དེ་རིང་རྒྱ་ནག་རྒྱལ་སྲུང་བློན་ཆེན་ལྡི་ལིའི་གནའ་ཤུལ་ཀོ་ཏུའུ་མཱེ་ན་ཞེས་པར་སྐྱོད་ཀྱི་ཡོད་སྟབས། བོད་རང་བཙན་སློབ་ཕྲུག་ཚོགས་པས་སྣེ་འཁྲིད་དེ་ངོ་རྒོལ་ལས་འགུལ་ཤུགས་ཆེན་སྤེལ་འདུག
དེ་རིང་ཞོགས་པའི་ཆུ་ཚོད་ ༨།༣༠ ཐོག ལས་འགུལ་བ་ཚོའི་གཟུགས་པོར་ “བོད་རང་བཙན་ནི་རྒྱ་གར་གྱི་བདེ་འཇགས་ཡིན། གསར་བརྗེ་རྒྱལ་ལོ།”ཞེས་པ་སོགས་བྲིས་ཏེ། ལག་ཏུ་འཕྲེད་དར་དང་ཤོག་བྱང་སྣ་ཚོགས་བཟུང་སྟེ། ད་ལྟའི་བོད་ནང་གི་ཛ་དྲག་གི་གནས་བབ་ཐད་ལ་རྒྱ་གར་གཞུང་གི་རྒྱབ་སྐྱོར་དང་འཛམ་གླིང་ཧྲིལ་པོའི་ཐེ་བྱུས་དགོས་སྐོར་གྱི་སྐད་འབོད་དྲག་པོ་བྱས་ཡོད།
སྐབས་དེར་རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་རྡོ་རྗེ་ཚེ་བརྟན་ལགས་ཀྱིས་ “རྒྱ་གར་ནི་འཛམ་གླིང་ཐོག་མང་གཙོའི་རྒྱལ་ཁབ་ཆེ་ཤོས་ཤིག་དང་ལོ་རྒྱུས་ཐོག་སེམས་དཔའ་ཆེན་པོ་གྷན་ངྷའི་འཚེ་མེད་ཞི་བའི་ལྟ་གྲུབ་དང་མི་བསྟུན་པའི་ལས་འགུལ་བརྒྱུད་ནས་ཐོབ་པའི་ད་ལྟའི་རང་བཙན་གྱི་རྒྱལ་ཁབ་ཞིག་ཡིན་པས། རྒྱ་གར་དམིགས་བསལ་གྱིས་བོད་པའི་འཚེ་མེད་ཞི་བའི་འཐབ་རྩོད་ལས་འགུལ་ལ་རྒྱབ་སྐྱོར་བྱེད་པར་ཀུན་སྤྱོད་རང་བཞིན་གྱི་འགན་འཁྲི་ཡོད”ཅེས་དང་། “ད་ལྟའི་བོད་ནང་གི་ཛ་དྲག་གནས་སྟངས་ཐོག རྒྱ་གར་གཞུང་ཡང་འཛམ་གླིང་གི་སྲིད་གཞུང་ཚང་མ་དང་ལྷན་དུ་ལངས་ཏེ། ཁྱབ་རྒྱ་ཆེ་ལ་ནུས་ཤུགས་ལྡན་པའི་རྒྱལ་སྤྱི་རང་བཞིན་གྱི་དཔུང་སྡེ་ཆེན་པོ་ཞིག་བསྐྲུན་ཏེ་རྒྱ་གཞུང་ལ་གནོན་ཤུགས་སྤྲོད་རྒྱུའི་དུས་ལ་བབ་ཡོད། བོད་ཀྱི་གནད་དོན་ཐག་གཅོད་གཙང་མ་བྱུང་ན། ད་གཟོད་རྒྱ་དཀར་ནག་གཉིས་བར་གྱི་རྩོད་རྙོག་ལའང་རང་བཞིན་གྱི་ལམ་ཁ་གསར་བ་ཞིག་རྙེད་ཐུབ” ཅེས་སོགས་བརྗོད་ཡོད་འདུག
དེ་རིང་གི་ལས་འགུལ་ཁྲོད་དུ་བོད་རང་བཙན་སློབ་ཕྲུག་ཚོགས་པའི་རྒྱ་གར་རྒྱལ་ཡོངས་འགན་འཛིན་རྡོ་རྗེ་ཚེ་བརྟན་ལགས་དང་། བོད་རང་བཙན་སློབ་ཕྲུག་ཚོགས་པའི་རྒྱ་གར་རྒྱལ་ཡོངས་ལས་འགུལ་འགན་འཛིན་བསྟན་འཛིན་འཇིགས་བྲལ་གཉིས་རྒྱ་གར་གྱི་ཉེན་རྟོག་མི་སྣས་བཀག་ཉར་བྱས་ཡོད་འདུག
