བོད་རིཊ་སྤུན་ཟླའི་མཐུན་འབྲེལ་ལྷན་ཚོཊ་ཟེར་བར་ངོས་ལེན་རྩ་བ་ནས་མེད།

ཉེ་ལམ་ཚོགས་པའི་ཨོ་སི་ཊོ་ལི་ཡའི་བོད་རིཊ་ཚོཊ་པ་ཁག་གི་རྒྱལ་ཡོངས་ཚོཊ་ཆེན་ཐེངས་དྲུག་པའི་སྟེང་། སྔར་ལོའི་ཕྱི་ཟླ་ ༡༡ ཚེས་ ༢༤ ཉིན་ཐོན་པའི་ཨོ་སི་ཊོ་ལི་ཡའི་བོད་རིཊ་སྤུན་ཟླའི་མཐུན་འབྲེལ་ལྷན་ཚོཊ་ཟེར་བ་དང་། དེའི་ཁྱབ་ཁོངས་ཚོཊ་མི་ཡིན་རིཊ་ཨོ་གླིང་བོད་མིའི་མཐུན་ཚོཊ་ཀྱི་འཛིན་སྐྱོང་ལས་དོན་ཐད་ཁྲིམས་མཐུན་ཐོབ་ཐང་མེད་པར་མ་ཟད། ཚོཊ་པ་དེར་ངོས་ལེན་རྩ་བ་ནས་མེད་སྐོར་བསྒྲཊ་འདུག

ཟླ་འདིའི་ཚེས་ ༡༨ ནས་ ༢༠ བར་ཨོ་སི་ཊོ་ལི་ཡའི་བོད་རིགས་མཐུན་ཚོགས་དབུས་སྤྱི་ཁྱབ་རྒྱུན་ལས་ཁང་གི་གོ་སྒྲིག་འོག རྒྱལ་ས་སེ་ཌེ་ནེ་བྱང་ཕྱོགས་མཚོ་འགྲམ་གྱི་གྲོང་སྡེ་བྷེ་ཀོན་ཧེད་ (Beacon Hill) གྲོང་སྡེར་ཨོ་སི་ཊོ་ལི་ཡའི་བོད་རིགས་ཚོགས་པ་ཁག་གི་རྒྱལ་ཚོགས་ཆེན་ཐེངས་དྲུག་པ་ཚོགས་ཡོད་འདུག་ལ། ཉིན་གསུམ་རིང་གི་ཚོགས་འདུའི་ཐོག་བོད་མིའི་སྒྲིག་འཛུཊ་ཀྱི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་གཙོས། ཨོ་སི་ཊོ་ལི་ཡའི་ས་གནས་བོད་རིགས་མཐུན་ཚོགས་ཁག་བཅུ་ལྷག་གི་ཚོགས་གཙོ་དང་དྲུང་ཆེ། ས་གནས་གཞོན་ནུ་དང་བུད་མེད་བཅས་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། བོད་དོན་རྒྱབ་སྐྱོར་ཚོགས་པའི་སྐུ་ཚབ། ས་གནས་མི་མང་བཅས་མི་ ༣༠༠ ཡས་མས་འདུ་འཛོམས་གནང་ཡོད་འདུག

