ཐད་ཀར་རང་ལ་སེམས་གསོའི་ཚུལ་དུ།

ལྷ་མོ་ལགས། ཉིད་ནས་གནས་ཚུལ་མཁོ་སྤྲོད་བྱས་པ་བཀའ་དྲིན་ཆེ། རྗེས་སུ་ཡོང་གི་བསྡོད། སྒོ་ཕྱེ་ནས་བཞག་ཡོད།

༄༅། །༢༠༠༩།༩།༡༦ ཉིན་གྱི་ཕྱི་དྲོ་ཚོུད་ ༡།༣༠ ཐོག་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༩ པའི་དགོངས་དོན་གྲོས་ཚོགས་སུ་རྩ་འབོར་གྱི་སུམ་ཆ་གཉིས་ཏེ་སྤྱི་འཐུས་ ༢༨ དགོས་ངེས་ཀྱི་གྲུབ་ཆ་མ་ལོངས་ནས་ཚོུད་ ༣།༡༥ བར་ཚོགས་གསེང་གནང་དགོས་ཆགས་སྐབས་གྲོས་ཚོགས་སུ་ཕེབས་གནང་མེད་པའི་སྤྱི་འཐུས་རྣམས་ཀྱི་མིང་གཞུང་མཁྱེན་འདོད་ཡོད་མཁན་མང་པོ་ཞིག་ཡོད་ཚོད་འདུག་པ་ལྟར་སྐབས་དེར་གྲོས་ཚོགས་སུ་སྤྱི་འཐུས་ ༢༧ ཕེབས་ཡོད་པ་དང་། མ་ཕེབས་མཁན་ ༡༦ ནི་གཤམ་གསལ་ལྟར་རེད།

༡ ཚོགས་གཙོ་སྤེན་པ་ཚེ་རིང་མཆོག་དང་། ༢ ཚོགས་ཟུར་པདྨ་འབྱུང་གནས། ༣ ཀརྨ་ཤེས་རབ་མཐར་ཕྱིན། ༤ དགེ་བཤེས་བེ་རི་འཇིགས་མེད། ༥ དགེ་བཤེས་གཡུང་དྲུང་རྒྱལ་མཚན། ༦ རྒྱལ་ནོར་ཚེ་དབང་། ༧ སྤྲུལ་སྐུ་ཨོ་རྒྱན་སྟོབས་རྒྱལ། ༨ བསོད་ནམས་སྟོབས་རྒྱལ། ༩ བདེ་བ་ཚང་རྡོ་རྗེ་དབང་འདུས། ༡༠ དབུ་དཀར་གཡུ་སྒྲོན། ༡༡ སྒྲོལ་མ་མཚོ་མོ། ༡༢ བསྟན་འཛིན་མཁས་གྲུབ། ༡༣ ཆབ་བྲག་ལྷ་མོ་སྐྱབས། ༡༤ ཡེ་ཤེས་སྒྲོལ་མ། ༡༥ བསོད་ནམས་ཚེ་རིང་ཕར་སི། ༡༦ བསྟན་འཛིན་ཆོས་ལྡན་བཅས་རེད། ཁག་ཅིག་སྔ་དྲོ་གྲོས་ཚོགས་སུ་ཡོད་ཀྱང་གུང་ཚིགས་བར་གསེང་སྐབས་དུས་ཐོག་མ་འབྱོར་བ་ལས་རྗེས་སུ་ཚོུད་ ༣།༡༥ ཐོག་འབྱོར་མཁན་ཡང་བྱུང་ཡོད་པ་རེད།

གཞན་ ༡ ཚོགས་གཙོ་སྤེན་པ་ཚེ་རིང་མཆོག་དང་། ༢ ཚོགས་ཟུར་པདྨ་འབྱུང་གནས། ༣ ཀརྨ་ཤེས་རབ་མཐར་ཕྱིན། ༤ དགེ་བཤེས་བེ་རི་འཇིགས་མེད། ༥ དགེ་བཤེས་གཡུང་དྲུང་རྒྱལ་མཚན། ༦ རྒྱལ་ནོར་ཚེ་དབང་། ༧ བསོད་ནམས་སྟོབས་རྒྱལ། ༨ བདེ་བ་ཚང་རྡོ་རྗེ་དབང་འདུས། ༩ སྒྲོལ་མ་མཚོ་མོ། ༡༠ བསྟན་འཛིན་མཁས་གྲུབ་བཅས་སྤྱི་སྒེར་གྱི་ལས་དོན་གང་གི་རྐྱེན་པས་ཕེབས་ཐུབ་ཡོད་མེད་མི་ཤེས་ཀྱང་ཕྱི་ཚེས་ ༡༦ ཞོགས་པ་ནས་གྲོགས་ཚོགས་སུ་ཕེབས་མི་འདུག་པ་བཅས་མཁྱེན་འདོད་མཁན་རྣམས་ལ་ཕན་ཕྱིར་བཀོད་པའོ།།

