ཁ་སང་གྲོས་ཚོགས་ནང་བདེ་སྲུང་བཀའ་བློན་མཆོག་གིས་གླིང་ཚའི་སྐོར་ལ་གསལ་བཤད་ཅིག་གནང་སྐབས་གླིང་ཚ་ཚེ་རྡོར་ནི་དབུ་མའི་ལམ་ལ་ངེས་པ་རྙེད་ཅིང་། འཚེ་མེད་ཞི་བའི་ལམ་ནས་བདེན་པའི་ཨུ་ཚུགས་གྱི་ལས་འགུལ་བ་ཕུལ་བྱུང་ཞིག་ལ་ངོས་འཛིན་བྱེད་ཀྱི་ཡོད་གསུངས་སོང་།
ཁ་སང་ཕྱི་དྲོའི་ཆུ་ཚོད་ ༥།༣༠ སྟེང་གྲོས་ཚོགས་ནང་། བོད་མིའི་སྒྲིག་འཛུགས་བདེ་སྲུང་བཀའ་བློན་མཆོག་གིས་ཉེ་ཆར་སྤྱི་འཐུས་ཤིག་གིས་བོད་སྐྱོད་ཞི་བའི་གྲོམ་བགྲོད་པ་གླིང་ཚ་ཚེ་བརྟན་རྡོ་རྗེ་སྐོར་ལ་དྲི་བ་ཞིག་བཏོན་པར་ལན་འདེབས་གནང་དོན། “ ད་ལྟའི་འཆར་གླིང་ཚ་ཚེ་བརྟན་རྡོ་རྗེ་ཡི་གནས་སྟངས་ལ་བོད་མིའི་སྒྲིག་འཛུགས་ཀྱི་ངོས་ནས་གང་ཡང་ཤེས་ཀྱི་མེད། གནས་སྟངས་ག་རེ་ཆགས་པ་དང་ག་རེ་འོག་ཏུ་སྡོད་ཡོད་པ། སྐུ་ངལ་ག་རེ་འཕྲད་ཡོད་པ་གང་ཡང་ཤེས་ཀྱི་མེད་སྟབས། ཞེ་དྲག་བཤད་བསྡད་པ་ཡིན་ན་ཕན་ཐོགས་པ་དང་གནོད་སྐྱེལ་བ་ཞུ་ཚོད་ཐུབ་ཀྱི་མི་འདུག འོན་ཀྱང་། གསལ་བོར་ཞུ་དགོས་པ་ཞིག་ལ། གླིང་ཚ་ཚེ་རྡོར་གྱིས་ལས་འགུལ་གང་ཞིག་སྤེལ་བ་དེ་བོད་མིའི་སྒྲིག་འཛུགས་དང་སྒྲིག་འཛུགས་ཁྱབ་ཁོངས་མ་ལག་དང་བཅས་པར་འབྲེལ་བ་གང་ཡང་ཡོད་པ་མ་རེད། དེ་ཐག་ཆོད་པོའི་ཐོག་ནས་ཞུ་བཞིན་ཡོད། གཞུང་འབྲེལ་མིན་པའི་ཚོགས་པ་དེ་འདྲར་ཡང་འབྲེལ་བ་ཡོད་པའི་ངོས་འཛིན་བྱེད་ཀྱི་མེད” ཅེས་གསུངས་སོང་།
བཀའ་བློན་མཆོག་གིས་གླིང་ཚ་ཚེ་བརྟེན་རྡོ་རྗེ་ལ་གདེང་འཇོག་གནང་དོན། “ གླིང་ཚ་ཚེ་རྡོར་ཁོ་རང་འཚེ་མེད་ཞི་བ་དང་། ལྷག་པར་དབུ་མའི་ལམ་ལ་ངེས་པ་རྙེད་ཅིང་། སྡུག་དཀའ་ལས་བརྒྱབ་པ་དང་བློས་གཏོང་ཆེན་པོ་བྱས་ཏེ་ལས་འགུལ་པ་ཞིག་ལ་ངོས་འཛིན་ཞུ་བཞིན་ཡོད། ཁོང་སྔ་རྗེས་བྱས་ཏེ་གོམ་བགྲོད་ལ་ཕེབས་པ་རེད། རྒྱ་གར་ཚ་བའི་ལུང་པ་དེ་དང་དུས་ཚོད་དེའི་ནང་ལ། ཀི་ལོ་མུ་ཊར་སྟོང་ཕྲག་མང་པོ་གོམ་པ་བརྒྱབ་ནས་འགྲོ་བ་དེ་ལས་སླ་བོ་ཞིག་མ་རེད། ཐ་ན་སོ་སོའི་ཕ་མ་རྒན་རྒོན་དང་བཟའ་ཟླ་བུ་ཕྲུག་བཅས་པ་བློས་གཏོང་བྱས་ཏེ། དཀའ་ངལ་དེ་འདྲ་ཞིག་བརྒྱབ་པར་ངེས་པར་རྗེས་སུ་ཡི་རངས་བྱེད་དགོས་པ་ཞིག་ལ་ངོས་འཛིན་བྱེད་ཀྱིན་ཡོད” ཅེས་དང་། “ དངོས་གནས་ཕུལ་དུ་བྱུང་བའི་ལས་འགུལ་བ་ཞིག་ཡིན་པ་དང་། དེ་ཡང་འཚེ་མེད་ཞི་བ་དང་དབུ་མའི་ལམ་ལ་ངེས་པ་རྙེད་ནས་ལས་འགུལ་སྤེལ་མཁན་ཞིག་དང་། བདེན་པའི་ཨུ་ཚུགས་ཀྱི་ཐོག་ནས་ལས་འགུལ་སྤེལ་མཁན་ཞིག་ཡིན་པ་ངོས་འཛིན་བྱེད་ཀྱིན་ཡོད། དེར་བརྟེན། དེ་རིང་ཁོང་གི་གནས་སྟངས་དེ་ག་འདྲ་ཞིག་ཆགས་ཡོད་པ་ཞུ་རྒྱུ་མེད་སྟབས། གསལ་བཤད་འདི་འདྲ་ཞིག་ཞུ་རྒྱུ་ཙམ་ལས། དེ་ལས་སྤྲོས་པའི་ཞུ་ཐབས་གང་ཡང་མི་འདུག ཚང་མས་ཐུགས་སྣང་གནང་དགོས་པ་གལ་ཆེན་པོ་རེད” ཅེས་གསུངས་སོང་།
མཇུག་ཏུ་བཀའ་བློན་མཆོག་གིས་ཚོད་དཔག་གིས་གསུངས་དོན། “ འོན་ཀྱང་། ཁ་ཕྱོགས་འདྲ་བོར་ལྟ་ཡོང་དུས། ཧ་ལམ་རྒྱ་ཡི་ལག་པར་བསླེབས་བསྡད་མེད་འགྲོ་བསམ་པ་ཞིག་ཡོང་གི་འདུག དེ་ཚོད་དཔག་རང་རེད། དེར་བརྟེན། བོད་མིའི་སྒྲིག་འཛུགས་ཀྱི་ངོས་ནས་ལས་འགུལ་བ་ཁོང་དང་ཁོང་ལྟ་བུའི་སྒེར་གྱི་ལས་འགུལ་སྤེལ་མཁན་མང་པོ་འདུག དེ་དག་ལ་བསྔགས་བརྗོད་དང་བརྩི་བཀུར་ཞུ་བཞིན་ཡོད། འོན་ཀྱང་དེ་ལ་འབྲེལ་བ་གང་ཡང་མེད་ཅེས་གསལ་བོ་མ་ཞུས་པ་ཡིན་ན། སོ་སོས་གནས་སྟངས་གསལ་བོ་ཤེས་ཀྱི་མེད་སྟབས། དེར་གནོད་སྐྱོན་ཆེན་པོ་ཕྱིན་པ་ཡིན་ན་མི་དགོས་པ་ཞིོག་རེད”ཅེས་གསུངས་སོང་།
བོད་སྐྱོད་ཞི་བའི་གོམ་བགྲོད་པ་གླིང་ཚ་ཚེ་བརྟན་རྡོ་རྗེ་ལགས། འདི་ལོའི་ཕྱི་ཟླ་ ༦ ཚེས་ ༨ ཉིན་གྱི་ཞོགས་པར། རྒྱ་གར་ནུབ་བྷིང་གྷིལ་( West Bengal) མངའ་སྡེའི་ཀ་ལོན་སྤུག་སྲད་རྒྱུད་གྲྭ་ཚང་ནས་གར་སོང་ཆ་མེད་ཆགས་ཡོད་པ་དང་། དུས་དེ་ནས་དེ་རིང་བར་ཉིན་ ༡༠༨ ལྷག་ཕྱིན་ཡོད་ཀྱང་། སུ་གང་གིས་ཁོང་གར་སོང་གར་སྡོད་ཀྱི་གནས་ཚུལ་གཅིག་ཀྱང་མཐོང་ཐོས་ཐུབ་མེད།
གསར་འགོད་པ། ལྷ་སྐྱབས་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གླིང་ཚ་དཔའ་བོའི་བསམ་དོན་མྱུར་དུ་འགྲུབ་པར་ཤོག །
