༸སྐུའི་གྱ་སྟོན་ཚོཊ་ཆུང་གི་གསལ་བསྒྲཊ།

དེ་རིང་ཕྱི་ཚེས་  ༢༩ ཉིན་གྱི་སྔ་དྲོའི་ཆུ་ཚོད་ ༡༡། ༠༠ ཡས་མས་སུ་བཞུཊ་སྒར་མདོ་སྨད་དབུས་རྒྱུན་ལས་ཁང་དུ་བོད་ལྗོངས་མདོ་སྨད་ཆོལ་ཁའི་སྐུའི་གྱ་སྟོན་གོ་སྒྲིག་ཚོཊ་ཆུང་གིས།  ༸སྐུའི་གྱ་སྟོན་དང་འབྲེལ་བའི་གསར་འགོད་གསལ་བསྒྲགས་ཞིག་གནང་ཡོད་འདུག་ལ།  གྱ་སྟོན་གོ་སྒྲིག་ཚོཊ་ཆུང་གི་ཡིག་ཐོག་གསལ་བསྒྲགས་ནང་། བོད་ལྗོངས་མདོ་སྨད་ཡུལ་དུ་རང་གི་བླ་མ་དང་ཕ་མ་དགུང་ལོ་བརྒྱད་ཅུར་ཕེབས་པར་དགའ་སྟོན་དང་སྐུ་ཚེ་ཞབས་པད་བརྟན་པའི་བཀྲ་ཤིས་སྨོན་འདུན་ཞུ་སྲོལ་ཞིག་ཡོད་པ་ལྟར། ༸རྒྱལ་ཀུན་སྙིང་རྗེའི་རང་གཟུཊ་༸རྒྱལ་བ་ཡིད་བཞིན་ནོར་བུ་ཕྱི་ལོ་ ༢༠༡༥ ལོར་དགུང་གྲངས་བརྒྱད་ཅུ་བཞེས་པའི་༸སྐུའི་འཁྲུངས་སྐར་གྱི་ཉིན་མོའི་སྔ་ཉིན་ནས་ཉིན་གསུམ་རིང་༸སྐུའི་གྱ་སྟོན་གྱི་དགྱེས་སྟོན་རྒྱས་པ་ཞིག་མདོ་སྨད་ཆོལ་ཁས་གོ་སྒྲིག་ཞུ་གཏན་འཁེལ་ཡོད་པ་བཞིན། གོ་སྒྲིག་གི་ལས་རིམ་ཚཊ་ཚུད་ཡོང་སླད་མདོ་སྨད་དབུས་སྤྱི་ཁྱབ་རྒྱུན་ལས་ཁང་གིས་དམིཊ་བསལ་ཚོཊ་ཆེན་བསྡུ་བསྐོངས་ཐོག་བོད་མི་མང་སྤྱི་འཐུས་ཚོཊ་གཙོ་སྤེན་པ་ཚེ་རིང་མཆོག་དང་། ༸སྐྱབས་རྗེ་བཀའ་ཟུར་ཀིརྟི་རིན་པོ་ཆེ་མཆོག ༸སྐྱབས་རྗེ་ཨ་ཀྱཱ་རིན་པོ་ཆེ་མཆོག  ༸སྐུའི་གཅུང་མོ་བཀའ་ཟུར་རྗེ་བཙུན་པདྨ་མཆོག བོད་མི་མང་སྤྱི་འཐུས་བཀའ་ཟུར་ཐུབ་བསྟན་ལུང་རིཊ་མཆོག་བཅས་༸སྐུའི་གྱ་སྟོན་གོ་སྒྲིག་ཚོཊ་ཆུང་གི་སློབ་སྟོན་པ་དང་། གོ་སྒྲིག་ཚོཊ་ཆུང་གི་ཚོཊ་མིར་མདོ་སྨད་དབུས་རྒྱུན་གྱི་ཚོཊ་མི་བཅུ་གཅིག་སྟེང་མདོ་སྨད་སྤྱི་འཐུས་དང་སྤྱི་ཟུར་བཅས་ཚོཊ་མི་དྲུག་འོས་བསྡུའི་ལམ་ནས་བསྐོ་བཞག་བྱས་པ་དང་། ལས་གཞི་དང་འབྲེལ་དེ་ཚོཊ་མི་རྣམས་བརྟན་བཞུཊ་གྲ་སྒྲིག་ཚོཊ་ཆུང་དང་དཔལ་འབྱོར་འདུ་འགོད། རྩིས་ཁྲ་བདག་ཉར། འགྲེམས་སྟོན། སྣེ་ལེན། ཞལ་ལག་བཅས་ཀྱི་གྲ་སྒྲིག་ཚོཊ་ཆུང་ཁག་དྲུག་ཏུ་ཆ་བགོས་བྱས་ཏེ་གྲ་སྒྲིག་ཞུ་གཏན་འཁེལ་ཡོད། ཅེས་བཀོད་འདུག

