ལྷག་དཀར་བོད་ཆས་བཟོ་ཚོང་ཁང་།

༼ལྷག་དཀར་༽ཞེས་མིང་འདོགས་དོན་ནི། གཟའ་ལྷག་པ་༧གོང་ས་མཆོག་གི་བླ་གཟའ་ཡིན་པ་དང་ཉིན་དེར་དཀར་ཕྱོགས་ཀྱི་ལས་མི་ཉུང་བ་ཞིག་བྱེད་ནས་སྐུ་ཚེ་ཡུན་རིང་གནས་པའི་སྨོན་འདུན་དང་རང་ཉིད་ཀྱི་རིག་གཞུང་དར་སྤེལ་ཡོང་ཐབས་གནང་རྒྱུ་དེ་མི་སྒེར་སོ་སོའི་འོས་འགན་ཡིན་པའི་ཆ་ནས་བཏགས་པ་མ་ཟད།

བོད་ཆོལ་ཁ་གསུམ་གྱི་སྤུན་ཟླ་ཡོངས་ཀྱིས་དཔུང་པ་མཉམ་གཤིབ་དང་ཚ་ཚ་འུར་འུར་ངང་ནས་༸རྒྱལ་བའི་བླ་གཟའ་ཉིན། ངག་ནས་བོད་སྐད་གཙང་མ་ཤོད་པ་དང་། ཟས་སུ་བོད་ཟས་གཙང་མ་རོལ་བ། ལུས་ལ་བོད་ཆས་གཙང་མ་གྱོན་པ་བཅས་ལྷད་མེད་དྭངས་གཙང་གསུམ་གྱིས། བོད་རང་གི་ཐུན་མོང་མ་ཡིན་པའི་ཆོས་དང་རིག་གཞུང་ཉམས་པ་སླར་གསོ་དང་མི་ཉམས་གོང་དུ་སྤེལ་བའི་བླ་ན་མེད་པའི་ལྷག་དཀར་གྱི་ལས་འགུལ་འདི་ལ། གུས་པ་རང་ཉིད་བོད་མི་ཞིག་ཡིན་པའི་ངོས་ནས་རང་འགན་རང་འཁུར་ཟེར་བ་དེ་ཁ་ཙམ་མ་ཡིན་པར་དོན་དངོས་ལག་ལེན་གྱི་ཐོག བོད་རང་གི་ཐུན་མོང་དང་ཐུན་མོང་མ་ཡིན་པའི་བོད་ཀྱི་གྱོན་ཆས་དེ་དག་མི་ཉམས་གོང་འཕེལ་དང་ཉམས་པ་སླར་གསོ་བྱེད་བཞིན་ཡོད་ལ། བོད་ཆས་རྣམས་འཚེམ་ལུགས་ཀྱང་ཕ་མེས་ཡང་མེས་ཀྱི་ཕྱག་སྲོལ་གཞིར་བཟུང་སྟེ། གསར་གཏོད་ཀྱི་སྒྱུ་རྩལ་བརྒྱན་གྱིས་སྤྲད་པའི་ལྷག་དཀར་བོད་ཆས་བཟོ་ཚོང་ཁང་ཞེས་པའི་མིང་བྱང་འོག གྱོན་ཆས་རྣམས་མཛེས་ཉམས་དོད་ཅིང་ལུས་ལ་བདེ་བ། རྒྱུ་ཆའི་སྤུས་ཚད་དང་མཐུན་པའི་གོང་ཚད་ཀྱང་ཚོང་ཁང་གཞན་དང་མི་འདྲ་བར་ཧ་ཅང་རན་པོའི་ཐོག་ནས་རྒྱ་ཆེ་བའི་སྤུན་ཟླ་ཡོངས་ཀྱི་སྤྱན་ལམ་དུ་བསྟར་ཡོད་པ་ལགས་ན། རིན་གོང་དང་རྒྱུ་ཆའི་སྤུས་ཚད་ཐོག་ཕྱོགས་ཡོངས་ནས་དགའ་མོས་ཡི་རངས་ཐོབ་དང་འཐོབ་མུས་སུ་ཡིན།

