ང་ཚོ་ བོད་ཕྱི་ནང་གཉིས་སུ་དེང་སང་བརྗོད་གཞི་༧གོང་ས་མཆོག་བཟུང་དེ་རྩོམ་ཡིག་སྤེལ་ མཁན་མི་ཉུང་བ་ཞིག་བྱུང་ཡོད་ལ། དེ་དག་ཡང་དགེ་སྐྱོན་གཉིས་ཀ་གླེང་མཁན་ཞིག་ཆགས་ཡོད།
སྐྱོན་བརྗོད་བྱེད་མཁན་ དག་ཡང་༧གོང་ས་མཆོག་ལ་མ་དགའ་བར་སྐྱོན་བརྗོད་བྱེད་ཀྱི་ མེད་པར། ༧གོང་ས་མཆོག་གི་དབུ་མའི་ལམ་ལ་དེ་འདྲའི་རྒྱབ་སྐྱོར་མེད་མཁན་དང་༧གོང་ས་མཆོག་ གི་ཆོས་ལུགས་རང་བཞིན་གྱིས་མཛད་འཕྲིན་དེའི་བོད་པ་ཚང་གི་མ་འོངས་པ་ཐག་གཅོད་ བྱེད་ཐུབ་མེད་པར་འདོད་མཁན་གྱི་བསམ་ཚུལ་འོག་ནས་སྐྱོན་བརྗོད་དང་བསམ་ཚུལ་གླེང་ བཞིན་པ་ཁག་གཅིག་རེད། ཡིན་ཡང་། ཁོང་ཚོས་ཞེ་འདོད་ངོ་མ་དེ་ནི་༧གོང་ས་མཆོག་ལ་ངོ་རྒོལ་བྱེད་རྒྱུ་དེ་ནི་གཏན་ནས་ མ་ཡིན་པར་བཤད་ཆོག་པ་ཡིན་ན་ཡང་། གོ་བ་ལེན་ཕྱོགས་དང་རྩོམ་ཡིག་གི་འབྲི་སྟངས་ཐད་དུ་ཀློག་མཁན་མི་ཉུང་བ་ཞིག་ལ་ གོ་བ་ལོག་པ་ཞིག་སྟེར་བཞིན་ཡོད་པ་རེད།
དེས་ ན་དགེ་ཕྱོགས་གླེང་མཁན་དག་གིས་གང་ཞིག་བཤད་བཞིན་འབྲི་བཞིན་ཡོད་ཟེར་ན་༧གོང་ས་ མཆོག་གི་བྱམས་དང་བརྩེ་བའི་ཐུགས་བསྐྱེད་ཀྱི་མཛད་འཕྲིན་དང་བོད་མི་རིགས་ཀྱི་ འདས་མ་ད་གསུམ་ལ་༧གོང་ས་མཆོག་ནི་མེད་དུ་མི་རང་བ་ཞིག་ཆགས་ཡོད་པར་ཡིད་ཆེས་ བྱེད་པ་དང་༧གོང་ས་མཆོག་གི་ཆོས་ལུགས་འཆམ་མཐུན་དང་འཛམ་གླིང་ཞི་བདེའི་ལྟ་ཚུལ་ དེས་བོད་མི་གཙོ་བའི་འཛམ་གླིང་ཀུན་ཁྱབ་རང་བཞིན་གྱི་སེམས་འཁུར་ཞིག་ལ་ངོས་ འཛིན་བྱེད་ཀྱི་ཡོད་ལ། དེ་དག་ལེགས་འགྲུབ་ཡོང་རྒྱུར་བོད་མི་གཙོ་བའི་འཛམ་གླིང་གི་སྐྱེ་འགྲོ་ཚང་མ་ལ་ དེ་ཉིད་གླེང་བའི་ཐོབ་ཐང་ཡོད་པ་དང་གླེང་དགོས་པ་ཞིག་ཡིན་པར་གླེང་འོས་པར་མོས་ མཐུན་བྱེད་ཀྱི་ཡོད་པ་དེ་རེད་ཟེར་ན་འགྲིག
