐྱོང་བཀའ་ཤག་གིས་དེ་སྔོན་ནས་ཟབ་སྦྱོང་འདི་འདྲ་ཞིག་གོ་སྒྲིག་ཞུ་རྒྱུ་གལ་ཆེན་ཡིན་
སྐོར་བཀའ་ཤག་ལྷན་རྒྱས་སྐབས་གོ་བསྡུར་བྱུང་ཡོད་སྐོར་དང་། ཐེངས་འདིའི་ཉིན་གྲངས་གཉིས་རིང་གི་ཟབ་སྦྱོང་ཁྲོད་མཉམ་ཞུཊ་གནང་མཁན་དག་ནི། བོད་མིའི་སྒྲིག་འཛུགས་ཀྱི་ཆེས་མཐོའི་མགོ་ཁྲིད་དང་མི་སྣ་ཁག་ཡིན་སྟབས། ཟབ་སྦྱོང་ལ་དོ་སྣང་བྱས་ཏེ་ཟ་སྦྱོང་ཁྲོད་ཀྱི་སློབ་སྦྱོང་དང་ཉམས་མྱོང་ཁག་མ་འོངས་པའི་ལས་དོན་དངོས་དང་འཆར་གཞིའི་ཐོག་བཀོད་སྤྱོད་བྱ་རྒྱུ་དང་། ཟབ་སྦྱོང་འདི་བརྒྱུད་མ་འོངས་པའི་ལོ་གཅིག་དེ་འདས་པའི་ལོ་གཅིག་ལས་གྲུབ་འབྲས་ལྡན་པ་ཞིག་ཡོང་བའི་རེ་བ་བྱེད་ཀྱི་ཡོད་སྐོར་སོཊ་གསུངས་ཡོད་འདུག
ཐེངས་འདིའི་ཟབ་སྦྱོང་ཐོག་བཀའ་བློན་དང་དྲུང་ཆེ་རྣམ་པར། བོད་མིའི་སྒྲིག་འཛུགས་ཀྱི་ལས་འཆར་སྒྲིག་སྟངས་དང་སྲིད་བྱུས་གོ་སྒྲིག་བྱེད་སྟངས་ཀྱི་བརྗོད་གཞི་གཙོས། མ་འོངས་སྲིད་ཇུས་གསར་པ་ཇུས་འགོད་བྱ་ཕྱོགས་དང་སྤྱི་ཚོགས་དཀའ་ངལ་ཤེས་རྟོཊ་བྱ་རྒྱུ། དཀའ་ངལ་ལ་གདོང་ལེན་དང་དཀའ་ངལ་སེལ་ཐབས། ལས་འཆར་ལག་བསྟར་བྱ་ཕྱོཊ་བཅས་ཀྱི་ཐོག་ཟབ་སྦྱོང་སྤྲད་ཡོད་འདུག
གསར་འགོད་པ། དོན་གོ
མགོ་བཀའ་བློན་དང་མཇུག་བྲན་གཡོག་ཞེས་པའི་མིང་ཚིག་འདི་དུས་རབས་གསར་པའི་ནང་འཚམ་པོ་ཞིག་ཡེ་ནས་མ་རེད། ད་ལྟའི་དུས་འདིར་མི་ཚང་མ་འདྲ་མཉམ་གྱི་སྐད་ཆ་བཤད་དགོས་པའི་དུས་ཚོད་ཅིག་རེད་མ་གཏོགས་བཀས་བཀོད་བརྒྱུད་འཛིན་ལམ་ལུགས་དང་བྲན་གཡོག་ལམ་ལུགས་ཡོངས་སུ་མཇུག་སྒྲིལ་ཚར་བ་རེད།
དེས་ན་གུང་ཁྲན་གྱིས་བཙན་བྱོལ་གཞུང་འདི་སྤྱི་ཚོགས་རྙིང་པ་རོ་ལངས་རྒྱག་རྒྱུ་རེད་ཟེར་བར་ཁ་གཡར་ས་ཆགས་པ་མ་རེད་པས། དགོངས་པ་བཞེས་དང་།
