མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྤྲུལ་སྐུ་བསྟན་འཛིན་བདེ་ལེཊ་མཆོག་རང་དབང་ལུང་པ་ཞིག་ལ་ལེན་རོཊ།

བོད་ཀྱི་དུས་བབ།
༢༠༡༣/༠༡/༢༧
Share on FacebookShare on TwitterShare on EmailShare on Whatsapp

ཉེ་ལམ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་བ་ཞིག་བཞུགས་སྒར་དབུས་སྣེ་ལེན་ཁང་དུ་འབྱོར་ཏེ། ས་གནས་བོད་མི་ཁྲི་གསུམ་ལྷག་གི་རེ་སྐུལ་རྒྱལ་སྤྱིའི་ཐོག་ཁྱབ་བསྒྲགས་དང་རིན་པོ་ཆེ་ཁོང་བཙོན་གྲོལ་གྱིས་རང་དབང་ལྡན་པའི་རྒྱལ་ཁབ་ཅིག་ཏུ་ལེན་རྒྱུར་རེ་འབོད་ཞུ་བཞིན་ཡོད་འདུག 

            དེང་སྐབས་རྒྱའི་བཙོན་འོག་ཏུ་ཡོད་པའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཞབས་ཞུ་གནང་མྱོང་མཁན་བློ་བཟང་དམ་ཆོས་ལགས་ཉེ་ཆར་རྒྱ་ངྷ་རམ་ས་ལའི་དབུས་སྣེ་ལེན་ཁང་དུ་འབྱོར་ཡོད་པ་ཐོས་འཕྲལ་ཟླ་འདིའི་ཕྱི་ཚེས་ ༡༥ ཉིན་གསར་འགོད་པ་ཁོང་དང་ཐུག་འཕྲད་ཀྱིས། རིན་པོ་ཆེ་མཆོག་རྒྱ་གཞུང་གིས་འཛིན་བཟུང་སྐབས་ཀྱི་གནས་ཚུལ་དང་། ཁོང་གི་ད་ལྟའི་གནས་སྟངས་བཅས་ཀྱི་སྐོར་ལ་བཅར་འདྲི་ཞུས་ཡོད།

            བློ་བཟང་དམ་ཆོས་ལགས་ཀྱིས་བརྗོད་པ་ལྟར་ན། ཕྱི་ལོ་ ༡༩༨༧ ལོར་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་གར་ནས་ཕྱིར་རང་ཡུལ་ཏུ་ལོག་རྗེས། ཁམས་ལི་ཐང་ས་ཆར་༼ཁམས་ནཱ་ལེནྜ་ཐེག་ཆེན་བྱང་ཆུབ་ཆོས་གླིང་༽ དང་༼འཇམ་དབྱངས་ཆོས་འཁོར་གླིང༽། ༼ཐེག་ཆེན་རྣམ་རྒྱལ་གླིང་༽། ༼བཙུན་མའི་དགོན་པ༽། ༼ཐང་ངོ་དགོན༽། ༼བསྡུས་ཚ་དགོན༽། ༼འབུམ་ཚོགས་ཀུན་དགའ་རྭ་བ༽སོགས་དགོན་པ་ ༦ དང་། ས་གནས་ཀྱི་བདག་མེད་རྒན་འཁོགས་ ༢༠ ལྷག་དང་། དྭ་ཕྲུག་དང་ཁྱིམ་ཚང་སྐྱོ་བོའི་བྱིས་པ་ ༨༠ ལྷག ཉག་ཆུ་རྫོང་དགེ་བཤེས་ལུང་པར་བྱིས་པ་ ༢༧༠ ཙམ་བཅས་ལ་རྒན་སྐྱོང་ཁང་དང་བྱིས་གཉོར་ཁང་། ༼ཞི་བདེ་བུ་གསོ་སློབ་གྲྭ༽སོགས་གསར་རྒྱག་གིས་རྒྱ་ནག་གི་སྲིད་ཇུས་དང་མཐུན་པའི་ཐོག་ནས་གཞོན་སྐྱེས་ལ་སློབ་སྦྱོང་དང་རྒན་པར་བལྟ་སྐྱོང་། ཁོར་ཡུག་སྲུང་སྐྱོབ་བཅས་ཀྱི་ཐོག་ཕྱག་ལས་རླབས་ཆེན་གནང་ཡོད་ཀྱང་། ཕྱིས་སུ་རྒྱ་གཞུང་གིས་སྤྲུལ་སྐུ་བསྟན་འཛིན་བདེ་ལེགས་ཀྱིས་བླ་མ་དང་ཆོས་པའི་དར་ཆ་བསྒྲེངས་ཏེ་ཆོག་མཆན་མེད་པར་དགོན་པ་དང་སློབ་གྲྭ་གསར་འཛུགས་བྱས་ཚུལ་གྱི་ཉེས་འཛུགས་འོག་འཛིན་བཟུང་བྱ་འཆར་ཡོད་པ་ཐོས་ཏེ་བྲོས་བྱོལ་གནང་དགོས་བྱུང་ཡོད་འདུག

