ཡུ་རོབ་སྐུ་ཚབ་དོན་གཅོད་ཚེ་བརྟན་བསམ་འགྲུབ་ལཊ་ཀྱིས། ཨོ་སི་ཁྲི་རི་ཡའི་གྲོས་ཚོཊ་འཐུས་མི་ཁག་ཅིག་ལ་མཇལ་འཕྲད་ཀྱིས་བོད་ནང་གི་ཛ་དྲག་གནས་སྟངས་ཐོག་རྒྱབ་སྐྱོར་ཡོང་བའི་ནན་སྐུལ་ཞུས་འདུག
ཟླ་སྔོན་མའི་ཕྱི་ཚེས་ ༢༧ ཉིན་དབུས་བོད་མིའི་སྒྲིག་འཛུཊ་ཡུ་རོབ་སྐུ་ཚབ་དོན་གཅོད་ཆོས་སྐྱབས་པ་ཚེ་བརྟན་བསམ་འགྲུབ་ལགས་ཀྱིས། ཨོ་སི་ཁྲི་རི་ཡའི་ (Austria) གྲོས་ཚོགས་ཚོཊ་ཁང་དུ་ཡུལ་དེའི་གྲོས་ཚོཊ་འཐུས་མི་ཁག་ཅིག་དང་མཇལ་འཕྲད་གནང་སྟེ། རྒྱ་གཞུང་གི་དྲག་གནོན་སྲིད་བྱུས་འོག་ད་བར་བོད་ནང་བོད་མི་ ༡༠༧ ཙམ་གྱིས་རང་ལུས་མེར་བསྲེགས་བཏང་ཡོད་སྐོར་དང་། རྒྱ་གཞུང་གིས་བོད་ནང་གི་དངོས་ཡོད་དཀའ་ངལ་ཁག་ལ་ངོས་ལེན་བྱ་རྒྱུའི་ཚབ་ཏུ་བོད་ཀྱི་ས་གནས་ཁག་ཏུ་སྔར་ལས་དམ་དྲག་དང་། ལྷག་པར་དུ་བོད་ནང་རང་སྲེག་སྐོར་གྱི་འདྲ་པར་དང་གནས་ཚུལ་མཁོ་སྤྲོད་བྱེད་མཁན་བོད་མི་དག་གང་བྱུང་འཛིན་བཟུང་གིས་ཁྲིམས་ཐག་ནན་མོ་གཅོད་ཀྱིན་ཡོད་སྐོར་སྙན་སེང་ཞུས་ཡོད་འདུག
སྐབས་དེར་སྐུ་ཚབ་དོན་གཅོད་ཚེ་བརྟན་བསམ་འགྲུབ་ལཊ་ཀྱིས་མུ་མཐུད་དུ། ཕྱི་ལོ་ ༢༠༡༢ ཟླ་ ༦ ཚེས་ ༢༠ ཉིན་ཁམས་དཀར་མཛེས་ཁུལ་གྱི་རང་ལོ་ ༡༧ ཡིན་པའི་བུ་མོ་འཇིཊ་མེད་སྒྲོལ་མ་ལཊ་ཀྱིས་ཁྲོམ་གཞུང་དུ་རྒྱ་གཞུང་ལ་ངོ་རྒོལ་སྐད་འབོད་བྱས་སྟབས། རྒྱ་གཞུང་གིས་ཁོང་མོར་ཉེས་རྡུང་ཚད་མེད་བཏང་སྟེ་དུས་ཡུན་མི་ལོ་ ༣ གྱི་བཙོན་འཇུག་ཁྲིམས་ཐག་བཅད་ཡོད་ཅིང་། རྒྱ་གཞུང་གིས་ད་ལྟ་ཡང་བོད་ནང་སྔར་ལས་ལྷག་པའི་དམ་དྲག་དང་དཔལ་འབྱོར་དབྱེ་འབྱེད། ཁོར་ཡིག་གཏོར་བཤིག རིག་གཞུང་རྩ་མེད་བཅས་གཏོང་བཞིན་ཡོད་པར་བརྟེན། ཨོ་སི་ཁྲི་རི་ཡའི་གྲོས་ཚོགས་ཀྱིས་བོད་དོན་ཐོག་རྒྱབ་སྐྱོར་གང་ལེགས་གནང་བའི་ནན་སྐུལ་ཞུས་ཡོད་འདུག
གསར་འགོད་པ། དཔལ་ལྡན།