ཡང་གསལ་བསྒྲཊ་དེའི་ནང་། ༸གོང་ས་༸སྐྱབས་མགོན་ཆེན་པོའི་༸སྐུའི་གྱ་སྟོན་དང་འབྲེལ་བའི་བརྟན་བཞུཊ་ཞབས་རིམ་ཁག་ཧ་ཅང་གལ་འགངས་ཆེ་བས། འབྱུང་འགྱུར་ལོ་གཉིས་ནང་གཞིས་བྱེས་བོད་མི་ཡོངས་ཀྱིས་མི་གསོད་རྐུན་ཇག་འཕྲོག་བཅོམ་དང་འཁྲུག་རྩོད་རྒྱན་རྩེད་ཀྱི་ལས་ངན་སྤོང་ཞིང་། ཉལ་ཐ་དུ་ཆང་རིགས་གཅོད་ཐབས་སོཊ་༸རྒྱལ་བ་དགྱེས་པའི་མཆོད་སྤྲིན་སྡིག་སྤོང་དགེ་སྒྲུབ་སྤྱི་དང་། ལྷག་པར་གནས་ཆུང་ཆོས་རྒྱལ་ཆེན་པོར་རྡོ་རྗེ་བཀའ་ལུང་ཞུས་པའི་ཞབས་རིམ་བཀའ་འགྱུར་དག་འདོན་དང་། པཎ་གྲུབ་བཅུ་བདུན་གྱི་བསྟོད་པ། སྒྲོལ་དཀར་གཟུངས་སྔཊ་དུང་ཕྱུར། མནྜལ་བཞི་ཆོག་དང་འབྲེལ་ཏཱ་རེའི་བསྟོད་པ་འབུམ་ཐེར། མཧཱ་གུ་རུའི་ཐུགས་དམ་གནད་བསྐུལ། གསུང་བྱིན་བདེན་པའི་རྔ་སྒྲ། བདེན་ཚིག་སྨོན་ལམ། མ་ཎི་དུང་ཕྱུར། སྲོག་བླུ་གང་མང་། མཆོག་དམན་ཀུན་ནས་དཀར་ཟས་ལ་འབད་གལ་བཅས་ཕེབས་པ་བཞིན་སྨིན་སྒྲུབ་འཐུས་ཚང་ཡོང་རྒྱུར་ཕྱོཊ་ཀུན་ནས་འབད་བརྩོན་རྒྱ་གང་ཆེ་གནང་རྒྱུའི་འབོད་བསྐུལ་ནན་ཏན་ཞུ་རྒྱུ་ཡིན།  དངོས་གཞིའི་བརྟན་བཞུཊ་ཚེ་དཔག་མེད་མགོན་དྭངས་མ་བཅུད་འདྲེན་གྱི་སྒོ་ནས་ཚེ་ཡི་ཆོ་ག་དང་འབྲེལ་བརྟན་བཞུཊ་ལེགས་འབུལ་བགྱིས་ན་ལེཊ་ཚོཊ་ཆེ་བ་ཞེས་ཀྱང་བཀའ་ལུང་ཕེབས་ཡོད། ཅེས་འཁོད་འདུག

གསར་འགོད་པ། དོན་གོ