མིང་ཚིག་བེད་སྤྱོད་གཏོང་ཕྱོཊ་ལ་གཟབ་རོཊ།

བོད་གཞིས་བྱེས་གཉིས་ཀྱིས་བོད་སྐད་ཡིག་སྲུང་སྐྱོབ་ཀྱི་སེམས་ཤུགས་སླེབས་པ་ཁོ་རང་དགའ་ལྡན་ཕོ་བྲང་པའི་བཀའ་དྲིན་ཉག་གཅིག་ལས་གཞན་གང་ཡང་མེད། རྒྱལ་པཎ་ཉི་ཟླ་ཟུང་གིས་བོད་ཟེར་བ་འདི་རེ་བ་ཆེན་པོ་ཡོད་པ་ཞིག་ཏུ་སྒྱུར་ཐུབ་སོང་། བཀའ་དྲིན་སྲིད་པའི་རྩེ་མོའི་བར་དུ་གཞལ་དཀའ་འོ། །
ས་སྐྱ་གོང་མ་བདག་མོ་བཞེས་ནས་བཞུགས། །
མཚུར་ཕུ་ཀརྨ་རྒྱ་ཡི་ལྷ་མོར་མཉེས། །
སི་ཏུ་ཞྭ་དམར་ནང་འཛིངས་རྒྱག་ནས་བཞུགས། །
དགའ་ལྡན་ཁྲི་པ་ཁྲི་ལ་གཉིད་དུ་རོལ། །
དུས་ཀྱི་བསྐལ་པ་སྙིགས་མ་འདི་འདྲ་ལ། །
རྒྱལ་པཎ་ཉི་ཟླ་ཁྱོད་གཉིས་མ་ཤར་ན། །
གངས་ཅན་བོད་འདི་རྒྱ་འདྲེའི་ཁ་ལག་ནང་། །
ཞི་མིས་ཙི་ཙི་བཅོམ་ལྟར་འགྱུར་ངེས་སོ། །
རྒྱལ་པཎ་བླ་མ་རྣམ་གཉིས་ང་ཚོ་མགོ་ནག་བོད་ལ་བཀའ་དྲིན་ཆེ།

དགའ་ལྡན་ཕོ་བྲང་གིས་བསྒྲགས་གཏམ་དེ་འདྲ་ཞིག་བཏང་པ་དེ་སོ་སོ་ངོ་མ་ཤེས་པར་གཞན་ལ་མཛུབ་མོ་བཙུགས་པ་རང་རེད།

རྩ་བའི་ཆ་ནས་བོད་ནང་དུ་༧པཎ་ཆེན་སྐུ་གོང་མས་སྐུ་ལས་ཚད་མེད་བསྐྱོན་གནང་པ་ལ་བརྟེན་ནས། བཙན་བྱོལ་དང་བསྡུར་ན་སྤྱིའི་ཆ་ནས་བོད་སྐད་དང་བོད་ཡིག་གི་རྨང་གཞི་བོད་ཁམས་ཡོངས་སུ་སྲ་བརྟན་དུ་གྱུར་ཡོད་རེད། འོན་ཀྱང་། བཙན་བྱོལ་ནང་ལ་གཅིག་ལྟོས་དང་། མགོ་དབུ་ཁྲིད་རྣམ་པ་ནས་གཞུང་ཞབས་ལས་བྱེད་ཚོའི་བོད་སྐད་ཡིག་གི་སྤུས་ཚད་དང་བོད་སྐད་བཤད་སྟངས་ལ་ལྟོས། མཐའ་ན་ཡིག་ནོར་མེད་པའི་གཞུང་ཡིག་ཅིག་མཐོང་དཀའ་བའི་གནས་སུ་གྱུར་ཡོད།

དེ་བཞིན་བཙན་བྱོལ་གྱི་བོད་པའི་སློབ་གྲྭ་ཁག་ནས་ཐོན་པའི་བོད་ཕྲུག་ཚོའི་སྐད་ཡིག་གི་སྤུས་ཚད་ལ་ལྟོས། གང་འདྲ་རེད་འདུག དགའ་ལྡན་ཕོ་བྲང་གིས་དངོས་གནས་ཅིག་བཤད་རྒྱུ་ཡིན་ཟེར་ན། ཨང་དང་པོ་སོ་སོ་རང་ཉིད་དང་སོ་སོའི་མཐའ་འཁོར་ལ་གཙང་མ་སྤུས་དག་ཅིག་ཡོང་པར་བགྱིས་ཏེ། གཞི་ནས་བོད་ནང་ལ་ཞལ་ལོག་ན་འོས།

