བོད་ཀྱི་བཙུན་མའི་ལས་འཆར་ཁང་གི་ཡིག་ཚང་དུ་ཕོ་མོ་དབྱེར་མེད་ཀྱི་ལས་དྲུང་ཞིག་དང་རྩིས་པའི་ལས་རོགས་ཤིག་དགོས་མཁོ་ཆེ་བས། གཤམ་གསལ་ཆ་རྐྱེན་ཁག་ཚང་ཞིང་ཞུགས་བློ་ཡོད་རིགས་རྣམས་ནས་ཕྱི་ལོ་ ༢༠༡༤ ཟླ་ ༡ ཚེས་ ༢༧ ནང་ཚུད་དུ་སྙན་ཞུ་འདི་གའི་བོད་ཀྱི་བཙུན་མའི་ལས་འཆར་གྱི་ཡིག་ཚང་དུ་འབུལ་གནང་ཡོད་པ་ཞུ།
དགོས་ངེས་ཀྱི་ཆ་རྐྱེན་གཤམ་གསལ།
༡། བཙན་བྱོལ་བོད་མིའི་དྭང་བླངས་དཔྱ་ཁྲལ་ཆ་ཚང་ཕུལ་བའི་ལག་དེབ་ངོ་བཤུས་ངེས་པར་དུ་དགོས།
༢། རྒྱ་གར་ནང་གནས་སྡོད་ཆོག་པའི་ Updated R.C. ངོ་བཤུས་ངེས་འབུལ་དགོས་ལ་གལ་ཏེ་རང་ཉིད་ཚོགས་སྡེ་གང་རུང་དུ་ལས་ཀ་བྱེད་བཞིན་ཡོད་ན་ཚོགས་སྡེ་དེའི་དགག་བྱ་མེད་པའི་རྒྱབ་གཉེར་ཡིག་ཆ་དགོས།
༣། རང་གཞུང་ཁྱབ་ཁོངས་སྨན་ཁང་གང་རུང་ཞིག་ནས་གཟུགས་ཐང་ཡིན་པའི་སྨན་པའི་ངོས་སྤྱོར་དགོས།
༤། གོང་གསལ་དགོས་ངེས་ཀྱི་ཡིག་ཆ་ཁག་གི་ངོ་བཤུས་དངོས་བདེན་ཡིན་པའི་ས་གནས་འགོ་འཛིན་དང་གལ་སྲིད་ས་གནས་འགོ་འཛིན་མེད་པའི་ས་གནས་ཡིན་ཚེ། རང་བདེན་ཚོགས་ཆུང་གི་དག་མཆན་ཡོད་པའི་ངོ་བཤུས་དགོས།
ལས་དྲུང་གི་ཤེས་ཚད་ཀྱི་ཆ་རྐྱེན།
གཞི་རིམ་འཛིན་གྲྭ་བཅུ་གཉིས་ཐོན་པའམ་ཡང་ན་ B.A ཐོན་པའི་ཕྱག་འཁྱེར་ཡོད་པ་དང་ཆབས་ཅིག་དབྱིན་ཡིག་རང་རྐྱ་ཐུབ་པ་དགོས།
རྩིས་པའི་ཤེས་ཚད་ཀྱི་ཆ་རྐྱེན།
གཞི་རིམ་འཛིན་གྲྭ་བཅུ་གཉིས་ཐོན་པ་དང་རྩིས་ཐོག་ཉམས་མྱོང་ཡག་པོ་ཡོད་པ་ཡང་ན་ B.Com ཐོན་པ་དང་ཉམས་མྱོང་ཡག་པོ་ཡོད་པ་ཞིག་དགོས།འདོད་བློ་ཡོད་ཚེ་ཕྱི་ལོ ༢༠༡༤ ཟླ་བ་ ༢ ཚེས་ ༥ སྔ་དྲོའི་ཕྱག་ཚོད་ ༡༠་༣༠ ཐོག་ངག་རྒྱུགས་དང་བྲི་རྒྱུགས་ལམ་ནས་འདེམས་སྒྲུག་གནང་རྒྱུ།
གོང་གསལ་ཆ་རྐྱེན་དེ་དག་ཚང་ཚེ་ལོ་གཅིག་རིང་ཚོད་ལྟ་དང་དེ་ནས་ལས་བྱེད་དངོས་སུ་འཇོག་རྒྱུ།
འབྲེལ་ཡུལ། ༩༤༡༨༠༣༤༦༤༡།༩༨༠༥༧༨༡༠༤
Tibetan Nuns Project
C/O Dolma Ling Nunnery
P.O. Sidhpur-176057
Distt: Kangra, H.P. India
