བུ་མོ་ལོ་ ༡༤ ཅན་ཞིག་ལ་བཙན་གཡེམ།

འགྲོ་བ་མིའི་ཀུན་སྤྱོད་དང་བརྒལ་ཞིང་ལྷག་པར་དུ་སེར་མོ་བ་ཡོངས་ལ་ཉེས་མེད་གྲིབ་ནག་གིས་གླེང་མོར་སྤྱི་ཚོགས་འད྄ིར་ཁྱབ་པར་བྱས་བས་ནག་ཉེས་གནམ་ལ་མི་ཤོང་བ་བཟོ་ཡོད་བས་ཁྲིམས་མཐུན་གྱིས་ཉེས་ཆད་ལྕི་མོ་དགོས་ངེས་རེད།་

དབྱར་ཁབ་ཀུན་བཟང་ཀྱིས་བཤད་རྒྱུར། འདི་དང་འདི་འདྲའི་རིགས་ད་དུང་ཡང་ཡོང་ངེས་བཤད་འདུག ཁོང་གི་གསུང་སྟངས་བྱས་ན་སྔོན་མ་ཡང་འདི་འདྲ་མང་པོ་བྱུང་ཚར་ཡོད་པ་འདྲ། གལ་ཏེ་ཁྱོད་ལ་བཤད་རྒྱུ་ཨེ་ཡོད། མེད་ན་ཡི་གེ་འབྲི་དུས་ཡིད་གཟབ་མཛོད།

བསྟན་པར་ལྷག་བསམ་ཡོད་མདོག་མ་བྱེད་རང་གིས་བསྟན་པ་ཤེས་ཀྱི་ཡོད། གྲྭ་བའི་ཞབས་འདྲེན་བཞག་སོང་ཟེར་ནས་འུར་སྒྲ་མ་བྱེད་གྲྭ་བར་གྲྭ་བའི་འདུ་ཤེས་བཞག་མྱུང་ཡོད་དམ།

དེ་ཡིན་པ་རེད་ད་སྐབས་ཀྱི་ཕྱི་ལོག་གི་དགོན་པ་དང་གྲྭ་ས་དེ་དག་ནས་གྲྭ་རྒྱུན་མང་ཉུང་ལ་ལྟོས་ནས་དགོན་པ་ཆེ་ཆུང་དང་སྐད་གྲགས་ཆེ་ཆུང་ལས། ཚུལ་ཁྲིམས་རྣམ་པར་དག་པ་དང་གྲྭ་བ་སྤས་དག་མིན་བསམ་བློ་མི་གཏོང་པར་གང་ནས་སླེབས་ན་དམར་པོ་ཞིག་གྱོན་ཡོད་པ་ཙམ་གྱིས་དགོན་པའི་ནང་ཉར་བཞིད་ཡོད་པས་རེད།

ལོ་བཅུའི་རིང་ཁྲིམས་ཐག་བཅད་ན་ཉུང་དྲག་འདུག།
ཚེ་བཙོན་དུ་གཞག་ན་འགྲིག་གི།

Goodcommend (2013.04.13)
འབྲུག་པའི་གྲྭ་རྫུན་གསུམ་གྱིས་རྒྱ་གར་གླ་འཁོར་གཏོང་མཁན་དང་ངན་པ་ལག་འབྲེལ་བྱས་ཏེ་ལང་ཚོའི་མེ་ཏོག་གཞི་ནས་རྒྱས་འགོ་ཚུགས་པའི་བུ་མོ་ཞིག་ལ་བཙན་གཡེམ་བྱས་པ་དེ་ནི་རྦད་དེ་ཧང་སངས་ཧོན་འཐོར་དགོས་པ་ཞིག་རེད། གྲྭ་བ་བྱེད་རྒྱུ་ཞེས་པ་ནི་རྒྱལ་ཁབ་ཀྱི་ཁྲལ་ལྟར་མི་འདོད་བཞིན་དུ་བྱེད་དགོས་པ་ཞིག་མིན་པས་སོ་སོ་འདོད་པ་མེད་ཚེ་ག་དུས་ཡིན་ཀྱང་མི་སྐྱའི་སྤྱི་ཚོགས་ནང་འཚུལ་ཏེ་བུད་མེད་དང་འབྲེལ་བ་བྱེད་ཆོག་པ་རེད། འདི་ནི་འབྲུག་པའི་གྲྭ་བ་རྣམས་ཀྱང་གཅིག་པ་ཡིན་རྒྱུ་རེད། འོན་ཀྱང་བཙན་གཡེམ་གྱི་ལས་ནི་ཧ་ཅང་གི་མ་རབས་མཐའ་ཤལ་གྱི་ལས་ཀ་ཞིག་ཡིན་པས་ལས་རྒྱུ་འབྲས་དང་སྐྱེ་བ་སྔ་ཕྱི་ཁས་ལེན་པའི་གང་ཟག་ཅིག་ཡིན་ཚེ་དུས་ནམ་ཡང་བྱེད་མི་རུང་བ་ཞིག་རེད་ལ་འདི་འདྲའི་རིགས་ལ་ཁྲིམས་ཐག་ནན་པོ་གཅོད་རྒྱུ་ཧ་ཅང་གི་གལ་ཆེན་པོ་རེད། ངས་གསར་འགྱུར་འདི་ཀློག་སྐབས་ཧང་སངས་པའི་གནས་ཚུལ་ཞིག་མཐོང་བ་ནི་མཆན་འདོགས་མཁན་འཇང་གཡུ་ལྷ་ཐོགས་འགྱུར་ཟེར་བ་ཞིག་གིས་གནས་ཚུལ་དེ་དམིགས་བསལ་གང་ཡང་མིན་ཚུལ་དང་གདན་ས་གསུམ་ན་ཉིན་རྟག་པར་བཙན་གཡེམ་གྱི་གནས་ཚུལ་བྱུང་གི་ཡོད་པ་མ་ཟད་མི་བསད་ནས་མགོ་བཅད་བཞག་ནའང་ཚང་མས་མ་མཐོང་མ་ཐོས་མདོག་མདོག་བྱས་ནས་འགྲོ་གི་འདུག་ཅེས་པ་དེ་རེད། ད་ལྟའི་བར་དུ་རྒྱ་དམར་གུང་ཁྲན་གྱིས་ཀྱང་འདི་འདྲའི་རྫུན་གཏམ་དང་དམའ་འབེབས་ཀྱི་སྐད་ཆ་བཤད་མྱོང་མེད་པར་སེམས། མ་ཟད་འདི་འདྲའི་སྐད་ཆ་རྫབ་ཆེན་དེ་འདྲ་མཆན་ཐོག་ཏུ་བཀོད་རྒྱུའི་ཆོག་མཆན་གནང་མཁན་གྱི་དུས་བབས་ཚང་ཡིན་ནའང་ངེས་པར་བསམ་བློ་གཏོང་དགོས་པ་རེད། མཆན་ལ་ཞིབ་བཤེར་བྱས་ཏེ་བཀོད་ཀྱི་ཡོད་པར་དུས་བབ་ཚང་གིས་གསལ་བོར་བརྗོད་འདུག འཇང་གཡུ་ལྷ་ཐོགས་འགྱུར་ཟེར་བའི་མིས་ཁོའི་བསམ་ཚུལ་བརྗོད་པ་མ་ཡིན་པར་ཁོས་དངོས་སུ་མཐོང་ཡོད་པའི་བཟོ་འདྲ་བོ་ཞིག་བྲིས་འདུག་པས་གདན་ས་སེ་འབྲས་དགའ་གསུམ་ནས་གནས་ཚུལ་དེ་ཁོངས་བསྐྱེལ་བྱེད་དགོས་ཞེས་དུས་བབ་ཚང་འཚོལ་དུ་ཡོང་ཚེ་མི་དེ་ནི་བཤད་མི་དགོས་པ་རེད་ལ། དུས་བབ་ཚང་ལའང་འགན་རྩ་བ་ནས་མེད་པ་ཡིན་རྒྱུ་མ་རེད་བསམ་གྱི་འདུག