ཐེངས་འདིའི་ཚོགས་འདུའི་ཐོག་གྲོས་གཞི་དང་པོ། ༸གོང་ས་མཆོག་དགུང་གྲངས་ ༨༠ ཕེབས་སྐབས་ཨོ་གླིང་བོད་རིགས་མཐུན་ཚོགས་ཁག་ནས་བརྟན་བཞུགས་སམ་ཡང་ན་གཞན་གང་དགའ་ཇི་ལེགས་སྐོར། གཉིས་པ། ཨོ་གླིང་གནས་སྡོད་བོད་རིགས་མི་མང་ནས་རང་གི་ཆོས་དང་རིག་གཞུང་། སྐད་ཡིག་གོམས་སྲོལ་སོགས་མི་ཉམས་རྒྱུན་འཛིན་དང་ཡར་རྒྱས་གཏོང་ཕྱོཊ། གསུམ་པ། ཨོ་གླིང་ནང་བོད་ཀྱི་རྩ་དོན་ལས་འགུལ་སྤེལ་ཕྱོཊ། བཞི་བ། ཨོ་གླིང་བོད་རིགས་མཐུན་ཚོགས་ཁག་ནས་ལོ་ལྟར་ཨོ་གཞུང་ནས་དམིགས་བསལ་འགྲོ་བ་མིའི་བདེ་རྩའི་འོག་ཕྱི་མི་གནས་སྦོར་གྱི་ལས་གཞིའི་ཁོངས་ནས་བོད་མི་གསར་དུ་འབྱོར་བ་རྣམས་ལ་རོགས་རམ་གནང་ཕྱོཊ་སྐོར། ལྔ་བ། རྒྱ་གཞུང་ལས་བྱེད་པས་བོད་མིའི་མཐུན་སྒྲིལ་གྱི་ནུས་ཤུགས་གཏོར་བཤིག་གི་སྲིད་བྱུས་ལ་མང་ཚོགས་ནས་གདོང་ལེན་གནང་ཕྱོཊ། དྲུག་པ། བོད་རྒྱ་མི་རིགས་གཉིས་དབར་འབྲེལ་བ་ཞུ་ཕྱོཊ་བཅས་ཀྱི་ཐོག་གྲོས་བསྡུང་གནང་ཡོད་འདུག

ཁ་སང་ཚོགས་འདུའི་ཉིན་མཐའ་མར་སྤྱི་མོས་གྲོས་ཆོད་ཁག་ཅིག་གཏན་འབེབས་སྒྲོགས་སྦྱང་གནང་ཡོད་པར་མ་ཟད། སི་ཌེ་ནེའི་རིག་གནས་སྐྱེད་ཚལ་དུ་བོད་ཡིག་གི་དྲི་རྩལ་འགྲན་བསྡུར་སྐབས་དང་པོ་གོ་སྒྲིག་དང་། གླུ་བ་གླུ་མ་རྣམས་ཀྱི་གནའ་དེང་གི་གླུ་གཞས་འཁྲབ་སྟོན་བཅས་གནང་སྟེ་ཚོགས་འདུ་མཇུག་སྒྲིལ་ཡོད་འདུག་ལ། ཐེངས་འདིར་གཏན་འབེབས་བྱས་པའི་གྲོས་ཆོས་ཁག་གི་ནང་། ༸གོང་ས་མཆོག་དགུང་གྲངས་ ༨༠ ཕེབས་པའི་དམིགས་བསལ་རྟགས་དང་རྟེན་འབྲེལ་ལ་བརྟེན་ནས་ཨོ་གླིང་བོད་རིགས་མཐུན་ཚོགས་ཁག་ཐུན་མོང་ནས་བརྟན་བཞུགས་བསྟར་འབུལ་ཞུ་རྒྱུ་དང་། དེ་ཡང་རྒྱལ་ཡོངས་བོད་རིགས་མཐུན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ཐུགས་འགན་བཞེས་ཏེ་ལས་རིམ་ཁག་གོ་སྒྲིག་གནང་རྒྱུ་དང་། སློབ་སྟོན་པ་སྐུ་ཚབ་དོན་གཅོད་དང་ལས་ཐོག་སྤྱི་འཐུས་ཀྱིས་གནང་རྒྱུ།  བོད་རིགས་མཐུན་ཚོགས་ཁག་ནས་བོད་ཡིག་སློབ་གྲྭ་ཆེད་འཛུགས་དང་དགེ་རྒན་གོ་སྒྲིག་ཐད་ཁྱིམ་བདག་སོ་སོའི་མཐུན་འགྱུར་རྐང་ལེན་བྱེད་རྒྱུ། བོད་རིགས་ཚོགས་པ་ཁག་གིས་བོད་ཕྲུག་ཚོའི་ཆེད་གླུ་གར་རོལ་དབྱངས་སྦྱོང་བརྡར་དང་རིག་རྩལ་བགྲོ་གླེང་གང་མང་གནང་ཐབས་བྱ་རྒྱུ། ས་གནས་སློབ་གྲྭ་ཁག་གི་དགེ་རྒན་རྣམས་ཀྱིས་སློབ་གཞི་དང་སློབ་ཁྲིད་སྐོར་ཤེས་རིག་ལས་ཁུངས་ཀྱི་འབྲེལ་ཡོད་འགན་འཁུར་བར་བསམ་ཚུལ་གོ་བསྡུར་ཞུ་རྒྱུ་དང་། སྐུ་ཚབ་དོན་གཅོད་དང་རྒྱལ་ཡོངས་བོད་རིགས་མཐུན་ཚོགས་དབུས་སྤྱི་ཁྱབ་ཁང་གི་གོ་སྒྲིག་འོག་དུས་ནས་དུས་སུ་བོད་དགེ་རྣམ་པའི་ཉམས་མྱོང་སྤེལ་རེས་ཀྱི་ཚོགས་འདུ་བསྡུ་རྒྱུ།

