བལ་ཡུལ་རྒྱལ་ས་ཀ་ཐ་མན་ཊིར་བཙོན་འཇུག་བྱས་ཡོད་པའི་རྩོམ་པ་པོ་གླིང་ཚ་ཚེ་བརྟན་རྡོ་རྗེ་ཡི་ཨ་མ་ལྡོམ་པོ་སྐྱིད་ལགས་ཀྱིས་དེ་རིང་ཕྱི་ཚེས་ ༡༢ ཉིན་ནས་མགོ་བཙུགས་ཏེ། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ཉེ་འགྲམ་ནས་བཞུཊ་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་བར་བརྐྱངས་ཕྱག་གི་ལས་འགུལ་ཞིག་སྤེལ་རྒྱུ་རེད། གསར་འགོད་པས་ཨ་མ་སྡོམ་པོ་སྐྱིད་ལགས་སུ་བཅར་འདྲི་ཞུས་པར། ལས་འགུལ་དེའི་དམིགས་ཡུལ་གཙོ་བོ་བོད་ཕྱི་ནང་གཉིས་སུ་རང་ལུས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་གདུང་སེམས་མཉམ་སྐྱེད་དང་། རྒྱ་གཞུང་གི་བཙོན་འོག་ཏུ་ཡོད་པའི་བོད་མི་ཆབ་སྲིད་བཙོན་པ་རྣམས་ཀློད་གྲོལ་ཡོང་རྒྱུ། དེ་བཞིན་བུ་ཚེ་བརྟན་རྡོ་རྗེ་ལགས་ཀྱི་ཞི་བའི་འཐབ་རྩོད་ཀྱི་དགོས་འདུན་དོན་ཚན་ལྔ་མུ་མཐུད་རྒྱུན་འཁྱོངས་ཡོང་ཆེད་སོགས་ཡིན་སྐོར་བརྗོད་བྱུང་།
ཁོང་མོ་ཡིག་རྨོངས་བ་ཞིག་ཡིན་པའི་ཆ་ནས་ཤེས་ཡོན་ཐོག་ལས་འགུལ་ཅི་ཡང་སྤེལ་མི་ཐུབ་སྟབས་བརྐྱངས་ཕྱག་འཚལ་རྒྱུའི་ལས་འགུལ་སྤེལ་ཏེ་མགོ་འཛུགས་གནང་བ་ཡིན་སྐོར་དང་། “ ངེད་ཚང་གི་ལས་འགུལ་སྔ་ཕྱིའི་ནང་མང་ཚོགས་ཁྲོད་མཉམ་ཞུགས་གནང་མཁན་རེ་ཟུང་བྱུང་ན་བསམ་ཡང་། ད་བར་ལས་འགུལ་ཐོག་རོགས་རམ་གནང་མཁན་རེ་ཟུང་མ་གཏོགས་ལས་འགུལ་ནང་མཉམ་ཞུགས་བྱེད་མཁན་བྱུང་མ་སོང་། ད་རེབ་ཀྱང་ཕལ་ཆེར་མཉམ་ཞུགས་བྱེད་མཁན་ཡོང་མདོག་ཁ་བོ་མ་རེད་དེ། ངྷ་རམ་ས་ལའི་འབྲེལ་བ་ལས་ཁུངས་ཀྱི་ལས་བྱེད་གཉིས་ཀྱིས་དང་བླང་ཐོག་རོགས་པ་གནང་གི་ཡིན་གསུངས་བྱུང”ཞེས་བརྗོད་བྱུང་།
ཨ་མ་ལྡོམ་པོ་སྐྱིད་ལགས་ཀྱིས་བརྗོད་པ་ལྟར་ན། ལོ་སྔོན་མའི་ཕྱི་ཟླ་ ༡༠ ཙམ་ནས་ཚེ་བརྟན་རྡོ་རྗེ་ལཊ་ཀྱིས་བལ་ཡུལ་བཙོན་ཁང་དུ་ཞི་བའི་ངག་བཅད་གནང་བཞིན་ཡོད་པ་དང་། བལ་ཡུལ་ནས་ཡོང་མཁན་ཚོས་བརྗོད་པ་ལྟར་ན་ཚེ་བརྟན་རྡོ་རྗེ་ལགས་ཀྱི་འཚོ་བ་སྐྱོ་བོ་ཡིན་པ་དང་། གཟུགས་གཞི་དེ་ཙམ་བདེ་ཐང་མིན་པ་བཅས་ཐོས་ཏེ་ཁོང་ཕ་མ་ལ་སེམས་སྡུག་ཆེན་པོ་བྱུང་ཡོད་པ་མ་ཟད། ཕྱི་ཟླ་ ༡༡ ཚེས་ ༡༤ ཉིན་ཕ་ཚེ་མགོན་ལགས་གློ་བུར་དུ་སྙིང་ནད་འཕར་ཏེ་སྨན་རྩིས་ཁང་དུ་སྡོད་དགོས་བྱུང་ཡོད་པ་དང་། གནད་དོན་དེའི་རྐྱེན་པས་ཕྱི་ཚེས་ ༡༧ ཉིན་ཨ་མ་ལྡོམ་པོ་སྐྱིད་ལགས་ཀྱང་དྲན་པ་ཐོར་ཏེ་བདེ་ལེཊ་སྨན་ཁང་དུ་བསྐྱལ་དགོས་བྱུང་ཡོད་འདུག
