ཟླ་འདིའི་ཕྱི་ཚེས་ ༣ ཉིན་
དེའི་ཐད་གསར་འགོད་པས་ཁ་པར་བརྒྱུད་གཞོན་ནུའི་ཟུང་དྲུང་བསྟན་འཛིན་ནོར་བཟང་ལགས་སུ་བཅར་འདྲི་བྱས་པར་ཁོང་གིས། “ ང་ཚོས་དུས་ཚོད་ངེས་མེད་ཀྱི་ཟས་བཅད་ངོ་རྒོལ་གནང་སྟེ་དེ་རིང་བར་ཉིན་གྲངས་ ༢༠ འགྲོ་བཞིན་ཡོད་ཀྱང་། ཉིན་གུང་ཆུ་ཚོད་ ༡༢ ཡས་མས་སུ་ཉེན་རྟོག་པས་སྨན་པ་ཁྲིད་ཡོང་སྟེ་བརྟག་དཔྱད་བྱས་རྗེས། ཚོགས་གཞོན་དོན་འགྲུབ་ལྷ་དར་ལགས་གཟུཊ་པོའིོ་གནས་སྟངས་སྐྱོ་བོ་ཆཊ་ཡོད་པ་དང་། སྤེན་པ་ཚེ་རིང་ལགས་ཁྲག་ཤེད་ ༡༦༠ བརྒལ་ཏེ་ཉེན་ཁའི་གནས་སུ་གྱུར་ཡོད་ཚུལ་བཤད་དེ་མཐའ་མར་ཁོང་གསུམ་ཁྲིད་རྩིས་བྱས་སོང་། སྐབས་དེར་ཁོང་གསུམ་གྱི་འགྲོ་རྒྱུ་མིན་ཞེས་བཤད་ཀྱང་ཆུ་ཚོད་ ༡།༤༠ ཡས་མས་སུ་ཉེན་རྟོགས་པས་བཙན་གྱིས་སྨན་ཁང་དུ་ཁྲིད་སོང་བ་མ་ཟད། ཉེན་རྟོག་པ་ཚོས་ཟས་བཅད་ངོ་རྒོལ་བའི་གུར་དང་འཕྲེད་དར་ཆ་ཚང་འཁྱེར་བྱས་སོང་” ཞེས་དང་།
ཁོང་གིས་མུ་མཐུད་དུ། “ ང་ཚོའི་ངོས་ནས་སྨན་ཁང་ནང་མ་ལྷག་པར་དུ་ཟས་བཅད་ངོ་རྒོལ་མཇུག་སྒྲིལ་གྱི་མིན། སྨན་ཁང་ནང་ལྷག་པ་ཡིན་ན་མཇུག་སྒྲིལ་མིན་གྱི་གནས་ཚུལ་ཁ་ཁ་རེད། གཞོན་ནུ་ལྷན་ཚོགས་ཀྱི་ངོས་ནས་འདས་པའི་ཉིན་གྲངས་ ༢༠ རིང་ཟས་བཅད་ངོ་རྒོལ་བའི་དགོས་འདུན་ཁག་མཉམ་འབྲེལ་རྒྱལ་ཚོཊ་དང་ཡུ་རོབ་གྲོས་ཚོཊ། དེ་བཞིན་རྒྱལ་ཁབ་ ༥༡ ལྷག་ལ་ཡི་གེ་བཏང་བ་དང་། གྲོས་ཚོགས་འཐུས་མི་སོགས་ལ་མཇལ་འཕྲད་བྱས་པ་བརྒྱུད། ད་ལྟ་ཚོགས་བཞིན་པའི་སུད་སི་ཇི་ནེ་ཝར་མཉམ་འབྲེལ་རྒྱལ་ཚོཊ་འགྲོ་བ་མིའི་ཐོབ་ཐང་ཚོགས་པའི་ཚོགས་འདུའི་ནང་བོད་དོན་གླེང་སློང་ཤུཊ་ཆེར་བྱས་ཡོད་འདུག་ལ། ཁ་སང་ཡུ་རོབ་གྲོས་ཚོགས་ཀྱི་མི་སྣ་དང་རྒྱ་ནག་སྲིད་བློན་ཝུན་ཅཱ་པའོ་ཐུག་འཕྲད་སྐབས་བོད་དོན་གླེང་སློང་ཤུཊ་ཆེར་བྱས་འདུག གནས་སྟངས་དེ་དག་ལས་ང་ཚོས་ལས་འགུལ་གྱི་ཤུགས་རྐྱེན་ཞིག་འགྲོ་བཞིན་པ་གསལ་པོ་རེད། མ་འོངས་པར་ང་ཚོའི་ངོས་ནས་ཡུ་རོབ་གྲོས་ཚོགས་དང་། རྒྱལ་ཁབ་ཁག་གི་གནད་ཡོད་མི་སྣར་ཡང་བསྐྱར་ཐུག་འཕྲད་བྱས་ཏེ། བོད་ནང་གི་གནས་སྟངས་དང་ཟས་བཅད་ངོ་རྒོལ་བའི་དགོས་འདུན་ཁག་ཞུ་འཆར་ཡོད། ”ཅེས་བརྗོད་བྱུང་།
