#
མཆན་པུ་སུམ་བརྒྱ་བཞི་བཅུ་ཞེ་གསུམ་འདུག།
ཀུན་གྱིས་ཁ་དང་ཁོག་པའི་ལབ་གླེང་ནི།།
སྟོང་ཉིད་གཟུགས་ཡོད་ཡིན་མིན་རྩོད་པ་དང་།།
ནང་ཆོས་དགོས་ཕན་ཆེ་མིན་གླེང་བ་སོགས།།
ཁ་བ་ཅན་ལ་འབྲེལ་བ་ཤ་སྟག་རེད།།
ད་ནི་སྤུན་ཟླ་དག་གིས་མཚམས་བཞག་ནས།།
ད་ལྟའི་གཉེན་འཕྲེང་བོད་ཀྱི་ཕྱི་ནང་གཉིས།།
ཇི་ལྟར་བདེན་པའི་རང་དབང་རྩོད་ན་བཟང་།།
ཇི་ལྟར་རང་རང་ནུས་པ་གང་ཞིག་འདུག།
ཇི་ལྟར་བོད་རིགས་ཤིག་གི་ལས་འགན་སོགས།།
ལབ་གླེང་བྱས་ན་ད་ནི་འགྲིག་ས་རེད།།
གྲྭ་ས་ཆུང་ཆུང་ཞིག་གིས་རྩོད་པ་ལྟར།།
ལེན་རྒྱུ་གཉར་རྒྱུ་མེད་པའི་རྒྱུ་རྫས་བཞིན།།
དུས་ཚོད་འགྲོ་འདུག་བར་གྱི་རྩོད་གླེང་འདིས།།
བསམ་བློ་གནད་བཞག་ནས་གླེང་མཁན་ཞིག།
རེ་ཟུང་མ་གཏོགས་འདི་རུ་མི་འདུག་ན།།
སྙིང་ནས་བརྩེ་བའི་བོད་རིགས་སྤུན་ཟླ་ཚོ།།
ད་ནི་རྩོམ་ཡིག་འདི་ཡི་མཆན་སྒྱུར་ནས།།
ད་ལྟའི་གནས་བབ་དགོས་མཁོར་དངོས་ཞུགས་རོགས།།
ངས་ཤེས་ངས་འཇོན་ཟེར་གྱི་གཏན་ནས་མེད།།
ངེད་ཅག་བོད་ལ་མཁོ་བའི་གནད་དོན་ནི།།
ད་ལྟའི་འཆར་ལ་སྟོང་ཉིད་རྩོད་གླེང་མིན།།
དོན་དངོས་མི་ལ་དགོས་པའི་ཆ་རྐྱེན་ཡིན།།
སྒོམ་སྡེ་ལྷ་རམས་པ་ལགས་ཀྱིས།
ཆེས་ཆེར་སྙིགས་ལྔ་བདོ་བའི་དུས་ངན་འདིར།
རྣམ་དག་ཆོས་ཀྱི་བགྲོ་གླེང་བྱེད་པ་ལ། །
ངན་བརྗོད་མི་གཙང་འགོས་པའི་མཛུབ་མོ་འདི། །
མི་འཛུགས་དགའ་བ་བསྒོམ་ན་མི་མཛེས་སམ། །
དོན་གྱིས་སྟོང་པའི་ཚིགས་བཅད་རིང་པོ་དག།
ངས་ཀྱང་རྩོམ་ཤེས་འོན་ཀྱང་སྙིང་པོས་དབེན། །
རྟ་ཕོར་རྒྱུགས་ཉམས་ཡོད་ན་གླེང་སྟེགས་ཀྱི། །
ཐང་ཆེན་འདི་རུ་འགོག་མཁན་སུ་ཡང་མེད། །
ཚིགས་བཅད་ལྕགས་རྩི་བྱུགས་པའི་གཡུ་རལ་འདི། །
བློ་ཆུང་ཝ་མོའི་ཁྲོད་དུ་ངོམས་ན་བྲིན། །
མཁས་པ་སེང་གེའི་ཁྲོད་དུ་མི་སྨྲ་བའི། །
བརྟུལ་ཞུགས་བཟུང་ན་ཤིན་ཏུ་འོས་ཤིང་འཚམ། །
བདག་གིས་ལན་དུ་ཕུལ་བ།