འོ་ ན། བོད་པ་ཚང་གི་དོན་དངོས་ཐོག་ནས་༧གོང་ས་མཆོག་མེད་ཉིན། བོད་པ་ཚང་གི་ག་རེ་བྱེད་སྲིད་མིན་དང་། ༧གོང་ས་མཆོག་ནི་འཆི་མེད་རྒས་མེད་ཅིག་མིན་པ་ནི་མི་ཡི་གཟུགས་སུ་ཕེབས་ཡོད་པ་ འདི་ཙམ་གྱིས་ངེད་ཅག་ཚང་ལ་ངོ་སྤྲོད་གསལ་བོ་བྱས་ཡོད་པ་ཁས་ལེན་མི་བྱེད་རང་ བྱེད་ཡིན་དུས། ༧གོང་ས་མཆོག་མེད་ཉིན་བོད་པ་ཚང་གི་༧གོང་ས་མཆོག་ཡང་བསྐྱར་འཚོལ་སྲིད་དམ། ཡང་ན། སྤྲུལ་སྐུའི་ལམ་ལུགས་འདི་ཉིད་མེད་པ་བཟོས་དེ་༧གོང་ས་མཆོག་མེད་པར་༧གོང་ས་ མཆོག་གི་ཚབ་མཚོན་ལྟ་བུ་ཞིག་གི་བོད་ཀྱི་ཆོས་སྲིད་གཉིས་ལ་འགན་འཁྲི་ཐེགས་མཁན་ ཡོང་གི་རེད་དམ། ཡང་ན་དེ་འདྲ་ཞིག་བོད་པ་ཚང་ལ་མེད་ཀྱང་འགྲིག་གི་ཡོད་པ་རེད། ༧གོང་ས་མཆོག་མེད་ཉིན་ནས་བོད་ལ་གཅིག་གྱུར་གྱི་དབང་སྒྱུར་བྱེད་མཁན་གྱི་དེད་ དཔོན་ཞིག་ཡོང་སྲིད་དམ། དེ་ལ་བོད་མི་ཡོད་ཚད་ཀྱིས་འགྲིན་གཅིག་དབྱངས་གཅིག་གིས་ཁས་ལེན་བྱེད་སྲིད་དམ། འདི་དག་ནས་༧གོང་ས་མཆོག་མེད་ཉིན་ནས་མགོ་འཛུགས་རྒྱུའི་གནད་དོན་ཞིག་ཆགས་ཡོད་ན། ད་ལྟ་༧གོང་ས་མཆོག་བཞུགས་དུས་སུ་ཐག་གཅོད་བྱས་ན་མ་འོངས་འབྱུང་འགྱུར་གྱི་བོད་ མིའི་དབུ་ཁྲིད་༧གོང་ས་མཆོག་བོད་དུ་དགོས་མཁོ་ཡོད་མེད་ཀྱང་། བོད་མི་རང་གིས་ད་ལྟ་༧གོང་ས་མཆོག་བཞུགས་དུས་འདིར་ཐག་བཅད་པ་ཡིན་ན། ༧གོང་ས་མཆོག་མེད་ཉིན་ནས། བོད་ལ་༧གོང་ས་མཆོག་མེད་དུས་སུ་༧གོང་ས་མཆོག་མེད་པའི་དཀའ་ངལ་ཞིག་བྱུང་མི་ སྲིད་པར་འདོད།
༧གོང་ས་མཆོག་གིས་ཀྱང་འདིའི་ཐད་དུ་བཀའ་སློབ་གསལ་བོ་ཞིག་གནང་ཡོད་པ་རེད། ངའི་ལྟ་བ་ལངས་ཕྱོགས་ནི་དབུ་མའི་ལམ་ཡིན། འོན་ཀྱང་། མི་མང་གིས་རང་གི་ལྟ་བ་ལངས་ཕྱོགས་འཁྱེར་ཆོག་གི་རེད་ལ་དེ་ལ་དགའ་བསུ་དང་གུས་བཀུར་ཀྱང་ཞུ་ཡི་ཡོད། རེད་དེ། ཁ་ནས་༧རྒྱལ་བ་རིན་པོ་ཆེ་ཟེར་ནས་དོན་ལ་༧རྒྱལ་བ་རིན་པོ་ཆེ་ཡིས་གང་བཤད་ཀྱི་ཡོད་མེད་མ་ཉན་ན། དེ་ནི་ཡག་པོ་མ་རེད་ཅེས་གསུང་ཡོད་པ་རེད་ལ། དོན་དངོས་ཐོག་ཀྱང་ཉིད་ཀྱིས་གསུང་བ་ལྟར། ངས་ཀྱང་སྔོན་ཆད་གྲོགས་པོ་མི་ཉུང་བ་ཞིག་ལ་འདི་འདྲ་ཞིག་བཤད་མྱོང་ཡོད། ལྷ་བཟང་ཚེ་རིང་དང་འཇམ་ནོར་ལྟ་བུ་རང་བཙན་རྩོད་མཁན་དག་གིས་ནམ་རྒྱུན་ཧུར་བརྒྱབ་དེ་བསྡོད་པ་ལས་རང་རང་གིས་མགོ་ཁྲིད་དེ་རང་བཙན་བརྩོད་ལེན་བྱས་པ་ཡིན་ན་ད་གཟོད་འཚམ་པོ་ཡོད་པ་རེད་ཅེས་ཟེར་མྱོང་། དེ་ལྟར་ཡིན། གྲོགས་ཉིད་ཀྱིས་ཀྱང་དངོས་ནས་སེམས་བསམ་པའི་གཏིང་ནས་བོད་མིའི་བདེ་སྡུག་སེམས་ཀྱི་མ་བཟོད་པར་བོད་དོན་ཞིག་བྱེད་འདོད་ཡོད་པ་དེ་ནི་དངོས་ནས་ཡག་པོ་རེད། དེ་ལ་གོ་སྐབས་ཤིག་དང་དགོས་པ་རྒྱུ་མཚན་ཡོད་མེད་བཅས་ལ་ལྟ་རྒྱུ་དངོས་ནས་གལ་ཆེན་ཡིན། དེ་མིན་བྱེས་ཀྱི་ཚོགས་པ་ཁག་གིས་མར་མེ་ཁྲོམ་བསྐོར་ལྟ་བུའི་ལས་འགུལ་ལྟ་བུ་ཡིན་ན་རྒྱུ་མཚན་མི་འདུག་སྙམ། དེ་ལྟར་མ་རེད་དམ་ལགས།
གང་ལྟར་རང་ཉིད་སྡར་མ་ཞིག་ཡིན་ཡང་དཔའ་བོ་ལ་ཡིད་སྨོན་ཤོར་བ་བཞིན། ང་རང་གཉིས་འཐབ་རྩོད་ཀྱི་ལྟ་བའམ་ལངས་ཕྱོགས་མ་གཅིག་པ་ཙམ་གྱིས་ཁྱེད་ཀྱི་དགོངས་ཚུལ་ལ་མོས་མཐུན་མེད་སྲིད་ཀྱི་མ་རེད། གང་ཡིན་ཟེར་ན་རྒྱ་གར་ལྟ་བུར་མཚོན་ན་བདག་ཉིད་ཆེན་པོའི་རྗེས་འབྲང་བ་རྣམས་དང་དྲག་རྒོལ་བ་སུའུ་བྷ་ཅན་དྷར་བྷོ།
བྷ་གད་སེན། ༡རྭ་རྒྱས་རྒུ་རོས ༢སུག་རྡེའུ
ཅན་དྷར་ཤུའུ་ཀྰ་ཨ་ཙྰ།སོགས་ཀྱི་རྗེས་འབྲང་བ་ལྟ་བུ། ཁོ་ཚོའི་ལྟ་བའི་དམིགས་ཡུལ་རྒྱལ་ཁབ་ཀྱི་ཆེད་ཡིན་པས། གུས་པས་ཀྱང་༝གོས་ས་མཆོག་གི་ཞི་བའི་དགོངས་པ་གཅིག་པོ་མིན་པར་དྲག་པོའི་རམས་འདེགས་བྱས་ན་ལེགས་པར་འདོད། དེ་ལྟར་མ་བྱས་ན་ང་ཚོའི་རྒྱལ་ཁབ་འདི་མི་གཅིག་ཁོ་ན་ལ་རེ་བ་བཅོལ་བ་འདྲ་བོ་ཆགས་ཀྱི་མི་འདུག་གེ
གལ་སྲིད་བོད་ལ་བྷས་ལ་དན་ལྟ་བུ་ཞིག་ཡོད་ན ང་ཁོའི་རྗེས་སུ་འབྲང་ཁོ་ཐག་ཡིན། གང་ཡིན་ཟེར་ན་ངའི་སྤུན་གྲོགས་ཚོ་ཉེས་མེད་བཙོན་འཇུག་ཉེས་མེད་སྲོག་ཁྲིམས་གཅོད་གང་ཐུབ་བྱས་བྱ་བ་མ་ཟད། འདི་ཕྱི་གཉིས་ཀྱི་སྐྱབས་མགོན་༸གོང་ས་མཆོག་ལ་ལའང་ཐབས་སྣ་ཚོགས་བཀོལ་ནས་ངན་སྨྲས་གང་ཐུབ་བྱས་དང་བྱ་བཞིན་པ་མཐོང་ཐོས་ཚེ་བཟོད་ཐབས་མི་འདུག་མོད་་་་་་་་་་་་ཨོ། གྲོགས་ཁྱེད་གྲྭ་བའི་སྤྱི་ཚོགས་འགྲིམས་མྱོང་མཁན་ཞིག་ཡིན་པ་ཐག་ཆོད། སྐྱེས་པ་དང་འདྲ་ས་མེད་ཁོག་རྒྱ་ཆེ་ཆུང་གང་ཅི་ཐད་ནས། བོད་པའི་གཤིས་ཀ་ལ་སྐྱེས་པ་ཚོར་མཚོན་ན་མང་ཆེ་བ་གཡག་རྒྱུག་ཁོ་ན་མ་གཏོགས་ཡོད་ནི་མ་རེད་ད།
ཧ་ཧ ང་སོ་སྟོད་ཡག་གི།
