དེ་རིང་ཞོགས་པར་ཡུལ་ཤུལ་སྐྱེ་རྒུ་མདོ་ཁུལ་དུ་ས་ཡོམ་བརྒྱབ་ཡོད་ཀྱང་མི་རྒྱུ་གཉིས་ལ་གནོད་སྐྱོན་གང་ཡང་ཐེབས་མེད་པའི་གནས་ཚུལ་འདུག
ད་ལྟ་རང་འདི་གར་གནས་ཚུལ་དང་པར་འབྱོར་བ་ལྟར་ན། དེ་རིང་བོད་ནང་གི་ཞོགས་པའི་ཆུ་ཚོད་ ༤ ། ༡༡ ཙམ་ལ་ཁམས་ཡུལ་ཤུལ་སྐྱེ་རྒུ་མདོ་ཁུལ་དུ་ས་ཡོམ་བརྒྱབ་ཡོད་པ་དང་། ས་གནས་བོད་མི་ཚོ་དངངས་སྐྲག་གིས་རང་ཁྱིམ་དུ་སྡོད་མ་ཕོད་པར་སྲང་ལམ་དུ་ཐོན་ཏེ་མེ་དཔུང་བརྒྱབ་ནས་ཉལ་ཡོད་པ་དང་། ད་ལྟའི་ཆར་མི་རྒྱུ་གཉིས་ཀར་གནོད་སྐྱོན་གང་ཡང་ཐེབས་མེད་པའི་གནས་ཚུལ་ཐོན་འདུག
