ཉིན་འདི་འགར་༸གོང་ས་མཆོག་གིས་ཨ་རིའི་མངའ་སྡེ་དང་གྲོང་ཁྱེར་ཁག་ཅིག་ནང་ཆོས་ཕྱོཊ་ཀྱི་མཛད་འཕྲིན་སྐྱོང་བཞིན་པ་ལྟར། ཕྱི་ཚེས་ ༡༩ ཉིན་༸གོང་ས་མཆོག་ཨ་རིའི་ཌན་བུ་རིའི་མངའ་སྡེར་རྟེན་གཞི་བྱས་པའི་ནུབ་ཕྱོཊ་ཀེ་ན་ཊི་ཀ་ཊི་གཙུག་ལག་སློབ་གྲྭར་ཆིབས་བསྒྱུར་བསྐྱངས་སྐབས། གཙུག་ལག་སློབ་གྲྭ་དེའི་ངོས་ནས་༸གོང་ས་མཆོག་ལ་མཁས་དབང་གི་ཕྱག་འཁྱེར་(honorary doctorate in liberal humanities) ཞིག་འབུལ་ལམ་ཞུས་ཡོད་ཅིང་། མཛད་སྒོའི་ཐོག་སློབ་གྲྭའི་སློབ་སྤྱི་སྐུ་ཞབས་ཇེམ་སི་ཤུ་མོ་ཊར་(James Schmotter) ལཊ་ཀྱིས། མཁས་པའི་ཕྱག་འཁྱེར་དེ་ནི། ༸གོང་ས་མཆོག་གིས་མི་ཚེ་ཧྲིལ་པོར་འཛམ་གླིང་ཐོག་བྱམས་བརྩེ་དང་འཚེ་མེད་ཞི་བར་གཞི་བཅོལ་ཏེ། འགྲོ་བ་མིའི་རིན་ཐང་གོང་མཐོར་གཏོང་བཞིན་པའི་མཛད་རྗེས་ལ་ངོས་འཛིན་ཞུས་པ་ཞིག་ཡིན་སྐོར་བརྗོད་འདུག་ལ། སྐབས་དེར་བོད་དོན་རྒྱབ་སྐྱོར་བ་གྲཊ་ཅན་སྐུ་ཞབས་རཱེ་ཆཱ་ཌི་གྷར་ལཊ་ཀྱིས་༸གོང་ས་མཆོག་ཚོཊ་ཞུཊ་པ་ཡོངས་ལ་ངོ་སྤྲོད་གནང་འདུག
མཛད་སྒོའི་ཐོག་༸གོང་ས་མཆོག་གིས། ཁོང་གིས་སློབ་སྦྱོང་གང་ཡང་མ་བྱས་པར་གཙུག་ལག་སློབ་གྲྭས་མཁས་པའི་ཕྱག་འཁྱེར་གནང་བར་ཡི་རང་བསྔཊ་བརྗོད་དང་། ༡༩༥༦ ལོར་རྒྱ་གར་ཝ་རཱ་ཎ་སི་ལེཊ་སྦྱར་གཙུག་ལག་སློབ་གྲྭས་ཀྱང་ཁོང་ལ་དེ་ལྟ་བུའི་མཁས་པའི་ཕྱག་འཁྱེར་ཐོག་མ་གནང་ཡོད་སྐོར་ངོ་སྤྲོད་དང་འབྲེལ། མི་སུ་ཞིག་ཡིན་རུང་དངུལ་དང་དཔལ་འབྱོར་ཁོ་ནས་མི་ཚེ་བདེ་སྐྱིད་ཡོང་བར་རེ་བ་རྒྱག་མི་རུང་བ་དང་། ཁོང་གི་ངོ་ཤེས་འབྱོར་ལྡན་ཤེས་ཡོན་ཅན་མང་པོ་ཞིག་ལ་དངོས་པོའི་མཐུན་རྐྱེན་གང་ལེཊ་ཡོད་ཀྱང་སེམས་ནང་ཞི་བདེ་ཐོབ་ཀྱི་མེད་པ་དང་། མི་ཚེ་བདེ་སྐྱིད་ལྡན་པ་ཞིག་ཡོང་བར་དེང་དུས་ཤེས་ཡོན་ལམ་ལུཊ་ནང་བཟང་སྤྱོད་སློབ་སྦྱོང་སྤྲད་དེ་ཤེས་ཡོན་ལམ་ལུཊ་འཐུས་ཚང་དུ་གཏོང་རྒྱུ་གལ་ཆེན་ཡིན་པ། སེམས་ནང་ཞི་བདེ་ཡོད་ཚེ་རང་གི་ཉེ་འཁོར་དུ་གནས་ཚུལ་ཅི་ཞིག་བྱུང་ཡང་། སེམས་སྔར་བཞིན་ཞི་བདེ་བག་ཕེབས་ངང་གནས་ཐུབ་ཀྱི་ཡོད་ཚུལ་དང་། སེམས་ནང་ཞི་བདེ་ཡོང་བར་བློའི་གདེང་ཚོད་དང་སེམས་མ་འཁྲུག་པ་དགོས་རྒྱུ་གནད་འགག་ཆཊ་ཡོད་པ། དེ་ལྟར་མ་བྱུང་ན་ལམ་སེང་རང་ཉིད་ལ་ཡིད་ཆེས་མེད་པ་དང་འཇིཊ་སྣང་སོཊ་སྐྱེས་ཏེ་སེམས་རང་བཞིན་གྱིས་འཁྲུག་འགྲོ་གི་ཡོད་ཅིང་། སེམས་ཞི་བར་གནས་པའི་གཉེན་པོ་མཆོག་ཏུ་གྱུར་བ་ནི། གཞན་གྱི་དོན་དུ་ལྷག་བསམ་རྣམ་དག་གིས་སེམས་ཁུར་བྱ་རྒྱུ་དེ་ཡིན་སྐོར་གསུངས་ཡོད་འདུག
ཉིན་རྒྱབ་༸གོང་ས་མཆོག་ནེའུ་ཡོག་ཧན་ཊར་གཙུག་ལག་སློབ་གྲྭའི་ཀཱ་ཡའེ་འཁྲབ་སྟོན་( Kaye Playhouse) ཚོཊ་ཁང་དུ། མཁས་པའི་བགྲོ་གླེང་ཞིག་ཏུ་ཆིབས་བསྒྱུར་བསྐྱངས་ཡོད་ཅིང་། བགྲོ་གླེང་དེར་སྲིད་དོན་ཚན་རིག་དགེ་རྒན་ཆེན་མོ་མེན་ཞཱ་ (Ming Xia) ལཊ་དང་། སྤྱི་ཚོཊ་ཚན་རིག་དགེ་རྒན་ཆེན་མོ་ཧོ་ཕུང་ཧུང་(Ho Fung Hung) རྣམ་གཉིས་གཙོས་རྒྱ་རིཊ་ཤེས་ཡོན་ཅན་དང་སློབ་ཕྲུག སྒྱུ་རྩལ་པ་སོཊ་ཁྱོན་མི་ ༦༠༠ ལྷག་འཛོམས་ཡོད་འདུག སྐབས་དེར་༸གོང་ས་མཆོག་གིས་རྒྱ་རིཊ་གཙོས་ཚོཊ་ཞུཊ་པ་ཚོར། དེ་སྔ་ཁོང་གིས་ཨ་རིར་གཟིཊ་སྐོར་སྐབས་བོད་མིའི་ཆབ་སྲིད་འགན་དབང་འཁུར་བཞིན་ཡོད་ཀྱང་། ད་ཆར་ཁོང་གིས་བོད་མིའི་ཆབ་སྲིད་མགོ་ཁྲིད་ལས་བགྲེས་ཡོལ་ཞུས་ཡོད་སྟབས། ཆབ་སྲིད་འགན་དབང་གང་ཡང་འཁུར་གྱི་མེད་ཚུལ་ངོ་སྤྲོད་གནང་སྟེ། བོད་རྒྱ་གཉིས་ཁྱིམ་མཚེས་ཡིན་པའི་ཆ་ནས་ལོ་རྒྱུས་ཐོག་སྔ་མོ་ནས་འབྲེལ་བ་ཉེ་པོ་བྱུང་ཡོད་ཅིང་། བོད་མི་ཚོ་ཡར་རྒྱས་འགྲོ་བར་རྒྱ་ནག་མི་དམངས་ཀྱིས་རོཊ་རམ་བྱ་ཐུབ་ཀྱི་ཡོད་པ་དང་། རྒྱ་ནག་མི་དམངས་ལའང་རོཊ་རམ་དགོས་ཀྱི་ཡོད་སྟབས། བོད་ཀྱི་ནང་ཆོས་གསུངས་པའི་དབུ་ཚད་དང་ཕར་ཕྱིན་སོཊ་ནང་པའི་ལྟ་གྲུབ་རྣམ་གཞག་ཞིབ་ཚཊ་པོ་དང་གཏིང་ཟབ་པོའི་རིག་གཞུང་དེས། རྒྱ་རིཊ་ཆོས་གྲོགས་ཚོར་ཕན་ཐོཊ་ཆེན་པོ་ཡོང་ཐུབ་ཀྱི་ཡོད་སྐོར་སོཊ་གསུངས་འདུག
