བོད་ནང་རང་བསྲེཊ་ངོ་རྒོལ་ཇེ་མང་དུ་འགྲོ་བཞིན་པའི་སྐབས་འདིར། ཧྥ་རན་སིའི་གྲོས་ཚོཊ་འཐུས་མི་ཞིག་གིས་ཡུལ་དེའི་མང་ཚོཊ་ལ་རྒྱ་ནག་གི་ཚོང་ཟོག་ཉོ་ཚོང་ཐད་ངོ་རྒོལ་བྱ་དགོས་པའི་སྐུལ་མ་གནང་འདུག
བོད་ནང་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་ཇེ་མང་དུ་འགྲོ་བཞིན་པའི་སྐབས་དང་བསྟུན། ཉེ་ལམ་ཧྥ་རན་སིའི་གྲོས་ཚོཊ་འོག་མའི་འཐུས་མི་སྐུ་ཞབས་ལིའོ་ནེལ་ལུ་ཁཱ་(Mr. Lionel Luca)ལགས་ཀྱིས། ཡུལ་དེའི་མང་ཚོཊ་ཀྱིས་རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་བྱུས་ལ་ངོ་རྒོལ་དང་། བོད་ནང་མེར་བསྲེཊ་གཏོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་མཚོན་ཆེད། མ་འོངས་པར་ཧྥ་རན་སིའི་མང་ཚོགས་ཀྱིས་རྒྱ་ནག་གིས་བཟོས་པའི་ཚོང་ཟོག་ཉོ་ཚོང་ཐད་ངོ་རྒོལ་བྱ་དགོས་པའི་ནན་སྐུལ་ཞུས་ཡོད་འདུག
གྲོས་ཚོཊ་འཐུས་མི་སྐུ་ཞབས་ལིའོ་ནེལ་ལུ་ཁཱ་ལཊ་ཀྱི་འབོད་སྐུལ་ཞུ་ཡིག་དེའི་ནང་འཁོད་དོན། “ ང་ཚོས་རྒྱ་གཞུང་གིས་བོད་མིའི་ཐོག་ལག་བསྟར་བྱེད་བཞིན་པའི་དམ་དྲག་སྲིད་བྱུས་ལ་ངོ་རྒོལ་རྣམ་འགྱུར་གང་ཡང་མ་བསྟན་པའི་སྟབས་ཀྱིས། དེང་སྐབས་བོད་དེ་འཛམ་གླིང་འདིའི་སྟེང་རྩ་མེད་དུ་འགྲོ་བཞིན་ཡོད་པ་རེད། བོད་མི་ཚོར་རྒྱ་ནག་རྩ་ཁྲིམས་ནང་ཆོས་དད་རང་དབང་དང་རིག་གཞུང་སྲུང་སྐྱོབ་བྱ་རྒྱུའི་ཐོབ་ཐང་ཡོད་པ་རྣམས་རྒྱ་གཞུང་གིས་རྩིས་མེད་རྡོག་རོལ་གཏོང་བཞིན་ཡོད་ཅིང་། གནས་སྟངས་དེའི་རྐྱེན་པས་ ༢༠༠༩ ལོ་ནས་ད་བར་བོད་ནང་དུ་བོད་མི་ ༦༢ཙམ་གྱིས། རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་གནོན་སྲིད་བྱུས་ལ་ཞི་རྒོལ་བྱས་ཡོད་ལ། ལྷག་པར་དུ་ད་ལོའི་ཕྱི་ཟླ་ ༡༠པའི་བདུན་ཕྲག་གཅིག་གི་ནང་བོད་མི་ ༧ ཡིས་རང་ལུས་མེར་བསྲེགས་བཏང་ཡོད།བོད་ཀྱི་གནད་དོན་ཐོག་ད་བར་རྒྱལ་ཁབ་ཁག་གི་སྲིད་གཞུང་སུས་ཀྱང་རྒྱ་གཞུང་གི་བྱ་སྤྱོད་ལ་སྐྱོན་བརྗོད་ཀྱི་རྣམ་འགྱུར་བསྟན་མེད་ལ། ད་ལྟའི་ཆར་ང་ཚོར་གདམ་ག་གཅིག་ལས་མེད་པ་ནི། ཧྥ་རན་སིའི་མང་ཚོགས་ཀྱིས་རྒྱ་ནག་གིས་བཟོས་པའི་ཚོང་ཟོག་ཉོ་ཚོང་བྱ་རྒྱུར་ངོ་རྒོལ་བྱས་ཏེ། རྒྱ་གཞུང་གིས་རྒྱལ་སྤྱིའི་ཁྲིམས་ལུཊ་རྩིས་མེད་གཏོང་བའི་བྱ་སྤྱོད་རྣམས་འགོག་ཆེད་གནོན་ཤུཊ་སྤྲོད་དགོས་པ་རེད། ”ཅེས་འཁོད་ཡོད་འདུག
གསར་འགོད་པ། དཔལ་ལྡན།