ཡིན་ཙང་། ཨང་དང་པོ་བཙན་བྱོལ་ནས་བོད་སྐད་བོད་ཡིག་གི་རྨང་གཞི་སྲ་བརྟན་བཟོས། དབྱིན་ཡིག་དང་ཧིན་རྡིའི་ཞན་ཤུགས་མེད་པའི་བོད་མིའི་སྤྱི་ཚོགས་ཤིག་དང་བོད་རང་གི་ཐ་སྙད་ལ་མ་རྨོངས་པའི་བོད་མི་རྐྱང་ཡོང་པ་གནང་སྟེ། གཞི་ནས་བོད་ནང་ལ་ཞལ་ལོག་སྟེ་བཀའ་རྒྱ་དེ་འདྲ་གནང་ན་འོས་པ་ཞིག་ཏུ་མཐོང་ངོ་།

གྲོགས་མཆོག་ཚེ་རིང་རྡོ་རྗེ་ལགས་ཀྱི་འགན་ཁུར་ཡོད་པའི་དགོངས་ཚུལ་འདི་རྨད་དུ་བྱུང། ངས་བསྐྱར་འགོད་ཅིག་བྱས་ཡོད།

བཙན་བྱོལ་བས་གཞིས་བཞུགས་བོད་མི་རྣམས་ལ་གསལ་བཤད་བྱ་དགོས་པ་ནི།
དང་པོ། སྤྱི་ལོ༡༩༦༠ལོ་ནས་༧རྒྱལ་བ་རིན་པོ་ཆེས་བོད་ཀྱི་སྐད་དང་ཡི་གེ་འཛིན་སྐྱོང་སྤེལ་གསུམ་སྐོར་ལ་གནང་བའི་ཁ་ཚ་དགོས་གཏུག་གི་བཀའ་སློབ་དེ་དག་ཁྱེད་ཚོས་བསྒྲུབས་ཡོད་དམ།
གཉིས་པ། འགན་འཁྲི་ཅན་གྱི་བླ་དཔོན་སུ་ཞིག་གིས་བཀའ་སློབ་དེ་རྣམས་བཙན་བྱོལ་བོད་མིའི་ཁྲོད་དུ་ནན་ཏན་གྱིས་ལག་ལེན་མ་བྱས་པ་དང་། བཙན་བྱོལ་བོད་སྐད་ཡིག་གི་ལོ་རྒྱུས་ཀྱི་ཉེས་ཅན་ནི་སུ་དང་སུ་ཡིན་ནམ།
གསུམ་པ། བོད་གཞིས་པའི་ཕ་མ་ལྷག་བསམ་ཅན་མང་པོས་རང་གི་བུ་ཕྲུག་རྒྱ་དམར་གྱི་བླ་འགུག་སློབ་གསོ་ཐེབས་སུ་འཇུག་མ་འདོད་དེ། བོད་ཀྱི་སྐད་ཡིག་དང་རིག་གནས་སློབ་པའི་ཆེད་དུ་བཙན་བྱོལ་གྱི་སློབ་གྲྭ་ཁག་ཏུ་མངགས་ཀྱང་། ཁོང་ཚོའི་བུ་ཕྲུག་རྣམས་ཀྱི་སྐད་ཡིག་དང་བསམ་བློ་གཉིས་ཆ་ར་མིན་ལུག་མིན་དུ་བསྒྱུར་བ་འདི་གྲུབ་འབྲས་ཡིན་ནམ་ནག་ཉེས་ཡིན།
བཞི་བ། ད་ལྟའི་བཙན་བྱོལ་གྱི་བོད་སྐད་ཡིག་འཛིན་སྐྱོང་སྤེལ་གསུམ་ལ་འཆར་གཞི་དང་ལག་ལེན་གང་འདྲ་ཡོད།

རེད། དངོས་གནས་བྱས་ན། ཏཱ་ལའི་བླ་མའི་དགེ་རྩ༽

འདི་འདྲ་ཞིག་སུས་བཏགས་གནང་བ་ཡིན་ནམ། བོད་མི་མང་པོ་ཞིག་ལ་འདི་མ་བདེ་བ་ཞིག་མཐོང་ཚུལ་འདུག

འཇང་ཅན་དང་ཇོ་རུ་ཅན་སོགས་ཁྱེད་རྣམས་ལས་ངན་ཁྱུ་ཚོ་གཅིག་དེ་སྡུག་ཅོག་ང་ལ་གཏོད་ཅིག སེམས་བཟང་པོའི་མཁྲིས་སྨན་ཁ པོ་དེ། ལས་བསོད་ཟད་ཅན་ལ་དུག་ཏུ་འགྱུར་ཟེར་བ་ཅི་མི་བདེན། བོད་སྐད་ནང་རྒྱ་སྐད་ཀྱི་ཤན་ཞུགས་པར་ཡིད་གཟབ་དགོས་ཞེས་སྨྲ་སྐབས་སྐད་ཡིག་གཞན་སུ་འདྲ་ཞིག་གི་ཤན་ཞུགས་ནའང་ཅི་མཚུངས་སུ་རྣམ་དཔྱོད་ཅན་ཡོངས་ཀྱིས་ཤུགས་མ་ཐུབ་ཀྱིས་གོ་ངེས་མོད། མགོ་རུལ་བ་སྣ་ཡིས་མི་ཚོར་ཁྱེད་ཚོར་ཅི་ཁག ཀླད་སྟོང་ཁྱེད་ཚོའི་ཁ་དེ་ནང་མགོ་བརྡུང་བྱེད་ཀྱི་ཐོ་བ་ཙམ་དགྲ་ཤ་བོ་སྟེང་ལ་བལ་ལས་འཇམ་འཇམ་དུ་གྱུར་ཡོད་པས་རེད། སྒ་ཞེས་པ་ལས་དགའ་སྐྱེ་དགུ་མདོ་ཞེས་བྲིས་པ་སོ་སོས་མ་མཐོང་བས་རང་རེའི་བོད་མི་བླ་སྲོག་དགའ་ལྡན་ཕོ་བྲང་པར་སྨོད་པ་ནི་ཁྲོན་སྦས་ཀྱིས་གནམ་མ་མཐོང་བའི་གནས་ལུགས་དང་ཡོངས་སུ་མཚུངས་སོ། །མ་མཐོང་ན་ད་དུང་མུ་མཐུད་ནས་ལོ་རྒྱུས་ཡིག་ཆ ཁག་ཀློགས་ཤིག དགའ་ལྡན་ཕོ་བྲང་པ་ཆེན་པོ་ནི་བོད་མིའི་སྲོག་དང་འདྲེས་ཡོད་པས་བོད་གངས་ཅན་པ་ཇི་སྲིད་མ་སྟོང་གྱི་བར་དུ་ཉི་མ་བྱེ་བའི་གཟི་བྱིན་འབར་བཞིན་བཞུགས་པར་ངེས་སོ། །ཧཧཧཧཧཧ། ལས་ངན་མ་ཁྱེད་ཚོའི་སྙིང་ཟུག་གིས་གས་པར་མི་འགྱུར་རམ། །

ས་པཎ་གྱིས། ཁ་ཏས་མི་གཙང་ཟ་བའི་མཆུ། །ས་གཙང་གཞན་ལ་འབད་དེ་འཕྱིས།།

ཡིན་ནའི། ཀྲུང་དབྱང་སྲིད་གཞུང་སོེར་འཇོག་གནང་དགོས་ཀྱི་རེད་པཱ། དེ་མ་གཏོགས་རྩ་ཁྲིམས་འོག་ཇི་ལྟར་འགྲོ་ཐུབ་བམ།