སྐབས་དེར་༸གོང་ས་མཆོག་གིས་གསུངས་དོན། ངོས་རང་འཛམ་གླིང་ནང་མི་ཐེར་འབུམ་བདུན་ཡོད་པའི་ནང་གི་གཅིག་ཡིན། འགྲོ་བ་མི་སུས་ཀྱང་བདེ་སྐྱིད་འདོད་པ་ལས་སྡུག་བསྔལ་འདོད་ཀྱི་མེད། ངོས་ཀྱིས་མི་ཚེ་བདེ་སྐྱིད་འདོད་ཀྱི་ཡོད་པ་བཞིན་ཁྱེད་ཚོས་ཀྱང་གཅིག་མཚུངས་འདོད་ཀྱི་ཡོད། གཞན་གྱི་བདེ་དོན་ལ་ཅི་ཙམ་གྱིས་བསམ་བློ་བཏང་བ་དེ་ཙམ་གྱིས་སོ་སོའི་སེམས་ནང་སྙིང་སྟོབས་འཕེལ་གྱི་ཡོད། ང་ཚོའི་སེམས་ནང་དོཊ་པ་རྣམ་རྟོག་དང་དང་ཕྲག་དོག ཁོང་ཁྲོ། འཇིཊ་སྣང་སོཊ་ཡང་ཡང་ཡོང་གི་ཡོད་ཀྱང་། ང་ཚོས་གང་ཟག་ཕ་རོལ་བ་རང་གི་ཆོས་གྲོཊ་ཡིན་བསམ་པའི་འདུ་ཤེས་རྣལ་མ་ཞིག་བསྐྱེད་ན་སེམས་ནང་སྙིང་སྟོབས་ཆེ་རུ་འགྲོ་གི་ཡོད། གཞན་ལ་ཅི་ཙམ་དྲང་པོ་དང་ཕྱི་གསལ་ནང་གསལ་བྱས་པ་དེའི་ཚོད་ཀྱིས་གཞན་དང་སེམས་ཐག་ཉེ་བ་དང་ཡིད་ཆེས་ཆེ་རུ་འགྲོ་གི་ཡོད་ལ། དེའི་ཐོག་ནས་འཆམ་མཐུན་སྤྱི་ཚོཊ་འཛུཊ་བསྐྲུན་བྱ་ཐུབ་ཀྱི་རེད་ཅེས་གསུངས་འདུག
ཚོཊ་འདུའི་ཐོག་ཚོཊ་ཞུཊ་པ་ཞིག་གིས་རྒྱལ་ཞེན་གྱི་བློ་དེ་ཡག་སྡུག་གང་ཡིན་དྲིས་པར་༸གོང་ས་མཆོག་གིས་བཀའ་ལན་བསྩལ་དོན། དེ་སྔ་རྒྱ་རིཊ་དངོས་ཁམས་རིག་པ་སྨྲ་བ་ཞིག་གིས་སོ་སོའི་ཉམས་ཞིབ་བྱ་སའི་སློབ་ཚན་དེར་ཞེན་ཁོག་མ་སླེབས་པ་ཞིག་དགོས་རྒྱུ་ཧ་ཅང་གལ་ཆེན་པོ་རེད། གལ་སྲིད་དེ་ལྟར་མ་བྱུང་ན་ཕྱོཊ་ལྷུང་གི་བསམ་བློ་སླེབས་རྒྱུའི་ཉེན་ཁ་འདུག ཕྱོཊ་ལྷུང་གི་བསམ་བློ་སླེབས་ན་བློ་གཟུ་བོའི་ཐོག་དངོས་པོའི་གནས་ལུཊ་ལ་དཔྱད་པ་བྱ་རྒྱུ་ཁག་པོ་འདུག་ཅེས་བརྗོད་སོང་། དེའི་སྟབས་ཀྱིས་རྒྱལ་ཞེན་གྱི་བསམ་བློ་དེ་ཡང་ཆཊ་པའི་བློ་ཡིན་སྟབས་ཕྱོཊ་སུ་ལྷུང་བའི་བློ་ལྟ་བུ་ཆཊ་ཡོད། ཕྱོཊ་ལྷུང་ཐོག་ནས་རྒྱལ་ཞེན་གྱི་བསམ་བློའམ་ལྟ་གྲུབ་འདི་ཉེན་ཁ་ཆེན་པོ་ཆཊ་ཡོད་ཅེས་གསུངས་ཡོད།
དེ་བཞིན། སྐབས་དེར་ཧན་ཊར་གཙུག་ལག་སློབ་གྲྭས་ཀྱང་༸གོང་ས་མཆོག་ལ་མཁས་པའི་ཕྱག་འཁྱེར་ཞིག་འབུལ་བཞེས་གནང་ཡོད་ཅིང་། 
མཛད་སྒོའི་སྟེང་༸གོང་ས་མཆོག་གིས་ཕྱག་འཁྱེར་དེས་ཁོང་གིས་ད་བར་འགྲོ་བ་མིའི་བདེ་སྐྱིད་ཆེད་འབད་བརྩོན་བྱས་པར་ངོས་འཛིན་ཐོབ་པ་ཞིག་ཡིན་སྟབས་སེམས་ནང་བློ་སྤོབས་སྤྲད་ཡོད་སྐོར་དང་། ད་དུང་ཡང་མ་འོངས་པའི་མི་ལོ་ ༢༠ ནས་༣༠ ཙམ་གྱི་རིང་ཁོང་གི་ལུས་ངག་ཡིད་གསུམ་འགྲོ་བ་གཞན་དོན་དུ་འབུལ་རྒྱུ་ཡིན་སྐོར་གསུངས་འདུག
ཕྱི་ཚེས་ ༡༩ ཉིན་༸གོང་ས་མཆོག་གིས་ཨ་རིའི་ཀོ་ནེག་ཊིའི་མངའ་སྡེ་གཙུག་ལག་སློབ་གྲྭའི་ཚོཊ་ཁང་དུ། སློབ་གྲྭའི་དགེ་སློབ་དང་གནད་ཡོད་མི་སྣ་བརྒྱ་ཕྲག་མང་པོར། ༼ཆོས་ཉམས་ལེན་གནང་ཕྱོཊ་དང་ལྐོག་ཟ་རུལ་སུངས་ལ་གདོང་ལེན་བྱེད་ཐབས༽སྐོར་བཀའ་སློབ་དང་། ས་གནས་བོད་རིཊ་མང་ཚོཊ་ ༧༠༠ བརྒལ་བར་བོད་དང་རྒྱ་ནག་གི་ད་ལྟའི་གནས་བབ། སྲིད་དབང་རྩིས་སྤྲོད་གནང་ཕྱོཊ། རྒྱལ་སྤྱིའི་ཐོག་གི་བོད་ཀྱི་ཆོས་དང་རིག་གཞུང་གི་རིན་ཐང་བཅས་ངོ་སྤྲོད་གནང་ཡོད་འདུག
དེ་རིང་ཕྱི་ཚེས་ ༢༡ ཉིན་༸གོང་ས་མཆོག་ཨ་རི་ནས་མཁའ་ལམ་བརྒྱུད་ཕྱིར་རྒྱ་གར་དུ་ཆིབས་བསྒྱུར་བསྐྱང་རྒྱུ་ཡིན་པ་དང་། ཟླ་འདིའི་ཕྱི་ཚེས་ ༢༩ ནས་ ༣༡ མུ་མཐུད་དུ་བཞུཊ་སྒར་ཐེག་ཆེན་ཆོས་གླིང་གཙུག་ལག་ཁང་དུ། ཀོ་རི་ཡའི་དད་ལྡན་མང་ཚོཊ་ལ་མགོན་པོ་ཀླུ་སྒྲུབ་ཀྱིས་མཛད་པའི་༼དབུ་མ་རྩ་བ་ཤེས་རབ༽བཀའ་ཁྲིད་གནང་རྒྱུ་ཡིན་འདུག
འགྲོ་བའི་ཉི་མ་མི་ཡི་སྲོག་གི་དབང་བོ།།
བོད་ཀྱི་སྐྱོབ་པ་འཛམ་གླིང་ཞི་བདེའི་དེད་དཔོན།།
བསྐལ་བརྒྱར་སྐུ་ཡི་འོད་དང་གསུང་གི་སྣང་བ།།
མཐའ་མེད་ཀུན་ལ་ཁྱབ་པའི་རེ་སྨོན་ཞུ་འོ།།