སྒོམ་སྡེ་ལྷ་རམས་ཟེར་བའི་སྟོང་ཉིད་མཁན།།
མི་ཤེས་ཅོལ་ཆུང་བུ་ལོར་ངན་སྨྲས་མཁན།།
གྲགས་པའི་ཆེད་དུ་དམོད་ཚིག་འདོར་མཁན་ཁྱེད།།
སྙིགས་ལྔའི་དུས་ཀྱི་མཁན་པོ་ཡིན་ས་རེད།།
གནའ་ཡང་བོད་མིས་ཆོས་ལུགས་ཁ་བཟུང་དེ།།
ཆབ་སྲིད་དམན་པའི་བོད་མི་རྒྱ་ལ་ཤོར།།
ད་ལྟའི་དུས་འདིར་༧ལྷ་མིའི་རྣམ་འདྲེན་གྱིས།།
བོད་ཀྱི་བདེ་སྡུག་ཆེད་དུ་སེར་མོ་དག།
ང་རང་དགེ་འདུན་ཡིན་ཟེར་ཁུག་ཀྱོག་ནས།།
ཆོས་ལས་ཆབ་སྲིད་མི་དགོས་ཟེར་བ་ནི།།
དོན་ལ་བོད་དོན་འགན་འཁུར་མ་བྱས་པའི།།
བསྐོར་ལ་བཀའ་སློབ་མི་ཉུང་བ་ཞིག།
གསུང་བ་ཉིད་ཀྱིས་ཐོས་འཛིན་བུ་ག་རུ།།
ཞུགས་དེ་སེམས་སུ་བཞག་མྱོང་མེད་ན་ཡང་།།
བོད་མི་ཚར་ཉིན་བོད་ཆོས་སྐྱོང་མཁན་མེད།།
མཁན་ཁོ་ཁྱེད་འདྲར་ཟོལ་འཛུན་སྟོན་མཁན་མེད།།
རང་གིས་ཅུང་ཙམ་སྤྱོང་བའི་ནང་ཆོས་དེ།།
མི་ལ་ངོམ་གསོ་བྱེད་ཆེད་མ་ཡིན་ལ།།
མི་ལ་ངན་སྨྲས་བྱེད་ཆེད་མ་ཡིན་པས།།
ཕྱིས་སུ་ང་འདྲའི་རིགས་ལ་སྡང་ན་ཡང་།།
བོད་མི་སྐྱིད་སྡུག་བོད་མི་ཀུན་ལ་ཡོད།།
དེ་ཉིད་ཐུགས་སུ་བཅིངས་དེ་བོད་དོན་ལ།།
སྐད་ཆ་ཚིག་གཅིག་ཡིན་རུང་ཨེ་འཁྱོངས་ལྟོས།།
བདེན་ནོ་བདེན་ནོ་སྒོམ་སྡེ་ལྷ་རམས་བདེན།།
ནོར་འདུག་ནོར་འདུག་ལྕག་རྩིའི་ཞུགས་མཁན་ང་།།
ཁྱེད་དང་ཁྱེད་འདྲའི་སྙིགས་ལྔའི་མཁན་པོ་ལ།།
ནམ་ཡང་འགྲན་སེམས་བྱེད་རྒྱུར་རྨི་ལམ་མེད།།
དེས་ན་ཕྱིས་སུ་ཉིད་ཀྱིས་གང་འདོད་བྱོས།།
དེས་ན་ཕྱིས་སུ་རང་ཉིད་མཁས་པར་སྒྲོག།
དེས་ན་ཕྱིས་སུ་རང་གི་མཁན་ཐོབ་སྲུངས།།
དེས་ན་ཕྱིས་སུ་བོད་དོན་མ་གླེང་རོགས།།
ང་འདྲ་དག་ནི་སྐྱེད་ཚལ་མཛེས་པའི་ནང་།།
སྐྱེ་བའི་ལྡུམ་རིགས་མཁོ་མེད་ཡིན་པས་ན།།
ཕྱིས་སུ་ཉིད་འདྲའི་མེ་ཏོག་མཛེས་པ་ཚོར།།
གནོད་དང་འཚེ་བའི་བསམ་པ་མི་བྱེད་ལགས།།
ནང་ཆོས་ཡག་པོ་ང་ཡིས་མི་ཤེས་ཀྱང་།།
ནང་ཆོས་ཁ་ལ་འཁྱེར་ནས་སྡུག་མྱོང་མེད།།