༸གོང་ས་མཆོག་དང་སྐུ་སྒེར་ཡིག་ཚང་གི་མཚན་ཁྱེར་ནས། སོ་སོ་ཁོག་སྟོང་ཡིན་པའི་བླུན་རྟགས་དེ་མ་བསྟན་ན་བཟང་གི་སེམས། སྤྱིར་པུའུ་དང་ཐིང་། ཁྲུའུ་སོགས་བོད་སྐད་དང་བོད་ཀྱི་ཐ་སྙད་མ་ཡིན་པར་རྒྱ་སྐད་སྒྲ་སྒྱུར་བྱས་པ་ཞིག་ཡིན་པ་དང་། དེ་ནི་རྒྱའི་བརྡ་དང་ཐ་སྙད་ཀྱི་བཙན་འཛུལ་དང་དབང་སྒྱུར་ཞིག་ཡིན་པ་བརྗོད་མ་དགོས་པར་ཚང་མས་ཤེས་ནི་རེད། ཡིན་ནའང་། གོང་གི་ཐ་སྙད་དེ་དག་ལས་ཁུངས་ཀྱི་དོན་མ་རེད། ལས་ཁུངས་ལ་རྒྱ་སྐད་ཀྱིས་པཱན་ཀུང་ཧྲི་ཟེར་ནི་རེད། པུའུ་དང་ཐིང་། ཁྲུའུ་ནི་ལས་ཁུངས་ཀྱི་གནས་རིམ་ཞིག་གི་མིང་རེད། གནས་རིམ་དེ་དག་གི་མགོ་གཙོ་ལ་པུའུ་ཀྲང་དང་ཐིང་ཀྲང་། ཁྲུའུ་ཀྲང་ཞེས་འདོགས་ཀྱིན་ཡོད་པ་རེད། འདི་ཙམ་ལའང་དབྱེ་ཞིབ་མ་བྱས་པར་རང་སྣང་གང་དྲན་དུ་བྲིས་ནས་འོག་ལ་སྐུལ་རྐྱང་བྱས་ན། ཡི་གེ་འདི་འབྲི་བ་པོ་སོ་སོར་ངོ་ཚ་མེད་ནའང་། སྐུ་སྒེར་གྱི་མཚན་ཐོག་ནས་འདི་འདྲ་བརྗོད་ན་མི་མང་ངོ་ཚ་བའི་རྒྱུ་རེད། གཞན། དྲང་མོར་བཤད་ན། གཟའ་འཁོར་ལ་རྒྱ་སྐད་སྒྲ་སྒྱུར་ཐོག་ ཤིན་ཅི་ ཞེས་རྒྱ་གཞུང་གིས་གཏན་ལ་ཕབ་ནས་འབྲི་བཞིན་པ་ཞིག་མཐོང་མ་སོང་། མི་སྒེར་རང་ག་བའི་ངོས་ནས་དེ་འདྲ་རེ་ཟུང་བྲིས་ཡོད་སྲིད་ཀྱི་རེད། དེ་མིན། ཡུས་ཧྲུའུ་དང་ཀན་(ལྷོ)། ཀོས་ནན། གུང་ཧོ། ཐུན་ཏེ། ཞིན་ཧེ། སོགས་ས་མིང་ནི་རྒྱ་གཞུང་གིས་བསམ་བཞིན་གཏན་ལ་ཕབ་ཏེ་བཙན་གྱིས་འབྲི་རུ་བཅུག་པའི་རྒྱ་སྐད་ཀྱི་མིང་རང་རེད། ས་གནས་སོ་སོའི་བོད་མི་མང་གིས་ཡང་ཡང་ཞུ་གཏུགས་བྱས་པར་བརྟེན་ནས། དེའི་ཁྲོད་ནས་ཁག་ཅིག་ད་སྐབས་བོད་མིང་རང་ལ་ཕྱིར་བསྒྱུར་འདུག ཁག་ཅིག་སྔར་བཞིན་སོར་བཞག་གིས་རྒྱ་སྐད་རང་འབྲི་བཞིན་འདུག དེ་བཞིན། མཚོ་ལྷོ་དང་རྨ་ལྷོ། མཚོ་ཤར། མཚོ་བྱང་། མཚོ་ནུབ། སོགས་ས་མིང་རྣམས་ནི་བོད་ཡིག་རེད་དེ། སྔར་གྱི་བོད་རང་གི་ས་མིང་ངོ་མ་དག་མ་རེད། ས་མིང་དེ་དག་བོད་ནང་ཐབས་ཡོད་པ་མ་རེད་དེ། བཙན་བྱོལ་སྤྱི་ཚོགས་ནང་བོད་རང་སྔར་གྱི་བོད་ཀྱི་ས་མིང་གཞིར་བཟུང་བྲིས་ན་ཆོག་གི་འདུག (ཡིན་ནའང་། གསར་འགྱུར་འབྲི་སྐབས་ཕྱོགས་རེ་ཟུང་ནས་དཀའ་ངལ་ཞིག་ཡོང་གིན་ཡོད་མོད། གནས་སྐབས་དེའི་སྐོར་མི་གླེང་ནི་བྱེད།)
