རྒྱ་གར་ལྷོ་ཕྱོགས་ཁུལ་གྱི་བོད་དོན་ཞུ་གཏུག་ཚོགས་ཆུང་གིས། ཨན་ངྷིར་པིར་ངྷེ་ཤིའི་མངའ་སྡེའི་བློན་ཆེན་གཙོས་གནད་ཡོད་མི་སྣར་ཐུག་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་ཡོད་འདུག
བོད་མི་མང་སྤྱི་འཐུས་ལྷན་ཚོགས་ཀྱི་སྣེ་འཁྲིད་པའི་རྒྱ་གར་ལྷོ་ཕྱོགས་ཁུལ་གྱི་བོད་དོན་ཞུ་གཏུག་ལས་འགུལ་ཚོགས་ཆུང་གི་ཚོགས་མི་སྤྱི་འཐུས་རྒྱ་རི་བུ་ཕྲུག་དང་བུ་མོ་ཚེ་རིང་། ཚེ་རིང་གཡུ་སྒྲོན། བློ་བཟང་ཡེ་ཤེས། འཇིཊ་མེད་འབྱུང་གནས། ཨ་ཀྲུག་ཚེ་བརྟན་ལཊ་བཅས་ཀྱིས། ཀཱ་ཎ་ཊ་ཀའི་མངའ་སྡེའི་ནང་གི་ཞུ་གཏུག་ལས་འགུལ་མཇུག་སྒྲིལ་ཡོད་པ་དང་། ཕྱི་ཚེས་ ༦ ཉིན་ཨན་ངྷིར་པིར་ངྷེ་ཤི་ ( Andra Pradesh) མངའ་སྡེའི་གྲོང་ཁྱེར་ཧེ་ངྷ་བྷ་ངྷིར་འབྱོར་ཏེ། མངའ་སྡེ་ཉེན་རྟོག་དཔོན་ཟུར་པ་ཨ་རྗི་ན་རི་ཊི་མཆོག་གི་ལམ་སྟོན་རྒྱབ་སྐྱོར་འོག ཚེས་ ༧ ཉིན་གྱི་སྔ་དྲོ་སྤྱི་ཁྱབ་བློན་ཆེན་མཆོག་དང་མངའ་སྡེ་གྲོས་ཚོགས་འཐུས་མི་ ༣ བཅས་ལ་མཇལ་འཕྲད་ཀྱིས་བོད་དོན་སྤྱི་དང་བྱེ་བྲག་བོད་ནང་གི་ད་ལྟའི་ཛ་དྲག་གི་གནས་སྟངས་ངོ་སྤྲོད་ཞུས་པར། མངའ་སྡེ་བློན་ཆེན་མཆོག་གིས་སྤྱི་འཐུས་རྣམ་པའི་ཞུས་པའི་གནས་ཚུལ་ཁག་དབུས་གཞུང་ལ་སྙན་སེང་ཞུ་རྒྱུའི་ཁས་ལེན་དང་། དབུས་གཞུང་ལ་འབྲེལ་བ་ཤུགས་ཆེར་གནང་རྒྱུ་གལ་ཆེན་ཡིན་པའི་ལམ་སྟོན་གནང་ཡོད་འདུག་ལ། དེ་བཞིན། མངའ་སྡེའི་ཀང་རི་སི་ཚོགས་པ་དང་བྷེ་རྗེ་པེ་ཚོགས་པའི་ངོས་ནས་ཀྱང་བོད་དོན་རྒྱབ་སྐྱོར་གནང་རྒྱུའི་ཁས་ལེན་གནང་ཡོད་འདུག
ཁ་སང་ཕྱི་ཚེས་ ༨ ཉིན་རྒྱ་གར་དབུས་གཞུང་གི་སྤྱི་འཐུས་པུར་ཤོ་ཏམ་རུབ་པ་ལ་མཆོག་དང་ཀྲི་ཀྲི་པེའི་ཚོགས་པའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་བཅས་ལ་མཇལ་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་ཡོད་པ་མ་ཟད། དེར་ཡོད་གསར་ཁང་འདྲ་མིན་གྱི་གསར་འགོད་པ་ ༢༠ ལྷག་ལ་བོད་དོན་ངོ་སྤྲོད་དང་། བོད་དོན་ཞུ་གཏུག་དང་འབྲེལ་བའི་གནས་ཚུལ་ཐད་གསར་འགོད་གསལ་བསྒྲགས་གནང་ཡོད་འདུག
གསར་འགོད་པ། དོན་གོ
བཀུར་འོས་སྤྱི་འཐུས་རྣམ་པ་ས་གནས་ཁག་ཏུ་བོད་དོན་ཞུ་གཏུགས་ཕ
ེབས་པར་རྗེས་སུ་རང་ཡིད་རང་བསྔགས་བརྗོད་དང་ཡིན་ནའང་དྲ་ལམ་ཁག་ཏུ་གནས་ཚུལ་གཏོང་སྐབས་རྒྱ་གར་གི་གནད་ཡོད་མི་སྣས་གསུངས་པའི་བཀའ་མོལ་རྣམས་ཞིབ་ཕྲ་བཀོད་ཐུབ་ན་དྲ་འབུ་ང་དང་ང་འདྲ་བ་རྣམས་ཕན་ཐོག་ཆེ་ལ་སོ་སོའི་དང་མཚན་སྙན་ཆེད་དུ་གནས་ཚུལ་ཐུང་ཐུང་བཏང་བ་ཡིན་ན་མི་དམངས་ལ་མགོ་སྐོར་བཏང་པ་དངམཚུངས།