ཐེངས་འདིའི་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་གནང་བའི་དུས་ཚོད་ངེས་མེད་ཀྱི་ཟས་བཅད་ལས་འགུལ་གྱི་ཉིན་དང་པོར། རྒྱ་གར་ཉེན་རྟོག་པས་ཟས་བཅད་བ་གསུམ་བཙན་ཁྲིད་བྱས་པའི་གནས་ཚུལ་བྱུང་ཡོད་པ་མ་ཟད། ཟས་བཅད་ངོ་རྒོལ་གྱི་ཉིན་གྲངས་ ༧ འགྲོ་བའི་སྐབས་སུ། ཉེན་རྟོག་པས་ཡིག་ཐོག་ནས་ཟས་བཅད་ངོ་རྒོལ་མཚམས་འཇོག་དགོས་པའི་བརྡ་ལན་སྤྲད་ཡོད་འདུག་ལ། ཉིན་གྲངས་ ༡༧ འགྲོ་བའི་སྐབས་སུ་ཡང་བསྐྱར་སྨན་པ་ཁྲིད་ཡོང་སྟེ། ཟས་བཅད་བའི་གཟུགས་པོའི་གནས་སྟངས་སྐྱོ་བོ་ཆགས་ཡོད་སྟབས། འཕྲལ་ཏུ་མཚམས་འཇོག་བྱ་དགོས་པའི་བརྡ་ལན་སྤྲད་ཡོད་འདུག
ཐོག་མ་མགོ་འཛུགས་ཀྱི་ཉིན་དང་པོ་ནས་དེ་རིང་གི་ཉི་མ་འདི་འདྲ་ཞིག་ཡོད་པ་གསལ་བོར་མཐོང་གི་འདུག
ཐེངས་འདིར་བོད་ཀྱི་གཞོན་ནུ་ལྷན་ཚོགས་ཀྱིས་(བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ)ཞེས་པའི་མཚན་བྱང་དེར་བདག་པོ་རྒྱག་ཐུབ་དང་མི་ཐུབ་གསལ་བོར་མིག་གིས་མཐོང་ཡོད་ཤག་ཡིན།
གངས་ཅན་གཞོན་ནུ་བཙན་པོའི་ཕོ་ཉ་ཡིན།། གངས་ཅན་གཞོན་ནུ་གངས་རིའི་བློ་སྙིང་ཡིན།། གངས་ཅན་གཞོན་ནུ་ཁ་བའི་རླུང་རྟ་ཡིན།། གངས་ཅན་གཞོན་ནུའི་བསམ་དོན་འགྲུབ་པར་ཤོག །
ཁོང་རྣམས་ཀྱི་སྙིང་སྟོབས་ལ་ཡི་རངས་ཞུ། དེ་ཙམ་ལས་ཚིག་སྟོང་ཏག་ཏག་མི་བཤད།
དེ་རིང་གཞོན་ནུའི་ཟས་བཅད་ངོ་རྒོལ་བ་གསུམ་རྒྱ་གར་སྐོར་སྲུང་བས་བཙན་ཁྲིད་བྱས་པ་དེ་ཕལ་ཆེར་རྒྱ་དམར་གྱི་དབང་ཤུགས་ཡིན་རྒྱུ་རེད།
ལས་འགུལ་གྱི་ངོ་བོ་མི་འདྲ་ཡང་།དོན་འབྲས་ནི་བོད་རྩ་དོན་ཁོ་ན་ཡིན་རྒྱུ་རེད་བསམ་པའི་རེ་བ་བརྒྱབ་དང་རྒྱག་བཞིན་ཡོད།སོ་སོའི་ཐད་ནས་ལས་འགུལ་སྤེལ་མི་ཐུབ་ཀྱང་ལྷག་བསམ་དང་སྙིང་སྟོབས་ཅན་གྱིས་དེ་འདྲའི་རླབས་ཆེན་གྱི་ལས་འགུལ་སྤེལ་བ་ལ་རྗེས་སུ་ཡིད་རིང་བྱེད་དགོས་སོ།།
གཞོན་ནུའི་ལས་འགུལ་བ་རྣམས་ལ་གུས་བཏུད་ཞུ འོན་ཀྱང་ལས་འགུལ་གྱི་མཇུག་འབྲས་ཕལ་ཆེར་མང་ཆེ་བས་ཤེས་ཀྱི་ཡོད ད་དུང་གཞན་ཞིག་ཞུ་རྒྱུར རྒྱལ་ཚོགས་ནང་བོད་དོན་གླེང་བྱུང་བ་དེ་ནི་ད་བར་བོད་ནང་གི་དཔའ་བོ་དང་དཔའ་མོ་ཚོས རང་སྲོག་འབེན་དུ་བཙུགས་ནས་དམར་པོའི་༌མེ་ལྕེར་སྒྲོན་པ་ལས་བྱུང་བ་ནི་སུ་ལ་ཡང་འགྲེལ་མི་དགོས དེས་ན་འགྲུབ་འབྲས་ལ་ང་ཡི་ཡིན་དང་ཁོ་ཡི་ཡིན་གྱི་གནད་དོན་གཙོ་བོ་མ་རེད