ལོ་ལྟར་འགྲོ་བཞིན་པའི་ཨོ་སི་ཊོ་ལི་ཡ་བོད་དོན་ལྷན་ཚོགས་ (Australia Tibet Council) མཐུན་འགྱུར་འོག་བོད་རིགས་སྤྱི་མཐུན་ཚོགས་པ་ཁག་ནས་གྲོས་ཚོགས་སུ་བོད་དོན་ཞུ་འབོད་ལས་འགུལ་མུ་མཐུད་སྤེལ་རྒྱུ། ཚོགས་པ་ཁག་གི་མི་མང་ཨོ་སི་ཊོ་ལི་ཡའི་བོད་དོན་རྒྱབ་སྐྱོར་ཚོགས་པ་ཁག་གི་ཚོགས་མིར་མཉམ་ཞུགས་དང་། ཚོགས་པ་ཐུན་མོང་མཉམ་རུབ་ཀྱིས་ལས་འགུལ་སྤེལ་ཐབས་བྱ་རྒྱུ། ས་གནས་བོད་མིས་ས་གནས་གྲོས་ཚོགས་དང་སྲིད་གཞུང་ལ་བོད་དོན་ཞུ་འབོད་བྱེད་རྒྱུ།  ཨོ་གླིང་བོད་རིགས་མཐུན་ཚོགས་དབུས་སྤྱི་ཁྱབ་རྒྱུན་ལས་ཁང་ནས་ལས་འགུལ་གྱི་ནུས་པ་ཆིག་སྒྲིལ་དང་ལམ་ལུགས་ལྡན་པ་ཡོང་ཐབས་སུ་ལས་འགུལ་གྱི་མགོ་ཁྲིད་ནུས་ཤུགས་གོང་སྤེལ་དང་། ལས་རིམ་འཆར་བཀོད། འབོད་སྒྲ་གཅིག་གྱུར་བཅས་ལ་སྨན་པའི་ཆེད་ལས་པའི་ཟབ་སྦྱོང་གོ་སྒྲིག་ཞུ་རྒྱུ།  རྒྱ་ནག་གི་ངལ་རྩོལ་བསྒྱུར་བཀོད་ཁང་ཁག་ནས་ཐོན་སྐྱེད་བྱས་ཏེ་ཨོ་སི་ཊོ་ལི་ཡར་ཚོང་བསྒྱུར་བྱེད་བཞིན་པར་བཀག་འགོག་གི་ལས་འགུལ་སྤེལ་རྒྱུ།

བོད་མི་གཞིས་ཆགས་གསར་པ་རྣམས་ཀྱི་ཆེད་བོད་རིགས་སྤྱི་མཐུན་ཚོགས་པ་ཁག་གི་འགན་འཁུར་འོག་ས་གནས་ཀྱི་གནས་བབ་ལ་གཞིགས་པའི་སྣེ་ལེན་ཚོགས་ཆུང་གསར་འཛུཊ་ཞུ་རྒྱུ་དང་། བོད་མིའི་གཞིས་ཆགས་ཆེད་དཔའ་འབྱོར་འདུ་འགོད་དང་འབྲེལ་གཏན་འཇགས་ལས་བྱེད་བསྐོ་བཞག་གིས་ཐབས་ལམ་འཚོལ་རྒྱུ། ཨོ་སི་ཊོ་ལི་ཡའི་གཞུང་དང་གཞུང་འབྲེལ་མ་ཡིན་པའི་ཚོགས་པ་དང་། སྤྱི་ཚོགས་རོགས་སྐྱོར་ཚོགས་པ་ཁག དེ་བཞིན་རང་རེའི་ཆོས་ཚོགས་ཁག་ནས་རོགས་སྐྱོར་ཐབས་ལམ་འཚོལ་རྒྱུ། གཞིས་ཆགས་གསར་བ་ཕེབས་མཁན་རྣམས་ལ་རྒྱ་གར་ནས་ཐོན་ཁར་ཨོ་སི་ཊོ་ལི་ཡར་རྒྱུས་མངའ་དང་། མི་ཚེ་སྐྱེལ་སྟངས། ཡིག་ཆའི་འགྲོ་ལུགས་སོགས་ཀྱི་ཐད་ཟབ་སྦྱོང་སྔར་ལྷག་ཡོང་ཐབས་སུ་འབྲེལ་ཡོད་ཁག་ལ་སྙན་སྐུལ་ཞུ་རྒྱུ།

