དབུས་བོད་མིའི་སྒྲིག་འཛུགས་ཀྱི་བཀའ་བློན་རྣམ་པ་ད་ལོའི་ཕྱི་རྒྱལ་ཁག་གི་གསུམ་བཅུའི་དུས་དྲན་ལས་འགུལ་སྟེང་མཉམ་ཞུགས་གནང་རྒྱུ་རེད།
ད་ལོའི་གསུམ་བཅུའི་དུས་དྲན་སྐབས་དབུས་བོད་མིའི་སྒྲིག་འཛུགས་ཀྱི་བཀའ་བློན་རྣམ་པ་ཕྱི་རྒྱལ་ཁག་ཏུ་གཞུང་འབྲེལ་ཕྱོཊ་སྐྱོད་གནང་རྒྱུ་ཡིན་པ་ལྟར། ཕྱི་ཚེས་ ༩ ཉིན་འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་ཉི་ཧོང་དུ་ཆེད་ཕེབས་ཀྱིས། ཡུལ་དེའི་གྷི་རན་པེ་ལེ་སིའི་ (Grand Palace) མགྲོན་ཁང་གི་ཚོགས་ཁང་དུ། ས་གནས་བོད་མི་དང་བོད་དོན་རྒྱབ་སྐྱོར་བ་ཚོར་བོད་ནང་གི་ཛ་དྲག་གནས་སྟངས་ཐོག་གཏམ་བཤད་གནང་རྒྱུ་དང་། ཚེས་ ༡༠ ཉིན་ཡུལ་དེའི་མེ་ཡཱ་ཤི་ཏ་ཀོན་ (Miyashita Koen) སྐྱེད་ཚལ་དུ། བཀའ་བློན་མཆོག་དབུ་བཞུཊ་ཐོག་ཉི་ཧོང་སྐུ་ཚབ་དོན་གཙོད་ལྷག་པ་མཚོ་སྒོ་ལཊ་ཀྱིས་བཀའ་ཤག་གི་གསུམ་བཅུའི་དུས་དྲན་ཐེངས་ང་བཞི་པའི་གསུང་འཕྲིན་སྒྲོཊ་སྦྱང་། ཕྱི་དྲོ་བོད་མི་དང་བོད་དོན་རྒྱབ་སྐྱོར་བ་ཐུན་མོང་ཐོག་ཁྲོམ་གཞུང་དུ་ཞི་བའི་སྐད་འབོད་བཅས་གནང་རྒྱུ་ཡིན་འདུག
ཕྱི་ཚེས་ ༡༡ ནས་ ༡༤ ཉིན་བར་བཀའ་བློན་མཆོག་གིས་མུ་མཐུད་དུ། ཉི་ཧོང་སེ་ཏ་མཱ་སྨན་ཁང་ (Saitama Medical Institution) དུ་གཟིགས་སྐོར་དང་འབྲེལ་སྨན་ཁང་དེའི་འགན་འཛིན་མཆོག་དང་མཇལ་འཕྲད་དང་། ཁུལ་དེའི་༼ཁ་བའི་འོག་གི་མེ༽ཞེས་པའི་བོད་དོན་རྒྱབ་སྐྱོར་ཚོཊ་པའི་ཚོཊ་གཙོ་དང་སེ་ཧྥི་མཐོ་འབྲིང་སློབ་གྲྭའི་འགན་འཛིན་བཅས་ལ་མཇལ་འཕྲད། ཨོ་སཱ་ཀའི་ས་གནས་མང་ཚོགས་ལ་བོད་ནང་གི་ཛ་དྲག་གནས་སྟངས་དང་བཙན་བྱོལ་བོད་མིའི་འཕྲོད་བསྟེན་གནས་བབ་ཐོག་གཏམ་བཤད་བཅས་སྤེལ་རྒྱུ་རེད།
དེ་བཞིན། དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་ཀྱང་ཐའེ་ཝན་དུ་ཕེབས་ཏེ་གསུམ་བཅུའི་དུས་དྲན་མཛད་སྒོར་མཉམ་ཞུཊ་གནང་རྒྱུ་ཡིན་པ་ལྟར། ཕྱི་ཚེས་ ༨ ཉིན་བཀའ་བློན་མཆོག་གིས་ཐའེ་ཝན་སྐུ་ཚབ་དོན་གཅོད་ཁང་དུ་གཟིཊ་སྐོར་གནང་སྟེ་ཡུལ་དེའི་གྲོས་ཚོཊ་འཐུས་མི་ཁག་ཅིག་ལ་མཇལ་འཕྲད་དང་། ཚེས་ ༩ ཉིན་ལག་དེབ་སྔོན་པོའི་ལས་གཞིའི་ཐོག་རྒྱབ་སྐྱོར་གནང་མཁན་དང་། ཐའེ་ཝན་བོད་དོན་རྒྱབ་སྐྱོར་བ་དང་གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་ཚོར་མཇལ་འཕྲད། ཚེས་ ༡༡ ཉིན་ཐའེ་ཝན་བོད་ཀྱི་ཆོས་ཚོཊ་ཁག་ལ་གཟིགས་སྐོར་གནང་རྒྱུ་ཡིན་པར་མ་ཟད། སྐབས་དེར་ས་གནས་བོད་རིཊ་མང་ཚོགས་ལ་གཏམ་བཤད་ཀྱང་གནང་རྒྱུ་ཡིན་འདུག
ད་ལོའི་གསུམ་བཅུའི་དུས་དྲན་ཐེངས་ ༥༤ པའི་ཐོག དབུས་བོད་མིའི་སྒྲིག་འཛུཊ་ཕྱི་དྲིལ་དང་ཆོས་རིག དཔལ་འབྱོར། འཕྲོད་བསྟེན། བདེ་སྲུང་བཀའ་བློན་རྣམ་པ་ཨ་རི་དང་ཡུ་རོབ། ཨོ་སི་ཊོ་ལོ་ཡ། ཉི་ཧོང་། ཐའེ་ཝན་བཅས་སུ་ཆེད་ཕེབས་ཀྱིས་མང་ཚོགས་ཀྱི་ལས་འགུལ་ནང་མཉམ་ཞུཊ་གནང་རྒྱུ་ཡིན་འདུག
གསར་འགོད་པ། དཔལ་ལྡན།
འདི་བཀའ་བློན་ཚོར་གོ་སྐབས་ཐེངས་གཅིག་རེད་སྙམ།