དེ་མིན། ལས་གནས་གོ་རིམ་གྱི་མིང་དང་དཔོན་གནས་གོ་རིམ་གྱི་མིང་རྣམས་ནི། སྔོན་ཆད་བོད་རང་གི་ཐ་སྣད་ནང་ཡོངས་སུ་ཚང་བ་ཞིག་མེད་ཐོག དེང་སྐབས་ཆེད་ལས་རྣམས་གྲངས་སོ་སོའི་ལས་གནས་དང་དཔོན་གནས་སོགས་ལ་ཆེད་སྤྱོད་ཀྱི་བརྡ་དང་ཐ་སྙད་ཉིན་རེ་བཞིན་ཆར་ཤུལ་གྱི་ཤ་མོ་ལྟར་བརྡོལ་ཡོང་གི་ཡོད་སྟབས། སྔར་བོད་ཀྱི་སྤྱི་བཤད་ཙམ་གྱི་ཐ་སྙད་དག་གིས་ཞིབ་ཕྲ་མཚོན་ཐུབ་ཀྱི་མེད་པར་བརྡ་དང་ཐ་སྙད་ཀྱིས་མ་འདང་བའི་དཀའ་ངལ་ཆེ་རུ་འགྲོ་བཞིན། ཡིན་ནའང་། འདིའི་ཐད་གོང་སྐུ་སྒེར་ཡིག་ཚང་ནས་གཤམ་སྐུ་ངོ་མི་སྒེར་སོ་སོའི་ངོས་ནས་ཀྱང་། སེམས་ཁུར་བླངས་ཏེ་ཡིག་སྒྱུར་བྱས་ཡོད་པ་ཞིག་ད་སྔ་མཐོང་མ་སོང་། ཐ་ན་གོང་གསལ་ པུའུ་དང་ཐིང་། ཁྲུའུ་སོགས་ལས་ཁུངས་གནས་རིམ་ལྟར་མཚོན་ཐུབ་པའི་བརྡ་དང་ཐ་སྙད་བོད་སྒྱུར་ཅིག བཀའ་ཡིག་ཕེབས་མཁན་གྱི་དྲུང་ཆེ་སྐུ་ངོ་རང་ཉིད་ཀྱིས་ཏག་ཏག་ཅིག་འབྲི་མི་ཐུབ་པའི་ཚོད་ན་ཡོད་པ་འདྲ། མ་གཞི། བརྡ་དང་ཐ་སྙད་ཀྱི་རྗེས་ལུས་ཀྱིས་དེང་རབས་རིག་ཚན་རེ་རེའི་རྗེས་སུ་ལུས་ཀྱིན་ཡོད་ལ། དེང་རབས་རིག་ཚན་རེ་རེའི་རྗེས་ལུས་ཀྱིས་སྤྱིར་མི་རིགས་ཀྱི་སྐད་ཡིག་གང་ཉིད་དུས་རབས་ཀྱིས་རྗེས་སུ་ལུས་ཀྱིན་ཡོད། དུས་རབས་ཀྱི་རྗེས་སུ་ལུས་པའི་མི་རིགས་གང་དེ་ག་ལེར་སྒང་འདི་ནས་ཡལ་བར་འགྱུར་ངེས། འདི་ལྟར་བརྗོད་དགོས་པའི་མདོ་དོན་ནི། སོ་སོ་དཀར་གཙང་ཁོ་ན་ཡིན་མདོགས་ཀྱིས་འགན་ཡོངས་རྫོགས་མང་ཚོགས་ལ་བཀལ་ནས། རང་སྣང་གང་དྲན་དུ་ཁ་སྟོང་ནང་ནས་ཚིག་སྟོང་བཤད་དེ་མང་ཚོགས་ལ་ཁ་རྡུང་གཏོང་རྐྱང་མི་བྱེད་པར། མ་མཐའ་ཡང་སོ་སོས་བྲིས་པའི་ཚིག་དུམ་ཐུང་ངུ་དེར་རང་ངོས་ནས་བསམ་ཞིང་དཔྱད་དེ་མི་མང་ངོ་ཚ་མི་དགོས་པ་ཞིག་གནང་རྒྱུ་ཐུགས་རྗེ་གཟིགས།

