ས་མིག་གསལ་བསྒྲགས།

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ་ལྷ་བྲིས་དང་རྟེན་བཞེངས་ཤིང་བརྐོས་སློབ་འཇུག་གསལ་བསྒྲགས།

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་ནས། ཕྱི་ལོ་ ༢༠༡༣ ལོའི་ཟླ ་༡༠ ཚེས་ ༡ ནས་སློབ་ཡུན་ལོ་གསུམ་རིང་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་སྒྱུ་རྩལ་གྱི་རྟེན་བཞེངས་དང་བྲིས་ཐང༌། ཤིང་བརྐོས་སྡེ་ཚན་གསུམ་དུ་སྡེ་ཚན་རེར་སློབ་ཕྲུག་ ༧ རེ་དང་ཁྱོན་སློབ་ཕྲུག་གྲངས་ ༢༡ སློབ་འཇུག་བྱེད་རྒྱུ་ཡིན་པ་དང༌། དེ་བཞིན་ལོ་ངོ་གསུམ་གྱི་སླབས་པ་མཐར་སོན་པ་རྣམས་ལ་བོད་ཀྱི་སྲོལ་རྒྱུན་སྒྱུ་རྩལ་མཐོ་རམས་པའི་སློབ་ཐོན་ལག་འཁྱེར་སྤྲོད་རྒྱུ་ཡིན་པས། འཛིན་རིམ་བརྒྱད་པའི་ལག་འཁྱེར་ཡོད་པ་དང་ཡང་ན་དེ་དང་མཉམ་པའི་གནས་ཚད་ལོན་པ་ཡིག་ཆའི་ཆ་རྐྱེན་ཚང་རིགས་ནས་ཕྱི་ལོ་ ༢༠༡༣ ཟླ་༨ ཚེས་ ༢༠ ནས་ཟླ་དགུ་པའི་ཚེས་ ༡༥ བར་འགྱངས་མེད་ཞུ་སྙན་འབུལ་དགོས་པ་དང༌། ཟླ་དགུ་པའི་ཚེས་ ༢༣ དང་ ༢༤ གཉིས་ལ་བོད་ཀྱི་སྐད་ཡིག་དང་རི་མོའི་ཐོག་ཡིག་ཚད་གཏོང་དགོས།

དགོས་ངེས་ཆ་རྐྱེན་རིགས།

༡། བོད་དང་རྒྱ་གར་ནང་གང་རུང་གི་འཛིན་རིམ་བརྒྱད་པ་ཐོན་པའི་ལག་འཁྱེར་ཡོད་པ་དང་ཡང་ན་དེ་དང་མཉམ་པའི་གནས་ཚད་ཡོད་པ།
༢། འཚང་རྒྱུགས་ཀྱི་སྙན་ཞུ་དུས་འགྱངས་ཕྱིན་རིགས་ལ་འདི་ནས་ངོས་ལེན་བྱེད་ཐབས་མེད།
༣། འདེམས་སྒྲུག་གནང་ཕྱོགས་ཡིག་ངག་གཉིས་ཐོག་ཀྱི་རྒྱུགས་སྤྲོད་འཕེར་རིགས་ཨང་རིམ་རྩེ་བཏོག་བྱེད་རྒྱུ། ཆ་རྐྱེན་ཚང་རིགས་ལ་སྔོན་འཚུད་ནས་བརྡ་ལན་གཏོང་རྒྱུ་ཡིན།
༤། གལ་སྲིད་ཡིག་ཚད་གྲུབ་འབྲས་ཨང་ཐོབ་གཅིག་པ་ཡིན་ཚེ་འཚང་སྙན་སྔོན་དུ་འབུལ་མཁན་ལ་གོ་སྐབས་སྤྲོད་རྒྱུ།
༥། འདི་གའི་སློབ་ཁོངས་སུ་ཚུད་རྗེས་སློབ་དུས་རིང་སློབ་ཡོན་དང༌། ཞལ་ལག ཉལ་ཁང་བཅས་རིན་མེད་ནར་གཏོང་ཐོག་ཟླ་རེར་གྲོན་དངུལ་སྒོར་ ༥༠༠ རེ་བཅས་ཀྱི་མཐུན་རྐྱེན་སྤྲོད་རྒྱུ་ཡིན།
༦། འཚུད་རྒྱུགས་དང་འབྲེལ་བའི་འགྲོ་གྲོན་ཇི་ཡོད་རང་ཁོངས་ནས་གཏོང་དགོས།

སྤྱི་ཡོངས་དགོས་ངེས་ཡིག་ཆ་དང་ཐུགས་སྣང་དགོས་པ།

༡། གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ཡིག་ཆའི་ངོ་བཤུས།

༢། ཕྱི་ལོ་༢༠༡༣་ལོའི་དཔྱ་ཁྲལ་བསྡུ་འབུལ་ཞུས་པའི་ངོ་བཤུས།
༣། རྒྱ་གར་ཧི་མ་ལ་ཡའི་རི་རྒྱུད་ཡིན་པ་རྣམས་ (Indian Passport or Voter ID) ངོ་བཤུས།
༤། སློབ་ཕྲུག་ཞུགས་འདོད་ཡོདརིགས་རང་ལོ་ ༡༦ ནས་ ༢༥ བར་ཡིན་པ།
༤། གཟུགས་གཞི་བདེ་ཐང་ཡིན་པའི་སྨན་པའི་ངོས་སྦྱོར་ངོ་མ།
༥། ཐོག་མའི་འཚང་རྒྱུགས་སྙན་ཞུ་དང་མཉམ་སློབ་དུས་མཐའ་འཁྱོངས་བྱ་རྒྱུའི་ཆོད་ཡིག་དང༌། ཕྱེད་པར་གཉིས་རེ། དགོས་མཁོའི་ཆ་རྐྱེན་གྱི་ཡིག་ཆའི་ངོ་བཤུས་བཅས་ངེས་འབུལ་ཐུབ་དགོས།
གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་སྟེང་བཙན་བྱོལ་བོད་མིའི་སྒྲིག་འཛུགས་ཀྱི་འགན་འཛིན་ལས་བྱེད་ཟུང་དྲུང་ཡན་ནམ་ས་གནས་འགོ་འཛིན། ཡང་ན་བོད་མིའི་སློབ་གྲྭ་གང་རུང་གི་སློབ་སྤྱི་བཅས་སུ་རུང་ནས་ངོ་བཤུས་ཡིག་ཆ་ཁག་ངོ་བཤུས་འཁྲུལ་མེད་ཡིན་པའི་དག་མཆན་མཚན་རྟགས་ངེས་ཞུ་དགོས་པ་བཅས་ཀྱི་གསལ་བསྒྲགས་སུ།