༸གོང་ས་མཆོག་གིས་འབར་མའི་ནང་པ་ཚོས་ཡུལ་དེའི་ཁ་ཆེའི་གྲངས་ཉུང་མི་རིཊ་ཐོག་དྲག་སྤྱོད་བྱས་པར་བློ་ཕམ་ཆེན་པོ་ཡོད་ཅེས་གསུངས་འདུག
ཉེ་ལམ་འབར་མའི་ནང་ནང་པ་དང་ཁ་ཆེའི་གྲངས་ཉུང་མི་རིགས་བར་འཁྲུག་རྩོད་བྱུང་བའི་ཐད། ཕྱི་ཚེས་ ༢༢ ཉིན་༸གོང་ས་མཆོག་གིས་ཨེ་པེ་ (AP) གསར་འགོད་ཁང་གི་དྲི་བར་ལན་འདེབས་གནང་སྐབས། ཆོས་ཉམས་ལེན་བྱེད་མཁན་ཞིག་གི་ངོས་ནས་གཞན་ལ་འཚེ་བ་མ་བྱས་པར། འགྲོ་བ་སེམས་ཅན་ཚང་མར་བྱམས་བརྩེ་དང་བཟོད་བསྲན་བྱ་རྒྱུ་ནང་པའི་ཐུན་མོང་མིན་པའི་ལམ་སྟོན་ཡིན་པ་མ་ཟད། དེ་ནི་བཟང་སྤྱོད་ཀྱི་ལས་འགན་ཞིག་ཀྱང་ཆགས་ཡོད་སྐོར་གསུངས་ཏེ། “འབར་མའི་ནང་པ་ཁག་ཅིག་གིས་ཁུལ་དེའི་རོ་ཧི་གྲངས་ཉུང་མི་རིཊ་ཐོག་དྲག་སྤྱོད་སྤེལ་ཏེ་མི་ ༡༠༠ ལྷག་འདས་གྲོངས་དང་། གཞན་མང་པོ་ཞིག་ལ་རྨས་སྐྱོན་ཚབས་ཆེན་ཕོག་པའི་གནས་ཚུལ་གོ་ཐོས་བྱུང་བར་ངོས་རང་ཧ་ཅང་བློ་ཕམ་བྱུང་། ནང་པ་སངས་རྒྱས་པའི་རྗེས་འཇུག་པ་ཞིག་ཡིན་ན། གཞན་ལ་བྱམས་བརྩེ་དང་འཚེ་བ་མེད་པའི་ལྟ་གྲུབ་ཉམས་ལེན་བྱ་རྒྱུ་ཧ་ཅང་གལ་ཆེ་ཤོས་དེ་ཡིན། སྤྱིར་བཏང་ང་ཚོས་དུས་རྒྱུན་གཞན་ལ་ཕན་སེམས་དང་བྱམས་བརྩེའི་ཕན་པ་སྒྲུབ་བཞིན་ཡོད་ནའང་། སྐབས་འགར་ཁོང་ཁྲོའི་གཞན་དབང་དུ་སོང་སྟེ་ཕ་རོལ་བར་གནོད་འཚེའི་སྦྱོར་བ་བརྩམ་རྒྱུུའི་ཀུན་སློང་སྐྱེ་བཞིན་ཡོད་ལ། སྐབས་ཐོག་དེར་རང་ཉིད་ནང་པའི་རྗེས་འཇུག་པ་ཞིག་ཡིན་པ་ངེས་པར་དུ་དྲན་པ་སོས་དགོས་ཀྱི་ཡོད། ང་ཚོ་ནང་པ་ཡིན་པ་ཙམ་དུ་མ་ཟད། དུས་རབས་ཉེར་གཅིག་པའི་ནང་པ་ཞིག་བྱ་དགོས་པ་རེད། འགྲོ་བ་མི་ཕན་ཚུན་བར་ལ་དཀའ་ངལ་ཅི་ཞིག་འཕྲད་ཀྱང་དེ་དག་གྲོས་མོལ་ཐོག་སེལ་དགོས་པ་ལས་འཚེ་བའི་ཐོག་ཕྱིན་ན། དཀའ་ངལ་སྔར་ལས་ཆེ་རུ་འགྲོ་རྒྱུ་ཡིན་པ་བཤད་མི་དགོས་པ་ཞིག་ཡིན་སྟབས། དཀའ་ངལ་གང་ཞིག་ཡིན་རུང་གྲོས་མོལ་ལམ་ནས་སེལ་ཐབས་བྱ་དགོས། དཀའ་ངལ་དེ་དག་ནོ་བེལ་ཞི་བདེའི་གཟེངས་རྟཊ་བཞེས་མྱོང་མཁན་ལྕམ་ཨང་སེན་སོ་ཀེ་ལཊ་ཀྱིས། བར་འདུམ་གནང་སྟེ་རྩོད་རྙོག་གང་མགྱོཊ་སེལ་རྒྱུའི་རེ་བ་བྱེད་ཀྱི་ཡོད ”ཅེས་གསུངས་འདུག
གསར་འགོད་པ། དཔལ་ལྡན།
དབྱིན་ཇིའི་གསར་ལམ་ཁག་ཏུ་གཏོང་ཐུབ་དགེ་མཚན་ཆེ།
རེད་རེད་ཁ་ཆེ་བ་ཚོའི་བརྒྱབ་ན་སུ་ཡོོོད་དམ་། ནང་པ་ནི་དམར་བརྗེན་སྟོན་ཟིན་པ་རེད། མགོ་སེར་ར་འདི་ཚོས་མི་ཐོག་ནས་མི་ཐོོག་ཁེ་བཟང་བ རྩིས་བྱེདལེ་རེད།།། ད་ལག་རྩེ་ག་འདྲ་ཟེ་ རྩེ་བཞིན་འདུག་ཉིན་མ་་དང་། ཟླ་་བ། ལོ་ལ་ཞིབ་ནས་བལྟ་ ཐུབ་ཚེ་མཐོང་ངེས་རེད།།།།
བོད་ལ་རང་བཙན་བྱུང་ན་བོད་པའི་ཁ་ཆེ་ཚོས་འདི་ལྟར་བྱེད་ཉེན་ཡོད། དེ་དག་ནི་ཁོང་ཚོའི་རང་གཤིས་ཡིན་པས་ལྡོག་ཏུ་ག་ལ་ནུས།