སློབ་མ་ ༢༥༠ ལྷག་གིས་ངོ་རྒོལ།

འདི་དང་འབྲེལ་ནས་ཅིག་འབྲི་དགོས་བསམ་དུས་གྲོགས་ཇོ་ཚེ་ལགས་ཀྱིས་བྲིས་ཚར་འདུག ཁྱེད་དང་ངའི་བསམ་འཆར་ཅིག་རེད་ཐུགས་རྗེ་ཆེ།

དེ་སྔོན་གྱི་སྒེར་གཅོད་དང་
ཁ་སང་གི་རྣམ་འགྱུར་སོགས་ཀྱིས་
ཁྱེད་ཚོའི་སྙིང་ལ་བཟོད་མི་ཐུབ་པའི་ན་ཟུག་བཏང་པར་ང་ཚོས་ཤེས་
འོན་ཀྱང་ཁྱེད་ཚོ་ནི་དེ་ལས་ལྡོག་སྟེ་
སྒོ་དང་སྒེར་ཁུང་སོགས་ལ་རྡོ་སོགས་བཞུས་ནས་ངུ་སྐད་དང་སྐད་འབོད་
དེ་བཞིན་འཛིངས་མོའི་གྱེན་ལངས་སོགས་མི་དགོས་པར་
རང་ཉིད་དཔག་ཚོད་ཀྱི་ཞི་བའི་གོམས་བགྲོད་བྱས་པ་འདི་
ཚོགས་པ་དང་མི་སྒེར་ཁྱད་མེད་ལ་
མི་འདོད་པའི་བྱ་དངོས་དང་མནར་གཅོད་དག་ཏུ་
ཆེས་ཚོར་སྣང་ཅན་གྱི་རྣམ་འགྱུར་ཆུང་ཆུང་ཞིག་མངོན་པ་ཙམ་ལས་
ཞེ་དྲག་གི་ཉེན་ཁ་དང་སྡུག་པོ་མིན་ལ་
དེ་དང་དེ་ལྟ་བའི་ལས་འགུལ་ལ་གློ་གཟུར་གྱི་གང་ཟག་རྣམས་ཀྱིས་
རྒྱབ་སྐྱོར་དང་སེམས་གསོ་བྱེད་སྲིད་
དེ་མིན་པའི་རྨོངས་ཞེན་འགའ་ཞིག་གིས་
སྤྱི་སེམས་དང་ལྷག་བསམ་ཡིན་མདོག་གིས་
འདྲ་མིན་གྱི་ངན་སྨྲ་བྱེད་སྲིད་
མ་ཟད་རྡུང་དགོས་རེད་དང་རྡེག་དགོས་ཟེར་སྲིད་
དེ་ནི་ཁོང་ཚོ་དུས་རབས་ཉེར་གཅིག་པའི་རྭ་བའི་ནང་གནས་པར་མ་ཚོར་ནས་
མཐོ་རིམ་མི་སྣ་ཚོའི་མིག་སྔར་སྤྲེ་ལད་ཀྱི་སྐད་ཆ་ཁོ་ན་རེད་