            ཕྱིས་སུ་ས་གནས་སྲིད་གཞུང་དང་མཉམ་འབྲེལ་ཐོག་སློབ་གྲྭར་བདག་སྐྱོང་བྱེད་དགོས་པའི་བཀོད་ཁྱབ་ལ་རིན་པོ་ཆེ་མཆོག་གིས་ངོས་ལེན་གནང་ཡོད་ཀྱང་། སློབ་གྲྭའི་ནང་རྒྱ་ནག་གི་རྒྱལ་དར་བསྒྲེངས་འཛུགས་དང་སློབ་གྲྭའི་སྒོ་བྱང་མར་གཡུག་པ་སོགས་བྱས་འདུག དེའི་རྗེས་རིན་པོ་ཆེ་མཆོག་གིས་རྒྱ་ནག་གི་རྒྱལ་དར་མར་ཕབ་པ་དང་སྒོ་བྱང་བསྐྱར་དུ་བཞག་པ་གཞུང་གིས་ཤེས་ཏེ། ཁོང་སླར་ཡང་ལོ་ ༡ ལྷག་རིང་ཉག་ཆུ་རྫོང་མགོ་ལོག་སྡེ་བའི་རི་མགོར་བྲོས་ཡིབ་གནང་དགོས་བྱུང་ཡོད་པ་མ་ཟད། རིན་པོ་ཆེ་མཆོག་གི་ཉེ་འབྲེལ་ཚོང་པ་བློ་བཟང་དོན་འགྲུབ་ཁྲིན་ཏུའུ་ཐཱན་ཧྥུ་ཐང་ཆེན་དུ་འབར་རྫས་འཇོག་མཁན་ཡིན་པའི་ཉེས་འཛུགས་འོག ༢༠༠༢ ལོའི་ཟླ་ ༤ པའི་ཚེས་ ༢ ཉིན་ཁྲིན་ཏུའུ་རུ་འཇུ་བཟུང་དང་། ཁོང་ལ་སྐུལ་སློང་བྱེད་མཁན་ཡིན་པའི་ཉེས་མིང་རིན་པོ་ཆེ་མཆོག་ ༢༠༠༢ ལོའི་ཟླ་ ༤ བའི་ཚེས་ ༧ ཉིན་གྱི་མཚན་མོར་སི་ཁྲོན་ཞིང་ཆེན་གྱི་ཉེན་རྟོག་པས་ཉག་ཆུ་འཇམ་དབྱངས་ཆོས་འཁོར་གླིང་དགོན་པའི་ནང་འཛིན་བཟུང་བྱས་ཡོད་འདུག གཞན་སློབ་གྲྭའི་དགེ་རྒན་གྲྭ་བསྟན་པ་རབ་རྒྱས་དང་ཨ་ཁུ་ཆུ་རྡོ་གཉིས་ད་ལྟའི་བར་ལོ་ ༡༠ ལྷག་ཕྱིན་ཡོད་ཀྱང་། གར་ཡོད་ཅི་བྱུང་གི་གནས་ཚུལ་ཤེས་རྟོགས་མེད་པ་ཆགས་ཡོད་པ་མ་ཟད། རྒྱ་གཞུང་གིས་རིན་པོ་ཆེ་མཆོག་གིས་གསར་འཛུགས་གནང་བའི་སྒེར་གཉེར་སློབ་གྲྭ་བཤས་རྭར་བསྒྱུར་བ་དང་། རྒན་སྐྱོང་ཁང་དང་བྱིས་གཉོར་ཁང་སོགས་ཀྱང་སྒོ་རྒྱག་ཏུ་བཅུག་ཡོད་འདུག