གཞན། བོད་རང་བཙན་སློབ་ཕྲུག་ཚོགས་པའི་ཚོགས་མི་ཁག་ཅིག་གིས་ད་ལོའི་རྒྱ་གར་རང་བཙན་ཉིན་མོ་ནས་མགོ་འཛུགས་ཀྱིས། རྒྱ་གར་མི་མང་ཚོའི་ཁྲོད་མཚན་རྟགས་བསྡུ་རུབ་ཀྱི་ལས་འགུལ་ཞིག་མགོ་འཛུགས་གནང་ཡོད་ཅིང་། དེ་ནི་ཕྱི་ཟླ་ ༡༠ པའི་ཚེས་ ༢ ཉིན་ཏེ་རྒྱ་གར་གྱི་སེམས་དཔའ་ཆེན་པོ་གྷན་ངྷའི་མཆོག་གི་འཁྲུངས་སྐར་ཉིན་རྒྱ་གར་ཕྱི་སྲིད་བློན་ཆེན་ཨེསི་ཨམ་ཁིར་ཞི་ནཱ་མཆོག་ལ་ཕུལ་ཏེ། ད་ལྟའི་བོད་ནང་གི་ཛ་དྲག་གི་གནས་བབས་ཐོག་ཁ་ཞེ་གཉིས་མེད་ཀྱི་རྒྱབ་སྐྱོར་ཡོང་བའི་འབོད་སྐུལ་ཞུ་རྒྱུ་ཡིན་འདུག
ཀརྨ་རྡོ་རྗེ་ལགས། སྲུང་སྐྱོབ་ལབ་ཀྱི་ཡོད་པ་མ་རེད། གལ་ཏེ་ཁྱེད་ཀྱི་དབྱིན་ཇི་ཤེས་ཀྱི་ཡོད་ན། tibet’s independence ,india’s security ཟེར།
ཏིབབཏ ཀི ཨྰཇཏ། བྷྰརཏ ཀི སུརཀྵཱ ། བོད་ཀྱི་རང་བཙན། རྒྱ་གར་སྲུང་སྐྱོབ།
བོད་ཀྱི་རང་བཙན་ནི། རྒྱ་གར་གྱི་སྲུང་སྐྱོབ་རེད།
བོད་མིའི་འཐབ་རྩོད་ཀྱིས་བོད་ལ་བདེ་འཇགས་བསྐྲུན་དགོས་པ་ལས། རྒྱ་གར་གྱི་བདེ་འཇགས་ནི་གཞན་ཞིག་རེད། ཡང་བཤད་ན། རྒྱ་གར་གྱི་བདེ་འཇགས་ཀྱིས་བོད་མིའི་རང་བཙན་ལ་ཕན་ཅི་གང་ཐོག་གི་མ་རེད། མགོ་རྔ་མ་བརྗེས་ན་ཡག་གི་རེད། མ་ནིང་གི་སྤྱོད་པ་མ་འཁྲབ་ན་ཡག་གི་རེད།
གཉིས་ནས་ལས་འགུལ་འདི་རིགས་རྒྱ་བོད་རྒྱང་ཐག་རིང་དུ་འགྲོ་བྱེད་རེད། ཕན་ནི་ཅི་གང་ཐོག་ག་མ་རེད། བོད་ནང་གི་ཆབ་སྲིད་བཙོན་པ་དང་རིག་གཞུང་བཅས་པར་རྩ་བ་ནས་མི་ཕན་པ་གསལ་བོ་རེད། དེ་སེམས་ལ་འཛིན་རོགས། ལས་འགུལ་ནི་ལས་འགུལ་གྱི་ཆེད་དུ་མིན་ལ། ལས་འགུལ་སྤེལ་བ་ནི་གྲུབ་འབྲས་ཀྱི་ཆེད་དུ་ཡིན།།
ཕྲག་སྟེང་གི་ཁུར་བོ་འཇིགས་སྐྲག་ལ་མ་བསྐུར།།ཁྱིམ་མཁོ་དགུ་འདོད་དགུ་ཏིང་སྙོམས་སུ་བཞག་སྟེ།།ལས་ངལ་རྩོལ་བོད་ཀྱིས་རང་བཙན་ལ་བརྩོན་པའི།།བོད་སྙིང་སྟོབས་ཅན་གྱི་སློབ་ཕྲུག་ཚོགས་པ།།