འདི་གནད་དོན་ཞིག་ཡིན་མིན་ཡང་མི་ཤེས་ལ། འདི་དེ་འདྲའི་འུར་ཟིང་གི་ཁྲོད་ནས་གང་ཞིག་གི་མང་གཙོའི་མྱུ་གུ་འབོས་ཟིན་མིན་ཡང་མི་ཤེས། འདི་ནི་སུ་ཞིག་གི་ཁ་སྟབས་ཀྱིས་གཉོན་འཛུགས་བྱེད་སའི་གཞི་ཡིན་པ་བདེན་པ་རེད། ལ་ལས་སློབ་གྲྭའི་སྒྲིག་ཁྲིམས་འགྲིག་མེད་ལུགས་དང་། འགོ་བྱེད་ཚོས་བྱེད་སྟངས་ངན་ལུགས། སློབ་ཕྲུག་ལ་རང་དབང་མེད་ལུགས་སོགས་ཀྱིས་ཁ་སྟབས་དེ་ངག་ལ་འཁྱེར་ནས་ལམ་སྟོན་ཡང་དག་ཞིག་འཛིན་ཁུལ་བྱེད་བཞིན་ཡོད། 
 དྲང་མོར་བཤད་ན་རང་ཉིད་སློབ་ཕྲུག་གི་གནས་བབ་་ཡིན་དུས་ཀྱི་དཀའ་ངལ་ཙམ་འཁྱེར་ནས་བསྒྲུབ་བྱེད་དུ་འགོད་ཁུལ་བྱས་ན་དེ་ཡང་དག་ཞིག་གཏན་ནས་མིན། ངས་འདི་ནས་སློབ་ཕྲུག་དེ་དག་གིས་ངོ་རྒོལ་བྱས་པ་ནོར་འདུག་ཟེར་གི་མེད། རང་ཉིད་ཚོགས་ཁག་དེ་འདྲ་ཞིག་གི་ནང་ལོ་མང་རིང་ཞུགས་པའི་ཉམས་མྱོང་གཞིར་བཟུང་ནས། ཚོར་བ་མ་འདྲ་བ་ལེན་མཁན་དག་གིས་ཅུང་འུར་སྒྲོགས་ཀྱི་རྣམ་པ་ཧ་ཅང་ཐལ་ཆ་ཆེ་བ་འདུག་ཞེས་བརྗོད་འདོད་འདུག ཚོགས་པ་གང་ཡང་རུང་བ་ཞིག་ལ་ཁྲིམས་དང་སྒྲིག་སྲོལ་མེད་ན་གཏན་ནས་མི་འགྲིག་ལ། ཁྲིམས་དང་སྒྲིག་སྲོལ་དེ་ཡང་གནད་དོན་བྱུང་རིམ་ལ་བལྟས་ནས་བསྒྲིགས་དགོས་བྱུང་བ་ལས་མ་འོངས་མངོན་མཁྱེན་བརྟག་ནས་འདི་འདྲ་ཞིག་ཡོང་བར་རྟོགས་ནས་བཟོས་པ་ཞིག་རྩ་བ་ཉིད་ནས་མ་རེད། ཁྲིམས་བཟོ་མཁན་མི་རེད་ལ་བཟོ་བཅུག་མཁན་ཡང་མི་རེད། 
འདི་ལྟར་བསམ་བློ་བཏང་ན་སློབ་ཕྲུག་ཚོས་གནོན་མི་ཐུབ་པའི་དེ་འདྲའི་དཀའ་ཁག་ཅན་གྱི་གནད་དོན་ཞིག་ཨེ་ཡོད་སྙམ་བྱུང་། གལ་སྲིད་སྐབས་དེར་སློབ་ཕྲུག་རྣམས་ནས་སྒྲིག་ཆས་མ་གྱོན་བར་ཁག་དཀྲིས་ནས། སླ྄ོབ་ཕྲུག་རེ་ཟུང་ལ་རྡུང་རྡེག་བཏང་ནས་ལུས་སེམས་གཉིར་ཀར་སྐྱོན་བཟོས་ཡོད་ན། ངོ་རྒོལ་བྱེད་འོས་བ་ཞིག་རེད་ལ་ཚང་མས་དོ་སྣང་དང་ཁ་རྡོང་དེ་བས་གཏོང་དགོས། 
 ངས་ཀྱང་ཐོག་མར་སློབ་ཕྲུག་གིས་ངོ་རྒོལ་ཞེས་པའི་ཁ་བྱང་དེ་མཐོང་དུས། ད་ཐེངས་དངོས་གནས་སླ྄ོབ་ཕྲུག་རྣམས་ནས་དོན་གོ་ཆོད་པའི་ལུས་འགུལ་ཞིག་སྤེལ་ནས། སྤྱི་ཚོགས་ཀྱི་སྐྱོན་གང་མང་ཞིག་ཐེར་འདོན་བྱུང་ཐུབ་སོང་བསམ་ནས་གསར་འགྱུར་དེ་བཀླག་འགོ་བཙུགས་པ་ཡིན། གསར་འགྱུར་དེ་བཀླགས་ནས་སྐེ་མཚམས་ཤིག་ནས་ང་ངོ་མ་ཁོང་ཁྲོ་ལངས་བྱུང་ལ། བོད་ཀྱི་སློབ་ཕྲུག་རྣམས་དེ་འདྲའི་སྐྱིད་ཉལ་སྐྱིད་འདོད་ཁོ་ན་བསམ་མཁན་ཞིག་ཡིན་ནམ་སྙམ་བྱུང་། ལྷག་དོན་དགོས་འདུན་དོན་ཚན་གསུམ་གྱི་ནང་ནས་སྤྲོ་སྐྱིད་སླར་ཡང་བཏང་ཆོག་པའི་བསམ་བྱ་དེ་འདྲ་ཞིག་གི་ཚད་ལས་བརྒལ་མ་ཐུབ་པ་གང་ཡིན་ནམ་སྙམ། བོད་ནང་གི་སློབ་ཕྲུག་ཚོས་སྤྲོད་སྐྱིད་བཏང་བཅུག་མ་བྱུང་ཟེར་ནས་རྒོལ་ལན་སློག་གི་མི་འདུག་ལ། སྐྱིད་སྡུག་ཅུང་ཙམ་ཞིག་གི་ཆེད་དུ་ཐོབ་ཐང་རྩོད་ཀྱི་མི་འདུག ཁོ་ཚོའི་དགོས་འདུན་ནི་མི་རིགས་ཀྱི་གནད་དོན་དང་མི་རིགས་སྐད་ཡིག་འཆི་གསོན་གྱི་གནས་བབ་ཐོག་ནས་ཁ་སྤྲོད་ཀྱི་ཁ་གཏད་དུ་བཞེངས་བཞིན་ཡོད་པ་རེད། 
དྲང་མོར་ཞུས་ན་རྒྱ་ནག་གིས་བོད་ཀྱི་སྐད་ཡིག་གི་གནས་བབ་འཛིན་སྟངས་དང་བཙན་བྱོལ་གྱིས་བོད་ཀྱི་སྐད་ཡིག་གི་གནས་བབ་འཛིན་སྟངས་གཉིས་ལྕི་ཡང་ཕ་ཆེར་གཅིག་ཞེས་བརྗོད་ན་ཡང་སྐྱོན་ཆེར་མེད། རྒྱ་ནག་གིས་ཀྱང་སྔོན་འགྲོ་ནས་འཛིན་རིམ་ལྔ་པའི་བར་རྒྱ་ཡིག་མ་གཏོགས་གཞན་ཆ་ཚང་བོད་སྐད་ཁོ་ནའི་ཐོག་བསླབ་རྒྱུའི་རྩ་ཁྲིམས་ཤིག་གཞི་ནས་གཏན་འབེབས་བྱས་པ་ཡིན་ལ། བཙན་བྱོལ་ནས་དེ་སྔོན་ནས་བོད་ཡིག་གཙོ་བཟུང་ཁ་ཙམ་ལས་དེས་ད་ལྟའི་བར་དུ་སླེབས་པ་ཡིན་ལ། དེ་སྔོན་སྔོན་འགྲོ་ནས་འཛིན་རིམ་བརྒྱད་པའི་དབར་དབྱིན་ཡིག་ཕུད་གཞན་སློབ་ཚན་བྱིངས་བོད་ཡིག་ཐོག་འཁྲིད་རྒྱུའི་ཤེས་ཡོན་སྲིད་བྱུས་རགས་ཙམ་སྤེལ་དུས། ཕ་མ་དང་དགེ་རྒན་སློབ་ཕྲུག་བཅས་ནས་མི་དགའ་བའི་རྣམ་འགྱུར་དང་། ངོ་རྒོལ་གྱིས་གླེང་སློང་ག་ཚོད་གནང་སོང་། མཐར་རྒྱ་ནག་གིས་རྩ་ཁྲིམས་སྤེལ་བ་ལྟར་བཙན་བྱོལ་སྤྱི་ཚོགས་ནང་ཡང་གནས་སྐབས་རང་སྐད་སྔར་བཞིན་སྐད་ཡིག་གཞན་གྱི་མངའ་འོག་ཏུ་བོད་མི་རང་ཉིད་ཀྱིས་དེད་པ་ཚང་མས་མཁྱེན་གསལ་རེད། 
རྒྱ་ནག་གིས་འདི་ལྟར་བོད་ཀྱི་སྐད་ཡིག་ཤི་ལམ་ལ་འདེད་དུས་བོད་ནང་སློབ་ཕྲུག་ཚོས་སྐད་ཡིག་རང་དབང་དང་མི་རིགས་འདྲ་མཉམ་གྱིས་ཐོབ་ཐང་དགོས་ཚུལ་གྱིས་སྐད་འབོད་ག་ཚོད་གནང་སོང་། ཕྱི་བོད་བོད་པའི་སློབ་ཕྲུག་གི་སེམས་རྒྱ་འདི་ཙམ་ཞིག་ལས་མེད་པ་ཧ་ཅང་སྐྱོ་བོ་བྱུང་། བོད་ནང་གི་སློབ་ཕྲུག་རྣམས་ཀྱིས་བསམ་བློ་འཁྱེར་སྟངས་དང་། ལུས་འགུལ་སྤེལ་སྟངས་ཕྱི་བཞུགས་སློབ་ཕྲུག་རྣམས་ནས་ཀྱང་དཔེ་ལེན་དགོས་ལ། རྒན་གཞོན་ཚང་མས་འདི་ལྟ་བུའི་ལས་འགུལ་ཡང་སློབ་ཕྲུག་རྣམས་ལ་སྤེལ་དགོས།  

