དེང་སྐབས་སུ་བོད་རིགས་སྤུན་ཟླ་ཆེས་མི་ཉུང་བ་ཞིང་གིས་ངའི་འགྲོ་འདུག་ལ་སེམས་ཁུར་ཚད་མེད་གནང་བཞིན་པའི་སྐབས་ཤིག་རེད། ཐོག་མར་ངས་དེ་དག་ལ་སྙིང་ཐག་པ་ནས་བཀའ་དྲིན་ཆེ་ཞུ། རྒྱུ་མཚན་ནི་བོད་མི་རིགས་ཀྱི་བདེ་སྡུག་གི་སེམས་ཁུར་དེ་ད་ལྟ་ཤི་མེད་པས་ང་རང་དགའ་བས་ཡིན།
ད་ལྟ་ནི་ང་རང་གི་བཟའ་བཏུང་གི་ཕྱོགས་སུ་དཀའ་ངལ་གཏན་བྲལ་དུ་སོང་ཡོད། བལ་ཡུལ་གནས་གཞུགས་བོད་རིགས་སྤུན་ཟླ་མི་ཉུང་བ་ཞིག་གི་རོགས་སྐྱོར་གྱིས་འཚོས་ཡོད།
ང་རང་གི་གནས་སྟངས་ངོ་མ་དེ་ནི་གང་འདྲ་ཞིག་ལ་འགྱུར་མིན་ནི་ད་ལྟའི་འཆར་སུས་ཀྱང་ཁ་མཚོན་ཆོད་པ་ཞིག་ཆགས་མེད་ཀྱང་། མི་འགྱངས་པར་གང་དུ་བསྐྱལ་ས་དེ་ནས་མུ་མཐུད་དུ་ང་རང་མ་ཤི་བར་དུ་ངའི་ཞི་བའི་འཐབ་རྩོད། བོད་མི་སྤྱིར་བཏང་བ་ཞིག་གི་རང་གི་མི་རིགས་ཀྱི་བདེ་སྡུག་ཆེད་དུ་ཕུལ་བའི་ལུས་ངག་ཡིད་གསུམ་གྱི་དམ་བཅའ་དེ་ལ་འཆི་བ་ལས་གཞན་གང་གིས་ཀྱང་འགྱུར་བ་ཞིག་གཏན་བྲལ་ཡིན། གལ་སྲིད་ཉི་མ་གཞན་ཞིག་ཡོད་པས་དབང་དུ་བཏང་ན་དེ་ནི་བོད་ལ་ཞི་བདེ་དང་རང་དབང་ཐོབ་ནས། ༧གོང་ས་མཆོག་རང་གི་ཕ་ཡུལ་དུ་ཕེབས་ཉིན་ཡིན།
བཀག་བསྐྱེལ་ཁང་ནས་ཨ་རི་བ་ཞིག་གི་གློག་ཀླད་གཡར་ནས་བོད་རིགས་ཕྱི་ནང་གི་སྤུན་ཟླ་ཡོངས་ལ་བྲིས། གླིང་ཚ་ཚེ་བརྟན་རྡོ་རྗེ་ནས།༢༥།༥།༡༢
མི་མངོན་པའི་ཚུལ་དུ་རྒྱབ་སྐྱོར་བྱེད་པ་ལས་ཐབས་གཞན་ཅི། ཤེས་ནུས་འཇོན་གསུམ་གང་ཡང་མེད་པའི་ང་ལྟ་བུའི་མི་བུ་ཞིག་གི་བོད་པའི་རྩ་དོན་ལ་ཅི་ཞིག་ཕན། བསྔགས་བསྟོད་དང་ཡི་རངས་ཀྱི་ཅི་ཞིག་ཕན། ངོ་མ་ཡིན། གལ་སྲིད་ཕན་གྱི་ཡོད་ན་དེ་ནི་དཀའ་ངལ་མེད་པའི་བྱ་བཞག་ཅིག་ཡིན་ཙ་ན། སུས་ཀྱང་བྱེད་པར་རིགས། ཚེ་བརྟན་རྡོ་རྗེ་ལགས། ཁྱོད་ནི་སྐྱེས་པ་དོན་དང་ལྡན་ལ་ཤི་བ་གཟི་བརྗིད་ཆེ། དེ་ནི་ཉིད་ཀྱིས་མི་ཡུལ་དུ་འདིར་བཞག་པའི་ཆེས་བླ་ན་མཐོ་བའི་ཞབས་རྗེས་དེ་ཡིན་སྲིད། འཆི་བ་སྲོག་ལ་ཐུག་ཀྱང་ཕྱིར་སྣུར་མི་བྱེད་པ་ཉིད་ཀྱི་སྙིང་སྟོབས་རེད། ད་ནི་ཅི་ཞིག་ལ་འཕྲད་ཀྱང་རང་ཉིད་ཀྱིས་བདམས་པའི་བྱ་བཞག་དགའ་སྤྲོས་འཇུག་རོགས།
རྒྱལ་གཅེས་དཔའ་བོ་གླིང་ཚ་ལགས། སྐུ་ཉིད་ཀྱིས་རང་གི་ལུས་སྲོག་ལ་མ་འཛེམས་པར་བོད་མིའི་བདེན་དོན་གྱི་ཆེད་དུ་འདི་ལྟར་བློས་གཏོང་མཐོན་པོ་གནང་བར་སྙིང་ནས་ཡི་རངས་ཡོད། དེ་བས་ཀྱང་ལྟ་བ་ནི་ཚེ་སྲོག་ལས་ཀྱང་གལ་ཆེ་བའི་གནས་ལུགས་ངོ་མ་དེ། བོད་མིའི་སྤྱི་ཚོགས་ཁྲོད་མིག་དཔེ་གལ་ཆེན་བཞག་སོང་བར་གོ་སྐབས་འདི་བརྒྱུད་ནས་བཀའ་དྲིན་ཆེ་ཞུ་བ་ལགས། མཐའ་དོན་བོད་རྒྱལ་ལོ་བཅས།
འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས། གནས་བྲིས་དེ་མཐོང་བས་དགའ་ཚོར་སྐྱེས། ང་ཚོར་ནམ་ཡང་རང་ཉིད་ཀྱི་ཕྱོགས་ལ་ཞེན་པ་ཆེར་འཛིན་གྱི་ཀུན་སྤྱོད་འཁྱོག་པོ་ཞིག་རང་ཆས་སུ་ཡོད་པས། གུ་ཡངས་དང་རང་དབང་གི་བར་ནས་བདེ་སྐྱིད་དང་ཞི་བདེའི་འཚོ་བ་ཡང་བརླག་པར་བྱེད། དེ་ནི་རྣམ་དཔྱོད་ཡོད་པའི་མི་ཞིག་འཇིག་རྟེན་དུ་འཚོ་བའི་དོན་སྙིང་གང་ཡང་མིན་པ་རེད། ལྷག་པར་དུ་སྟོབས་ཤུགས་སོགས་གང་ཡང་མེད་པའི་མི་རིགས་ཤིག་གི་འཐབ་རྩོད་ལ་མཁོ་བའི་ལག་ཆ་ཞིག་ཀྱང་གཏན་ནས་མིན། དེ་བས་ངས་བསམ་ཚུལ་འདི་འཆང་བའི་རང་མི་རིགས་ཀྱི་ཤེས་ལྡན་པ་དང་ཤེས་རློམ་པ་ཡོངས་ལ་མཐེ་བོང་ཀེར་བཞིན་ཞུ་བ་ཞིག་བྱ་རྒྱུ་ཡིན། འཐབ་རྩོད་པ་ཞིག་གི་འཐབ་རྩོད་ཀྱི་རྣམ་པ། ད་དུང་རང་དབང་དང་སྙིང་སྟོབས་བཅས་ལ་རྒྱུ་མཚན་ཤེས་པའི་ཐོག་གདེང་འཇོག་དང་གུ་ཡངས་ཤིག་གནང་རོགས་ཀྱང་ཟེར་འདོད་བྱུང་།
དེ་རིང་ཞོགས་པ་ཨེ་ཤེའི་ཡ་རང་དབང་རླུང་འཕྲིན་ཁང་གི་ཆེད་སྒྲིག་ལས་ཚན་ཞིག་ལ་ཉན་པས། ལས་ཚན་ཕྱོགས་སྒྲིག་བྱེད་མཁན་ཚུད་པའི་བོད་མི་ཁག་ཅིག་གི་བསམ་ཚུལ་ལ་ཡིད་སྐྱོ་ཐང་ཆད་བཞིན་ཚོར་སྣང་སྟོན་འདོད་པ་ཙམ་ཡིན།
རྒྱ་མིའི་རྒྱུགས་ཁྱིའི་བཙོན་འོག་ཏུ་ཚུད་པའི་དྲ་གྲོགས་ཚེ་བརྟན་རྡོ་རྗེ་ལགས་ཀྱི་གནས་ཚུལ་ཁག་འདི་ལྟར་གོ་དུས་དངོས་དགའ་བོ་བྱུང་་་་་་ཉིད་ཀྱིས་ཟླ་བ་གསུམ་ཟིན་གྲབས་བར་དུ་བོད་མི་རིགས་ཀྱི་ཆེད་དུ་དཀའ་ངལ་འདི་འདྲ་ཞིག་བརྒྱབས་པས་ང་ཚོས་ཁྱོད་ལ་ཡི་རང་དང་བསྔགས་བརྗེད་བྱེད་ལོས་འོས་་་་་ཅི་ལྟར་བཤད་ཀྱང་ལས་འགུལ་འདི་ལ་མཚམས་ཤིག་ཡོད་དགོས་པས་རང་ཉིད་ཀྱིས་རང་ཉིད་ལ་བསམ་བློ་ཞིག་བཏང་ནས་རྒྱ་མིའི་ལག་འོག་ཏུ་མ་ཚུད་པ་ཞིག་བྱ་རྒྱུའི་རེ་བ་ཡོད་པས་རེ་བ་ཆུང་ཆུང་འདི་ཐུགས་ལ་འཇགས་པར་འཚལ།
ཐུགས་རྗེ་ཆེ། ང་ཚོས་སྐུ་ཉིད་ལ་བར་ཆད་མ་ཡོང་བའི་སྨོན་ལམ་འདེབས་ཀྱིན་ཡོད།
རྡོར་ཚེ་བརྟན་ལགས། ངོ་མ་ཉིད་ཀྱིས་རྩོམ་ཐུང་འདི་མཐོང་ནས་སེམས་པ་ཧ་ཅང་སྐྱོ་བྱུང་། ཡིན་ནའང་། ཉིད་ཀྱི་འགྱུར་མེད་དམ་བཅའ་བརྟན་པོ་འདི་ལ་རྗེས་སུ་ཡི་རངས་བྱེད་ཀྱི་རེད།
ཁྱོད་ཀྱི་གནས་ཚུལ་གོ་སོང་། ཨ་རི་བ་དེ་ལ་ཐུགས་རྗེ་ཆེ་ཞུ།