ཨ་རིའི་གྲོང་ཁྱེར་ནེའུ་ཡོག་གི་སྨན་བཅོས་ཚན་རིག་པ་ཁག་ཅིག་གིས་ཨེ་ཙི་ནད་པའི་ལུས་ཟུངས་ཀྱི་(HIV)ཞེས་པའི་ནད་འབུ་ལ་“ཨན་ཌི་རི་ཌོར་ཝོ་རལ”ཞེས་པའི་བཅོས་ཐབས་བརྒྱུད་རྩ་མེད་བཟོ་ཐུབ་ཀྱི་ཡོད་སྐོར་བརྗོད་འདུག
ཁ་སང་རྒྱ་གར་དུས་བབ་གཙོས་པའི་རྒྱལ་སྤྱིའི་བརྒྱུད་ལམ་ཁག་ཅིག་ནང་གནས་ཚུལ་ཐོན་པ་ལྟར་ན། ཨ་རིའི་གྲོང་ཁྱེར་ནེའུ་ཡོག་ནང་རྟེན་གཞི་བྱས་པའི་ཨལ་བྷར་ཌི་ཨན་སི་ཀྲིང་གསོ་རིག་སློབ་ཆེན་གྱི་ཆེད་མཁས་པ་དྷ་དྷ་ཆོ་ཝ་ (Ekaterina Dadachova)ལགས་གཙོས་པའི་གསོ་རིག་ཆེད་མཁས་པ་ཁག་ཅིག་གིས་དུས་ཡུན་རིང་པོར་ཉམས་ཞིབ་དང་ཚོད་ལྟ་བྱས་པ་བརྒྱུད། འཛམ་གླིང་ཐོག་ཆེས་ཉེན་ཁ་དང་ཞེད་སྣང་བྱེད་ཀྱིན་པའི་འགོས་ནད་སྲིན་འབུ་འཁྲུག་པའི་གཉེན་ནད་རེག་དུག་སྟེ། དབྱིན་སྐད་ནང་ཨེ་ཙི་(AIDS)ཞེས་པ་དེ་བཅོས་ཐུབ་ཀྱི་ཡོད་སྐོར་གསལ་བསྒྲགས་སྤེལ་འདུག
ལྕམ་ངྷ་ངྷ་ཆོ་ཝ་སོགས་ཀྱིས་ཨེ་ཙི་ནད་འབུ་ཡོད་པའི་ནད་པ་ ༡༥ ཙམ་གྱི་ཁྲག་ལ་བརྟག་དཔྱད་སྨན་བཅོས་བྱས་པ་བརྒྱུད་ན་ཚ་དེ་ཚད་གཞི་མཐོ་བའི་ཨན་ཌི་རི་ཌོར་ཝོ་རལ་(antiretroviral therapy)སྨན་བཅོས་ལ་བརྟེན་དགོས་པ་དང་། གཟུགས་པོའི་ནད་འགོག་ཕྲ་ཕུང་གསོ་ཐབས་(mAb2556) དང་། (radionuclide Bismuth-213)ཞེས་པ་ཞིག་གསར་བཟོ་གནང་སྟེ། (radionuclide Bismuth-213) ཞེས་པའི་སྨན་བཅོས་འདིས་ཁྲག་རྩའི་ནང་ཡོད་པའི་ཨེ་ཙི་ནད་འབུ་ཁག་རྩ་མེད་བཟོས་པ་ཙམ་ལས་ལུས་ཟུངས་ཀྱི་ཁྲག་རྩའི་མ་ལག་ཁག་ལ་གནོད་སྐྱོན་མི་བཟོ་ཚུལ་དང་། ང་ཚོས་མིའི་ཀླད་པའི་ནང་ཡོད་པའི་ཟུངས་ཁྲག་འགོག་སྲུང་གི་ཐབས་ལམ་ལ་བརྟེན་ཏེ། (mAb2556)ཞེས་པའི་བཅོས་ཐབས་སྤྱད་དེ་ཨེ་ཙི་ནད་འབུས་ཁྱབ་པའི་ཟུངས་ཁྲག་གི་ནད་འབུ་རྣམས་རྩ་མེད་བཟོ་བཞིན་ཡོད་ཀྱང་། སྨན་བཅོས་བརྟག་ཐབས་དེ་ཡག་པོ་བྱེད་མ་ཐུབ་པ་ཡིན་ན་ཀླད་པའི་དབང་རྩ་ཉམས་ཉེས་བྱུང་སྟེ་དབང་པོ་སྐྱོན་ཅན་ནམ། ཡང་ན་སེམས་ཁམས་བདེ་པོ་མེད་པ་ཆགས་རྒྱུའི་ཉེན་ཁའང་ཡོང་སྲིད་སྐོར་བརྗོད་འདུག