གྱོན་ཆས་འཚེམ་བཟོའི་ཐོག་ཉམས་མྱོང་ལྡན་པའི་ལག་ཤེས་བས་བཟོ་བཞིན་ཡོད་སྟབས། འདི་ནས་བཟོས་པའི་བོད་ཆས་རྣམས་རྒྱུ་གཙང་སྤུས་གཙང་ཡིན་པའི་འགན་ལེན་བྱེད་ཀྱི་ཡོད་ལ། ཚོང་ཁང་འདི་གར་བོད་ཆོལ་ཁ་གསུམ་གྱི་ཡུལ་ལུང་སོ་སོའི་སྲོལ་རྒྱུན་ཕྱུ་པ་དང་སྟོད་གོས་རིགས་སྣ་ཚོགས་ཀྱིས་མཚོན། དེང་སྐབས་བོད་ཕྱི་ནང་གཉིས་སུ་དར་སྲོལ་ཆེ་ཞིང་བོད་རང་གི་ཐུན་མིན་ཁྱད་ཆོས་ལྡན་པའི་དཔེ་གསར་ལུགས་ཀྱི་ཕྱུ་པ་དང་སྟོད་གོས་རིགས་འདྲ་མིན་བཟོ་ཚོང་བྱེད་བཞིན་ཡོད་པ་མ་ཟད། ལྷག་པར་དུ་ཚོང་ཁང་འདི་རུ་དོ་བདག་སོ་སོའི་འདོད་བློ་ལྟར་བཟོ་ལྟ་འདྲ་མིན་གྱི་བོད་པའི་གྱོན་ཆས་གང་དགོས་མངག་བཟོ་གནང་ཆོག

བོད་ཆས་བཟོ་བྱེད་ཀྱི་རྒྱུ་ཆའི་ཕྱོགས་ནས་ཀྱང་འབུ་རས་དང་ཐེར་མ། གོས་ཆེན་ཟ་འོག་(རྒྱ་སེར་ཕྱུ་པ)སོགས་ཀྱིས་མཚོན་པའི་རས་གོས་རྒྱུ་ཆ་སྣ་ཚོགས་ཡོད་ལ། བོད་ཆས་ཀྱི་ཆེ་ཆུང་གི་ཐད་ནས་རྒན་དར་བྱིས་གསུམ་ཚང་མའི་ཕྱུ་པ་དང་སྟོད་གོས་རིགས་སྣ་ཚོགས་ཡོད་པས། བོད་ཆས་འདྲ་མིན་དགོས་མཁོ་ཅན་གྱི་འཛམ་གླིང་ཡུལ་གྲུ་གང་ས་ན་བཞུགས་ཡོད་པའི་རྒྱ་ཆེའི་བོད་རིགས་མང་ཚོགས་རྣམས་ངེད་ཚོང་ཁང་ནང་ཕེབས་པ་དང་ཡང་ན་དྲ་རྒྱའི་ཐོག་ཕེབས་ཏེ། སོ་སོའི་འདོད་མོས་ལྟར་བོད་པའི་གྱོན་ཆས་སྤུས་གཟིགས་དང་མངག་བཟོ་གནང་རྒྱུར་དགའ་བསུ་ཞུ་བཞིན་ཡོད།

འབྲེལ་བ་གནང་ཡུལ།

དྲ་ཚིག www.lhakarboche.com
ངོ་དེབ། ལྷག་དཀར་བོད་ཆས་བཟོ་ཚོང་ཁང་།
སྐད་འཕྲིན། 8679227888
ཁ་པར། 8679227888
ལྷག་དཀར་བོད་ཆས་བཟོ་ཚོང་ཁང་ནི། དྷ་ས་མེག་གྷན་གཙུག་ལག་ཁང་གི་ཉེ་འཁྲིས་སུ་ཡོད་པའི་ཚོང་ཁང་གི་སྒོ་བྱང་སྟེང་ལྷག་དཀར་བོད་ཆས་བཟོ་ཚོང་ཁང་དང། དབྱིན་ཡིག་ཐོག་ Lhakar Tibetan Custom Craft Shop ཞེས་བཀོད་ཡོད།