འཐག་ནས་སེམས་ཀྱི་འདུས་མདོ་གང་རུང་ནས།།
འཐེན་ནས་གང་དུ་མ་སོང་གནམ་གྱི་བུ།།
ལྷ་ཡི་གསང་བ་གཞུར་བའི་མཁའ་དབྱིངས་སུ།།
མི་ཡི་རེ་བ་ཁྲི་ཕྲག་རླུང་གི་ཟོས།།
སྐྱི་མོ་འདི་ལ་འཐིམ་པའི་རྣམ་ཤེས་ཤིག།
རྣམ་ཤེས་འདི་ལ་འཁོར་བའི་ཞེན་ཆགས་ཤིག།
ཞེན་ཆགས་འདི་ཡིས་དྲངས་པའི་ཚོར་བ་ཡིས།།
དོན་མེད་སྡུག་ལ་གཏད་པ་ཉུང་ཉུང་མིན།།
ཁ་རྒྱབ་འཚོ་བའི་དོན་དུ་གང་སར་རྒྱུགས།།
དབང་དང་གོ་སའི་ཆེད་དུ་འདྲ་མིན་བྱས།།
མི་ཁོམ་སྣ་དགུའི་འདྲེན་པ་མི་ལུས་ཟེར།།
འདི་ལ་གཡོག་པོ་བྱེད་མཁན་ང་ཚོ་རེད།།
མི་ལུས་ཟེར་ནས་འཁོར་སའི་ཚང་ཞིག་ཡོད།།
ཚང་འདིར་འདུས་པའི་འཇུ་བ་སྣ་མང་འདུ།།
འདུ་བྲལ་བར་དོའི་འཕྲེང་བ་འཐོར་ས་ནས།།
ཉེ་རིང་འདུ་འཛི་ཆེ་བ་བྲན་གཡོག་ལུགས།།
བྲན་འདིའི་བདག་པོ་མི་རིགས་སྣ་ཚོགས་ཤིག།
དེ་ལ་ཆགས་ཞེན་རྩོད་མཁན་རང་ཞེན་ཟེར།།
ཞེན་པ་དེ་ལ་དཀར་པོའི་འདང་ཞེས་འབོད།།
དེ་ལ་རྒོལ་བ་ནག་པོའི་ལུགས་དུ་གཏོགས།།
གཡུལ་ས་འདི་ན་བཟང་ངན་གཉིས་ཀ་ཡོད།།
གཡུལ་འགྱེད་དེ་ལ་འཐབ་ལུགས་རྫོགས་མཐའ་མེད།།
ཐབས་ཤེས་ཀུན་གྱི་སྨན་མཆོག་ཚང་མས་བཙལ།།
རྙེད་པའི་དེད་དཔོན་རེ་ཟུང་ཙམ་ལས་མེད།།
སྲིད་ན་གང་ཡང་ཡོད་པ་རྟོགས་ན་ཡང་།།
སྲིད་པར་གྱུར་ན་ཀུན་ཡང་སེམས་འཁྲལ་ཆེ།།
ཆེ་བའི་ཆུང་བ་གནོན་པའི་དར་ལུགས་འདིས།།
སྙན་པོའི་གཏམ་ལས་ལག་ལེན་རྒྱབ་འགལ་གྱུར།།
ཁྲིམས་དང་ལུགས་སྲོལ་གསར་རྙིང་གང་ཡིན་ཡང་།།
མི་རུ་འབོད་པའི་རང་ཞེན་ཆེ་བ་འདིས།།
བཟོས་པའི་ཉིན་ནས་དེ་ཉིད་རྩོད་གཞིར་བཟུང་།།
སྐྱེ་ནས་ཤི་བའི་བར་དུ་གཙུག་ཆེར་འཛིན།།
རང་གི་སེམས་ལས་གཞུར་བའི་རོལ་དབྱངས་འདི།།
རྒྱང་ཉེ་མཐོ་དམན་དབུལ་ཕྱུག་གཏན་མེད་པར།།
ཡི་གེ་གཟུགས་སུ་དབང་མེད་འབབ་པ་འདི།།
སུ་ཡིས་མཐོང་ན་དཔྱད་པའི་ལན་ཞིག་སྤྲོད།།
༡༠།༤།༠༩
དྲ་གྲོགས་ཁྱེད་གཉིས་འདིར་ཕེབས་ནས་བགྲོ་གླེང་གནང་བ་དེར་སྙིང་ཐག་པ་ནས་དགའ་བསུ་ཡོད། ལྷག་པར་དུ་དྲ་གྲོགས་རིག་འབྱུང་བཀྲ་ཤིས་དོན་འགྲུལ་ལགས་ཀྱིས་ཡིག་ནོར་བཅོས་པ་དེར་སེམས་གཏིང་ནས་དགའ་བསུ་ཡོད། རྗེས་ཕྱོགས་ཀྱང་ཁོམ་པ་བྱུང་ན་འཛུབ་མོ་རི་སྟོན་རེ་གནང་རྒྱུ་མ་བརྗེད་རོགས། ང་རང་ལ་ནོར་འཁྲུལ་ཞིག་ཡོད་པ་ནི་ཡིག་ནོར་ཤོར་བཞིན་ཡོད་མེད་ཀྱི་ཞུ་དག་བྱེད་ཁོམ་མེད་པ་དེ་ཡིན་ལ། ད་དུང་ང་རང་ལ་ཡིག་ནོར་བཅོས་ལོངས་ཀྱང་ཞེ་དྲག་མེད་པར་བསྡད་ཡོད། དུས་ཚོད་རེ་བྱུང་དུས་སུ་དྲ་ཚིགས་སོ་སོ་རུ་ཉུལ་ནས་བོད་པ་ཚང་གི་དྲ་གྲོགས་ཡོངས་ཀྱི་ཟིན་བྲིས་དག་གང་ཐུབ་ཐུབ་རེ་ཀློག་བཞིན་ཡོད།
དགེ་སྐྱོན་གང་དུ་འགྱུར་མིན་ཟེར་རྒྱུ་འདིའི་ཐད་ནས་ངེད་ལ་བསམ་ཚུལ་མེད།
ངེད་ཀྱི་སེམས་ལ་ཡང་དེ་ལྟར་འཁོར། འོན་ཀྱང་། མཚམས་ལན་རེར་ངེད་ཀྱི་ཚིག་སྦྱོར་སྤེལ་སྟངས་ལ་ཡང་གི་སྒྲས་བཙན་འཛུལ་ཐེབས་ཀྱི་ཡོད་པ་འདྲ།
གྲོགས་པོའི་བསམ་ཚུལ་ལ་རྗེས་སུ་ཡི་རངས་ཡོད།
ཞུ་དག་གནང་བར་རྗེས་སུ་ཡི་རངས་ཡོད་ལ་ཐེར་འདོན་ནི་བསྒྱུར་བཅོས་ཀྱི་སླད་དུ་ཡིན་པས་
ང་ཚོ་བོད་ཡིག་ལ་དགའ་བའི་དྲ་གྲོགས་ཚོས་འདི་ལྟར་དོ་སྣང་བྱས་པ་ཧ་ཅང་གི་དགའ་འོས་པ་ཞིག་རེད།
རིག་འབྱུང་དོན་བཀྲ་སྐུ་ཉིད་ཀྱིས་
གཞན་ལ་ནོར་བཅོས་གནང་བ་ལྟར་ཁོ་བོས་སྐུ་ཉིད་ལ་དྲི་བ་འདི་འགོད་འདོད་བྱུང་།
གོང་དུ་ཁྱེད་ཀྱིས་་ སྦྱངས་གིན་སྦྱངས་གིན་ཞེས་དང་། སྤེལ་གིན་སྤེལ་གིན་ཞེས་བྲིས་འདུག་པས་སྦྱངས་ཀྱིན་སྦྶངས་ཀྱིན་དང་སྤེལ་གྱིན་སྤེལ་གྱིན་བྲིས་ན་དགེ་སྐྱོན་
ཅི་ཞིག་ཏུ་འགྱུར་རམ་ལན་འདེབས་གནང་རོགས།
ཁྱེད་ཀྱི་རྩོམ་འདི་ྐློག་གིན་ྐློག་གིན་བསྐྱར་དུ་ྐློག་འདོད་བྱུང་། དེང་རབས་རིག་གནས་ཟེར་བ་འདི་སྦྱངས་གིན་སྦྱངས་གིན་མཚམས་ལན་རེར་ངེད་ཀྱི་སེམས་ལ་ཡང་འདི་འདྲ་འཁོར།
ཁྱེད་ཀྱིས་ཟིན་བྲིས་སྤེལ་གིན་སྤེལ་གིན། ཁྱེད་ཀྱི་དག་ཆ་དང་ཚིག་སྦྱོར་གཉིས་ཀ་ཡར་རྒྱས་ཕྱིན་འདུག འདི་ནི་དྲ་གྲོགས་ཤིག་གི་ངོས་ནས་བཤད་ན་དགའ་འོས་བ་ཞིག་རེད།
འདིར་ཚིག་ནོར་འགའ་བཅོས་ན་བསམ་བྱུང་། འདི་ནི་ངེད་ཀྱི་སེམས་པའི་ཁྱད་ཡིན། མུ་མཐུད་དུ་འབྲི་རོགས། དབྱངས་གསལ་སོ་བཞིའི་ཚེ་སྲོག་གི་རྒྱུན་མ་ཆད་བར་དུ།
ནོར་བཅོས་།
གཞུར་བའི། བཞུར་བའི།
རླུང་གི རླུང་གིས།
འཕྲེང་བ། ཕྲེང་བ།
དཀར་པོའི་འདང་། དཀར་པོའི་མདངས།
སེམས་འཁྲལ། སེམས་ཁྲལ།
ཆེ་བའི། ཆེ་བས།
གཙུག་ཆེར། གཙིགས་ཆེར།
གཞུར་བའི། བཞུར་བའི།
ཡི་གེ། ཡི་གེའི།