            ལོ་གཉིས་ཀྱི་རྗེས་རྒྱ་གཞུང་གིས་དར་རྩེ་མདོ་ཁྲིམས་ཁང་དུ་བློ་བཟང་དོན་འགྲུབ་ཁྲིན་ཏུའུ་རུ་འབར་རྫས་འཇོག་མཁན་དང་། ཁྲིམས་འགལ་ཐོག་མེ་མདའ་བཟུང་ཡོད་ཚུལ་སོགས་དོན་ཚན་ ༣ གྱི་ནག་ཉེས་བཀལ་ཏེ་དམར་གསོད་བཏང་ཡོད་པ་མ་ཟད། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེར་ལོ་གཉིས་རིང་རྣམ་འགྱུར་ལ་བལྟས་རྗེས་ཁྲིམས་ཐག་གཅོད་རྒྱུ་ཡིན་པར་བསྒྲགས་ཡོད་པ་དང་། ཁྲིམས་ར་ཚོགས་པའི་ཉིན་དེར་རིན་པོ་ཆེ་མཆོག་གིས་དཀར་མཛེས་ཁུལ་གྱི་རྫོང་ཁག་ ༡༨ ཀྱི་མི་མང་འཛོམས་སར་ཁོང་འབར་རྫས་གས་གཏོར་དང་འབྲེལ་བ་གཏན་ནས་མེད་པར། དེ་ནི་རྒྱ་གཞུང་གིས་ཁོང་ལ་ཉེས་མེད་ཉེས་འགེལ་བྱས་ཡོད་པ་དང་། གཙོ་བོ་རྒྱ་གཞུང་གིས་ཁོང་ལ་མི་རིགས་ཀྱི་རིག་གཞུང་གོང་འཕེལ་དང་ས་གནས་མི་མང་གི་བདེ་སྡུག་ཆེད་ལས་དོན་བསྒྲུབ་པར་བཀག་འགོག་བྱ་ཆེད་ཁོ་ན་ཡིན་པ། ཁོང་གི་དྲང་བདེན་གྱི་བྱ་བཞག་ལ་ས་གནས་མི་མང་གིས་རྒྱབ་སྐྱོར་བྱས་ཏེ་རྒྱལ་སྤྱིིའི་སྟེང་ཁྱབ་བསྒྲགས་བྱེད་དགོས་པ་བཅས་ཀྱི་བཀའ་སློབ་གནང་ཡོད་པ་མ་ཟད། ཁྲིམས་ཁང་དུ་༸རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག བོད་ལ་རང་དབང་དགོས་ཞེས་སྐད་འབོད་བྱས་སྟབས་རྒྱ་དམག་གིས་རིན་པོ་ཆེ་མཆོག་གི་ཞལ་ལ་རས་བརྫངས་ཏེ་བཙན་འཁྲིད་བྱས་ཡོད་འདུག 