ཨ་མ་ལྡོམ་པོ་སྐྱིད་ཚང་གི་འཚོ་བའི་དཀའ་ངལ་ལ་གཞིགས་ཏེ་འབྲེལ་བ་ལས་ཁུངས་ཀྱི་བུད་མེད་ལས་བྱེད་ཅིག་གིས་ངྷ་སྟེང་བོད་ཁྱིམ་སློབ་གྲྭར་སློབ་སྦྱོང་བྱེད་བཞིན་པའི་ཚེ་བརྟན་རྡོ་རྗེའི་གཅུང་མོ་ལྷ་མོ་སྐྱིད་ལཊ་སུ་ཟླ་རེར་ཧིན་སྒོར་ ༥༠༠ རེའི་སློབ་ཡོན་རོཊ་རམ་གནང་བཞིན་ཡོད་ཅིང་། དེའི་ཐད་བུད་མེད་ལས་བྱེད་དེས་བརྗོད་དོན། “ཨ་ནེ་ལྡོམ་པོ་སྐྱིད་སྨན་ཁང་ནས་ཕྱིར་ལོག་རྗེས། ང་རང་ཉིན་ཤས་རིང་ཁོང་གི་ནད་གཡོག་ལ་བསྡད་པ་ཡིན། སྐབས་དེར་ངས་ཁྱིམ་ཚང་དེའི་དཀའ་ངལ་ཚང་མ་ཧ་གོ་ནས་སེམས་པ་ཧ་ཅང་སྐྱོ་སོང་། ལྷག་པར་དུ་ཨ་ནེ་ལྡོམ་པོ་སྐྱིད་ཀྱིས་མ་ཆེན་བྱས་པའི་དངུལ་ཏོག་ཙམ་ཡོད་པ་དེས་ནང་མི་གསུམ་གསོ་རྒྱུ་ལས་སླ་པོ་མ་རེད། དེའི་སྟབས་ཀྱིས་མ་འོངས་པར་ང་རང་འབྲེལ་བ་ལས་ཁུངས་ནས་མ་ཐོན་བར་ཟླ་རེར་སྒོར་མོ་དེ་ཆད་མེད་དུ་སྤྲོད་རྒྱུ་ཡིན། ”ཞེས་བརྗོད།
གསར་འགོད་པ། དཔལ་ལྡན།
གསར་འགོད་པས་ཨ་མ་སྡོམ་པོ་སྐྱིད་ལགས་སུ་བཅར་འདྲི་ཞུས་པར། ལས་འགུལ་དེའི་དམིགས་ཡུལ་གཙོ་བོ་བོད་ཕྱི་ནང་གཉིས་སུ་རང་ལུས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་གདུང་སེམས་མཉམ་སྐྱེད་དང་།
རྒྱ་གཞུང་གི་བཙོན་འོག་ཏུ་ཡོད་པའི་བོད་མི་ཆབ་སྲིད་བཙོན་པ་རྣམས་ཀློད་གྲོལ་ཡོང་རྒྱུ། དེ་བཞིན་བུ་ཚེ་བརྟན་རྡོ་རྗེ་ལགས་ཀྱི་ཞི་བའི་འཐབ་རྩོད་ཀྱི་དགོས་འདུན་དོན་ཚན་ལྔ་མུ་མཐུད་རྒྱུན་འཁྱོངས་ཡོང་ཆེད་སོགས་ཡིན་སྐོར་བརྗོད་བྱུང་། ་་་་་ཟེར།
ངོ་མ་སེམས་པ་སྐྱོ་བོ་ཞིག་བྱུང་སོང་། བོད་གཞུང་ཞིག་དང་གཞུང་འབྲེལ་མ་ཡིན་པའི་ཚོགས་པ་ཞིག་ཡོད་ན། འདི་ལྟ་བུའི་བོད་སྤྱི་དོན་ལ་སྡུག་བསྔལ་མྱོང་བཞིན་ཡོད་པའི་སྐྱོ་བོ་ཉམས་ཐག་ཚོར་རོགས་པ་མི་བྱེད་ན། གཞུང་དང་ཚོགས་པ་སོགས་ཀྱིས་ག་རེ་བྱེད་དགོས་རེད།
གླིང་ཚའི་ནང་མི་ཚོར་ལ་དེ་འདྲའི་དཀའ་ངལ་ཡོད་པ་དེ་རིང་མ་གཏོགས་ཤེས་མ་སོང་། ངྷ་སྟེང་བོད་ཁྱིམ་སློབ་གྲྭར་སློབ་སྦྱོང་བྱེད་བཞིན་པའི་ཚེ་བརྟན་རྡོ་རྗེའི་གཅུང་མོ་ལྷ་མོ་སྐྱིད་་ཀྱིས་སློབ་ཡོན་སྤྲོད་དགོས་དོན་ག་རེ་ཡིན་ནམ། འོ་ན་སློབ་གྲ་དེ་ནས་སློབ་སྦྱོང་བྱེད་མཁན་ཕྲུ་གུ་ཚོ་མས་སློབ་ཡོན་སྤྲོད་དགོས་ཀྱི་ཡོད་རེད་པེ།
གླིང་ཚ་མ་བུ་གསུམ་ནི་ཁ་ལག་ཡོད་དང་ལྷག་བསམ་རྣམ་དག་ཡིན་པར་ཤེས་དགོས། དེས་ན་ཁོང་མ་སྨད་ཚོས་དཀའ་ངལ་དེ་ཚོ་གཞུང་དང་མི་མང་ཚོས་རོགས་རམ་ངེས་པར་དུ་གནང་དགོས། ཁོང་ཚོའི་ནང་མིའི་བོད་སྤྱི་ཡི་ཆེད་དུ་སྡུག་བསྔལ་མྱོང་བཞིན་ཡོད་པ་ཡང་ངོས་ཟིན་དགོས།།
གླིང་ཚ་ཚང་ལ་སེམས་གཏིང་ནས་གདུང་སེམས་མཉམ་སྐྱེས་ཞུ་རྒྱུ་ཡིན།