༧གོང་ས་མཆོག་བོད་ལ་མེད་ཉིན་ནས་ག་རེ་བྱུང་ངེས་ཡིན།

༧གོང་ས་མཆོག་གིས་ཀྱང་འདིའི་ཐད་དུ་བཀའ་སློབ་གསལ་བོ་ཞིག་གནང་ཡོད་པ་རེད། ངའི་ལྟ་བ་ལངས་ཕྱོགས་ནི་དབུ་མའི་ལམ་ཡིན། འོན་ཀྱང་། མི་མང་གིས་རང་གི་ལྟ་བ་ལངས་ཕྱོགས་འཁྱེར་ཆོག་གི་རེད་ལ་དེ་ལ་དགའ་བསུ་དང་གུས་བཀུར་ཀྱང་ཞུ་ཡི་ཡོད། རེད་དེ། ཁ་ནས་༧རྒྱལ་བ་རིན་པོ་ཆེ་ཟེར་ནས་དོན་ལ་༧རྒྱལ་བ་རིན་པོ་ཆེ་ཡིས་གང་བཤད་ཀྱི་ཡོད་མེད་མ་ཉན་ན། དེ་ནི་ཡག་པོ་མ་རེད་ཅེས་གསུང་ཡོད་པ་རེད་ལ། དོན་དངོས་ཐོག་ཀྱང་ཉིད་ཀྱིས་གསུང་བ་ལྟར། ངས་ཀྱང་སྔོན་ཆད་གྲོགས་པོ་མི་ཉུང་བ་ཞིག་ལ་འདི་འདྲ་ཞིག་བཤད་མྱོང་ཡོད། ལྷ་བཟང་ཚེ་རིང་དང་འཇམ་ནོར་ལྟ་བུ་རང་བཙན་རྩོད་མཁན་དག་གིས་ནམ་རྒྱུན་ཧུར་བརྒྱབ་དེ་བསྡོད་པ་ལས་རང་རང་གིས་མགོ་ཁྲིད་དེ་རང་བཙན་བརྩོད་ལེན་བྱས་པ་ཡིན་ན་ད་གཟོད་འཚམ་པོ་ཡོད་པ་རེད་ཅེས་ཟེར་མྱོང་། དེ་ལྟར་ཡིན། གྲོགས་ཉིད་ཀྱིས་ཀྱང་དངོས་ནས་སེམས་བསམ་པའི་གཏིང་ནས་བོད་མིའི་བདེ་སྡུག་སེམས་ཀྱི་མ་བཟོད་པར་བོད་དོན་ཞིག་བྱེད་འདོད་ཡོད་པ་དེ་ནི་དངོས་ནས་ཡག་པོ་རེད། དེ་ལ་གོ་སྐབས་ཤིག་དང་དགོས་པ་རྒྱུ་མཚན་ཡོད་མེད་བཅས་ལ་ལྟ་རྒྱུ་དངོས་ནས་གལ་ཆེན་ཡིན། དེ་མིན་བྱེས་ཀྱི་ཚོགས་པ་ཁག་གིས་མར་མེ་ཁྲོམ་བསྐོར་ལྟ་བུའི་ལས་འགུལ་ལྟ་བུ་ཡིན་ན་རྒྱུ་མཚན་མི་འདུག་སྙམ། དེ་ལྟར་མ་རེད་དམ་ལགས།

གལ་སྲིད་བོད་ལ་བྷས་ལ་དན་ལྟ་བུ་ཞིག་ཡོད་ན ང་ཁོའི་རྗེས་སུ་འབྲང་ཁོ་ཐག་ཡིན། གང་ཡིན་ཟེར་ན་ངའི་སྤུན་གྲོགས་ཚོ་ཉེས་མེད་བཙོན་འཇུག་ཉེས་མེད་སྲོག་ཁྲིམས་གཅོད་གང་ཐུབ་བྱས་བྱ་བ་མ་ཟད། འདི་ཕྱི་གཉིས་ཀྱི་སྐྱབས་མགོན་༸གོང་ས་མཆོག་ལ་ལའང་ཐབས་སྣ་ཚོགས་བཀོལ་ནས་ངན་སྨྲས་གང་ཐུབ་བྱས་དང་བྱ་བཞིན་པ་མཐོང་ཐོས་ཚེ་བཟོད་ཐབས་མི་འདུག་མོད་་་་་་་་་་་་ཨོ། གྲོགས་ཁྱེད་གྲྭ་བའི་སྤྱི་ཚོགས་འགྲིམས་མྱོང་མཁན་ཞིག་ཡིན་པ་ཐག་ཆོད། སྐྱེས་པ་དང་འདྲ་ས་མེད་ཁོག་རྒྱ་ཆེ་ཆུང་གང་ཅི་ཐད་ནས། བོད་པའི་གཤིས་ཀ་ལ་སྐྱེས་པ་ཚོར་མཚོན་ན་མང་ཆེ་བ་གཡག་རྒྱུག་ཁོ་ན་མ་གཏོགས་ཡོད་ནི་མ་རེད་ད།