ངོས་དེབ་ཐོག་ན་གླེང་བཞིན་ཡོད་པ་ལྟར།  དངོས་ནས་ངོ་ཚ་བའི་གནས་རེད།  དགའ་ལྡན་ཕོ་བྲང་ངམ་དེས་བོད་ཡིག་ལ་གཅེས་སྤྲས་བྱེད་འདོད་ན།  བཙན་བྱོལ་ཁྲོད་ན་རྒྱུན་འབྱམས་སུ་སོང་བའི་སྦྲགས་ཚིག་དེ་དག་ལ་སེམས་ཁུར་བྱས་ན་ལགས།  དེ་མིན་བོད་ནང་ནས་བོད་ཡིག་ཆེད་ཚེ་སྲོག་ཡན་ཆད་བཏང་ནས་བོད་སྐད་ཡིག་མི་ཉམས་རྒྱུན་འཛིན་བྱེད་བཞིན་ཡོད།  ཀྲུའུ་ཞི་དང་པུའུ་ཀྲང་ཟེར་བ་སོགས་རྒྱ་ནག་གཞུང་གིས་ཁྲིམས་ཐོག་ནས་གཏན་འབེབ་བྱས་པའི་མིང་ཚིག་རེད།  འདི་བོད་བསྒྱུར་བྱེད་མ་ཆོག་པ་རེད་མ་གཏོགས་བསྒྱུར་མ་ཤེས་པ་མ་རེད།  དེ་བས་ཟམ་སྟོང་གིས་མགོ་བྱས་པའི་བཙན་བྱོལ་བོད་མིའི་ཁ་དང་ནམ་ཡང་འབྲལ་ཐབས་མེད་པ་སྐོར་སྲུང་པ་ལ་”པི་ལས་སུ”  གཟའ་འཁོར་ལ་”ཧབ་ཐ”  གུང་སེང་ལ་”ཆོས་སྒྲེས” གློག་བརྙན་ལ་”པིག་ཆུར” ཟླ་ཚེས་ལ་”རྟ་རས་”ཟེར་བ་སོགས་སྦྲགས་ཚིག་མཐའ་མེད་པ་ཞིག་ཡོད་པས་དེ་དག་འགོག་ཆེད་ཡིག་ཤར་རེ་འབྲི་ཐུབ་ན།   ཕན་ཐོགས་མེད་ཀྱང་འོས་འཚམ་ཞིག་ཏུ་མཐོང་ངོ་།།

དགའ་ལྡན་ཕོ་བྲང་ཡིག་ཚང་ལགས། ཐུགས་སྐོར་གནང་བ་ཡག་ཀྱང་ངོ་ཚ་སོང་ཨ། དགའ་སྐྱེ་རྒུ་མདོ་ཞེས་པའི་༼དགའ༽་དེའང་་་་སྒ་སྐྱེ་རྒུ་མདོ་མ་ཡིན་ནམ་་་ཡང་ན་དེང་དུས་ཐ་སྙད་གསར་པ་བཟོས་པ་ཨ་རེད། ཨ་ཁ་ཁ་ཁ་ངོ་མ་ད་ཅི་དྲག

དངོས་གནས་རེད་དེ། ད་དུང་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་གཙོ་བྱས་བཙན་བྱོལ་གནས་སྡོད་བོད་པ་ཚོས་ཡིག་ངག་ཅི་རིགས་ཐོག་དབྱིན་སྐད་ཐ་སྙད་གང་མང་ཉམས་བསྲེས་བྱེད་བཞིན་དེར་ཡང་ངེས་པར་གཟབ་དགོས།