རྒྱ་ནག་གཞུང་གིས་བོད་བཙན་བཟུང་བྱས་ནས་ད་བར་ཚུར་རྒོལ་ལས་འགུལ་མཚམས་འཇོག་གཏན་ནས་བྱས་ཀྱི་མེད་ལ། ལྷག་པར་ཉེ་བའི་ལོ་ཤས་ནས་བཟུང་རྒྱ་ནག་ཕྱི་སྡོད་རང་མིའི་ཨུ་ཡོན་ལྷན་ཁང་ཟེར་བ་དང་། ཕྱི་སྡོད་ནང་མིའི་མཛའ་གྲོགས་སུ་ཨུ་ཡོན་ལྷན་ཁང་ཟེར་བ། ཕྱིར་གཏོང་བ་དང་ནང་དུ་འབོད་པའི་ལས་འཆར་ཟེར་བ། དོལ་རྒྱལ་རྗེས་འབྲང་པར་གཡས་གཞོག་གཡོན་འདེགས་ཀྱི་ལས་འགུལ་སྤེལ་ཏེ་ཕྱི་ཕྱོགས་སུ་ཡོད་པའི་བོད་མིའི་ཆབ་སྲིད་དང་སྒྲིག་འཛུཊ། སྤྱི་ཚོགས་བཅས་པའི་ཆིག་སྒྲིལ་གཏོར་བཤིག་གཏོང་རྒྱུའི་ཚུར་རྒོལ་འགའ་ཞིག་མགོ་འཛུཊ་བྱས་ཡོད་པས། རང་རིགས་རྣམས་ནས་ངེས་པར་དུ་ཁོ་པ་ཚོའི་ལྐོག་གཡོ་ཁག་དུས་ཐོག་ཤེས་རྟོགས་བྱེད་རྒྱུ་མ་ཟད། རྫི་གསང་རྣོན་མོས་ཁྲིམས་མཐུན་གདོང་ལེན་ནུས་ལྡན་བྱེད་རྒྱུ།