དེ་ལ་ཧ་ལས་ཧངས་སངས་དགོས་ཡག་གལ་མི་འདུག་ག དེ་ལས་སྡུག་པ་གྲྭ་པས་མི་བསད་ཀྱི་འདུག་ག

གྲྭ་བ་འདི་ཚོས་ཞབས་འདྲེན་བཞག་ཚར་སོང་། ལྷག་པར་དུ་དགོན་པ་འདི་ལ་མིང་ཆལ་ཞེ་བོ་བཟོས་པ་རེད། མཐོང་ས་དགོན་པ་ཟེར་བ་འདི་འབྲུག་རྒྱལ་བོས་བཞེངས་པའི་འབྲུག་གི་དགོན་པ་རྙིང་ཤོས་རྩ་ཆེན་ཤོས་ཤིག་ལ་བརྩི་བ་རེད། སྤྱི་ལོ་ ༡༦༩༢ ལོར་བཞེངས་པ་རེད། དེང་སྐབས་གྲྭ་བ་ཉིས་བརྒྱ་མ་ཟིན་ཟམ་ཞིག་ཡོད་པ་རེད། གྲུབ་མཐའ་བཀའ་བརྒྱུད་ཡིན་པ་ཡོད་དྲན་སོང་། གསལ་བོ་མི་ཤེས།

དེ་རིང་བསྐྱར་དུ་གནས་ཚུལ་ཐོན་པ་ལྟར་ན། གྲྭ་བ་དེ་གསུམ་ཀ་ལོན་སྦུག་གི་ཉེ་འཁྲིས་ Thongsa དགོན་པ་ནས་ཡིན་པ་དང་། འབྲུ་གི་མི་སེར་ཡིན་འདུག གྲྭ་བསམ་གཏན་མཁས་གྲུབ་ལོ་ ༢༡ དང་། ཕུར་བུ་རྡོ་རྗེ་ལོ་ ༢༠ ། ཟླ་བ་གྲགས་པ་ལོ་ ༢༠ བཅས་རེད།
གླ་གཏོང་རླངས་འཁོར་ཁ་ལོ་བ་དེ་རང་ལོ་ ༢༤ དང་། ཀ་ལོན་སྦུག་ Gumbahatta ཞེས་པ་ནས་ཡིན་འདུག
བུ་མོ་དེའི་ནང་མི་བལ་ཡུལ་ནས་ཡོང་བ་དང་ཕ་མ་གཉིས་ས་དེར་ལས་ཀ་ཙག་ཙིག་བྱེད་མཁན་ཡིན་འདུག བུ་མོ་སློབ་གྲྭ་སོགས་ལ་སྐྱོད་མྱོང་མེད་མཁན་ཞིག་ཡིན་འདུག
ད་རེབ་ཀྱི་བཙན་གཡེམ་དོན་རྐྱེན་དེ་རྒྱ་གར་གྱི་ཉེས་ཁྲིམས་ 376 (2) (g) ཞེས་པའི་ཉེས་པ་ཕོག་ཡོད་སྟབས། ལོ་ ༡༠ ནས་ཚེ་བཙོན་བར་གྱི་ཁྲིམས་ཐག་གཅོད་རྒྱུ་ཡིན་འདུག

དྲ་ཐག་ http://www.darjeelingtimes.com/main-news/general/5731-monastery-trio-held-for-rape.html