ནང་ཆོས་ཁ་ལ་འཁྱེར་ནས་གཡོ་སྒྱུ་མེད།།
ནང་ཆོས་ཁ་ལ་འཁྱེར་ནས་བོད་བཙོང་མེད།།
ནང་ཆོས་ཤེས་མཁན་ཡིན་ཟེར་རེ་ཟུང་གིས།།
ནང་ཆོས་ཁ་རུ་འཁྱེར་ནས་གོ་ལོག་བྱེད།།
ནང་ཆོས་ཁ་རུ་བཟུང་དེ་ཕྱོགས་རུས་བྱེད།།
ནང་ཆོས་ཁ་རུ་གླེང་དེ་ནང་དཀྲུགས་བྱེད།།
ནང་ཆོས་ཁ་ནས་བཤད་དེ་སྲོག་གཅོད་བྱེད།།
ནང་ཆོས་ཁ་རུ་བཤད་ཞོར་གཞན་དོན་བརྗེད།།
ནང་ཆོས་ནང་ཆོས་ཟེར་ནས་རང་རློམ་ལྕི།།
ནང་ཆོས་ནང་ཆོས་ཟེར་ནས་ནང་ལ་སྡང་།།
ང་ནི་ནམ་ཡང་ནང་ཆོས་སྡང་མཁན་མིན།།
ང་ནི་ནམ་ཡང་ནང་ཆོས་བཙོང་མཁན་མིན།།
ང་ནི་ནམ་ཡང་ནང་ཆོས་གསུང་མཁན་མིན།།
ང་ནི་ནམ་ཡང་ནང་ཆོས་ཁ་འཁྱེར་མིན།།
ཡིན་ཡང་ནང་བའི་མི་རིགས་ཤིག་ལ་སྐྱེ།།
བཟང་སར་སེམས་དང་བསམ་པའི་གུས་བརྩི་ཡོད།།
ངན་སར་སེམས་དང་བསམ་པའི་ངོ་རྒོལ་ཡོད།།
འདི་ནི་ནང་ཆོས་ཁྲོད་ཀྱི་ཉམས་ལེན་ཡིན།།
འདི་ནི་བདག་གིས་རྙེད་པའི་གནས་ལུགས་ཡིན།།
དེ་ནས་ཁོང་གིས་འདི་འདྲ་ཞིག་གསུང་འདུག
ལྷ་ཀླུ་གཉན་གསུམ་ཟེར་བའི་ཅོལ་ཆུང་ཁྱོད། །
ཁྱོད་ནི་བྱིས་པའི་ནང་ནས་བྱིས་པ་སྟེ། །
ཆོས་གྲྭར་ཆོས་དང་གཞས་རར་གཞས་ཀྱི་དཔེ། །
སྔོན་ཆད་ཁྱོད་ཀྱིས་རྣ་བས་མ་ཐོས་སམ། །
ཆོས་ལས་ཆབ་སྲིད་མི་དགོས་སུ་ཡིས་ཟེར། །
ཆོས་ལས་རང་བཙན་མི་དགོས་སུ་ཡིས་ཟེར། །
ཆོས་ཀྱི་གོ་ས་སྲིད་ཀྱིས་བཀག་པ་འདི། །
ལས་ངན་ཁྱོད་འདྲའི་བསམ་ཚུལ་ལོག་པས་ནོངས། །
རང་བཙན་ལོན་པའི་ཐབས་ཀྱི་དམ་པའི་ཕུལ། །
ནང་ཆོས་ཡིན་པ་ཁྱོད་ཀྱིས་མ་ཤེས་སམ། །
དེས་ན་ཁྱོད་ནི་རྒྱ་ལས་བླུན་པ་སྟེ། །
རྒྱས་ཀྱང་ཤེས་ནས་ནང་ཆོས་བསྣུབ་ལ་བྲེལ། །
ནང་ཆོས་མེད་ན་བོད་མིའི་ངོ་བོ་མེད། །
ནང་ཆོས་མེད་ན་བོད་མིའི་བླ་སྲོག་མེད། །
ནང་ཆོས་མེད་ན་རང་བཙན་ལོན་ཀྱང་འཆོར། །
ནང་ཆོས་མེད་ན་རྒྱ་དང་ཁྱད་པར་ཅི། །
ནང་ཆོས་མེད་ན་ཕྲུག་གུས་ཁ་ལོག་བྱེད། །
ནང་ཆོས་མེད་ན་རྒན་རབས་བསྙེན་བཀུར་མེད། །