ད་ལྟ་གསོ་རིག་བརྟག་ཐབས་འདིས་ལྷོ་ཨ་ཧྥེ་རི་ཀའི་ཁུལ་གྱི་ནད་པ་ས་ཡ་ ༢།༨ ལ་སྨན་བཅོས་བྱས་ཡོད་པ་དང་། ༢༠༣༠ སྔོན་ཚུད་ནང་ནད་པ་ས་ཡ་ ༡༥ ཙམ་ལ་ཕན་ཐོགས་སྒྲུབ་རྒྱུ་ཡིན་པའི་ཚོད་དཔག་བྱེད་བཞིན་ཡོད་འདུག
ཨེ་ཙི་ཞེས་པའི་བཅོས་ཐབས་མེད་པའི་ནད་གཞི་འདི་ཐོག་མ། དུས་རབས་ ༢༠ པའི་དུས་མཇུག་ཏུ་ལྷོ་ཨ་ཧྥི་རི་ཁའི་གླིང་ཆེན་དུ་སྤྲེའུ་ལས་མི་ལ་འགོས་ཁྱབ་ཕྱིན་པར་ཚན་རིག་པ་ཚོས་ངོས་འཛིན་བྱེད་ཀྱི་ཡོད་ཅིང་། འགྲོ་བ་མིའི་སྤྱི་ཚོགས་ནང་ཕོ་མོས་འཁྲིག་སྤྱོད་དང་། ཁྲག་འདྲེས་པ། ཨེ་ཙི་ནད་པའི་ནུ་ཞོ། སྐྲ་དང་ཁ་སྤུ་བཞར་ཆས། སྨན་ཁབ། ཁྲག་སྦྱིན་སོགས་ལས་འགོས་ཁྱབ་འགྲོ་བཞིན་ཡོད་འདུག ནད་གཞི་འདི་ཐོག་མ་ ༡༩༨༠ ཙམ་ལ་ངོས་འཛིན་བྱུང་རྗེས་ད་བར་ནད་པ་ས་ཡ་ ༣༦།༢ ལྷག་དང་། ནད་གཞི་འདིས་རྐྱེན་པས་མི་ས་ཡ་ ༦།༥ ཙམ་འདས་གྲོངས་སུ་ཕྱིན་ཡོད་འདུག འཛམ་གླིང་འཕྲོད་བསྟེན་ལྷན་ཚོགས་ཀྱི་སྙན་ཐོར་གསལ་བ་ལྟར་ན། རྒྱ་གར་ལ་ཨེ་ཙི་ནད་པ་ས་ཡ་༤།༣༩ དང་རྒྱ་ནག་ནང་ས་ཡ་༣ ལྷག་ཡོད་འདུག རྒྱ་གར་ནི་འཛམ་གླིང་ནང་གི་ཨེ་ཙི་ནད་པ་མང་ཤོས་ཨང་ ༣ པ་དང་། རྒྱ་ནག་ཨང་ ༡༣ པ་ཡིན་འདུག
བོད་མིའི་སྒྲིག་འཛུགས་འཕྲོད་བསྟེན་བཀའ་བློན་མཆོག་གི་འདི་ལོའི་འཛམ་གླིང་ཨེ་ཙི་ཉིན་མོའི་གསུང་འཕྲིན་ནང་། ད་ལྟ་བཙན་བྱོལ་བོད་པའི་སྤྱི་ཚོགས་ནང་ཤེས་རྟོགས་བྱུང་བའི་ཨེ་ཙི་ནད་པ་ ༡༣ ཙམ་ཡོད་ལུགས་གསུངས་འདུག མི་མང་ཚོའི་ངོས་ནས་ཨེ་ཙི་ནད་པ་དེ་ལས་མང་བའི་ཚོད་དཔག་བྱེད་ཀྱིན་ཡོད།
དངོས་གནས་གཏམ་བཟང་རེད། ད་ལྟའི་གནས་ཚུལ་འདི་ལ་བརྟེན་ནས་ང་ཚོས་བོད་རིགས་ཀྱི་འཕྲོད་བསྟེན་སྲུང་སྐྱོབས་ཆེདདང་། གཉན་ནད་རེག་དུག་ལྡན་པའི་མིའི་རིགས་ལ་སྨན་བཅོས་ཀྱི་གོ་སྐལ་ག་དུས་གནང་རྒྱུ་ཡིན་མིན་སྒུག་ནས་ཡོད།
ནད་རིགས་འདི་ལ་བཅོས་ཐབས་ཡོད་ཀྱང་། བོད་པ་ཚང་ལ་མཚོན་ན། ནད་རིགས་དེ་བཅོས་བྱེད་ཀྱི་སྒོར་མོ་མེད་སྟབས། མུ་མཐུད་ནས་ནད་རིགས་མི་ཡོང་བའི་ཐབས་ལ་འབད་དགོས་པར་སྙམ།
ཡཡ་དེ་ངོ་མ་གཏང་བཟང་ཞིག་་་་ངས་དམིགས་གསལ་ཁོང་རྣམས་པར་
ཐུགས་ཆེ་་་་་ཞུ་བ་ཡིན་་་་་་
ཡག་རེད་དེ་ཡིན་ན་ཡག་པོ་རེད་ད།