བོད་དོན་དམིཊ་བསལ་སྐུ་ཚབ་དགོས་ཟེར།

ཡུ་རོབ་གྲོས་ཚོཊ་ཀྱི་འགྲོ་བ་མིའི་ཐོབ་ཐང་ཚོཊ་པའི་ཚོཊ་གཞོན་ལཊ་ཀྱིས། རྒྱ་གཞུང་གིས་བོད་མིའི་རང་ལུས་མེར་བསྲེཊ་ཀྱི་གདན་དོན་ངོས་ལེན་མ་བྱས་པར་སྐྱོན་བརྗོད་བྱས་འདུག

ཉེ་ལམ་ཡུ་རོབ་མཐུན་ཚོགས་ཀྱི་རྒྱ་ནག་གཞུང་ཚབ་པ་ཝུའུ་ཧཱ་ལུང་གིས། བརྒྱུད་ལམ་ཁག་ཏུ་བོད་ནང་ཆོས་དད་རང་དབང་ཡོད་ཚུལ་དང་། རྒྱ་གཞུང་གིས་ཕྱི་རྒྱལ་ཡུལ་སྐོར་སྤྲོ་འཆམ་པ་བོད་དུ་བསྐྱོད་རྒྱུར་དགའ་བསུ་ཡོད་སྐོར། བོད་ནང་རང་ལུས་མེར་བསྲེཊ་གཏོང་མཁན་དང་ཁོང་ཚོའི་ནང་མིར་རྒྱ་གཞུང་གིས་སེམས་ཁུར་བྱེད་ཀྱི་ཡོད་པ། རང་ལུས་མེར་བསྲེཊ་གནས་ཚུལ་བྱུང་འཕྲལ་བཙན་བྱོལ་བོད་གཞུང་གིས་རྒྱ་གཞུང་ལ་སྐྱོན་བརྗོད་དང་འབྲེལ། རྒྱལ་སྤྱིའི་སྲིད་གཞུང་ཁག་ལ་ཞུ་གཏུག་གིས་ཡུ་རོབ་མཐུན་ཚོཊ་ཀྱིས་རྒྱ་གཞུང་ལ་སྐྱོན་བརྗོད་བྱེད་དུ་འཇུག་པ་དེར་ངོས་ལེན་མེད་སྐོར་བརྗོད་འདུག

གནད་དོན་དེའི་ཐད་ཡུ་རོབ་གྲོས་ཚོགས་ཀྱི་མང་གཙོ་དང་འགྲོ་བ་མིའི་ཐོབ་ཐང་ཚོཊ་པའི་ཚོཊ་གཞོན་མཆོག་གིས། ཡུ་རོབ་མཐུན་ཚོགས་ཀྱི་རྒྱ་ནག་གཞུང་ཚབ་ཀྱིས་བཤད་པའི་སྐད་ཆ་དེ་དག དངོས་ཡོད་གནས་སྟངས་དང་རྩ་བ་ནས་མཐུན་གྱི་མེད་པའི་སྐྱོན་བརྗོད་དང་། ད་བར་བོད་ནང་བོད་མི་ ༩༩ ཡིས་རང་ལུས་མེར་བསྲེཊ་བཏང་བའི་གནད་དོན་ཐོག་རྒྱ་གཞུང་གིས་བོད་ནང་གདུག་རྩུབ་སྲིད་བྱུས་ལག་བསྟར་བྱེད་བཞིན་པ་ཧ་ཅང་གསལ་པོ་ཡིན་པ། ཡུ་རོབ་གྲོས་ཚོགས་བོད་དོན་མཉམ་འབྲེལ་ལས་ཁུངས་ཀྱིས། རྒྱ་གཞུང་གིས་བོད་མིའི་ཆོས་དང་རིག་གཞུང་རྩ་གཏོར་གཏོང་བཞིན་པའི་དཔང་རྟཊ་ངོ་མ་ལག་སོན་བྱུང་ཡོད་པར་མ་ཟད། ལྷག་པར་དུ་བོད་ནང་འཛིན་བཟུང་བྱས་པའི་བོད་མི་ཆབ་སྲིད་བཙོན་པ་རྣམས་རྒྱ་གཞུང་གིས་དམར་གསོད་བཏང་སྟེ། ཁོང་ཚོའི་གཟུཊ་པོའི་ཆ་ཤས་རྣམས་གཤག་བཅོས་ཆེད་བེད་སྤྱོད་བྱེད་བཞིན་པ་ར་འཕྲོད་བྱུང་ཡོད་ལུཊ་གསལ་བཤད་གནང་ཡོད་འདུག

དེ་བཞིན། སྐབས་དེར་ཚོགས་གཞོན་མཆོག་གིས་ཡུ་རོབ་གྲོས་ཚོགས་ཀྱི་འཐུས་མིས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་གང་མགྱོགས་བོད་ནང་དུ་རྟོག་ཞིབ་ཏུ་བསྐྱོད་དགོས་རྒྱུ་དང་། ཡུ་རོབ་མཐུན་ཚོགས་ངོས་ནས་མ་འོངས་པར་བོད་དོན་ཐོག་དམིཊ་བསལ་སྐུ་ཚབ་ཅིག་བསྐོ་གཞག་དགོས་པའི་འབོད་སྐུལ་ཞུས་འདུག

གསར་འགོད་པ། དཔལ་ལྡན།