བོད་ནས་འབྲེལ་ཡོད་མི་སྣ་ཞིག་གིས་གསར་ལམ་དུ་གནས་ཚུལ་ངོ་སྤྲོད་གནང་བ་ལྟར་ན། ཉེ་སྔོན་བོད་རང་སྐྱོང་ལྗོངས་ཆབ་མདོ་ས་ཁུལ་ཚ་བ་མཛོ་སྒང་གི་གྲྭ་ཀ་རྡོ་ཞུ་བ་ཞིག་གིས། ༸གོང་ས་མཆོག་གི་སྲུང་མ་བསྟེན་ཕྱོཊ་ཀྱི་སྐོར་ལ་གསུངས་བའི་བཀའ་སློབ་ཁག་ས་གནས་སུ་འགྲེམས་བྱས་སྟབས། ས་གནས་ཉེན་རྟོག་པས་ཤེས་རྟོགས་བྱུང་སྟེ་ཟླ་སྔོན་མའི་ཕྱི་ཚེས་ ༢༡ ཉིན་ཁོང་གི་གྲྭ་ཤག་སྔོག་བཤེར་བྱས་ཡོད་པ་མ་ཟད། ཁོང་འཛིན་འཛིན་བཟུང་བཙན་འཁྲིད་ཀྱིས་གཅར་རྡུང་ཚད་ཡོད་པ་དང་། བདུན་ཕྲག་གཅིག་ཙམ་གྱི་རྗེས་སུ་རྒྱ་ནག་ཉེན་རྟོག་པས་ནང་མིར་ཁོང་གི་བེམ་པོ་ལེན་དུ་ཡོང་དགོས་པའི་བརྡ་ལན་སྤྲད་ཡོད་འདུག
རང་ལོ་ ༤༠ ལྷག་ཡིན་པའི་གྲྭ་ཀ་རྡོ་ལགས་ནི། ཁམས་ཆབ་མདོ་དགོན་པའི་རིག་གནས་དང་ནང་ཆོས་ཐོག་ཤེས་ཚད་མཐོན་པོ་ཡོད་མཁན་གྱི་གྲྭ་པ་ཞིག་ཡིན་འདུག་ལ། ཐེངས་འདིི་ནི་རྒྱ་ནག་ཉེན་རྟོག་པའི་བོད་དོན་དང་འབྲེལ་བའི་གནས་ཚུལ་འོག་ས་གནས་དེར་བོད་མི་དམར་གསོད་གཏོང་ཐེངས་གསུམ་པ་དེ་ཆཊ་ཡོད་འདུག
གསར་འགོད་པ། དོན་གོ