བཙན་བྱོལ་གྱི་མང་གཙོའི་མྱུང་གུ་འབུས་པ་རེད།

ཁ་སང་རྒན་པོས་འགོ་བཙུགས། དེ་རིང་གཞོན་ནུས་མུ་མཐུད་་་་་

དེས་ན། བཀུར་འོས་ཤེས་རིག་བཀའ་བློན་མཆོག་ནས་ལམ་སེང་ལོ་རྒྱུས་རང་བཞིན་ཅན་གྱི་གནད་དོན་འདི་སྐོར་ཞིབ་འཇུག་ཚོགས་ཆུང་བཙུགས་ནས་སྙན་ཐོ་ཞིབ་འཇུག་ལམ་སེང་དགོས་པ་རེད།

ཆུང་ཆུང་ཆེན་པོ་མ་བཟོ་ཟེར་བ་དང་། དགྲ་དགའ་གཉེན་སྡུག་ཟེར་བ། རྒྱ་ནག་གི་གསང་མྱལ་བ་ཟེར་བ་སོགས་བཙན་བྱོལ་སྤྱི་ཚོགས་ནང་གི་མགོ་རྡུང་བྱེད་ཀྱི་ལྕག་ནག་གི་ཐོ་བ་དེ་རེད། ཐོ་བ་འདིའི་འོག་ནས་མི་མང་པོ་ཞིག་ལ་ཁེ་བཟང་རེག་ཡོད་སྲིད་ཀྱང་། བཙན་བྱོལ་སྤྱི་ཚོགས་ཟེར་ན་འདྲ་བོད་སྤྱི་བའི་ལས་དོན་ལ་གྱོང་ཆེན་པོ་ཞིག་རེག་ཡོད་པ་རེད། ཁེ་གྱོང་དང་དགྲ་གཉེན་གྱི་ཁྱད་པར་དེ་ད་དུང་ངོས་ཟིན་གསལ་བོ་མ་བྱུང་པར་ལྷག་བསྡད་ཡོད་པ་རེད། དེ་ངས་ཐོག་མར་ཞུ་འདོད་པའི་སྐད་ཆ་དེ་ཡིན།
སྤྱིར་བཏང་ད་རེས་གནས་ཚུལ་ཆུང་ཆུང་རེད། ཆགས་སྒོ་དང་དོན་དག་ཆེན་པོ་དེ་འདྲ་བྱུང་མི་འདུག སློབ་གྲྭའི་ངོས་ནས་དགོངས་པ་ཆེ་བཞེས་གནང་པ་ཧ་ཅང་ཡག་པོ་རེད། ཆེན་པོ་ཆུང་ཆུང་དང་ཆུང་ཆུང་མེད་པ་བཟོ་ཐུབ་པ་དེ་རླུང་རྟ་རྒྱུག་འདུག་ཟེར་ཆོག་གི་རེད། ཡིན་ནའང་བརྡ་ལན་ཧ་ཅང་ཆེན་པོ་ཞིག་རེད་བསམ་གྱི་ཡོད། བཙན་བྱོལ་སྤྱི་ཚོགས་ཀྱི་འདས་པའི་ལོ་ངོ་ལྔ་བཅུའི་རིང་བྱུང་མ་མྱོང་བ་ཞིག་རེད། དེ་ཚང་མའི་ཐུགས་ལ་བཞག་རོགས་གནང་།
ད་རེས་མ་སུ་རིར་བྱུང་བའི་གནས་ཚུལ་དེའི་སྐོར་ང་ལ་ཆ་རྒྱུས་གང་འཚམས་ཡོད། མ་སུ་རི་བོད་ཁྱིམ་སློབ་གྲྭའི་འཛིན་རིམ་བཅུ་གཅིག་གི་སློབ་ཕྲུག་ཚོས་འཛིན་རིམ་བཅུ་གཉིས་ཀྱི་སློབ་མ་འཐོན་ལ་ཉེ་བ་ཚོར་ཐུགས་སྤྲོ་ཞིག་གཏོང་གི་ཡོད་པ་རེད། ལམ་སྲོལ་འདི་སྔོན་མ་ནས་ཡོད་པ་ཞིག་རེད། ཐུགས་སྤྲོ་དེའི་ཐོག་སློབ་མ་ཚོས་སྒྲིག་ཆས་ངེས་པར་དུ་གྱོན་དགོས་ཞེས་སློབ་གྲྭའི་སྒྲིག་གཞིའི་ནང་འཁོད་ཡོད་པ་དེ་འདྲ་ཞིག་ཡོད་པ་མ་རེད། ཡིན་ནའང་ཟུར་དུ་དེ་ལ་འཛིན་སྐྱོང་གི་ངོས་ནས་སྒྲིག་གཞི་ཟེར་ན་འདྲ་འགྲོ་སྟངས་དང་ལམ་སྟོན་དེ་འདྲ་ཡོད་སྲིད་པ་རེད་ངས་གསལ་བོ་ཤེས་ཀྱི་མེད།
ད་ལོའི་སྤྱི་ཟླ་ ༡༠ པའི་ཚེས་ ༡༢ ཉིན་འཛིན་གྲྭ་བཅུ་གཅིག་གི་སློབ་མ་ཚོས་འཛིན་རིམ་བཅུ་གཉིས་ཀྱི་སློབ་མ་འཐོན་འགྲོ་མཁན་ཚོར་ཐུགས་སྤྲོ་ཞིག་བཏང་བ་རེད། དེའི་ཐོག་སློབ་གྲྭའི་སྒྲིག་བདག་སྐོར་ཞིག་ཡོང་ནས་སློབ་ཕྲུག་ཚོས་སྒྲིག་ཆས་གྱོན་མེད་པ་དེར་རྫིག་རྫིག་སྣ་ཚོགས་བྱས་ཏེ་སློབ་ཕྲུག་ཚོ་དང་ཁོ་ཚོའི་བར་རྙོག་དྲ་ཆེན་པོ་བྱུང་འདུག མཐའ་མ་དེར་སློབ་ཕྲུག་ཚོ་ཁོང་ཁྲོ་ལངས་ཏེ་ཉིན་གུང་ཆུ་ཚོད་ ༢ ་པ་མ་ཟིན་ཙམ་ལ་འཛིན་གྲྭ་བཅུ་གཅིག་བཅུ་གཉིས་ཀྱིས་སློབ་ཕྲུག་ཡོངས་རྫོགས་ཀྱིས་ངོ་རྒོལ་བྱས་ཏེ་ཞི་བའི་གོམ་བགྲོད་གནང་སྟེ་ཕྱིན་འདུག ངས་གོ་བ་བྱས་ན་སློབ་ཕྲུག་ ༢༧༨ འདུག་ཟེར་བདེན་པ་ཡིན་མིན་ཧ་གོ་མ་སོང་།
མ་སུ་རི་བོད་ཁྱིམ་སློབ་གྲྭ་ནས་ལྡེ་ར་རྡུན་བདེ་སྐྱིད་གླིང་གཞིས་ཆགས་བར་ཀི་ལོ་མུ་ཊིར་ ༣༦ ་ཡོད་རེད། སློབ་གྲྭའི་ངོས་ནས་བདེ་སྐྱིད་གླིང་ས་གནས་གཞིས་མགོར་འབྲེལ་བ་ཞུས་ཏེ་སློབ་ཕྲུག་ཚོ་བཀག་འགོག་བྱས་པ་ཡིན་ནམ། ཡང་ན་སློབ་ཕྲུག་ཚོས་རྐང་བཙུགས་ཏེ་བདེ་སྐྱིད་གླིང་ས་གནས་གཞིས་མགོ་བསྙེགས་ཏེ་གཏུག་བཤེར་ཏུ་བསྐྱོད་པ་ཡིན་གསལ་བོ་ཧ་གོ་མ་སོང་མོད། གང་ལྟར་ཉིན་དེའི་དགོང་མོའི་ཆུ་ཚོད་ ༩ མ་ཟིན་ཙམ་ལ་བདེ་སྐྱིད་གླིང་དུ་འབྱོར་ཡོད་ས་རེད། དགོང་མོ་དེར་སློབ་ཕྲུག་ཚོ་བདེ་སྐྱིད་གླིང་དུ་ཞག་སྡོད་བྱས་འདུག དེ་ནས་སློབ་གྲྭ་དང་ས་གནས་གཞིས་མགོ་གཉིས་ངོས་ནས་སློབ་ཕྲུག་ཚོ་བཀག་འགོག་བྱས་ཏེ། སློབ་ཕྲུག་ཚོར་ཁྱོད་ཚོར་རེ་འདུན་ག་རེ་ཡོད་ན་ཡིག་ཐོག་ནས་འཁྱེར་ཤོག་ལབ་སྟེ།