ནང་ཆོས་མེད་ན་ཡ་རབས་བཟང་སྤྱོད་མེད། །
ནང་ཆོས་མེད་ན་བོད་འདི་ཀླ་ཀློ་ཡིན། །
ནང་ཆོས་མེད་ན་གཡོ་སྒྱུ་ཁྲམ་གསུམ་འཕེལ། །
ནང་ཆོས་མེད་ན་རྐུ་འཕྲོག་བཅོམ་གསུམ་འཕེལ། །
ནང་ཆོས་མེད་ན་གསོད་སྡིགས་གཤེ་གསུམ་འཕེལ། །
ནང་ཆོས་མེད་ན་བོད་འདི་ཀླ་ཀློ་ཡིན། །
ནང་ཆོས་མེད་ན་ཕ་ཡིས་བུ་ལ་བགྲོད། །
ནང་ཆོས་མེད་ན་མ་ལ་བུ་ཡིས་བགྲོད། །
ནང་ཆོས་མེད་ན་ཕ་ནོར་བུ་ཡིས་འཕྲོག །
ནང་ཆོས་མེད་ན་བོད་འདི་ཀླ་ཀློ་ཡིན། །
ནང་ཆོས་མེད་ན་རྒན་རྒོན་ཕྱི་རུ་འབུད། །
ནང་ཆོས་མེད་ན་རྒན་རྒོན་རྒོལ་རྡུང་གཏོང་། །
ནང་ཆོས་མེད་ན་ཕ་མ་རྒན་གསོར་འཇུག །
ནང་ཆོས་མེད་ན་བོད་འདི་ཀླ་ཀློ་ཡིན། །
ནང་ཆོས་མེད་ན་རྐུ་ཐུབ་ཁེ་བཟང་ཡིན། །
ནང་ཆོས་མེད་ན་གསོད་ཐུབ་དཔའ་བོ་ཡིན། །
ནང་ཆོས་མེད་ན་གཡོན་ཅན་འཇོན་པོ་ཡིན། །
ནང་ཆོས་མེད་ན་བོད་འདི་ཀླ་ཀློ་ཡིན། །
ནང་ཆོས་མེད་ན་བོད་མི་སྤྲང་པོ་ཡིན། །
ནང་ཆོས་མེད་ན་བོད་འདི་སྟོང་པ་ཡིན། །
ནང་ཆོས་མེད་ན་བོད་འདི་ས་རྡོའི་ཡུལ། །
ནང་ཆོས་མེད་ན་བོད་འདི་ཀླ་ཀློའི་ཡུལ། །
ནང་ཆོས་མ་ཤེས་ཁྱེད་རང་སྡུག་གྱོང་རེད། །
ནང་ཆོས་མ་ཤེས་རློམ་སེམས་ཅི་ལ་བྱེད། །
ནང་ཆོས་ཤེས་ན་ཆོས་པར་སྡང་དོགས་མེད། །
ནང་ཆོས་ཤེས་ན་འདི་འདྲ་སྨྲ་དོགས་མེད། །
ནང་ཆོས་མི་དགོས་རང་བཙན་དགོས་ཟེར་བའི། །
ཅོལ་ཆུང་ཁྱོད་འདྲ་ཇེ་མང་སོང་གྱུར་ན། །
ནམ་ཞིག་བོད་འདི་ཀླ་ཀློའི་ལུང་པ་རུ། །
མི་འགྱུར་སོམས་ཉི་བདག་ལ་ཅུང་ཟད་མེད། །
ལུང་རིགས་རྩལ་གྱིས་མི་ཐུབ་མཐོང་བ་ན། །
དམོད་ཚིག་རལ་གྲི་ཁྱེར་ནས་ཤོར་བ་འདི། །
བླུན་པོ་རྣམས་ལ་ངོ་མཚར་སྐྱེ་མོད་ཀྱིས། །
ཡ་རབས་དམ་པ་རྣམས་ལ་ཁྲེལ་བའི་རྒྱུ། །
དམ་པའི་ཆོས་ལ་ཅུང་ཟད་བགྲོ་བ་ཡི། །
གོ་སྐབས་རྙེད་འདི་སྐལ་བ་བཟང་མོད་ཀྱི། །
བདུད་ཀྱི་བྱིན་རླབས་སེམས་ལ་ཞུགས་པ་ཡི། །
སྐལ་ངན་རྣམས་ལ་མིག་ལ་རྡུལ་ཞུགས་འདྲ། །