༢༠༡༣ ཕྱི་ཟླ་ ༡༡ ཚེས་ ༢༤ ཉིན་ཐོན་པའི་ཨོ་སི་ཊོ་ལི་ཡའི་བོད་རིགས་སྤུན་ཟླའི་མཐུན་འབྲེལ་ལྷན་ཚོགས་ཟེར་བ་དང་། དེའི་ཁྱབ་ཁོངས་ཚོགས་མི་ཡིན་རིགས་ཨོ་གླིང་བོད་མིའི་མཐུན་ཚོགས་ཀྱི་འཛིན་སྐྱོང་ལས་དོན་ཐད་ཁྲིམས་མཐུན་ཐོབ་ཐང་མེད་ལ། དེ་རིང་བོད་མི་མང་སྤྱི་འཐུས་གྲོས་ཚོགས་ཀྱིས་རྒྱབ་སྐྱོར་བཀའ་ལུང་ཐོབ་ཅིང་། འཛིན་སྐྱོང་བཀའ་ཤག་གི་རྒྱ་ནག་ལ་འཛིན་པའི་བརྒྱུད་ལམ་གཅིག་གི་སྲིད་ཇུས་དང་ཐད་ཀར་འགལ་ཡོད། དེར་བརྟེན་ ༢༠༡༣ ཟླ་ ༡ ཚེས་ ༡༩ ཉིན་ཕྱི་དྲིལ་བཀའ་བློན་བདེ་སྐྱིད་ཆོས་དབྱིངས་མཆོག་གིས་འདི་ག་ས་གནས་སུ་གཟིགས་ཞིབ་ཏུ་ཕེབས་སྐབས་བོད་མིའི་མཐུན་འབྲེལ་ལྷན་ཚོགས་ཟེར་བ་དབུས་བོད་མིའི་སྒྲིག་འཛུཊ་ནས་ངོས་ལེན་མེད་ཅེས་གསར་བསྒྲགས་ངེས་གཏན་གནང་བ་ནི། ང་ཚོའི་ཆབ་སྲིད་དང་ལངས་ཕྱོགས་གཞི་འཛིན་ས་ཡིན་པས་སྔ་ལོ་སེ་ཌེ་ནེ་བོད་རིགས་མཐུན་ཚོགས་ནས་སྐབས་དེ་རང་དུ་ཚོགས་པ་དེ་ངོས་ལེན་གཏན་ནས་མེད་པ་གསལ་བསྒྲགས་བྱས་ཡོད་ལ། ད་རེས་ཀྱི་ཚོགས་ཆེན་ཐོག་མཇུག་སྣོན་གསལ་བསྒྲགས་བཅས་གནང་འདུག

གྲོས་ཆོད་ནང་རྒྱ་གཞུང་གིས་ཕྱིར་གཏོང་བ་དང་ནང་དུ་འབོད་པའི་ལས་འཆར་འོག་འཛམ་གླིང་ཡུལ་གྲུ་ཁག་ཏུ་གནས་པའི་བོད་མིའི་སྒྲིག་འཛུཊ་བྱས་ཏེ་རྒྱ་ནག་དང་། བོད་ཀྱི་ས་ཁུལ་གྲགས་ཅན་ཁག་ཏུ་ལྟ་སྐོར་དུ་ཁྲིད་རྒྱུར་མ་ཟད། ཆེད་གཉེར་ཆབ་སྲིད་ཀྱི་ལྐོག་གཡོ་དང་འབྲེལ་བའི་བྱེད་སྒོ་ཁག་ཅིག་ཏུ་འཁྲིད་རྒྱུའི་གནས་ཚུལ་ཕྱི་གསལ་ནང་གསལ་དུ་གྱུར་ཡོད་ན་དེ་དོན་ལྐོག་གཡོའི་ནང་མི་ཚུད་པ་ཡིད་གཟབ་ངེས་པར་དུ་གནང་རྒྱུ་དང་།  རྒྱལ་བསྟན་ཕྱི་གཙང་ནང་གཙང་འཛིན་སྐྱོང་སྐོར་གྱི་༸གོང་མཆོག་དང་། བོད་ཀྱི་ཆོས་བརྒྱུད་བླ་ཆེན་བསྟན་བདག་ཁག་གི་བཀའ་སློབ་ཁག་ནི་འདི་ཕྱི་གཉིས་ཕན་བསྟན་སྲིད་སྤྱི་སྨན་གྱི་བླང་དོན་མཇུག་སྒོ་དམ་པ་ཡིན་ཡང་ཆེས་བློ་ཕམ་པར་དོལ་རྒྱལ་རྗེས་འབྲང་བ་ཁག་གིས་མི་ཆོས་ལས་ཡོངས་སུ་བརྒལ་ཞིང་། གདུག་རྩུབ་ཤིན་ཏུ་ཆེ་བའི་མཚན་དམས་བསྐུར་འདེབས་དང་། འཁྱོག་བཤད་དཀྲུགས་ཤིང་། དཀར་ནག་ཕྱིན་ཅི་ལོག་པའི་ཧམ་བཤད་ལ་སོགས་པའི་དེབ་རིགས་དང་། བརྙན་པར། བགྲོ་གླེང་། རྔམ་སྟོན་སོགས་ཀྱི་གནས་ཚུལ་ཐོན་བཞིན་པ་ནི་ཆོས་ཕྱོགས་དང་རང་དབང་། འགྲོ་བ་མིའི་ཐོབ་ཐང་། ལྟ་གྲུབ་འདྲ་མིན་གྱི་གླེང་རྙོག་སོགས་ལས་ཡོངས་སུ་འདས་ཤིང་། རྒྱལ་བསྟན་རྨང་ནས་བཤིག་པའི་ཆབ་སྲིད་ཀྱི་ལྐོག་གཡོ་ཆེན་པོ་ཞིག་ཡིན་སྟབས། ཁོ་པ་ཚོར་ཆོས་དང་ཟང་ཟིང་གི་འབྲེལ་བ་གཙང་མ་གཅོད་རྒྱུ་དང་འབྲེལ་ཁྲིམས་མཐུན་གདོང་ལེན་མཐར་ཕྱིན་བྱེད་རྒྱུ་བསྐྱར་བསྒྲགས།