དགེ་བཤེས་སྨོན་ལམ་མཐར་ཕྱིན་གྱི་བང་ཆེན་ཟིན་བྲིས་སུ་བཀོད་པ་ལས་དྲངས་པ་ཡིན།

བསྟན་འཛིན་ཚེ་འཚོ་ལགས།
ཟང་ཟིང་སྒྱུ་མའི་གཡོག་དུ་ཚུད་ཉིན་ནས།།
འདོད་དང་མི་འདོད་ས་མཚམས་གཏན་མེད་པར།།
ཤི་རེག་བར་དུ་འདུར་རྒྱུགས་བྱེད་དགོས་པ།།
སྔ་ནས་དྲན་ཡོད་ད་ལྟ་ཉིད་རང་གིས།།
སླར་ཡང་དྲན་དུ་སྐུལ་བ་བཀའ་དྲིན་ཆེ།།

བསམ་བྱུང་རི་མོ་ཐོད་ལ་ཕབ་པའི་དུས་ཀྱི་ཡོ་ལང་ཞིག།
མི་རྟག་སྒྱུ་མའི་བློ་ལ་སྐྱེ་རྒ་ན་འཆིའི་གཟེར་ཞིག་ལངས།།
མ་རུང་གཤེད་མའི་ཚོགས་ལ་མི་གྲུབ་བསམ་པའི་གཏོར་ཞིག་བཅོས།།
ཟིང་ཟིང་འདུ་བའི་ཁྲོད་ན་མགོ་བོ་དུད་དེ་འགྲོ་ན་དགའ།།

གཅེན་པོ་ལགས།
སང་འགྲོ་ནངས་འགྲོ་ཁྱད་མེད།།
ལས་ཀྱི་རྒྱུ་འབྲས་མི་བསྣོག།
དེ་ལྟར་བསམ་ནས་འདི་རུ།།
འདོད་མེད་ལྷག་ནས་བསྡད་ཡོད།།

རང་གིས་འདེམས་པའི་མི་ཚེའི་ལམ་བུ་དེར།།
བཞུགས་ནས་ཁྱིམ་འཛིན་མ་དེར་སྙིང་ནས་བཀུར།།
ལྐོག་དང་ངོས་ནས་གཡོ་རྒྱུའི་སེམས་སྤངས་ནས།།
སྙིང་ནས་དགའ་བའི་བརྩེ་བས་བསྐྱངས་པར་མཛོད།།

མི་ཁའི་གཏམ་ངན་རྣ་བའི་རྒྱབ་ཏུ་གཡུགས།།
རིགས་ཀྱི་མཐར་ཚོར་བོད་པའི་སྐད་ཡིག་དང་།།
གཤིད་རྒྱུད་འཇམ་པའི་རང་གི་ཕ་མེས་ཀྱི།།
ལེགས་པའི་གོམ་སྲོལ་གང་ཤེས་བསླབ་ན་ལེགས།།

མ་འོངས་རེ་བའི་ལམ་བུ་མངོན་གྱུར་ཚེ།།
ཁྱེད་ཀྱི་ཁྱིམ་ཚང་ཁ་བའི་ཡུལ་དུ་སྤོས།།
སྙིང་གི་མཛའ་མོ་བོད་ཀྱི་ཡུལ་དུ་བསུས།།
མཐར་མ་ཚོ་ཡི་ཁྱེད་གཉིས་བསྐྱངས་པར་ངེས།།

མ་སྐྱོ་མ་སྐྱོ་རང་གི་བསྐོས་ཐང་རེད།།
སྐྱིད་སྡུག་འདྲེས་མ་འཁོར་བའི་ཆོས་ཉིད་རེད།།
མ་དོར་མ་དོར་ཆུང་མར་བྱམས་སྐྱོངས་མཛོད།།
འདི་ནི་མི་བུའི་ཡ་རབས་སྤྱོད་བཟང་རེད།།