སྒོམ་སྡེ་ལྷ་རམས་པ་ ལགས། ཅོལ་ཆུང་ངས་ཉིད་ལ་མཐོལ་ལོ་གཤེགས་སུ་གསོལ་ཟེར་བཞིན་ཡོད། ང་ནི་གང་ཡང་མི་ཤེས་མཁན་བླུན་པོ་ཞིག་ཡིན་སྟབས། ཉིད་ལ་ཚིག་ཁ་ཤས་ཤིག་བཤད་ནོར་ཐེབས་སོང་ཡོད་པ་འདྲ་ལ། ཉིད་ནི་དགེ་བའི་བཤེས་གཉེན་ཆེན་པོ་ཞིག་ཡིན་པར་གླེང་གི་འདུག ད་ནི་ཅོལ་ཆུང་ང་འདྲའི་སྐད་ཆ་ཐུགས་ལ་གནོད་དགོས་དོན་མེད་ལགས།
རྗེས་ཕྱོགས་སྐུ་ཉིད་གང་ དུ་ཕེབས་ཀྱང་ནང་ཆོས་ཁ་ནས་སྒྲོག་པ་ཙམ་གྱིས་མི་ཡོང་བ་མཁྱེན་གྱི་ཡོད་སྟབས། སྐུ་ཉིད་ཀྱིས་ཁ་ནས་ཤེས་པ་དེ་དག་དོན་ལ་ལག་ལེན་རང་དུ་ཁུངས་འཁྱོལ་མཁན་ཞིག་ཡིན་ པར་རེ་བ་ཡོད་ལགས།
ལྷ་ཀླུ་གཉན་གསུམ་ལགས།
ང་ནི་ཁྱེད་ཀྱིས་བསམས་པ་ལྟར་དགེ་བཤེས་ཆེན་པོ་དེ་འདྲ་གང་ཡང་མིན། ང་ནི་གྲྭ་ལོག་ཐེབས་ཆག་ཅིག་ཡིན།
འོན་ཀྱང་ཁྱེད་ལ་ཐུགས་རྗེ་ ཆེ་ཞུ་བ་དང་ཆབས་ཅིག་ངེད་ནས་ཀྱང་བོད་ཀྱི་ཆོས་དང་རིག་གཞུང་ལ་ཞེན་ཁོག་ཚ་དྲགས་ པའི་རྐྱེན་གྱིས་ཚིག་རྩུབ་འགའ་ཐལ་སོང་བར་དགོངས་འགལ་མེད་པ་ཞུ།
མོ་རིགས་ཀུན་ལ་ཞེ་སེམས་མ་འདྲིས་ཀྱང་།།
སྔོན་ཆད་རང་གི་དགའ་སའི་བུ་མོ་རེ།།
ཐིགས་ཚད་བརྒྱབ་མྱོང་ཡོད་མེད་གསུང་ཐུབ་ན།།
ཆུ་ཆེན་ཕར་ཚུར་གཉིས་སུ་གསན་མཁན་ཡོད།།
ཧཧཧཧ་དངོས་གནས་ཡག་པོ་བྲིས་འདུག
ཆུ་བོ་བཞིན་དུ་བཞུར་འདོད་ཆེ་ན་ཡང་།།
ཐིགས་པ་རེ་རེ་བསགས་རྒྱུ་དེ་ལས་གཞན།།
སྔོན་ཆད་མ་བྱུང་ཕྱིས་ཀྱང་མི་འབྱུང་སྟབས།།
མོ་ལུས་དྲིན་ཆེན་ཚང་ལ་བཀའ་དྲིན་ཞིག།
ང་དང་ཁྱོད་ཀྱིས་ལོས་ཞུ་ཨ་མའི་བུ།།
ཧཧཧཧཧ་་དངོས་གནས་ཡག་པོ་ཞིག་བྲིས་འདུག ངས་དེང་སྐབས་ཁྱེད་རང་བྲེལ་འཚུབ་ངང་ཡོད་པ་ལས་རྩོམ་ཡིག་འབྲི་རྒྱུའི་དུས་ཚོད་ཅིག་ཡོད་རྒྱུ་མ་རེད་བསམ་ཡོད། ཡིན་ནའང་ཉིད་ཀྱིས་རྩོམ་ཡིག་འབྲི་རྒྱུ་དེ་ཅི་འདྲའི་བྲེལ་འཚུབ་ཆེ་ཡང་མཚམས་མི་འཇོག་པ་དེ་གོམས་གཤིས་སུ་འཇགས་པ་ཡིན་པས་དགའ་བསུ་བྱེད་བཞིན་ཡོད།