རྒྱ་ནག་སྲིད་གཞུང་གི་དཔོན་རིགས་དང་གཞུང་འབྲེལ་ཚོགས་པ། འབྲེལ་ཡོད་ལས་བྱེད་བཅས་པར་འབྲེལ་བ་བྱེད་པའི་དབང་ལུང་ནི་༸གོང་ས་མཆོག་གི་སྐུ་ཚབ་དང་། དབུས་བོད་མིའི་སྒྲིག་འཛུཊ་ཁོ་ནར་ཡོད་པའི་ཆབ་སྲིད་ཀྱི་རྩ་དོན་གལ་ཆེན་ཞིག་ཡིན་པས་མི་མང་དམངས་ཁྲོད་ནས་བརྒྱུད་ལམ་གཅིག་གི་སྲིད་ཇུས་དེ་ལས་རྩ་བ་ནས་འགལ་མི་ཆོག་པའི་རྗེས་སྣོན་བྱེད་རྒྱུ།  བོད་རིགས་ཚོགས་པ་ཁག་དང་མི་མང་། མི་སྒེར་བཅས་ནས་རྒྱ་རིགས་མང་གཙོ་དོན་གཉེར་བ་དང་། རང་དབང་གསར་འགོད་པ། ཤེས་ཡོན་ཅན། མི་སྒེར་བཅས་དང་མཛའ་འབྲེལ་བཙུགས་ཏེ་བོད་རྒྱའི་གནད་དོན་གཉིས་སྨན་དང་འདྲ་མཉམ་གྱི་གོ་རྟོགས་གོང་འཕེལ་བཏང་སྟེ་མི་རིགས་གཉིས་ཀར་རང་དབང་ཐོབ་ཆེད་ཐབས་ལམ་འཚོལ་དགོས།  བོད་རིགས་ཤེས་ཡོན་ཅན་དང་སློབ་ཕྲུག་ཁག་ནས་རྒྱ་རིགས་སློབ་ཕྲུག་དང་གྲོགས་འདྲིས་ཀྱིས་བོད་རྒྱའི་གནད་དོན་གོ་རྟོགས་གོང་འཕེལ་གཏོང་རྒྱུ་བཅས་གྲོས་ཆོད་ཁག་གཏན་འབེབས་གནང་ཡོད་པར་མ་ཟད། བོད་བསྟན་སྲིད་ཆེད་རང་ལུས་མེར་བསྲེཊ་གནང་མཁན་རྣམས་ཀྱི་རྩ་དོན་གྱི་འབོད་སྒྲ། གདུང་འབོད་ཀྱི་ཞལ་ཆེམས་ལ་སོགས་པའི་ཁོང་ཚོའི་མངོན་འདོད་དེ་དག་འགྲུབ་ཐབས་ལ་དམིགས་བསལ་འབད་ཐབས་བྱ་རྒྱུར་བསམ་སྦྱོར་གཉིས་ཐོག་ནས་དམ་བཅའ་བཞག་ཡོད་འདུག

ཐེངས་བདུན་པའི་ཨོ་གླིང་རྒྱལ་ཡོངས་བོད་རིགས་ཚོགས་ཆེན་ ༢༠༡༦ ལོར་རྒྱལ་ས་བྷེར་ལེན་དུ་ཚོགས་གཏན་ཁེལ་ཡོད་འདུག

གསར་འགོད་པ། དོན་གོ