བལ་ཡུལ་སྲིད་བློན་གཞོན་པས་བལ་ཡུལ་ནང་གི་བོད་མི་སྐྱབས་བཅོལ་བ་ཚོས། བལ་ཡུལ་ས་ཁོངས་ནང་ཆབ་སྲིད་ཀྱི་ལས་འགུལ་རིགས་སྤེལ་ཆོག་གི་མེད་སྐོར་བརྗོད་ཡོད་འདུག
ཟླ་འདིའི་ཕྱི་ཚེས་ ༡༧ ནས་ཉིན་གསུམ་རིང་ཨ་རིའི་སྤྱི་ཚོགས་བདེ་འཇགས་དང་དམངས་གཙོ། འགྲོ་བ་མིའི་ཐོབ་ཐང་སྡེ་ཚན་གྱི་དྲུང་གཞོན་ལྕམ་ཨོ་ཊེ་རོ་ (Maria Otero) ལགས་ཉིན་གསུམ་རིང་བལ་ཡུལ་དུ་གཟིགས་སྐོར་གྱིས། བལ་ཡུལ་སྲིད་བློན་དང་སྲིད་བློན་གཞོན་པ་གཉིས་ལ་ཐུག་འཕྲད་བྱས་ཡོད་འདུག
ཕྱི་ཚེས་ ༡༨ ཉིན་ཨོ་ཊེ་རོ་བལ་ཡུལ་སྲིད་བློན་བྷ་བྷུ་རམ་ (Baburam Bhattaraj) དང་། སྲིད་བློན་གཞོན་པ་དང་ཕྱི་སྲིད་བློན་ཆེན་གཅིག་ལྕོགས་ཤཱི་རཱེ་སི་ཐཱ་ (Narayankaji Shrestha) གཉིས་ལ་ཐུག་འཕྲད་བྱས་སྐབས། ཤཱི་རཱེ་སི་ཐཱ་ཡིས་བལ་ཡུལ་གཞུང་གིས་བོད་མི་ཚོར་སྐྱབས་བཅོལ་གྱི་གནས་བབ་སྤྲད་ཡོད་སྟབས། ཁོ་ཚོས་བལ་ཡུལ་གྱི་ས་ཁོངས་ནང་ཆབ་སྲིད་ཀྱི་ལས་འགུལ་རིགས་སྤེལ་ཆོག་གི་མེད་ཚུལ་བརྗོད་ཡོད་འདུག
ལྕམ་ཨོ་ཊེ་རོ་ལགས་ཀྱིས་ཐེངས་འདིའི་བལ་ཡུལ་ནང་གི་གཟིགས་སྐོར་དང་སྟབས་བསྟུན། བལ་ཡུལ་གནས་སྡོད་བོད་རིགས་གཞོན་སྐྱེས་དང་དགེ་རྒན། དེ་བཞིན་བལ་ཡུལ་ནང་གི་འབྲུག་པའི་སྐྱབས་བཅོལ་བ་བཅས་ལ་ཐུག་འཕྲད་བྱ་རྒྱུ་ཡིན་འདུག་ལ། གཞན་ཁོ་མོ་བལ་ཡུལ་གྱི་འགྲོ་བ་མིའི་རང་དབང་རྩོད་ལེན་ཚོགས་པ་ཁག་གི་སྐུ་ཚབ་དང་། རྒྱལ་སྤྱིའི་གནས་སྤོར་ལྟ་རྟོག་ཚོགས་པའི་མི་སྣ་བཅས་ལ་ཐུག་འཕྲད་བྱ་འཆར་ཡོད་འདུག
གསར་འགོད་པ། བནྡེ་སྐྱབས།
བལ་ཡུལ་རྒྱ་མིའི་རྐུབ་གཡོག་
བལ་ཡུལ་དུ་བོད་མིའི་ལས་འགུལ་མ་སྤེལ་ན་བལ་ཡུལ་སྤྲང་བློན་ལ་ཟ་མ་མི་རག་
འགྲིག་ཤག བལ་ཡུལ་སྲིད་བློན་གཞོན་པས་བོད་གཞུང་ལ་རོགས་རམ་ཡག་པོ་བྱས་འདུག
ད་ཡིན་ན་བོད་ཀྱི་སྲིད་སྐྱོང་ཁོང་གི་སེམས་ལྷོད་ལ་བབ་ཡོད་ཤག་རེད།
བལ་གཞུང་ཐུགས་རྗེས་གཟིགས། བལ་ཡུལ་སྐྱབས་བཅོལ་བ་ལ་སྐྱབས་བཅོལ་བའི་ཐོབ་ཐང་ཆ་ཚང་ཡོང་བའི་རེ་བ་ཡོད་ལགས།
བལ་དཔོན་དེ་ཚོར་རྒྱ་དཔོན་ཚོས་སྒོར་མོས་འགྲམ་ལྕག་བྱས་ན་ངར་བ་ལ། ཁ་སྤོབས་ཆེ་བ་ལ།