ས་མིག་གསལ་བསྒྲགས།

བཙུན་དགོན་སྒྲོམ་མ་གླིང་རིགས་ལམ་སློབ་གཉེར་ཁང་དུ་ཕོ་མོ་དབྱེར་མེད་ཀྱི་དབྱིན་ཡིག་དགེ་རྒན་ཞིག་དགོས་ངེས་ཤིང་། གཤམ་གསལ་ཚ་རྐྱེན་ཁང་ཚང་བའི་རིགས་སྤྱི་ལོ་ ༢༠༡༤ ཟླ་ ༡ ཚེས་ ༡༠ ནང་ཚུད་དུ་སྙན་ཞུ་འདི་གའི་སློབ་སྤྱིའི་ཡིག་ཚང་དུ་འབུལ་གནང་ཡོད་པ་ཞུ།

དགོས་ངེས་ཀྱི་ཆ་རྐྱེན་གཤམ་གསལ།

༡། བཙན་བྱོལ་བོད་མིའི་དྭང་བླངས་དཔྱ་ཁྲལ་ཆ་ཚང་ཕུལ་བའི་ལག་དེབ་ངོ་བཤུས་ངེས་པར་དུ་དགོས།
༢། རྒྱ་གར་ནང་གནས་སྡོད་ཆོག་པའི་ (Updated R.C) ངོ་བཤུས་ངེས་འབུལ་དགོས་ལ། གལ་ཏེ་རང་ཉིད་ཚོགས་སྡེ་གང་རུང་དུ་ལས་ཀ་བྱེད་བཞིན་ཡོད་ན་ཚོགས་སྡེ་དེའི་དགག་བྱ་མེད་པའི་རྒྱབ་གཉེར་ཡིག་ཆ་དགོས།
༣། རང་གཞུང་ཁྱབ་ཁོངས་སྨན་ཁང་གང་རུང་ཞིག་ནས་གཟུགས་ཐང་ཡིན་པའི་སྨན་པའི་ངོས་སྦྱོར་དགོས།
༤། གོང་གསལ་དགོས་ངེས་ཀྱི་ཡིག་ཆ་ཁག་གི་ངོ་བཤུས་དངོས་བདེན་ཡིན་པའི་ས་གནས་འགོ་འཛིན་དང་གལ་སྲིད་ས་གནས་འགོ་འཛིན་མེད་པའི་ས་གནས་ཡིན་ཚེ། རང་བདེན་ཚོགས་ཆུང་གི་དག་མཆན་ཡོད་པའི་ངོ་བཤུས་དགོས།

ཤེས་ཚད་ཀྱི་ཆ་རྐྱེན།

རྒྱ་གར་གྱི་མཐོ་སློབ་(BA/B.Ed) ཐོན་པའི་ཕྱག་འཁྱེར་ཡོད་པའི་ཐོག་དགེ་རྒན་གྱི་ཉམས་མྱོང་ཡོད་ཞིག་དགོས། གལ་སྲིད་འདིར་ཞུགས་བློ་ཡོད་ཚེ་སྤྱི་ལོ་ ༢༠༡༤ ཟླ་བ་ ༡ ཚེས་ ༢༠ སྔ་དྲོའི་ཕྱག་ཚོད་ ༡༠།༣༠ ཐོག་ངག་རྒྱུགས་དང་བྲིས་རྒྱུགས་ལམ་ནས་འདེམས་སྒྲུག་གནང་རྒྱུ། གོང་གསལ་ཆ་རྐྱེན་དེ་དག་ཚང་ཚེ་ལོ་གཅིག་རིང་ཚོད་ལྟ་དང་དེ་ནས་ལས་བྱེད་དངོས་དུ་འཇོག་རྒྱུ།