བཙན་བྱོལ་གཞུང་དང་གཞན་ཁག་སུ་ལ་ཡང་འབྲེལ་བ་མེད་ན་བོད་མི་དང་འབྲེལ་བ་མེད་པ་རེད །དེ་ན་ཁོང་ཁོང་རང་གིས་ནང་མི་ཆེད་དུ་སོང་བ་ཨེ་རེད །སེམས་སྐྱོ་བའི་གཏམ་བཤད་།མི་ངན་དེའི་ཁ་ནས་ཐོན་རྒྱུ་ཞིག །
དེ་ན་སྐུ་ལུས་མེ་མཆོད་ཕུལ་མཁན་་དེ་ཚོ་གཞུང་སྒེར་གཉིས་ཀ་ལ་འབྲེལ་བ་ཡོད་པ་ཡིན་རྒྱུ་རེད །ཁྱོད་ཚོས་འཛམ་གླིང་མི་མང་གི་མདུན་དུ་དཔའ་བོ་ཞེས་བོས་སོང་ལ་རྒྱ་ཆེ་བའི་བསྔོ་སྨོན་ཡང་བྱས་སོང་ །
གླིང་ཚ་འདི་བོར་སོང་བ་ཡིན་མི་སྲིད། གླིང་ཚས་རང་གི་དགོས་འདུན་འགྲུབ་ཆེད་རང་གི་འདོད་བློ་ཁེངས་པ་ཞིག་ཅི་ནས་ཀྱང་བསྒྲུབ་ངེས་ཡིན། དེ་ནི་ཁོས་ལས་འགུལ་སྔོན་པ་དང་རྗེས་མའི་སྐབས་སུ་ཡང་ཡང་གསུངས་མྱོང་ཡོད་ལ། ཁོང་ནི་དངོས་གནས་ཁ་བཤད་ལག་ལེན་གནང་མཁན་གྱི་གཞན་ནུ་བློ་ཁོག་ཅན་ཞིག་ཡིན་པས་སོ།།
གླིང་ཚས་རང་གི་དགོས་འདུན་བསྒྲུབ་ཆེད་དུ་འཆར་གཞི་འདང་ངེས་ཞིག་བཏང་ངེས་ལ། རང་གི་དགོས་འདུན་བསྒྲུབ་ཆེད་དུ་ས་གནས་གང་ཞིག་ཏུ་བསྐོང་ཡོད་ངེས་ལ། ཡང་ས་གནས་གང་ཞིག་ཏུ་སླེབས་ཀྱང་ཡོད་ངེས། དེ་བས། གླིང་ཚའི་སྐོར་འདི་ཚ་ཚ་འུར་འུར་མ་བྱས་ན་མི་བཟང་ངམ་སྙམ།
འཛམ་གླིང་གི་བརྒྱུད་ལམ་ཁག་གིས་མཚམས་ལན་རེར་ལྡོག་ཕྱོགས་ཀྱི་ནུས་པའང་འཐོན་སྲིད་ན་གླིང་ཚ་ད་དུང་ཅུང་ཙམ་རིང་ཁུ་སིམ་མེར་བཞག་ན་བཟང་གི་སྙམ།
གླིང་ཚ་ལགས། ཁྱེད་ཀྱིས་ཁ་པར་ཞིག་ཀྱང་ཁྱེར་མེད་དམ། ཁྱེད་ཀྱིས་རང་གི་ནང་མི་དང་ཚོགས་སྡེ། བློས་ཐུབ་གྲོགས་པོ་སུ་ཞིག་ལ་ཡང་འབྲེལ་བ་གནང་མེད་དམ། དེ་ལྟར་ཡོད་ཚད་གསང་བ་བྱས་ནས་ཕེབས་དོན་ཅི། དེ་ལྟར་གནང་ན་ཅི་ལ་ཕན་ནམ།
ངོ་མ་ཁྱེད་རང་རི་ཁྲོད་ལ་མཚམས་་བཞུགས་པར་ཕེབས་པ་འདྲ་བོ་ཆགས་སོང།
ད་ང་ཚོས་ཇི་ལྟར་རྩད་གཅོད་བྱེད་དགོས་སམ། ཁོང་གི་སྐུ་པར་དེ་བོད་ནང་དང་ས་མཚམས་ཁག་ཚང་མར་བཀྲམ་ན་་་་གསང་བའི་རྩད་གཅོད་པ་འགའ་ཆེད་དུ་བཏང་ན་་་་གལ་ཏེ་བདེ་སྲུང་ལས་ཁུངས་ཀྱི་་་གལ་ཏེ་ང་གསང་བའི་ལས་ཁུངས་ཀྱི་་་་་་
གལ་ཏེ་གཡུལ་ས་ཞིག་ཡིན་ན་དཔའ་ཁེར་རྒྱུག་གི་རྟིང་མ་ཅི་ལོན་ཚང་མས་ཤེས་གི་རེད། འོན་ཀྱང་ཚུལ་འདི་ནི་་་་ཁྱེད་རང་ལ་ཡང་འཁང་ར་བྱེད་དགོས་པ་ཞིག་ཆགས་སོང་ལགས།