ཉེ་ཆར་རྒྱ་གཞུང་གིས་ཐེམ་ཆེན་རྫོང་བོང་སྟག་དགོན་པའི་དགེ་འདུན་པ་ ༩ ལ་དུས་བཀག་འདྲ་མིན་གྱི་ཁྲིམས་ཐག་བཅད་འདུག
ད་ལོའི་ཕྱི་ཟླ་ ༢ པའི་ཚེས་ ༡༧ ཉིན་མདོ་སྨད་ཐེམ་ཆེན་རྫོང་བོང་སྟག་དགོན་པའི་གྲྭ་དམ་ཆོས་བཟང་པོ་ལཊ་ཀྱིས། རྒྱ་གཞུང་ལ་ངོ་རྒོལ་ཆེད་རང་ལུས་མེར་བསྲེགས་བཏང་སྟེ་སྐུ་གྲོངས་རྗེས། ཐེམ་ཆེན་རྫོང་ས་གནས་ཉེན་རྟོག་པས་དགོན་པ་དེའི་དོཊ་གཞི་ཡོད་པའི་དགེ་འདུན་པ་ ༢༠ ཙམ་འཛིན་བཟུང་བཙན་ཁྲིད་བྱས་ཡོད་པ་ཟད། བོང་སྟག་དགོན་པའང་དུས་ཡུན་ཟླ་གཅིག་ལྷག་རིང་བཙན་ཚུཊ་ཀྱིས་སྒོ་རྒྱག་ཏུ་བཅུག་ཡོད་འདུག ཉེ་ཆར་རྒྱ་གཞུང་གིས་འཛིན་བཟུང་བྱས་པའི་དགེ་འདུན་པ་ཁག་ཅིག་ཕྱིར་གློད་གྲོལ་བྱས་ཡོད་ཡོད་ཀྱང་། དགོན་པ་དེའི་དགེ་འདུན་པ་གཙོས་བོད་མི་ ༩ ལ་དུས་བཀག་འདྲ་མིན་གྱི་བཙོན་འཇུག་ཁྲིམས་ཐག་བཅད་ཡོད་འདུག
ཐེམ་ཆེན་རྫོང་ས་གནས་ཉེན་རྟོག་པས་ཁྲིམས་ཐག་བཅད་པའི་བོད་མི་དེ་དག་ལས། རང་ལོ་ ༥༡ ཡིན་པའི་གྲྭ་མཁས་གྲུབ་རྒྱ་མཚོ་ལཊ་སུ་ལོ ༡༠ ཁྲིམས་ཐག་དང་། རང་ལོ་ ༤༡ ཡིན་པའི་གྲྭ་སངས་རྒྱས་རྒྱ་མཚོ་ལཊ་སུ་ལོ་ ༩ ། རང་ལོ་ ༤༦ ཡིན་པའི་གྲྭ་དཀོན་མཆོག་རྒྱ་མཚོ་ལུཊ་ལོ་ ༡ དང་ཟླ ༩ ། རང་ལོ་ ༤༢ ཡིན་པའི་གྲྭ་སྐལ་བཟང་བྱང་སེམས་ལཊ་སུ་ལོ་ ༨ ། རང་ལོ་ ༤༠ ཡིན་པའི་གྲྭ་དམ་ཆོས་ཚུལ་ཁྲིམས་ལཊ་སུ་ལོ་ ༢ དང་ཟླ་ ༦ ། རང་ལོ་ ༣༧ ཡིན་པའི་གྲྭ་སྐལ་བཟང་གྲགས་པ་ལཊ་སུ་ལོ་ ༡ ། རང་ལོ་ ༣༡ ཡིན་པའི་གྲྭ་ཤེས་རབ་རྒྱ་མཚོ་ལཊ་སུ་ལོ་ ༡ ཟླ་ ༦ ། རང་ལོ་ ༢༩ ཡིན་པའི་གྲྭ་དར་རྒྱས་རྒྱ་མཚོ་ལཊ་སུ་ལོ་ ༢ ། རང་ལོ་ ༢༣ ཡིན་པའི་གྲྭ་འཇམ་དབྱངས་འོད་ཟེར་ལཊ་སུ་ལོ་ ༣ ། རང་ལོ་ ༤༠ ཡས་མས་ཡིན་པའི་མི་སྐྱ་དམ་ཆོས་ལཊ་སུ་ལོ་ ༢ བཅས་ཀྱི་བཙོན་འཇུག་ཁྲིམས་ཐག་བཅད་ཡོད་འདུག
ད་ཆར་ཐེམ་ཆེན་རྫོང་དྲག་ཆས་ཉེན་རྟོག་དམག་མི་ ༧༠ ཙམ་གྱིས་དགོན་པ་དེར་ཉིན་མཚན་གཉིས་སུ་ལྟ་སྲུང་ནན་མོ་བྱེད་བཞིན་ཡོད་པ་མ་ཟད། རྫོང་སྲིད་གཞུང་གིས་དགོན་པ་དེར་སྒྲིག་གཞི་གསར་པ་ཞིག་བཟོས་ཏེ། རང་ལོ་ ༡༨ མན་གྱི་བོད་མི་སུ་གཅིག་ཀྱང་གྲྭ་པ་བྱེད་མི་ཆོག་པ་དང་། དགོན་པའི་དེའི་ལོ་ ༡༨ མན་གྱི་གྲྭ་པ་རྣམས་བཙན་དབང་གིས་དགོན་པ་ནས་ཕྱིར་ཕུད་དང་། དངོས་དངོས་ཀྱི་བསླུ་བྲིད་བཏང་སྟེ་སྐྱ་སར་འབབ་ཏུ་འཇུག་གི་ཡོད་འདུག
གསར་འགོད་པ། དཔལ་ལྡན།