སྤྱིར་སྟངས་སློབ་ཕྲུག་ཚོར་དཀའ་ངལ་མང་པོ་ཞིག་ཡོད་པ་ངས་གསལ་བོར་ཤེས་ཀྱི་ཡོད། ལྷག་པར་དུ་ཉིན་དེར་རྙོག་དྲ་ག་རེ་བྱུང་ཡོད་མེད་དང་སློབ་གྲྭའི་ངོས་ནས་ག་རེ་ལབ་ཡོད་མེད་སོགས་མང་པོ་ཡོད་རེད། ཡིན་ནའང་མཐའ་མ་དེར་སློབ་ཕྲུག་ཚོས་བཤད་མ་ཕོད་ཟེར་ན་འདྲ་བཤད་མ་ཤེས་ཟེར་ན་འདྲ་ཡིག་ཐོག་ལ་འཁོད་པ་དེ་གོང་དུ་གསར་འགྱུར་ནང་འཁོད་ཡོད་པ་དེ་འདྲ་ཞིག་མིན་འགྲོ་ང་རང་གིས་ནི་མཐོང་མ་སོང་། སློབ་ཕྲུག་ཚོའི་སེམས་ནང་དཀའ་ངལ་མང་པོ་ཡོད་ཀྱང་ད་རེས་ཀྱི་གོ་སྐབས་འདི་བརྒྱུད་ནས་བཤད་སྟངས་ཤེས་ཀྱི་ཡོད་པ་མ་རེད། གང་ཡིན་ཟེར་ན་བཤད་ཀྱང་འབྲེལ་བ་མེད་པ་ཞིག་ཆགས་འགྲོ་བ་རེད།
ང་ཚོས་ཧ་གོ་དགོས་པ་ཞིག་དང་བསམ་ཤེས་ཐུབ་དགོས་པ་ཞིག་གང་ཆགས་ཡོད་ཟེར་ན། ད་རེས་སློབ་ཕྲུག་དེ་འདྲ་མང་པོ་ཞིག་བྱུང་མ་མྱོང་བའི་ངོ་རྒོལ་གོམ་བགྲོད་དེ་ལྟ་བུ་ཞིག་བྱེད་དགོས་པ་དེར་རྒྱུ་མཚན་ཆེན་པོ་ཡོད་ལ། ལྷག་པར་དུ་འཛིན་གྲྭ་བཅུ་གཅིག་བཅུ་གཉིས་ཀྱི་སློབ་ཕྲུག་ཕྱོགས་གང་ཐད་ནས་མགོ་འཚོས་མཁན་དང་བསམ་བློ་གཏོང་ཐུབ་མཁན། ཤེས་ཡོན་གནས་ཚད་གང་ལ་གང་འཚམས་ཡོད་མཁན་རྐྱང་རེད། ལྷག་པར་དུ་སློབ་གྲྭའི་འཐོན་ནས་འགྲོ་མཁན་ཡིན་དུས་སློབ་གྲྭ་དང་སློབ་གྲྭའི་འཛིན་སྐྱོང་བཀའ་དྲིེན་ཆེན་པོ་ཡིན་བསམ་པ་ཡོད་ན་དེ་ལ་འབབ་པའི་རྣམ་འགྱུར་སྟོན་སྟངས་ཤིག་དང་། སེམས་ནང་མ་རེངས་པ་ཞིག་དང་མ་འདོད་པ་ཞིག་ཡོད་ན་དེ་ལ་འབབ་པའི་བྱེད་སྟངས་སྤྱོད་སྟངས་ཤེས་མཁན་རྐྱང་ཆགས་བསྡད་ཡོད་པ་རེད། དེ་མ་སུ་རི་སློབ་གྲྭ་ཙམ་མ་ཡིན་པར་སློབ་གྲྭ་གཞན་དང་ཤེས་རིག་ལས་ཁུངས་སོགས་ཀྱིས་མཁྱེན་དགོས་པ་རེད།
ད་དུང་གནས་ཚུལ་ཆུང་ཆུང་ཡིན་མདོག་མདོག་དང་། དགྲ་དགའ་ཉེན་སྡུག་ཡིན་མདོག་མདོག སློབ་ཕྲུག་ཚོའི་ནོར་འཁྲུལ་ཞིག་ཡིན་པ་ལས་སློབ་གྲྭའི་གཞུང་ལ་འགན་གང་ཡང་མེད་མདོག་མདོག་བྱས་ན་མིག་མེད་གཡངས་མཆོངས་རེད། ད་དུང་འདི་ལས་ཆགས་སྒོ་དང་གནས་ཚུལ་ཆེན་པོ་འབྱུང་བའི་སྔ་བལྟས་རེད། མཐའ་མ་དེ་ལ་ང་རང་གི་བསམ་ཚུལ་ཞིག་ཞུ་འདོད་པ་དེ་ནི། ཐེངས་འདིའི་ཉམས་མྱོང་དེ་བརྒྱུད་ནས་ལྷ་རབ་བྱུང་ན་བོད་གཞུང་ཤེས་རིག་ལས་ཁུངས་ཀྱིས་སྣེ་འཁྲིད་དེ་བཙན་བྱོལ་ནང་གི་སློབ་གྲྭ་ཁག་ཡོངས་རྫོགས་ཀྱི་སྒྲིག་གཞིར་བསྐྱར་ཞིབ་ཅིག་གནང་དགོས་པའི་དུས་ལ་བབ་འདུག གལ་སྲིད་དེ་ལྟར་མ་བྱུང་ཡང་ཤེས་རིག་ལས་ཁུངས་ཀྱི་དབང་ལྡན་འགན་འཛིན་གྱི་ཐོག་ནས་སློབ་གྲྭ་ཁག་ལ་ཡོངས་ཁྱབ་ཏུ་སྒྲིག་གཞི་དང་འབྲེལ་བའི་རྩ་འཛིན་ཡིག་ཆ་གསར་པ་ཞིག་བཟོས་ཏེ་འགྲེམ་སྤེལ་བྱེད་དགོས་ཀྱི་འདུག
ངས་ད་རེས་སློབ་ཕྲུག་དེ་དག་གི་བྱེད་སྟངས་དེ་འགྲིག་འདུག་ཟེར་གྱི་མེད། འགྲིག་དང་ནོར་གང་ཡིན་ལ་མ་ལྟོས་པར་བརྡ་ལན་ཟེར་ན་འདྲ་སློབ་ཕྲུག་དེ་དག་གི་སེམས་ནང་སློབ་གྲྭར་འདོད་པ་མ་ཁེངས་པ་ཆེན་པོ་ཞིག་ཡོད་པ་གསལ་བོ་ཆགས་པ་རེད། སློབ་ཕྲུག་ཚོའི་བྱེད་སྟངས་འགྲིག་མིན་ལ་མ་ལྟོས་པར་སློབ་གྲྭའི་ངོས་ནས་བསམ་ཞིབ་དང་བསྐྱར་ཞིབ་ཆེན་པོ་ཞིག་གནང་དགོས་པ་དེ་ཁ་ཚ་དགོས་གཏུག་ཆགས་བསྡད་ཡོད་པ་རེད། གལ་སྲིད་ས་མཚམས་འདི་ནས་བསམ་ཞིབ་མ་གནང་བ་ཡིན་ན། སྔོན་མ་སུ་ཇ་སློབ་གྲྭར་གནས་ཚུལ་ཆེན་པོ་བྱུང་བ་རེད། ད་རེས་མ་སུ་རིར་སྔར་བྱུང་མ་བྱུང་བ་ཞིག་བྱུང་བ་རེད། མ་འོངས་པར་གནས་ཚུལ་གང་ཞིག་ལྷག་རྒྱུ་ཆ་མ་འཚལ་བ་རེད། ད་ངས་འདི་ནས་འབྲི་མཚམས་འཇོག་རྒྱུ་ཡིན། བཀྲ་ཤིས་བདེ་ལེགས།