ཡག་པོ་འདུག་ཟབ་སྦྱོང་དེ་འགོ་བཀའ་བློན་ནས་འཇུག་དྲན་གཡོག་པར་དུ་མེད་དུ་མི་རུང་བ་ཞིག་རེད་ལྷག་པར་ཏུ་ད་ལྟའི་བཀའ་བློན་འདི་ལ་མཚོན་ན་ཟབ་སྦྱོང་མཁོ་བ་དང་དེ་དུས་ཚོད་འཇོགས་པོའི་ནང་ནས་སྦྱོང་ཐུབ་པར་བྱེད་དགོས་བ་དང་སྦྱོང་བ་དེ་ཡང་ཆུ་ནང་དུ་རྡོ་འཕེན་པ་ལྟ་བུ་མ་ཡིན་པར་སྐབས་དོན་གྱི་བོད་ནང་གི་གནས་ཚུལ་དངོས་མ་དེ་དག་ལ་ཕན་ཐོག་པ་ཞིག་ཡོང་བ་ལ་འབད་དགོས་བ་དང་མིང་དང་སྙན་ཐོབ་ཐང་ཙམ་གྱིས་ཆེད་དུ་མ་ཡིན་པར་ཤ་ཁྲག་རུས་གསུམ་བོད་བསྟན་པ་ཆབ་སྲིད་ཀྱི་ཆེད་དུ་བཏང་ཐུབ་པའི་དཔའ་རྒོད་དག་གི་དམིགས་འདུན་ལ་ཕན་ཐོག་པ་ཞིག་ཡོང་བ་མཁྱེན་དགོས་་ཚིག་སྙན་མོ་དང་གཏམ་འདྲ་ཆག་མ་ཡིན་པ་མཁྱེན
ལས་སྣེ་ཚོ་ལ་ཟབ་སྦྱོང་ཙམ་གྱིས་ག་ལ་འགྲིག ད་དུང་སློབ་གྲྭ་ལ་བཏང་ནས་སྲིད་དོན་སོགས་ཀྱི་སྐོར་ལ་སློབ་སྦྱོང་གཏིང་ཟབ་ཅིག་བྱ་དགོས་ཚོད་རེད།
ད་དུང་ཡིག་ནོར་གྱི་ཆ་ནས།
སྲིད་བྱུས་གཏན་འབེབས་བྱེད་ཕྱོགས་དེ་་་བྱ་ཕྱོགས་སུ་བཅོས་དགོས།
འཆར་གཞིའི་ཐོག་བཀོད་སྤྱོད་ཅེས་པར་་་་བཀོལ་སྤྱོད།
གོ་སྒྲིག་བྱེད་སྟངས་ཀྱི་བརྗོད་གཞི་གཙོས་་་བརྗོད་གཞིའི་གཙོས་སུ་བཅོས་དགོས་པར་མཐོང་།
བཀའ་བློན་དང་དྲུང་ཆེ་ལ་ཟབ་སྦྱོང་།
བོད་དགེ་ཟབ་སྦྱོང་། འདུག
ད་དུང་།
བླ་མ་དང་སྤྲུལ་སྐུའི་ཟབ་སྦྱོང་།
བླ་སློབ་ལ་ཟབ་སྦྱོང་།
ཆང་ས་ལ་ཟབ་སྦྱོང་།
ཕྱི་རྒྱལ་ལ་འགྲོ་སྟངས་ཟབ་སྦྱོང་སོགས་ཀྱང་འོང་ཉེན་འདུག་གོ །
དེ་བས།
ལས་འཆར་སྒྲིག་སྟངས་སློབ་སྟོན། སྲིད་བྱུས་གཏན་འབེབས་བྱེད་ཕྱོགས་ཀྱི་བགྲོ་གླེང་། བཞུགས་མོལ་ཚོགས་འདུ། ་་་་་ཉམས་མྱོང་སློབ་སྟོན་སོགས་ཀྱི་བེད་སྤྱད་ན་གང་འདྲ་འདུག་གམ།
ཟབ་སྦྱོང་ལ་དོ་སྣང་བྱས་ཏེ་ཟ་སྦྱོང་ཁྲོད་ཀྱི་སློབ་སྦྱོང་དང་ཉམས་མྱོང་ཁག་མ་འོངས་པའི་ལས་དོན་དངོས་དང་འཆར་གཞིའི་ཐོག་བཀོད་སྤྱོད་བྱ་རྒྱུ་དང་།
༅། །ཞེས་པའི་གོང་འཁོད་གསར་འགྱུར་དུམ་བུ་ལས་ཟ་སྦྱོང་ཞེས་ནོར་ཁུལ་གནང་བ་ཨེ་ཡིན། མ་གཞི་ཡག་པོ་བྲིས་འདུག་ཐུགས་རྗེ་ཆེ།
བཙན་བྱོལ་ནང་ཟབ་སྦྱོང་ནད་ཡམ་རྐྱེན་པས་མཐོ་རིམ་མི་སྣའི་བྱུས་འགོད་ཐབས་ལམ་དང་། བཞུགས་མོལ་ཚོགས་འདུ་ཡིན་སྲིད་པ་ལས་དོན་སྙིང་ཚང་མ་ཟབ་སྦྱོང་ཨེ་ཡིན། །
ཟབ་སྦྱོང་དེ་ལམ་ལྷོང་ཡོང་བར་ཤོག