            ལས་བྱེད་ཚོར་རིན་པོ་ཆེ་དང་འབྲེལ་བའི་གནས་ཚུལ་ཕྱིར་བསྒྲགས་བྱས་ཚེ་ལས་གནས་ལས་གནས་དབྱུང་དང་ཁྲིམས་ཐག་གཅོད་རྒྱུའི་ཁྱབ་བསྒྲགས་དང་། ས་གནས་མི་མང་ལའང་དེའི་སྐོར་གྱི་གནས་ཚུལ་བཤད་མི་ཆོག་པའི་བཙན་བཀའ་བཏང་ཡོད་ཀྱང་། ༢༠༠༧ ལོ་ནས་བཟུང་མི་མང་གིས་རིན་པོ་ཆེ་མཆོག་ཀློད་གྲོལ་ཡོང་ཆེད་སྐད་འབོད་དང་རེ་སྐུལ་ཐེངས་མང་ཞུས་ཡོད་པ་དང་། རྒྱ་གཞུང་གིས་སྐབས་དེར་ས་གནས་སྐྱ་སེར་མི་མང་ ༡༠༠ ལྷག་འཛིན་བཟུང་གཅར་རྡུང་བྱས་ཡོད་འདུག ༢༠༠༨ ལོར་ལི་ཐང་རྫོང་དང་ཉག་ཆུ་རྫོང་གི་ཉེན་རྟོག་པ་གློ་བུར་དུ་འབྱོར་ཏེ་རིན་པོ་ཆེ་མཆོག་གི་ཉེ་འབྲེལ་སྒྲོལ་དཀར་ལྷ་མོ་དང་གྲུབ་མཐའ་གཉིས་ཁོང་ལ་ཐུག་འཕྲད་དུ་འགྲོ་དགོས་པ་དང་། རིན་པོ་ཆེར་ཁྲག་ཤེད་དང་སྙིང་རླུང་། རུས་ལྷག་བཅས་ཀྱི་ན་ཚ་ཡོད་ཚུལ་བཤད་ཡོད་ཀྱང་། ཁོང་གཉིས་རིན་པོ་ཆེ་མཆོག་ལ་མཇལ་སྐབས་ན་ཚ་གང་ཡང་མེད་པར་སྐུ་གཟུགས་བདེ་ཐང་ཡིན་པ་མ་ཟད། རིན་པོ་ཆེ་མཆོག་གིས་བཙོན་ཁང་དུ་བསྒྲོན་པའི་སྐུ་པར་ཞིག་དང་སྡེ་མི་ཡོངས་ལ་ཐུགས་འཁུར་གནང་མི་དགོས་པའི་གསུང་ལན་བཅས་གནང་ཡོད་འདུག སྐབས་དེ་ནས་བཟུང་རྒྱ་གཞུང་གིས་ཁོང་གཉིས་ལོ་རེར་ཐེངས་གཅིག་རེ་ཐུག་ཆོག་པའི་བཀའ་འཁྲོལ་རག་ཡོད་ཀྱང་།  ༢༠༡༡ ལོར་ཐུག་འཕྲད་སྐབས་རིན་པོ་ཆེ་མཆོག་གིས་ཡི་གེ་ཞིག་བསྐུར་ཡོད་ཀྱང་། ཉེན་རྟོག་པས་ཞིབ་འཇུག་བྱས་རྗེས་སྤྲོད་རྒྱུ་ཡིན་ཚུལ་བཤད་དེ་འཕྲོགས་ཡོད་འདུག

            མཇུག་ཏུ་ཁོང་ལ་ད་ལྟའི་ཆར་ས་གནས་མི་མང་གི་རེ་བ་གཙོ་བོ་ག་རེ་ཡིན་མིན་དྲིས་པར་ཁོང་གིས། “ མི་མང་གི་ངོས་ནས་རྒྱ་གཞུང་གིས་རིན་པོ་ཆེར་ལོ་གཉིས་ཀྱི་རྗེས་སུ་རྣམ་འགྱུར་ལ་བལྟས་ཏེ་ཁྲིམས་ཆད་བྱ་རྒྱུ་ཡིན་པའི་ཁྱབ་བསྒྲགས་དང་། ཕྱིས་སུ་ཁོང་དགྲོང་རྩིས་བྱེད་སྐབས་ཕྱི་རྒྱལ་ཁག་གི་གནོན་ཤུགས་འོག ཚེ་བཙོན་གྱི་ཁྲིམས་ཐག་བཅད་ཡོད་པའི་གནས་ཚུལ་ཞིག་ཐོས་ཡོད་པ་རེད། ད་ལྟའི་བར་ང་ཚོས་རིམ་པ་ཁག་གི་འབྲེལ་ཡོད་ལས་ཁུངས་ལ་སྙན་ཞུ་ཕུལ་ཏེ། རིན་པོ་ཆེ་མཆོག་ཀློད་གྲོལ་གྱིས་སྨན་བཅོས་ཀྱི་གོ་སྐབས་སྤྲོད་དགོས་པའི་ཞུ་འབོད་ཡང་ཡང་བྱས་ཀྱང་ལན་གང་ཡང་འབྱོར་མ་སོང་། སྔ་ལོར་བོད་པའི་བླ་ཆེན་མང་པོ་རྒྱ་གཞུང་གིས་ལྐོག་གསོད་བྱེད་ཀྱིན་ཡོད་པའི་གནས་ཚུལ་ཞིག་ཐོས་ཏེ། མང་ཚོགས་ལ་སླར་ཡང་སེམས་འཚབ་ཆེན་པོ་སྐྱེས་ཏེ། རིན་པོ་ཆེ་མཆོག་སྨན་བཅོས་ཆེད་ཕྱི་ལོགས་སུ་འདོན་ཐབས་དང་། དེ་སྔོན་རིན་པོ་ཆེ་མཆོག་གིས་ཡི་གེ་ཞིག་བསྐུར་ཡོད་པ་དེ་རག་ཐབས་ཆེད་དཀར་མཛེས་ཁུལ་གྱི་བོད་མི་ཁྲི་ ༣ ལྷག་གི་རེ་འདུན་ཞུ་ཡིག་སི་ཁྲོན་ཞིང་ཆེན་དང་དཀར་མཛེས་ཁུལ། ཉག་ཆུ་རྫོང་བཅས་སུ་སྤྲད་ཡོད་ཀྱང་ལན་གང་ཡང་འབྱོར་མ་སོང་།