ངས་ནི་ད་ནི་སློབ་མ་རྣམས་གཉིད་ལས་སད་འདུག་ཟེར་གྱི་ཡོད། ཡིན་ན་ཡང་ཡིད་སྐྱོ་བ་ཞིག་ལ་ཐུགས་སྤྲོ་ཞིག་དང་སྒྲིག་ཆས་གྱོན་སྟངས་ཤིག་གི་ཆེད་དུ་རེད་འདུག ཡིན་ན་ཡང་འགྲོ་སྟངས་ཤིག་ཤེས་པས་ཡག་པོ་རེད། ཐོབ་ཐང་རྩོད་སྟངས་ཤེས་པས་དེ་ལས་ཡག་པོ་རེད། བོད་ཀྱི་སྐད་དང་ཡི་གེའི་དོན་དུ་འདི་ལྟ་བུའི་ངོ་རྒོལ་ཆེན་པོ་ཞིག་བྱུང་ན་ཅི་མ་རུང་། ཤེས་རིག་གི་ཤེས་ཡོན་སྲིད་ཇུས་གསར་བ་དེའི་ཐོག་ལ་འདི་ལྟ་བུའི་ངོ་རྒོལ་ཞིག་བྱ་ཐུབ་ན་ཅི་མ་རུང་། གང་ལྟར་ཡར་རྒྱས་འགྲོ་བཞིན་པའི་རྟགས་མཚན་རེད།

གནས་ཚུལ་འདི་ནི་བཙན་བྱོལ་སློབ་གྲྭ་ཁག་ཏུ་སྔོན་བརྡ་ཞིག་བརྒྱབ་པ་ཙམ་རེད། འདི་ནི་འགོ་ཚུགས་པ་ཙམ་ཡང་རེད། གལ་སྲིད་སློབ་མའི་སློབ་སྦྱོང་ཁོར་ཡུག་ལ་བྱེད་ཐབས་རང་བཞིན་གྱི་གུ་ཡངས་མེད་པར་གནོན་ཤུགས་ཤིག་ཏུ་གྱུར་ཚེ་འདི་ལས་ཚབས་ཆེ་བ་འབྱུང་ངེས་རེད། འདི་ནི་འགོ་བརྩམས་པ་ཙམ་རེད། འདི་ནི་བརྡ་བརྒྱབ་པ་ཙམ་རེད།

