༧རྒྱལ་བ་རིན་པོ་ཆེ་ལ་ཡིད་ཆེས་ཡོད་དམ།

བཀྲ་ཤིས་བདེ་ལེགས།
ཡིད་ཆེས་ཞེས་པ་ཅི་ཞིག་ལ་ཟེར་རམ། འདིའི་གོ་དོན་ཏག་ཏག་ཅིག་ཕྲིས་་་་་་་་་་

རྟུལ་ཕོད་ལགས། ཉིད་ནས་བདག་གི་ཤ་དང་རུས་པའི་གསེང་གི་སྐད་ཆ་དེ་དག་ལ་དེ་འདྲའི་གཉོབ་སྣང་ཞིག་སྐྱེ་བ་དེར་དགོངས་འགལ་མེད་པ་ཞུ། ངས་ཀྱང་རང་གིས་དུས་ཚོད་ཀྱི་བར་གསེང་ནས་བོད་ཀྱི་ལུས་སུ་སྐྱེ་བའི་བོད་མི་ཞིག་གི་སེམས་ངོགས་ཀྱི་སྐད་ཆ་རེ་ཟུང་ཡིག་ཐོག་ལ་འབྲི་བཞིན་ཡོད་ལ། རང་ཉིད་དང་བཅས་པའི་སྤུན་ཟླ་དག་ལ་ཉིན་རེའི་ནང་དྲ་ཐོག་ནས་བསམ་ཚུལ་རེ་ཞུ་བཞིན་ཡོད་ལགས། གང་ལྟར། སྐུ་ཉིད་ལྟ་བུའི་དྲ་ཐོག་གི་སྤུན་ཟླ་རེ་ཟུང་ལ་བདག་གིས་གཉོབ་སྣང་གི་ཚོར་བ་ཞིག་སྤྲོད་ཀྱི་ཡོད་ས་རེད། དེ་ནི་ང་རང་གི་ནོར་འཁྲུལ་ཡིན་ཤས་ཆེ། ནོར་འཁྲུལ་ངས་ཇི་ལྟར་ཡོལ་ཐབས་བྱེད་ཐུབ་ངེས་རེད་སྙམ་གྱི་ཡོད་ལགས། ཉིད་ཀྱིས་ལྟ་ཚུལ་ཞིག་བརྗོད་རོགས་ཞུ།

ཉི་ཟླའི་མགྲོན་བདག་ལགས། དངོས་ནས་འུ་ཅག་གིས་རང་རང་གི་སེམས་ཁོང་དུ་དོགས་པ་དེར་ཞིབ་གཤེར་བྱེད་མཁན་ནི་རང་ཉིད་ལས་མེད་པ་ཡིན་དུས། དངོས་ནས་ང་ཚོས་རྒྱལ་བ་རིན་པོ་ཆེ་ལ་ཡིད་ཆེས་ཡོད་མེད་དེ་རང་ལས་གཞན་སུ་གང་གི་མི་ཤེས་པ་ཡིན་དུས། དེ་ཡི་སྐོར་ལ་སྐད་ཆ་འདི་ལྟར་ཞུ་དགོས་བྱུང་སོང་། ཉིད་ཀྱིས་ཀྱང་རང་གི་བསམ་ཚུལ་ལྷུག་པོར་གསུང་བ་དེར་དགའ་ཡོད།

རྐང་གསུམ་ལགས། བདག་གིས་འདི་ན་གླེང་བཞིན་པ་དེ་ནི་དད་གུས་བྱེད་ལུགས་དང་གུས་བརྩི་ཡོད་མེད་ཀྱི་སྐོར་མིན་ལགས། ངས་འདི་ནས་གླེང་བཞིན་པ་དེ་ནི་ཡིད་ཆེས་ཀྱི་སྐོར་ཡིན། ཉིད་ལ་དེ་ཡི་སྐོར་ནས་བསམ་ཚུལ་གསུང་རྒྱུ་ཡོད་ན་དགའ་བསུ་ཞུ།