            ད་རེབ་ངས་རེ་འདུན་དེ་རྒྱལ་སྤྱིའི་སྟེང་ཁྱབ་བསྒྲགས་བྱ་ཆེད་ཡོང་བ་ཡིན། མི་མང་གི་རེ་བ་གཙོ་བོ་དེ་སྔོན་རྒྱལ་སྤྱིའི་རྒྱལ་ཁབ་ཁག་དང་ཚོགས་སྡེ་ཁག་གི་རོགས་རམ་འོག་ཆབ་སྲིད་བཙོན་པ་མང་པོ་ཀློད་གྲོལ་གྱིས་རང་དབང་ལྡན་པའི་རྒྱལ་ཁབ་ཁག་ཏུ་བླངས་ཡོད་པའི་གནས་ཚུལ་གོ་བ་ལྟར། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ཀྱང་མྱུར་དུ་ཀློད་གྲོལ་ཐོབ་སྟེ། རང་དབང་གི་ལུང་པ་ཞིག་ལ་ལེན་རྒྱུ་དེ་རེད། ང་རང་ཉིད་ཀྱི་ལས་འགན་གཙོ་བོ་ཡང་དེ་ཡིན” ཞེས་བརྗོད་བྱུང་།

            སྤྲུལ་སྐུ་བསྟན་འཛིན་བདེ་ལེགས་མཆོག་ནི། ༡༩༥༠ ལོར་ལི་ཐང་མཐིལ་དུ་སྐུ་འཁྲུངས་ཤིང་། དགུང་ལོ་བདུན་གྱི་ཐོག་ལི་ཐང་དགོན་དུ་ཆོས་སྒོར་ཞུགས། ཕྱི་ལོ་ ༡༩༨༢ ལོར་རྒྱ་གར་ནང་བཙན་བྱོལ་དུ་ཕེབས་ཏེ་༸གོང་ས་མཆོག་གི་མདུན་ནས་བསྙེན་རྫོགས་ཀྱི་སྡོམ་པ་མནོས། འབྲས་སྤུངས་སྒོ་མང་གྲྭ་ཚང་དུ་ལོ་ ༦ རིང་གཞུང་ལུགས་ལ་སློབ་གཉེར་གནང་ཡོད་པ་དང་། ༡༩༨༣ ལོར་༸གོང་ས་མཆོག་གིས་དགེ་བཤེས་ཨ་དམ་ཕུན་ཚོགས་ཀྱི་ཡང་སྲིད་དུ་ངོས་འཛིན་གྱིས་མཚན་ལ་བསྟན་འཛིན་བདེ་ལེགས་ཞེས་བསྩལ་ཡོད། ༡༩༨༧ ལོར་ཕྱིར་ཕ་ཡུལ་དུ་ལོག་སྟེ་དགོན་པ་དང་རྒན་སྐྱོང་ཁང་། བྱིས་གཉོར་ཁང་དང་སློབ་གྲྭ་སོགས་གསར་རྒྱག་གནང་བར་རྒྱ་གཞུང་གིས་ཆོག་མཆན་མེད་པར་བསྙད་འདོགས་ཀྱིས་ ༢༠༠༢ ལོའི་ཟླ་ ༤ པའི་ཚེས་ ༧ ཉིན་འཛིན་བཟུང་བྱས་ཏེ་ད་བར་ལོ་ ༡༡ ཙམ་འགྲོ་བཞིན་ཡོད།