མ་སི་རུ་བོད་ཁྱིམ་དུ་བྱུང་བའི་གནས་ཚུལ་དེ་ང་ཚོས་བློ་གཟུར་བོར་གནང་ནས་ལྟ་དགོས་པ་ལས། བསམ་ཚུལ་ཙམ་བཤད་ནས་ཡིན་ངེས་མ་ཡིན་པ་ཞིག་བཤད་ན་ནོར་འཁྲུལ་དང་། སྤྱི་ཚོགས་ལ་རྙོག་ཟིང་དང་རང་གཞན་གཉིས་ཀ་མི་སྐྱིད་པ་ཞིག་ཡོང་ན་ང་ཚོས་ད་བར་བསྒྲུབ་པ་ཆ་ཚང་དོན་མེད་ཞིག་ཏུ་དང་། ཕ་རོལ་དགྲ་བོ་དགའ་བའི་དགྲ་དགའ་གཉེན་སྡུག་གི་གནས་སུ་འགྲོ་ངེས་ཡིན།
སློབ་མ་རྣམས་ཀྱིས་མཐར་ཕྱིན་སྤྲོ་སྐྱིད་སྐབས་གཏན་འབེབས་ཀྱི་སྒྲིག་གཞི་བཞིན་སྒྲིག་ཆས་མ་གྱོན་པར་གྱོན་བཅུག་པ་དང་། སྤྲོ་སྐྱིད་མཚམས་འཇོག་ཙམ་ཞིག་གི་དོན་དུ་དེ་འདྲའི་ངོ་རྒོལ་ཞིག་བྱེད་ན། ང་ཚོའི་གནས་བབ་དང་སློབ་མའི་བསམ་ཞིབ་གང་འདྲ་ཞིག་གནང་འདུག་གམ། གཞན་གྱིས་མཐོང་ཚུལ་དང་ལྟ་ཚུལ་གང་ཞིག་འབྱུང་གི་རེད། ངོ་མ་ཡིན་དེ་ཙམ་གྱིས་སློབ་མ་ཚོས་ངོ་རྒོལ་དང་འཁང་ར་འདོན་བཞིན་ཡོད་ན། ཆེས་མ་མཐའ་ཡང་སློབ་གྲྭ་དེའི་ཉིན་གཅིག་གི་འགྲོ་གྲོན་སློབ་ཕྲུག་རེ་རེའི་སྒང་ལ་ང་ཚོད་འགྲོ་བཞིན་ཡོད་པ་གསལ་བོར་ཤེས་དགོས་པ་ཡིན། སྤྱིར་ལས་བྱེད་དང་ལས་ཀྱི་སྣེ་མོ་བ་ཚང་མས་འདི་འདྲའི་ཐོག་སློབ་མ་ལ་འགྲེལ་བརྗོད་དང་། ཡིད་ངོར་འཇགས་པའི་སློབ་གསོ་གཏོང་དགོས། བསམ་བློ་གནད་དུ་ཕབས་ནས་བཤད་ན་འདི་ཙམ་ཞིག་གི་ང་རྒོལ་བྱེད་པ་ཨེ་ཡིན་བསམ་པ་བྱུང་། དོན་དངོས་འདི་ཙམ་ཞིག་ཡིན་ན་སློབ་མ་འདི་དག་སྐྱིད་མ་འཁྱོག་པའི་ཀོར་གྱིས་གནོན་པ་ཡིན། འགྲོ་གྲོན་འདི་དག་གི་ཡོང་ཁུངས་དང་དཀའ་ངལ་སོགས་ཕལ་ཆེར་འཛིན་རིམ་བཅུ་པའི་ཡན་གྱིས་རྟོགས་དགོས་ངེས་རེད་ལ་རྟོགས་བཞིན་ཡང་ལོད་ཡོད་བསམ།
བོད་ནང་དང་ཕྱི་བཞུགས་སློབ་མའི་བར་གྱི་བོད་མི་རིགས་ལ་ཁུར་བའི་སེམས་ཁུར་དང་། སེམས་ཤུགས། འགན་འཁྲི་སོགས་ཞིབ་བསྡུར་ཞིག་བྱས་ན་གནམ་སའི་བར་ཁྱད་ཕྱིན་ཡོད་པ་རེད། དེ་ནི་གུས་མོ་བཙན་བྱོལ་དུ་མནར་སོན་པའི་ས་སྐྱེས་རྡོ་སྐྱེས་ཀྱི་མི་ཞིག་ཡིན་པས་ཆ་ན། བོད་ཕྱི་ཕྱོགས་ཀྱི་སློབ་མའི་གནས་ཚུལ་དང་བསམ་བློའི་ཀུན་སྤྱོད་ཤེས་ཀྱིན་ཡོད། འདི་གར་གནས་བའི་སློབ་ཕྲུག་རྣམས་ལ་ཆ་རྐྱེན་དང་མཐུན་རྐྱེན། མཐོང་ཐོས་སོགས་ཧ་ཅང་ལེགས་མོད། རང་ཉིད་བཙན་བྱོལ་དུ་གནས་སའི་རྒྱལ་ཁབ་དེའི་སློབ་གྲྭའི་ཆ་རྐྱེན་གང་འདྲ་ཞིག་ཡོད་པ་ང་ཚོས་མིག་མཐོང་ལག་ཟིན་ཡིན། འདི་ལྟར་ཞིབ་བསྡུར་དང་འགན་འཁྲི་ཞིག་གི་ཐོག་ནས་བློས་ཞིབ་ཏུ་བརྟག་ན་ད་གཟོད་ང་ཚོ་ལ། ཅི་ཞིག་དགོས། གང་ཞིག་མ་འགྲིག་བ་སོགས་རེ་རེ་བཞིན་གསལ་ཁ་ཕྱེས་རན་རེད།
སློབ་མའི་ངོ་རྒོལ་དེ་དེ་ཙམ་ཞིག་ཡིན་ན་ངོ་མ་སྐྱིད་དྲགས་པ་རེད། དཀའ་ངལ་ལ་གདོང་ལེན་བྱེད་མི་ཐུབ་པའི་མི་བུ་ཐབས་རྡུགས་རྐྱང་ཡིན་ངེས། འོན་ཀྱང་དེ་ཙམ་ཞིག་མིན་པར་སྨོན།
ང་ཚོས་དགེ་སྐྱོན་གང་གླེང་སྐབས་སློབ་གྲྭ་ཞིག་ནས་མི་གསོད་ཁྲག་སྦྱོར་བྱས་པ་རེད་ལ་སོགས་པའི་ནད་རྙིང་ལྟ་བུའི་དབྱེན་དཀྲུག་གི་བརྗོད་ཚིག་དག་མི་སྤེལ་བར་མཁྱེན།

གནས་ཚུལ་འདི་བྱུང་རྐྱེན་མཐར་ཕྱིན་སློབ་མའི་ཐུགས་སྤྲོ་དང་སྒྲིག་ཆས་གྱོན་སྟངས་ཙམ་གྱིས་བྱུང་བ་ཞིག་གཏན་ནས་མ་རེད། གནའ་སྔོན་ནས་མཱ་སུ་རི་སློབ་གྲྭ་ནས་དོན་རྐྱེན་ཚབ་ཆེ་ཆུང་མི་འདྲ་བ་མང་པོ་བྱུང་དང་འབྱུང་བཞིན་པ་འདི་དག་གི་རྒྱབ་ལྗོངས་ལ་སྐྱུག་ལོག་པའི་ལོ་རྒྱུས་སྐྱི་གཡའ་བ་འགའ་ཡོད་ནི་རེད། སློབ་ཕྲུག་དེ་ཚོར་གསར་འགོད་པས་རིམ་པར་སྐད་ཆ་འདྲི་ན་སྒྲུང་མང་པོ་དོན་རྒྱུ་ངེས་གཏན་རེད། མ་གཞི་འདིའི་རིགས་དེ་གཞིས་ལུས་སྤུན་ཟླ་ཚོས་མ་ཐོས་ན་བཟང་གི།

