ངས་ ལོ་ངོ་བཅུ་གཉིས་ཙམ་གྱི་རིང་དུ་ཞར་ཞོར་ཏུ་རང་གིས་དགའ་ཕྱོགས་ལ་འབད་པ་ལྷོད་ མེད་བྱས་པ་ཡིན། དེ་ནི་ངས་སྙན་ངག་ཞིག་འབྲི་ཤེས་རྒྱུ་དེ་ཡིན། འོན་ཀྱང་། ལོ་ངོ་བཅུ་གཉིས་ནི་ཐུང་ཐུང་ཞིག་གཏན་ནས་མིན་ལ། ལོ་ངོ་བཅུ་གཉིས་རིང་གི་འཚོ་བ་ཡང་དེ་འདྲའི་ལས་སླ་བོ་ཞིག་འཁྱོལ་ཐབས་ཁག་པ་ཡིན། དམིགས་གསལ་གྱིས་ས་མཐའི་མི་ཞིག་གིས་རང་ཁ་རང་གསོ་བྱེད་དགོས་དུས། གཙོ་བོ་རང་གི་ཁ་དང་ལྟོ་འགྲོ་ས་ཞིག་འཚོལ་དགོས་ཀྱི་ཡོད་པ་རེད། དེ་རྙེད་རྗེས་གཞི་ནས་སྙན་ངག་འབྲི་བ་ལ་ཡང་རྨང་གཞི་ཡོད་སོང་བ་རེད་ཅེས་བཤད་ ཀྱང་མི་འགྲིག་པ་མེད། སྙན་ངག་ཀློག་རྒྱུར་དགའ་བ་ནས་སྙན་ངག་འབྲི་འདོད་ཀྱི་ཀུན་སློང་དེས་ང་རང་ནམ་ རྒྱུན་ཏུ་སེམས་པ་སྡུག་ལ་གཏད་པ་ཉུང་ཉུང་ཞིག་ག་ལ་ཡིན། དེ་ལྟར་རང་གིས་ལྷོ་མཐའི་འཚོ་བ་ནས་མགོ་བཙུགས་དེ་བྱང་གི་མྱི་རྐྱང་གི་འཚོ་བ་ སོགས་མང་བོ་ཞིག་རོལ་བའི་ཁྲོད་དུ་ཟ་ཞོར་འཐུང་ཞོར་ལ་སྙན་ངག་ཤོ་ལོ་ཀ་གཅིག་ཡིན་ ན་རེད། ཡིག་ཐོག་ལ་འབྲི་ཅི་ཐུབ་བྱས་པ་ཡིན། དེ་ལྟར་རང་གིས་རང་ལ་སྤོབས་པ་དང་སེམས་ཤུགས་བསྐྲུན་ནས་ལོ་ངོ་འདི་དག་བསྐྱལ་བ་ རེད། ཞོར་ནས་དམིགས་གསལ་གྱིས་སྙན་ངག་ཐད་དུ་མིང་གྲགས་ཆེ་བས་སྙན་ངག་པ་ཁ་ཤས་ལ་ཡང་ སེམས་བསམ་པའི་བློས་ཐུབ་ཀྱི་གྲོགས་པོ་ཆགས། དེ་དག་གིས་ཀྱང་ཁོང་ཅག་གིས་སྙན་ངག་མི་ཉུང་བ་ཞིག་ང་རང་ལ་སྤ་གསང་མེད་པར་ཚུར་ལ་ བསྟན། དེ་དུས་གཞི་ནས་རང་གིས་སྙན་ངག་ཞིག་འབྲི་ཤེས་ཀྱི་མེད་པས་ཚོར་བ་དེ་ཡང་གཅིག་ མིན་གཉིས་མིན་ཏུ་ཡིད་ལ་ཤར། དེ་ལྟར་ངས་རང་གི་སྙིང་ནས་བརྩེ་བའི་གྲོགས་པོ་སྙན་ངག་དག་གི་ས་ནས་སྙན་ངག་ནི་ མིའི་རིགས་ཀྱི་ཐུན་མོང་མ་ཡིན་པས་སེམས་གཤིས་ཤིག་ཡི་གེའི་གཟུགས་སུ་འབྲི་བཞིན་ པས་ཚོར་བ་ཞིག་རྙེད། ངས་ཀྱང་རང་གི་ཚོར་བ་གཞི་ལ་བཞག་ནས་མུ་མཐུད་དུ་སྙན་ངག་བརྒྱ་ཕྲག་ཁ་ཤས་ཤིག་ བྲིས་པ་ཡིན། འོན་ཀྱང་། དེ་དག་གི་ཁྲོད་ཀྱི་གཅིག་ལ་ཡང་སྙན་ངག་གི་ཉམས་འགྱུར་ཡོད་པ་ཞིག་གཏན་ནས་ངས་ རྙེད་མ་སོང་ལ། གྲོགས་པོ་དག་གིས་ཀྱང་ངས་བྲིས་པའི་སྙན་ངག་དེ་དག་ནི་རང་ཉིད་ལ་ཡར་རྒྱས་འགྲོ་ བྱེད་ཀྱི་རྒྱུ་ཆ་ཞིག་ཡིན་པར་སྐུལ་འདེད་ཡང་ཡང་བྱས་སོང་། དེ་དུས་གཞི་ནས་ངས་སྙན་ངག་འབྲི་ཤེས་ཀྱི་མེད་པ་རྟོགས་ལ། ངས་སྙན་ངག་ཡག་པོ་ཞིག་ཀློག་ཡང་ཤེས་ཀྱི་མེད་པ་ཤེས། དོན་དངོས་ཐོག་སྙན་ངག་ཟེར་བ་ནི་མཁའ་དབྱིངས་ཀྱི་སྐར་ཚོགས་ལྟ་བུ་ཞིག་ཡིན་རྒྱུ་ ན། མཚན་མོ་མ་གཏོགས་རིག་མི་ཐུབ་པས་ལོས་ཡིན། མི་མང་བོ་ཞིག་ལ་མཚན་མོ་ལ་སྐྲག་དོན་ཡང་དེ་ཡིན་ངེས། དེ་ལས་ཀྱང་མུན་ནག་ལ་སྐྲག་དོན་ཡང་དེ་ཡིན་རྒྱུ་རེད། གང་ལྟར། ངས་དུས་རྟག་ཏུ་མཚན་མོའི་མཁའ་དབྱིངས་ཀྱི་སྐར་ཚོགས་ལ་ཡང་ཡང་བལྟ་བཞིན་ཡོད། མཚམས་རེར་རང་ཉིད་གཅིག་བུས་ཆིག་ལབ་རྒྱག་ཞོར་ཏུ། ཧ་ཅང་ཐག་རིང་གི་ཡུལ་ན་ཡོད་པའི་སྐར་ཚོགས་ལ་བལྟས་དེ་ངུ་མྱོང་ཡོད་ལ་མཚན་མོའི་ ལྷིང་འཇག་ལ་འཕྲེང་ནས་སེམས་བསམ་པའི་ངེས་ཤེས་ཀྱང་རྙེད། རེད་དེ། གནམ་འོག་གཅིག་ན་ཡང་། སེམས་གཤིས་མི་གཅིག་པའི་མིའི་རིགས་ཀྱི་འཚོ་གནས་འདིའི་ཁྲོད་དུ་ལོ་ངོ་བཅུ་ གཉིས་འགོར་ཡང་། ད་དུང་ངས་སྙན་ངག་ལེགས་པོ་ཞིག་གཏན་ནས་འབྲི་ཤེས་མ་སོང་། གཅིག་བྱས་ན་མི་ཚེ་གང་བོར་་་་་
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སྙིང་ནས་བརྩེ་བའི་གྲོགས་ཀྱི་རིགས་ཞེན་ཅན།།
སེམས་ཀྱི་རང་དབང་མེད་པར་གཞུར་བ་ཡིས།།
བྲིས་པའི་གཏམ་འདི་ཐོས་དུས་བདག་སེམས་སྤྲོ།།
སྨོན་འདུན་དེ་ལྟར་གནང་བ་ཐུགས་རྗེ་ཆེ།།
