ཁ་སང་གཟའ་ལྷག་པའི་ཉིན་ཏུར་ཀེའི་དམག་གིས་སེ་རི་ཡའི་དམངས་སྤྱོད་གནམ་གྲུ་ཞིག་གིས་དྲག་མཚོན་སྐྱེལ་འདྲེན་བྱེད་ཀྱི་ཡོད་པའི་དོགས་གཞིའི་འོག་བཀག་འགོག་བྱས་ཡོད།
ཕྱི་ཚེས་ ༡༠ ཉིན་སེ་རི་ཡའི་དམངས་སྤྱོད་གནམ་གྲུ་ཞིག་ར་ཤི་ཡའི་རྒྱལ་ས་ནས་ཕྱིར་འཕུར་ཡོང་སྐབས། ཏུར་ཀེའི་མཁའ་དབྱངས་སུ་འབྱོར་པ་དང་ཏུར་ཀེའི་མཁའ་དམག་གིས་སེ་རི་ཡའི་དམངས་སྤྱོད་གནམ་གྲུ་དེར་དྲག་མཚོན་སྐྱེལ་འདྲེན་བྱེད་ཀྱི་ཡོད་པའི་དོགས་གཞིའི་འོག ཏུར་ཀེའི་རྒྱལ་ས་ཨན་ཀ་རཱ་(Ankara) གནམ་ཐང་དུ་བཙན་གྱིས་མར་འབབ་བཅུག་སྟེ། བཀག་སྐྱིལ་སྔོག་བཤེར་བརྒྱུད་དམག་སྤྱོད་འབྲེལ་མཐུད་འཕྲུལ་ཆས་རིགས་དང་མེ་ཤུགས་འཕུར་མདེལ་ལ་བེད་སྤྱོད་ཅན་གྱི་ཅ་དངོས་ཁག་ཅིག་རྙེན་སོན་བྱུང་པ་རྣམས་བླངས་རྗེས། གནམ་གྲུ་དང་འགྲུལ་བ་རྣམས་བཏང་ཡོད་འདུག
གོང་གི་གནད་དོན་ཐད་ཏུར་ཀེའི་ཕྱི་སྲིད་བློན་ཆེན་གྱིས།སེ་རི་ཡའི་དམངས་སྤྱོད་གནམ་གྲུའི་ནང་དྲག་མཚོན་སྐྱེལ་འདྲེན་བྱེད་ཀྱི་ཡོད་པའི་དོགས་གཞི་ཆེན་པོ་ཡོད་པ་དང་། རྒྱལ་སྤྱིའི་ཁྲིམས་དོན་དང་ས་ཁོངས་བདེ་སྲུང་བཅས་ཀྱི་འགན་འཁྲུའི་འོག་སེ་རི་ཡའི་དྲག་མཚོན་སྐྱེལ་འདྲེན་བྱེད་པའི་གནམ་གྲུ་ཏུར་ཀེའི་མཁའ་དབྱངས་བརྒྱུད་འཕུར་འོང་བྱ་འཇུག་རྒྱུ་མིན་སྐོར་བརྗོད་འདུག
གོང་གི་གནས་ཚུལ་འདིའི་རིགས་ནི། ཉེ་སྔོན་སེ་རི་ཡའི་དམག་དཔུང་གིས་ཏུར་ཀེ་ལ་དྲག་རྒོལ་དམར་གསོད་ཀྱི་དོན་རྐྱེན་བྱུང་རྗེས། ཕྱོགས་གཉིས་བར་དམག་འཁྲུག་གི་ཛ་དྲག་གནས་བབ་ཞིག་ཏུ་གྱུར་དང་འགྱུར་བཞིན་ཡོད་པ་ལས་བྱུང་པ་ཞིག་ཡིན་འདུག
གསར་འགོད་པ། བནྡེ་སྐྱབས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དམག་སྤྱོད་འབྲེལ་མཐུད་འཕྲུལ་ཆས་རིགས་དང་མེ་ཤུགས་འཕུར་མདེལ་ལ་བེད་སྤྱོད་ཅན་གྱི་ཅ་དངོས་ཁག་ཅིག་རྙེན་སོན་བྱུང་པ་ནི་མགོ་ལས་རྨ་ཆེ་བའི་ཞབས་འདྲེན་ཞུས་པ་རེད།