སྐར་ཁྲི་བཙན་ལགས། ཉིད་རང་གིས་སྐད་ཆ་དེ་དག་ལ་ཡང་བདེན་པ་མེད་པ་ཞིག་མ་རེད་ལ། དམིགས་བསལ་གྱིས་ཧོར་འཇིགས་ཀྱིས་རྩོམ་ཡིག་ཞིག་འདིར་རྒྱབ་བརྟེན་དུ་འཁུར་ཡོང་བ་དེ་ཡང་ནང་དོན་མི་འདུག་པ་ཞིག་མ་རེད་མོད། འོན་ཀྱང་།
ས་སྟེང་འདི་ནས་ཡུན་རིང་བསྡོད་དགོས་དུས།།
ས་ལའི་ལྗོངས་ཀྱི་མི་མང་བདེན་དོན་ཆེད།།
ས་སྐྱོང་༧རྒྱལ་བོའི་ཐུགས་དང་མ་འགལ་བར།།
ས་ཡ་དྲུག་གི་དོན་དུ་འབད་དགོས་སྙམ།།
ཤུ་རིང་རྒྱུན་ཆད་མེད་པར་
རེད་ཡ། གྲོགས་ཤ་ཁྲག་རུས་གསུམ་ལགས། མཚམས་རེར་རྒྱ་དཔོན་དེ་ཚོའི་གཏམ་དང་ཁྱད་པར་དུ་དེ་དག་གི་འདབས་ནས་རྒྱུག་ཁྱི་དེ་ཚོའི་ཟུག་སྟངས་དེ་ལ་ཚིག་པ་ཟ་ནས་ཅི་བྱེད་འདི་བྱེད་མེད་པར་འགྱུར་འགྲོ་གི གཞན་བཤད་མི་དགོས་སྐྱེ་བུ་དམ་པ་ཁོང་ལྟ་བུ་ཞིག་བསྲེགས་བཅོམ་འཕྲོག་གསུམ་གྱི་ངན་སྐུལ་བའི་མིང་ངན་སྦྱར་ན་སྡོད་ཐབས་མེད་་ག ད་ཤུ་རེ་གོ་རེ་ཟེར་བཞིན་ཤུ་རིང་གི་རྒྱུན་ཆད་མེད་མི་འདུག་རང་འདུག་རེད་ད། ཧོང་གཙང་འཇིག་མེད་ལགས་ཀྱིས ས་སྟེང་མི་ཡི་འཚོ་བར་ཞེན་ལོག་ཀྱང་།། ས་བླའི་བདེ་བ་ཅན་ལ་ཐར་ཐབས་བྲལ།། ས་འོག་ཀླུ་ཡི་ཡུལ་ལ་སྙེགས་ཐབས་མེད།། ས་འདིར་རེ་ཞིག་མི་སྡོད་ཐབས་མེད་རེད།།
ངོ་མ་གནས་ལུགས་འདུག
ས་ཡ་དྲུག་གི་དོན་དུ་འདོད་ན་ཡང་།།
ས་མཐའི་འཁྱར་བོའི་རིགས་ལ་རྒྱབ་རྩ་མེད།།
ས་འབུ་ཐག་ནར་འདྲ་བའི་ཉམ་ཆུང་ངས།།
ས་དབང་ཀླ་ཀློའི་དཔུང་ལ་དམོད་པ་ལས།།
སྐར་ཁྲི་བཙན་ལགས། ལ་ཁའི་ཉི་མ་མི་ནུབ་རང་དབང་མེད་པ་ནི་ཆོས་ཉིད་ཡིན་དུས། ད་ནི་ངེད་ཅག་གིས་༧ཁོང་འཚོ་བཞུགས་ཀྱི་སྐབས་འདི་ལ་བོད་མི་སྤྱི་བོ་ཡོངས་ཀྱིས་དད་གུས་སྤྲོ་གསུམ་གྱིས་སྒོ་ནས་ཕྱིས་འགྱོད་མེད་པ་ཞིག་བྱེད་རྒྱུར་བོད་མི་ཚང་མ་ལ་འགན་ཞིག་ཡོད་པར་དགོངས་ཀྱི་མེད་དམ་ལགས། དེས་ན་བོད་མི་ཞིག་དང་ནང་དགོས་སུ་༧ཁོང་གི་སློབ་མ་གྱུར་བའི་འུ་ཅག་གིས་བསམ་གཞིགས་བྱེད་རན་དང་བགྲོ་གླེང་བྱེད་རན་ཞིག་མ་རེད་དམ།
༸གོང་ས་མཆོག་གི་འགྲོ་དོན་ནི་ལ་ཁའི་ཉི་མ་ལྟ་བུ་ཡིན་པས། སེམས་འཁྲལ་འདུག་ག