༄༅། །ཕྱི་ལོ་ ༢༠༡༤ ཟླ་ ༦ ཚེས་ ༢༩ ཉིན་༧གོང་ས་སྐྱབས་མགོན་ཆེན་པོ་མཆོག་གིས་ལ་དྭགས་ཀླུ་འཁྱིལ་ཕར་ཕྱིན་དབྱར་ཆོས་ཆེན་མོ་དབུ་འཛུགས་མཛད་སྒོ་དབུ་འབྱེད་མཛད་རྒྱུ་དང་ཕྱི་ཚེས་ ༣༠ ཉིན་༧གོང་ས་མཆོག་དབུ་བཞུགས་ཐོག་ཆོས་ལུགས་རིས་མེད་ཀྱི་མཁས་དབང་འདུ་འཛོམས་ཀྱིས་ཕར་ཕྱིན་མཁས་པའི་བགྲོ་གླེང་གནང་རྒྱུ། མངའ་རིས་ཚང་དགོན་སྡེའི་ཤེས་རིག་འཛིན་སྐྱོང་ལྷན་ཚོགས་ཀྱི་གོ་སྒྲིག་ཐོག་མངའ་རིས་བ་དགེ་བཤེས་དང། བཀའ་ཆེན། སྔགས་རམས་པ། བསྐྱེད་རམས་པ་རྣམས་ལ་མཚུངས་མེད་དགའ་ལྡན་ཁྲི་རིན་པོ་ཆེ་མཆོག་གིས་ཕྱག་འཁྱེར་སྩལ་རྒྱུ་དང། ཕྱི་ཚེས་ ༡ ཉིན་གོང་ས་མཆོག་གིས་སེར་སྐྱ་མང་ཚོགས་ལ་ཤེས་རབ་སྙིང་པོའི་ཆོས་བྲེལ་དང་མངའ་རིས་ཚང་དགོན་ཁག་བདུན་གྱི་དགེ་འདུས་འདུས་དམངས་དང་སེར་སྐྱ་ཐུན་མོང་ནས་༧གོང་ས་མཆོག་ལ་བརྟན་བཞུགས་སྟབས་བདེ་ཞིག་འདེགས་འབུལ་ཞུ་གཏན་འཁེལ་ལགས་ན་ཆོས་ལུགས་རིས་མེད་ཀྱི་སློབ་གཉེར་བ་དགེ་འདུན་ཞལ་གྲངས་ ༡༠ རེ་ལས་མི་ཉུང་བ་ཞིག་དབྱར་ཆོས་ཆེན་མོ་དེའི་སློབ་གཉེར་ལ་ཕེབས་འཐུས་དང་སྐབས་དེར་བཞུགས་ཡུལ་དང་ཞལ་ལག་སོགས་དགོན་པའི་གོ་སྒྲིག་འཐུས་གཙང་ཞུས་ཏེ་དགོན་ཕན་ཚུན་འབྲེལ་ལམ་གོང་འཕེལ་ཡོད་སླད་དང་ཕར་ཕྱིན་གྱི་གཞུང་ལ་འགྲོ་དོགས་ཉམས་ལེན་ལ་དམིགས་ཏེ་གོ་སྒྲིག་ཞུ་བཞིན་པ་ལགས་ན། གོང་གསལ་ལྟར་དུས་ཐོག་ཕེབས་ལམ་ཡོང་བ་ཞུ་རྒྱུའི་ཡིན་པས་ལ་དྭགས་ཀླུ་འཁྱིལ་དགོན་དགའ་ལྡན་དར་རྒྱས་གླིང་ཡིག་ཚང་ལ་གཤམ་གསལ་ཁ་པར་ཨང་གྲངས་ཐོག་འབྲེལ་ལམ་ཡོང་བ་ཞུ།
ཕྱི་ལོ་༢༠༡༤ ཟླ་༤ ཚེས་ ༣༠ ལ།
ཁ་པར་ཨང་གྲངས་། Phone No. 01982-227238 Mobile No. 094191-76739