ཅོ་རི་ཉི་མ་ལགས། ཉིད་ཀྱིས་ཕྱོགས་གཅིག་ནས་རྒྱལ་བ་རིན་པོ་ཆེ་ལ་འཛམ་གླིང་སྐྱེ་འགྲོ་མི་ཉུང་བ་ཞིག་གིས་ཡིད་ཆེས་ཐོབ་ཡོད་པ་རེད་ཟེར། ཕྱོགས་གཞན་ནས་ཡིད་ཆེས་དང་རྨོངས་དད་གཉིས་གཅིག་པ་རེད་དམ་ཟེར། དེ་ལ་ཉིད་ཀྱིས་བསམ་བློ་བཏང་ནས་དྲིས་པ་ཡིན་མི་སྲིད། དེ་ལྟར་ཡིན་ན་ང་རང་གི་ཤེས་ཚོད་ཡིན་ན་ཡིད་ཆེས་དང་རྨོངས་དད་གཉིས་དུས་ནམ་གཅིག་དུ་མེད།
དེ་ནས་གཉིས་པ་དེར་ཉིད་ནས་ཁྱེད་རང་གི་རྒྱལ་བ་རིན་པོ་ཆེ་ལ་ཡིད་ཆེས་ཡོང་སྟངས་ཕྱོགས་གཉིས་གསུང་འདུག དེ་ཡང་ནང་འགལ་དུ་གྱུར་འདུག གོང་དུ་རྒྱལ་བ་རིན་པོ་ཆེ་ཡི་འགྲོ་བ་སྤྱིའི་བདེ་སྡུག་ལ་འགན་འཁུར་བར་ཡིད་ཆེས་ཡོད། བོད་གནའ་བོའི་འཇིག་རྟེན་ཕ་ཆོས་སྐྱོང་གི་རེད་བསམ་ནས་ཡིད་ཆེས་མེད་གསུངས་འདུག དེ་གཉིས་ནང་འགལ་རེད། འགྲོ་བ་སེམས་ཅན་གྱི་ནང་དུ་བོད་འདུ་མེད་པ་འདྲ་མིན་འགྲོ ཧཧཧ ཉིད་ནས་བསམ་གཞིགས་ཞིབ་མོ་ཞིག་གནོངས། དེ་ནས་སྐུ་ཉིད་ཇི་ལྟར་ཡིད་ཆེས་ཡོད་ལུགས་ཡོང་སྟངས་སྐོར་ཞིག་གསུང་རོགས་ཞུ།

ཤིས་རི་ལགས། ཉིད་ནས་ཏག་ཏག་བོད་ཡིག་གི་ཡིད་ཆེས་ཟེར་བའི་གོ་དོན་དེ་མཁྱེན་གྱི་མེད་ན། དེ་ཁུལ་ནས་བོད་ཀྱི་སྐད་ཡིག་ལ་རྒྱུས་མངའ་ཆེ་བའི་མི་ཞིག་ལ་ཡིད་ཆེས་ཟེར་ན་ཅི་ཞིག་གོ་དགོས་མིན་སྐད་ཆ་ཞིབ་དུ་དྲིས་ནས། ད་གཟོད་རང་ཉིད་རྒྱལ་བ་རིན་པོ་ཆེ་ལ་ཡིད་ཆེས་ཡོད་མཁན་རེད་དམ། མེད་མཁན་རེད་དེ་ཡི་སྐོར་ལ་གསུང་ན་འགྲིག་གི་རེད་ལགས།

ཡར་ནང་ལགས། ངས་ཉིད་ལ་བཀྲ་ཤིས་བདེ་ལེགས་ཤིག་སློང་མེད་ཀྱང་། ཉིད་ནས་ཤིས་ཚིག་དེ་ལྟར་བརྗོད་པ་དེར་དགའ་ཡོད། འོན་ཀྱང་། ཉིད་ནས་རྒྱལ་བ་རིན་པོ་ཆེ་ལ་ཡིད་ཆེས་ཡོད་མེད་ཀྱི་སྐོར་གཏན་ནས་ཟུར་ཙམ་ཡང་གླེང་མི་འདུག

ཡིད་ཆེས་ཞེས་པ་ཅི་ཞིག་ལ་ཟེར་རམ། འདིའི་གོ་དོན་ཏག་ཏག་ཅིག་ཕྲིས།

འཛམ་གླིང་ཐོག་ཏུ་མི་རྗེ་དཔོན་རིགས་གྲངས་ལས་འདས་པ་ཡོད་ཀྱང་༧གོང་ས་མཆོག་ནང་བཞིན་རང་མིས་ཡིད་ཆེས་ཐོབ་པ་དཀོན་པོ་རེད་སྙམ།

ཡིད་ཆེས་དང་རྨོངས་དད།
གཉིས་ལ་ཁྱད་པ་ཡོད་རེད་པས།

ང་ཚོས་དོན་དངོས་སུ་མི་ལོ་དོན་ལྔ་ལ་སོན་པའི་རྒྱལ་བ་རིན་པོ་ཆེ་ལ། ཁ་ཞེ་གཉིས་མེད་ཀྱི་ཡིད་ཆེས་བྱེད་ཀྱི་ཡོད་པ་རེད་དམ། ཁྱེད་ཀྱིས་ལབ་ན་ང་ཡང་ཧ་ཅང་ཧ་ཅང་དོགས་པ་དཔག་ཏུ་མེད་པ་ཞིག་སྐྱེ་གི་འདུག དྲ་གྲོགས་ངོ་མ་ཡག་པོ་སྤེལ་འདུག