སྐར་ཁྲི་བཙན་ལགས། ཉིད་རང་གིས་སྐད་ཆ་དེ་དག་ལ་ཡང་བདེན་པ་མེད་པ་ཞིག་མ་རེད་ལ། དམིགས་བསལ་གྱིས་ཧོར་འཇིགས་ཀྱིས་རྩོམ་ཡིག་ཞིག་འདིར་རྒྱབ་བརྟེན་དུ་འཁུར་ཡོང་བ་དེ་ཡང་ནང་དོན་མི་འདུག་པ་ཞིག་མ་རེད་མོད། འོན་ཀྱང་།

ས་སྟེང་འདི་ནས་ཡུན་རིང་བསྡོད་དགོས་དུས།།
ས་ལའི་ལྗོངས་ཀྱི་མི་མང་བདེན་དོན་ཆེད།།
ས་སྐྱོང་༧རྒྱལ་བོའི་ཐུགས་དང་མ་འགལ་བར།།
ས་ཡ་དྲུག་གི་དོན་དུ་འབད་དགོས་སྙམ།།

རེད་ཡ། གྲོགས་ཤ་ཁྲག་རུས་གསུམ་ལགས། མཚམས་རེར་རྒྱ་དཔོན་དེ་ཚོའི་གཏམ་དང་ཁྱད་པར་དུ་དེ་དག་གི་འདབས་ནས་རྒྱུག་ཁྱི་དེ་ཚོའི་ཟུག་སྟངས་དེ་ལ་ཚིག་པ་ཟ་ནས་ཅི་བྱེད་འདི་བྱེད་མེད་པར་འགྱུར་འགྲོ་གི གཞན་བཤད་མི་དགོས་སྐྱེ་བུ་དམ་པ་ཁོང་ལྟ་བུ་ཞིག་བསྲེགས་བཅོམ་འཕྲོག་གསུམ་གྱི་ངན་སྐུལ་བའི་མིང་ངན་སྦྱར་ན་སྡོད་ཐབས་མེད་་ག ད་ཤུ་རེ་གོ་རེ་ཟེར་བཞིན་ཤུ་རིང་གི་རྒྱུན་ཆད་མེད་མི་འདུག་རང་འདུག་རེད་ད། ཧོང་གཙང་འཇིག་མེད་ལགས་ཀྱིས ས་སྟེང་མི་ཡི་འཚོ་བར་ཞེན་ལོག་ཀྱང་།། ས་བླའི་བདེ་བ་ཅན་ལ་ཐར་ཐབས་བྲལ།། ས་འོག་ཀླུ་ཡི་ཡུལ་ལ་སྙེགས་ཐབས་མེད།། ས་འདིར་རེ་ཞིག་མི་སྡོད་ཐབས་མེད་རེད།།
ངོ་མ་གནས་ལུགས་འདུག
ས་ཡ་དྲུག་གི་དོན་དུ་འདོད་ན་ཡང་།།
ས་མཐའི་འཁྱར་བོའི་རིགས་ལ་རྒྱབ་རྩ་མེད།།
ས་འབུ་ཐག་ནར་འདྲ་བའི་ཉམ་ཆུང་ངས།།
ས་དབང་ཀླ་ཀློའི་དཔུང་ལ་དམོད་པ་ལས།།

༸གོང་ས་མཆོག་གི་འགྲོ་དོན་ནི་ལ་ཁའི་ཉི་མ་ལྟ་བུ་ཡིན་པས། སེམས་འཁྲལ་འདུག་ག