ཉེ་ཆར་ཀན་སུའུ་ཞིང་ཆེན་མི་དམངས་འཐུས་མི་ཚོགས་ཆེན་གྱི་ཚོགས་འདུའི་སྟེང་། ཀན་སུའུ་ཞིང་ཆེན་ཀན་ལྷོ་ཁུལ་དམར་ཤོག་དྲུང་ཆེ་ཝུས་ཅན་རོན་གྱིས “ན་ནིང་ཕྱི་ཟླ་ ༩ པའི་བར་ལས་དོན་ཚང་མ་ལམ་ལྷོངས་བྱུང་ཡོད། ཡིན་ནའང་ཕྱི་ཟླ་ ༡༠ ནས་བཟུང་ཕྱི་རྒྱལ་གྱི་ཏཱ་ལའི་རུ་ཚོགས་ཀྱིས་ཐད་ཀར་ནང་འཛུལ་སྐུལ་སློང་འོག་ཀན་ལྷོ་ཁུལ་དུ་རང་སྲེག་དོན་རྐྱེན་ ༢༡ བྱུང་ཡོད་ཅིང་། མི་དམངས་མང་ཚོགས་ཀྱི་རྒྱུན་ལྡན་འཚོ་བ་དང་ཐོན་སྐྱེད་སྒྲིག་ལམ་སོགས་ལ་བར་ཆད་བཏང་ཡོད་པ་དང་། ཀན་སུའུ་ཞིང་ཆེན་ཡོངས་ཀྱི་བརྟན་ལྷིང་གི་གནས་ཚུལ་ཧྲིལ་པོར་ཟང་ཟིང་བཟོས་ཡོད” ཅེས་བརྗོད་འདུག
ཝུས་ཅན་རོན་གྱིས་མུ་མཐུད་དུ་བསྟན་དོན། “རང་སྲེག་གྱོད་དོན་ ༢༡ ཁྲོད་གྱོད་དོན་ ༡༨ རྩད་ཆོད་ཐུབ་ཡོད་ཅིང་། གྱོད་དོན་༥ ཁྲིམས་ཁང་ལ་བསྐྱལ་ཡོད། ད་དུང་མི་ ༡༦ འཛིན་བཟུང་བྱས་ཡོད། མི་དེ་དག་རང་སྲེག་དོན་རྐྱེན་ལ་ཐེ་གཏོགས་དང་རྩ་འཛུགས་བྱས་པའི་དོགས་པ་ཡོད་པ་རེད” ཅེས་བརྗོད་ཡོད་པ། བོད་ཀྱི་སྲིད་བྱུས་ཉམས་ཞིབ་ཁང་གིས་རྒྱ་ཡིག་ནས་བོད་བསྒྱུར་ཞུས་འདུག
གསར་འགོད་པ། དོན་འགྲུབ་བཀྲ་ཤིས།
སྐྱག་མགོ་གཉང་བཏུམ་གྱི་སྐད་ཆ་འདི་ཚོར་ཡིད་ཆེ་མེད་།
བོད་རྒྱའི་ཉམས་པ་རྣམས་ཀྱིས་ཁུངས་ལྡན་དགག་ལན་གནང་རོགས།