གསར་འགོད་པ། དོན་གོ

༼བོད་ཀྱི་དུས་བབ་ཚགས་པར་ལས་འདིར་བཀོད།༽

འབྲེལ་ཡོད་གསར་འགྱུར།

བོད་མིའི་སྒྲིག་འཛུགས་ཀྱི་འཛིན་སྐྱོང་སྦྱོང་བརྡར་ཁང་དུ། བོད་པའི་སློབ་གྲྭ་ཁག་གི་སཱི་ཤེས་ཡོན་སློབ་གསོའི་མཐུན་སྦྱོར་བ་རྣམས་ལ་སཱི་ཤེས་ཡོན་སློབ་གསོའི་སྦྱོང་བརྡར་སྤྲད། ༢༠༢༥།༥།༢༡ དུས་བབ་ཀྱི་པར།
Mobile App

འཛམ་གླིང་གི་རྒྱལ་ཁབ་ ༡༤༡ ནང་སཱི་ཤེས་ཡོན་སློབ་གསོ་ངོ་སྤྲོད་གནང་ཟིན་འདུག

ཆུ་ཚོད་ ༣ སྔོན་ལ།
FILE PHOTO: Salal Dam on the Chenab river, in Reasi district, J&K, Monday, May 5, 2025. All gates of Salal Dam on the Chenab River were closed following suspension of the Indus Waters Treaty in the aftermath of the Pahalgam terror attack.(PTI)
Mobile App

པཱ་ཀི་སི་ཐན་ནང་ཆུ་རགས་གསར་རྒྱག་གི་འཛུགས་སྐྲུན་ཇེ་མགྱོགས་སུ་བཏང་།

ཆུ་ཚོད་ ༤ སྔོན་ལ།
སྲིད་སྐྱོང་སྤེན་པ་ཚེ་རིང་མཆོག་གིས་ཁེ་ན་ཌའི་ཨོན་ཊ་རེའོ་བོད་མི་རྣམས་ལ་གསུང་བཤད་གནང་། ༢༠༢༥།༥།༡༨ བོད་མིའི་སྒྲིག་འཛུགས་ཀྱི་པར།
Mobile App

སྲིད་སྐྱོང་མཆོག་གིས་འདི་ལོའི་ཆོས་ཚོགས་ཐེངས་ལྔ་པའི་ཐོག་༧སྐུའི་ཡང་སྲིད་དང་འབྲེལ་བའི་གནད་དོན་ཁག་ཅིག་གསལ་པོ་ཆགས་རྒྱུ་ཡིན་སྐོར་གསུངས།

ཆུ་ཚོད་ ༦ སྔོན་ལ།
རྒྱ་ནག་བདེ་སྲུང་བློན་ཆེན་ལས་ཁུངས་ཀྱི་མགྲིན་ཚབ་པ་ཅང་པིན་(Jiang Bin)། དྲ་ལམ་གྱི་པར།
Mobile App

རྒྱ་ནག་གིས་དམར་དམག་སློབ་ཆེན་གསུམ་གསར་འཛུགས་བྱ་རྒྱུ་ཡིན་འདུག 

༢༠༢༥/༠༥/༢༠
བོད་ཀྱི་ཞོ་སྟོན་རྒྱས་པ་ཐེངས་ ༢༨ པའི་མཇུག་སྡོམ་མཛད་སྒོ་འཚོག་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༢༠
Mobile App

ཞོ་སྟོན་ཐེངས་ ༢༩ པ་ཨོ་ཌི་ཤ་ཕུན་ཚོགས་གླིང་དུ་འཚོག་གཏན་ཁེལ་འདུག

༢༠༢༥/༠༥/༢༠
US Secretary of State Marco Rubio on Sunday demanded the immediate release of Gedhun Choekyi Nyima, the 11th Panchen Lama, who was abducted by Chinese authorities 30 years ago at the age of six. | X @CTA_TibetdotNet & File Pi
Mobile App

རྒྱལ་སྤྱིའི་གནད་ཡོད་མི་སྣས་༧པཎ་ཆེན་རིན་པོ་ཆེ་མཆོག་གང་མགྱོགས་ཀློད་གྲོལ་དགོས་པའི་འབོད་སྐུལ་གནང་།

༢༠༢༥/༠༥/༡༩

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese