བོད་རིཊ་བྱིས་པ་གཉིས་ཀྱིས་ཕྱི་ལོ་ ༢༠༡༣ ལོའི་རྒྱ་ནག་རྒྱལ་ཡོངས་ཨོ་ལིམ་ཕིག་བྱིས་པའི་འཕྲུས་ཆས་མི་སྒྲིག་བཟོ་འགྲན་སྡུར་ཁྲོད་ཨང་དང་པོའི་བྱ་དགའ་བླངས་ཡོད་འདུག
ཟླ་འདིའི་ཕྱི་ཚེས་ ༡༥ ནས་ ༡༧ བར་ཧིན་རྡུ་ཉི་ཞི་ཡའི་རྒྱལ་སར་བསྡུས་པའི་འཛམ་གླིང་ཨོ་ལིམ་ཕིག་ ‘བྱིས་པའི་འཕྲུལ་ཆས་མི་སྒྲིག་བཟོ’ འགྲན་སྡུར” (World Robot Olympiad 2013)ཞེས་པའི་ཁྲོད། མཚོ་ལྷོ་ཁུལ་ཐུན་ཏེ་རྫོང་མི་རིགས་སློབ་གྲྭའི་སློབ་མ་ཀུན་དགའ་རྒྱལ་མཚན་དང་རྟ་མགྲིན་རྡོ་རྗེ་གཉིས་ཀྱིས་ཕུལ་བྱུང་བྱ་དགའ་བླངས་ཡོད་འདུག
བོད་ནང་གི་དྲ་ཚིགས་སུ་གནས་ཚུལ་སྤེལ་བ་ལྟར་ན། ད་ལོའི་ཕྱི་ཟླ་༨ ཚེས་ ༡༨ ཉིན་རྒྱ་ནག་ཧུའུ་ནན་ཧྲང་ཧྲར་སྐོང་ཚོགས་བྱས་པའི་ཕྱི་ལོ་ ༢༠༡༣ ལོའི་རྒྱ་ནག་རྒྱལ་ཡོངས་སྐབས་བཅུ་པའི་ཨོ་ལིམ་ཕིག་བྱིས་པའི་འཕྲུལ་ཆས་མི་སྒྲིག་བཟོ་འགྲན་སྡུར་ཁྲོད། སློབ་མ་འདི་གཉིས་ཀྱིས་བཟོས་པའི་༼ང་ཡི་གྲོང་ཁྱེར། ༽ཞེས་པར་ཨང་དང་པོའི་བྱ་དགའ་ཐོབ་ཡོད་འདུག
ཐེངས་འདིའི་འཛམ་གླིང་རང་བཞིན་གྱི་འགྲན་སྡུར་ནང་རྒྱལ་ཁབ་ ༣༧ ནས་བྱིས་པ་ ༡༠༣༠ཞུགས་བྱས་ཡོད་པ་དང་། དེ་བཞིན། སྐབས་བཅུ་པའི་རྒྱ་ནག་རྒྱལ་ཡོངས་ཀྱི་འགྲན་བསྡུར་ནང་ཞིང་ཆེན་དང་གྲོང་ཁྱེར། རང་སྐྱོང་ལྗོངས་༢༤ དང་། ཧོང་ཀོང་བཅས་ཁྱོན་འགྲན་སྡུར་པ་ ༣༢༦ མཉམ་ཞུགས་བྱས་ཡོད་འདུག
བོད་རིགས་མྱུ་གསར་བ་གཉིས་སུ་བཀྲིན་ཆེ་ལགས་ཁྱེད་གཉིས་བོད་མི་རིགས་ཀྱི་ས་བོན་རྒྱུན་བཟང་ཡིན་པ་རེད་འདུག་པས་བསམ་དོན་ལྷུན་སྒྲུབ་ཡོང་སྨོན་བཅས།
འོ་ཡ་ང་ཚོ་བོད་རིགས་ཀྱི་མི་དམངས་ལ་གཞན་དང་འདྲ་བའི་ལུགས་མཐུན་གྱི་གོ་སྐབས་ཐོབ་ཚེ། གང་ཡང་འཇོན་ལ་སུ་ལའང་མགོ་སྒུར་མི་དགོས་པ་གསལ་བཤད་བྱས་ཡོད་ལ། དེེས་བོད་མི་རིགས་ནི་ཆེས་རྗེས་ལུས་དང་། ཆེས་མུན་ནག་མིན་པ་གསལ་སྟོན་བྱས་ཡོད་པས་དགའ་བསུ་ཞུ།།