མི་རིགས་ཤ་ཞེན་ཆེ་བའི་སྤོབས་པ་ཅན།།
མི་ལོ་བཅུ་གཉིས་སྦྱོང་པའི་བརྩོན་འགྲུས་ཅན།།
མི་སེམས་གཏམ་གྱི་འགུག་པའི་ཞི་བདེ་ཅན།།
མི་ཡུལ་ཀུན་ལ་མ་འོངས་གྲགས་པར་ཤོག།
ལེགས་ཉེས་ལུང་དོར་གསུང་བས་ཚིགས་བཅད་གཉིས།།
བདག་གིས་ཞིབ་དུ་ཀློག་བཞིན་དུག་སྤྲང་ལགས།།
སེམས་པ་སེམས་པ་བསྡར་བས་བཞི་མདོ་ནས།།
འུ་ཅག་ཡང་ཡང་འདུས་པའི་རེ་བ་ཡོད།།
ནོར་བཅོས།།
སྲ་རབ་རྒྱན་རབ་བཤད་པའི་ངོ་བསྟོད་གཅིག་།
བ་རྒྱན་རསྲ་རབ་བཤད་པའི་ངོ་བསྟོད་གཅིག་།
ངན་རབ་སྡུག་ཚུལ་གླེང་བའི་ཚིག་མཚོན་གཉིས་།
ཤར་རྗེས་ནུབ་རྗེས་འབྲངས་བའི་ལན་མོ་གསུམ་།
སྙན་ངག་ལྡུམ་རའི་ནང་གི་ལྡུམ་པུ་གསུམ་།
རང་བྱུང་སེམས་ཀྱི་ཚོར་བའི་ཟུངས་ཁྲག་འདི་།
དགའ་བའི་དུས་སུ་སྨྱུག་རྩེའི་འཛུམ་ཆུང་ཡིན་།
སྐྱོ་བའི་དུས་སུ་སྨྱུག་རྩེའི་མིག་ཆུ་ཡིན་།
འདི་ནི་ཀྱག་ཀྱོག་མང་བའི་སྙན་ངག་ལམ་།
ལྷ་ཆབ་ལགས། ཉིད་ཀྱིས་གསུང་བ་དེར་ངས་ཡིད་དུ་འཛིན་ངེས་ཡིན། ཐུགས་རྗེ་ཆེ་སེམས་ཤུགས་ལ་འཕར་ནོན་བྱས་པ་དེར།
བོད་ལ་དགའ་བུའི་བུ་ལགས། སྐུ་ཉིད་ཀྱིས་འདིར་བརྡ་ཞིག་བཞག་པ་ལྟར་ང་རང་ཁྱེད་ཚང་གི་ཁྱིམ་གཞིས་ནང་དུ་འཁོར་ངེས་ཡིན། ཐུགས་རྗེ་ཆེ་ཞུ་དགོས་ཀྱི་ཡོད་པ་མ་རེད། གང་ཡིན་ཟེར་ན་ངེད་ཅག་ཚང་མ་ལ་འགན་འཁུར་གཅིག་ལས་གཉིས་མེད་པ་ཐུགས་འཇག་འཚལ། དེ་ནི་རང་རིགས་བོད་ཀྱི་དོན་ཏུ་སྐད་ཆ་བཟང་ངན་གང་ཡིན་ཡང་བཤད་སྲིད་པ་ཡིན་དུས་གྲ་སྒྲིག་ཡོད་པ་གནང་རོགས་ཞུ།
ཁྱེད་ཉིད་གུས་ཀྱི་ཟིན་བྲིས་སུ་ཐོག་མར་ཕེབས་པར་འཚམས་འདྲི་དང་ཐུགས་རྗེ་ཆེ་ཞུ་།
༼ཡི་གེ་རྣམས་བཅོས་ཟིན་༽
ཀུན་མཁྱེན་ལྔ་བ་ཆེན་མོས།
བརྩོན་འགྲུས་ཐང་ལྷོད་མེད་ན།།
ཁ་ལ་ཡུག་གི་འདམ་ར།།
འདག་པ་མཆུ་ལ་བཟུང་ནས།།
བརྩིགས་པའི་ཚུལ་ལ་ལྟོས་དང༌།། ཞེས་གསུངས་ཡོད།