ངས་ཀྱང་གནས་ཚུལ་འདི་གོ་སོང་། འཛིན་རིམ་བཅུ་གཅིིག་བཅུ་གཉིས་ཀྱི་སློབ་ཕྲུག་གཅིག་པུ་ཡིན་ས་མ་རེད། འཛིན་གྲྭ་གཞན་པའི་ཕྲུ་གུ་མང་པོ་ཞིག་ཀྱང་གོམ་བགྲོད་ནང་མཉམ་ཞུགས་བྱས་ཡོད་ས་རེད། འདི་མ་སུ་རི་སློབ་གྲྭའི་འཛིན་སྐྱོང་གཅིག་པུའི་ནོར་འཁྲུལ་ཞིག་ཏུ་མཐོང་མ་སོང་ལ། སློབ་གྲྭའི་སློབ་ཕྲུག་དེ་དག་གི་ནོར་འཁྲུལ་ཞིག་དེ་ལས་ཀྱང་མ་རེད།
བཙན་བྱོལ་སྤྱི་ཚོགས་ཀྱི་རྨིང་གཞིའི་བསམ་བློ་འཁྱེར་སྟངས་དང་། བསམ་བློ་ནོར་འཁྲུལ་ཅན་དེའི་རྗེས་འབྲེལ་དུ་བཟོས་པའི་ཁྲིམས་སྒྲིག་དང་། གོམས་སྲོལ་འགྲོ་སྟངས་མང་པོ་ཞིག་འགྲིག་གི་ཡོད་པ་མ་རེད། ས་སུ་རི་སློབ་གྲྭ་ནས་བདེ་སྐྱིད་གླིང་གཞིས་ཆགས་བར་ཀཱེ་ལཱོ་མེའུ་ཊིར་ 38ཙམ་ཡོད་རེད། སྤྱིར་བཏང་ད་རེས་དོན་དག་ཆུང་ཆུང་རེད་གནས་ཚུལ་ཆེན་པོ་དེ་འདྲ་ལྷག་ཡོད་པ་མ་རེད་དེ། ཐེངས་འདིར་འཛིན་གྲྭ་བཅུ་གཅིག་བཅུ་གཉིས་ཀྱི་སློབ་ཕྲུག་ཚོས་དེ་ལྟར་ངོ་རྒོལ་གནང་དགོས་པ་དེ་ད་རེས་ཐུགས་སྤྲོའི་ཐོག་སྒྲིག་ཆས་གྱོན་བཅུག་པ་དང་ཐུགས་སྤྲོ་གཏོང་མ་བཅུག་པའི་སེམས་ནད་ཙམ་མ་རེད་བསམ་གྱི་འདུག རྒྱུན་རིང་བསགས་ཡོད་པའི་སེམས་ནད་ཅིག་གནོན་མ་ཐུབ་པར་གནས་ཚུལ་འདི་བྱུང་བ་རེད། གསར་འགོད་པའི་སློབ་གྲྭའི་འཛིན་སྐྱོང་གཅིག་པུར་སྐད་ཆ་དྲིས་ཏེ། སློབ་ཕྲུག་གི་ཕྱོགས་ལ་སྐད་ཆ་མ་དྲིས་པ་དེ་འགྲིག་ཡོད་པ་མ་རེད། སློབ་ཕྲུག་ཚོས་ཐེངས་འདིར་ལོ་རྒྱུས་ཐོག་བྱུང་མ་མྱོང་བའི་ངོ་རྒོལ་དེ་འདྲ་ཞིག་བྱེད་དགོས་པ་དེ་སེམས་ནང་དཀའ་ངལ་མང་པོ་ཞིག་ཡོད་པ་རེད། དེ་གསར་འགོད་པས་གསལ་བོ་བཟོ་དགོས་པ་རེད། སྤྱི་ཚོགས་ཀྱིས་ཧ་གོ་དགོས་པ་རེད།
དེང་སྐབས་དུས་རབས་ཉེར་གཅིག་པ་སླེབས་ཡོད་པར་རེད། ང་ཚོ་སྐྱབས་བཅོལ་བ་ཡིན་པ་དང་། ལུང་པ་རྒྱ་ལག་ཏུ་ཤོར་ཡོད་པ། སྤྲང་པོ་ཡིན་པ། ཉམས་ཆུང་བྱེད་དགོས་པ། སྒྲིག་གཞི་འཁུར་དགོས་པ། ༧གོང་ས་མཆོག་ལ་སྲི་ཞུ་བསྒྲུབ་དགོས་པ་སོགས་སེམས་ལ་དྲན་ཚུལ་བཤད་དེ་མགོ་གནོན་བྱེད་ཆོག་ཀྱང་། ང་ཚོ་སྡོད་ས་དང་འགྲོ་སའི་སྤྱི་ཚོགས་ཀྱིས་ང་ཚོར་བསྟུན་མཁས་བྱེད་གི་མ་རེད། དུས་ཀྱི་འགྱུར་ལྡོག་གིས་བཙན་བྱོལ་བོད་མི་རེད་ཟེར་ནས་གུ་ཡངས་སྤྲོད་གི་མ་རེད། དུས་ཚོད་དང་བསྟུན་པའི་ཐོག་ནས་གུ་ཡངས་དང་རང་དབང་སྤྲོད་དགོས་པ་རེད། ལྷག་པར་དུ་དེང་སྐབས་བཙན་བྱོལ་སྤྱི་ཚོགས་ནང་གི་སློབ་གྲྭ་ཁག་མང་ཆེ་བ་སློབ་མས་སྟོང་ནས་འགྲོ་བཞིན་ཡོད་པ་ཚང་མས་མཁྱེན་གསལ་རེད། དེ་ལ་བསྟུན་པའི་མཐུན་རྐྱེན་དང་སྒྲིག་གཞི། འགྲོ་སྟངས་སོགས་ལག་བསྟར་བྱེད་དགོས་པ་རེད།

སྒྲིག་ཆས་ཉིན་གཅིག་གོན་རྒྱུར་དཀའ་ངལ་ཅི།
ཡང་ན་མ་གོན་ན་ཡང་ནག་ཉེས་ཅི།
ཐུགས་སྤྲོ་གཏོང་རྒྱུ་བཀག་པ་མི་འོས་ཀྱང།
ངོ་རྒོལ་སྐད་འབོད་དེ་བས་འོས་མ་ཡིན།
ཆུང་ཆུང་འདི་འདྲ་ཆེན་པོ་བཟོ་དགོས་ན།
ཆེན་པོ་བོད་ཀྱི་དཀའ་ངལ་ཇི་ལྟར་སེལ།

ཉེ་ཆར་སྤྱི་ཚོགས་ནང་ལ་ཟིང་ཆ་འཇམ་ནས་ཟླ་ངོ་ཁ་ཤས་མ་ལས་སོང་པའི་མ་སུ་རིའི་སློབ་གྲྭ་སྐོར་གཏམ་ཞིག་སྤེལ་ན། དེ་སྔོན་ནད་རྟགས་ལྟ་བུའི་ཁ་སང་མ་སུ་རིའི་སློབ་མ་ཚོས་སློབ་གྲྭའི་འཛིན་སྐྱོང་ལ་ངོ་རྒོལ་བྱེད་སྟངས་འདིས། བཟང་པོ་དང་ངན་པ་ཅི་ཞིག་མཆིས་སམ་ཞེ་ན། དེ་ནི་སྔར་འཛིན་སྐྱོང་གིས་བྱེད་སྟངས་དང་། ལས་སྟངས་འགའ་ཞིག་གིས་སློབ་ཕྲུག་རང་ཉིད་བློ་འཕམ་དགོས་པ་དང་། སེམས་སྐྱོ་དགོས་པའི་གནད་དོན། དེ་བཞིན་དྲང་བདེན་དང་གནས་ལུགས་མེད་པའི་སྒེར་གཅོད་ཀྱི་རྩ་འཛིན་ཆེ་དྲགས་པའི་སྐྱོན་ཆ་འགའ་ཞིག དེ་རེང་སྤྱི་ཚོགས་ཀྱི་མིག་འདུན་དུ་ཕྱིར་མངོན་བྱས་པ་ཞིག་རེད་། གནའ་སྔ་མོ་ནས་ད་ལྟའི་བར་མ་སུ་རིའི་སློབ་གྲྭ་སྐོར་གནས་ཚུལ་ཕྲན་བུ་ཞིག་རྒྱུན་མཐུད་ནས་ཡོང་གི་ཡོད་ཀྱང་། ད་ཆར་ཞི་བའི་གོམས་བགྲོད་སྐྱོད་དགོས་པའི་གནད་དོན་མ་ཐུག་ཞིག་པར་རྒྱུན་བསྲིངས་པ་འདི། ཐུག་སྤྲོ་བཏང་མ་བཅུག་པའི་དཀའ་ངལ་ཙམ་དང་། སྒྲིག་ཆས་གྱོན་མ་གྱོན་གྱི་གནད་དོན་ཙམ་ཞིག་མ་ཡིན་པར། སྔ་ནས་མ་འགྲིགས་པའི་ན་ཚའི་བཀའ་ངལ་མང་པོ་ཞིག་བསགས་ནས་བསྡད་པ་དེ། ཁ་སང་གཞི་ནས་ནད་ལངས་བརྒྱབ་སྟེ་ཕྱིར་མངོན་བྱས་པ་ཞིག་ལ་ཚང་མས་ངོས་འཛིན་ཐུབ་དགོས། དེ་ནི་འབྱུང་འགྱུར་བོད་ཕྲུག་མང་པོ་ཞིག་གི་ཕུགས་འདོན་དང་བདེ་སྡུག རྩ་བའི་མི་རིགས་ཤིག་གི་སོན་རྩ་དང་འཇུག་འབྲས་ལ་ཐུག་པའི་གནད་དོན་ཞིག་ཡིན་ཕྱིར། འདིའི་ཐད་ལ་ཞིབ་བཤེར་མཐར་ཕྱིན་པ་ཞིག་གནང་དགོས། དེ་བས་སློབ་ཕྲུག་ཚོ་ལ་འཇིགས་སྣང་དང་སྡིགས་ར་བསྐུལ་ཏེ་ཞིབ་བཤེར་བྱས་ན། ད་ལྟ་གནད་དོན་འདི་ཡོང་ཁུངས་ཀྱི་རྩ་བ་དེ་ལ་ཐུག་ཡོད་པར་ངོས་འཛིན་བྱེད་ཐུབ། མ་ཟད་སྐྱོང་འཛིན་ལས་བྱེད་པ་མཐོ་རིམ་དང་། དམའ་རིམ་གྱི་ཁྱད་པར་མ་ལྟོས་པར་ངེས་པར་དུ་ཞིབ་བཤེར་ཞིག་མ་བྱས་ན། མ་འོངས་པར་ཡང་གནད་དོན་འདི་ལྟ་བུ་ཞིག་རྫོགས་ཐབས་མེད་པར་ལྷག་སྲིད། དེ་བཞིན་སློབ་གྲྭ་དང་། མཐོ་སློབ་གང་ཞིག་ཡིན་ཡང་རྒན་བདག་དང་། ཤེས་ཡོན་གྱི་ཚོགས་མི་དང་། སློབ་གྲྭའི་ཚོགས་མི་སོགས་ཅི་འདྲ་ཞིག་གདམ་དགོས་ནའང། འཛིན་སྐྱོང་གིས་སྤྱང་སྒྲུང་ལྟ་བུའི་ཆབ་སྲིད་ཞིག་འཁྲབ་སྟེ་ཐོག་མར་འཛིན་སྐྱོང་གིས་འོས་མི་གཉིས་གསུམ་ཞིག་བདམས། དེ་ནས་འོས་མི་དེའི་ནང་ནས་སློབ་ཕྲུག་ཚོ་ལ་མང་གཙོ་ཡིན་མདོག་གི་རྣམ་པས་རྒན་བདག་སོགས་གདམ་བཅུག་པ་སྟེ། རྒྱ་ནག་སྲིད་འཛིན་གདམ་ལུགས་ལྟར། སྒེར་གཅོད་ཀྱི་བྱེད་སྟངས་ངོ་མ་དེ་རེད། འདི་ལྟ་བུའི་ལས་ཀ་ཐབས་སྡུག་པོ་ཞིག་གང་ནས་ཡོད། འདི་ནི་རྐུ་ཡིན་ནའང་མིན་འདོག་ལྟར་བྱེད་སྟངས་ཤིག་དང་། རྫུན་མ་ཡིན་ཡང་མིན་མདོག་ལྟར་བྱེད་སྟངས་ཤིག་ལས། མང་གཙོ་ཚད་ལྡན་ཡོད་ན་སློབ་ཕྲུག་ཚོ་ལ་གདམ་མི་བཅུག་པའི་གནད་དོན་ཅི་ཡོད། དེ་ནི་འཛིན་སྐྱོང་རང་ཉིད་ཀྱི་སྒེར་གཅོད་ཀྱི་བྱེད་སྟངས་དང་ལས་སྟངས་སོགས་ལ་སྐྱོན་ཆ་མི་ཡོང་པའི་ཆེད་དུ་མི་སྤྲེ་ལད་ཅན་གཉིས་གསུམ་འོས་མི་བཙལ་ནས་། གཞི་ནས་སློབ་ཕྲུག་ཚོར་བདམས་བཅུག་ཡིན། དེ་ནི་ཁོང་ཚོས་ཤར་ལ་རྒྱུགས་ཟེར་ན་རྐྱང་དང་། ནུབ་ལ་རྒྱུགས་ཟེར་ན་རྒྱུག་རྐྱང་། མིག་ཚུམས་ཟེར་ན་བཙུམ་རྐྱང་། ཁ་གདངས་ཟེར་ན་གདངས་རྐྱང་བྱེད་མཁན་ཤ་སྟག་ཡིན། དངོས་ནས་བྱས་ན་ལྷག་བསམ་ལྡན་པའི་བྱ་བ་ཅི་འདྲ་བྱས་ནའང་། གཞན་གྱིས་གདེང་འཇོག་དང་བརྩི་སྟངས་མི་ཡོང་པར་གང་ནས་བྱེད་སྲིད། དེས་ན་ཆུ་མ་བརྙོགས་ན་དྭང་མ་དང་། སྒེར་གཅོད་མ་བྱས་ན་ཞི་འཇམ་ཡིན་པ་འཇིག་རྟེན་གྱི་ཆོས་ཉིད་རེད།

ཚང་མ་ལོས་རྒྱབ་བསྐྱོེར་གནང་ནས་དོན་དག་ཕྱི་གསལ་ནང་གསལ་བཟོ་རོགས། གསར་འགོད་པ་ལྷན་རྒྱས་འགན་ཆེན་པོ་ཡོག་རེད།