ཁ་སང་གཟའ་ཉི་མའི་ཉིན་བསམ་བློ་བརྗེ་རེས་དང་སྤོབས་པ་མཉམ་སྐྱེད་ཀྱི་བགྲོ་གླེང་ཐེངས་བཅུ་གཅིག་པ་སུད་སིའི་གྲོང་ཁྱེར་འཛུ་རིག་ཏུ་ཚོགས་འདུ
སུད་སི་གནས་སྡོད་ཀླུ་རྒྱལ་དོན་འགྲུབ་ལཊ་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༢༤ ཉིན་བསམ་བློ་བརྗེ་རེས་དང་སྤོབས་པ་མཉམ་སྐྱེད་ཀྱི་བགྲོ་གླེང་ཐེངས་ ༡༡ པ་༼ བོད་ནང་གི་རང་ལུས་མེར་བསྲེཊ་ཀྱི་ལས་འགུལ་དང་བྱེས་སྡོད་བོད་མིའི་ལས་འགན༽ ཞེས་པའི་བརྗོད་གཞིའི་ཐོག སུད་སིའི་གྲོང་ཁྱེར་འཛུ་རིག་ཏུ་ཚོགས་ཡོད་འདུག་ལ། དེར་སུད་སི་མི་མང་ཚོགས་པའི་ཚོགས་གཙོ་དང་ཚོགས་གཞོན་གཉིས་གཙོས་བོད་མི་ ༤༨ མཉམ་ཞུགས་གནང་ཡོད་འདུག
ཁ་སང་གི་བགྲོ་གླེང་ཚོགས་འདུའི་ཐོག་ཚོགས་ཞུགས་པ་ཚོས་དུས་ཡུན་ཆུ་ཚོད་ ༣ ལྷག་གི་རིང་བོད་ནང་གི་རང་ལུས་མེར་བསྲེཊ་ཀྱི་ལས་འགུལ་ཐད་ཕྱི་སྡོད་བོད་མི་ཚོས་ཅི་ཞིག་བྱ་དགོས་མིན་ཐོག་རང་ཉིད་ཀྱི་བསམ་ཚུལ་གླེང་ཡོད་པ་མ་ཟད། ཚོགས་པ་འདྲ་མིན་གྱིས་སྣེ་འཁྲིད་པའི་ལས་འགུལ་ནང་ས་གནས་མི་མང་གིས་ཆ་ཤས་ལེན་རྒྱུ་དང་། བོད་མིའི་མཐུན་ལམ་ཡར་རྒྱས་བཏང་སྟེ་ལས་འགུལ་གྱི་ནུས་ཤུགས་གོང་མཐོར་གཏོང་རྒྱུ། སྤྱི་ཚོགས་ནང་ལྟ་བ་དང་ལངས་ཕྱོགས་ཀྱི་རྩོད་རྙོག་གཙོ་བོར་མི་འཛིན་པར་བོད་པའི་རྩ་དོན་འཐབ་རྩོད་ཀྱི་ཁ་གཏད་རྒྱ་ནག་ཡིན་པ་ངོས་ཟིན་པར་བྱ་དགོས་པའི་སྐོར་སོགས་དང་། དེ་བཞིན། སུད་སི་གནས་སྡོད་བོད་མི་རྣམས་དེ་སྔོན་ལྟར་བོད་དོན་ལས་འགུལ་ནང་མཉམ་ཞུགས་བྱེད་ཀྱི་མེད་པའི་རྒྱུ་མཚན་གང་ཡིན་ཞིབ་འཇུག་བྱ་རྒྱུ་སོགས་ཀྱི་ཐོག་བགྲོ་གླེང་གོ་བསྡུར་གནང་ཡོད་འདུག
