སྐལ་བཟང་རྣམ་རྒྱལ།
ཉེ་སྔོན་ཕྱི་ཟླ་བརྒྱད་པའི་ནང་སྲིད་སྐྱོང་བློ་བཟང་སེང་གེ་མཆོག་གིས་ཆབ་སྲིད་ཀྱི་སྐུ་དབང་བཞེས་ནས་ལོ་གསུམ་ཧྲིལ་པོ་འཁོར་བའི་དུས་དྲན་སྲུང་རྩི་གནང་ཡོད། དེ་དང་ལྷན་དུ་སྤྱི་ཚོགས་ནང་སྲིད་སྐྱོང་མཆོག་གིས་གཞུང་འཛིན་གནང་ནས་ལོ་གསུམ་འཁོར་ཡང་རྩ་དོན་ཐད་བོད་རྒྱ་འབྲེལ་མོལ་བསྐྱར་མཐུད་གནང་མ་ཐུབ་པ་མ་ཟད་སྐུ་ཚབ་གཅིག་ཀྱང་གསར་དུ་བསྐོ་གཞག་བྱེད་མ་ཐུབ་ཚུལ་ཤོད་ཀྱི་ཡོད་པ་རེད། ལོ་ངོ་གསུམ་རིང་བསྐྱར་ཞིབ་བྱེད་སྐབས་རྣམ་པ་དང་ནང་དོན་གང་གི་ཆ་ནས་ཀྱང་རྩ་དོན་ཐོག་འབུར་ཐོན་གྱི་གྲུབ་འབྲས་ཐོབ་མེད་པ་ནི་མངོན་གསལ་ཡིན། ཡིན་ནའང་ང་ཚོས་ལོ་ངོ་གསུམ་རིང་རྩ་དོན་ཐོག་གྲུབ་འབྲས་ཐོན་མ་ཐུབ་པའི་ལེ་ཐོག་ཆ་ཚང་སྡིག་པ་མིག་བཙུམ་གྱིས་སྲིད་སྐྱོང་མཆོག་གི་དབུ་ཐོག་ཏུ་བསྐྱལ་བ་ནི་སྲིད་དོན་དབྱེ་ཞིབ་པའི་དན་རྟགས་ཅན་གྱི་སྐད་ཆ་ཞིག་ཨེ་ཡིན་སྙམ། དེས་ན་ལོ་ངོ་འདི་དག་རིང་གྲུབ་འབྲས་ཡོད་ན་ཡོད་མཉམ་དང་མེད་ན་མེད་མཉམ་ལས་ལྷག་པའི་རྩོད་གཞི་གང་ཡང་ལྷག་མེད།
སྲིད་སྐྱོང་བློ་བཟང་སེང་གེས་ཆབ་སྲིད་ཀྱི་སྐུ་དབང་ཆ་ཚང་བཞེས་གྲུབ་ཀྱང་རྩ་དོན་ཐད་བཀའ་ཤག་གོང་མའི་ལམ་ལུགས་མཇུག་སྐྱོང་གནང་བ་ཙམ་ལས་དགོངས་པ་གསར་པ་བཞེས་མེད། དེ་ལས་ལྡོག་སྟེ་བར་སྐབས་ཁ་ཤུགས་ཆེ་བའི་མི་འགའ་ཤས་ཀྱི་སྐད་ཆར་འཕྲུལ་སྣང་བྱུང་སྟེ་རང་ཉིད་རང་བཅུན་མ་ཐུབ་པར་བར་ལྡིང་གནང་ནས་བཞུགས་དགོས་པའི་སྐབས་ཀྱང་བྱུང་ཡོད། གལ་སྲིད་ཟམ་གདོང་རིན་པོ་ཆེའི་བཀའ་ཤག་གིས་རྩ་དོན་ཐད་སྐབས་གོང་མ་གོང་མའི་གཏན་འབེབས་ལམ་ལུགས་མཇུག་སྐྱོང་གནང་ཡོད་ཚེ་བོད་རྒྱ་འབྲེལ་མོལ་བསྐྱར་མཐུད་གནང་ཐུབ་རྒྱུ་ཧ་ཅང་ཁག་པོ་རེད།
ཕྱི་ལོ་ ༡༩༧༩ ལོར་རྒྱ་བོད་བར་མཛའ་འབྲེལ་བྱུང་ནས་ལོ་རབས་བརྒྱད་བཅུ་པའི་ནང་ཕན་ཚུན་གྲོས་མོལ་ཐེངས་ཁ་ཤས་བྱུང་བ་དང་། ཞི་བའི་གྲོས་འཆར་དོན་མཚན་ལྔ་དང་། སི་ཏྲས་སི་སྦག་གསུང་བཤད་སོགས་ཡོངས་གྲགས་གནང་བ་རེད། འོན་ཀྱང་རྒྱ་ནག་གཞུང་གིས་ཡིག་ཆ་དེ་ཚོར་མིང་འདྲ་མིན་བཏགས་ཏེ་ཧམ་བཤད་བྱས་པ་སོགས་ཕྱི་ནང་གི་རྒྱུ་རྐྱེན་མང་དག་ལ་བརྟེན་གལ་ཆེའི་ཡིག་ཆ་དེ་དག་གཞི་འཛིན་གྱི་ཐོག་བོད་རྒྱ་འབྲེལ་མོལ་རྒྱུན་ཆད་པ་རེད། ཕྱི་ལོ་ ༡༩༩༢ ལོའི་གསུམ་དུས་གསུང་འཕྲིན་ནང་༸གོང་ས་མཆོག་ནས། ལོ་གསུམ་གྱི་གོང་དུ་སྟོན་པའི་སི་ཏྲས་སི་སྦག་གི་གྲོས་འཆར་རང་བཞིན་ནུས་མེད་དུ་གྱུར་ཟིན་ཡང་མུ་མཐུད་གྲོས་མོལ་བྱ་འདུན་ཡོད་པ་ཁ་གསལ་གནང་ཡོད།
ཟམ་གདོང་རིན་པོ་ཆེས་དབུ་ཁྲིད་པའི་བཀའ་ཤག་སྐབས་གཉིས་རིང་རྩ་དོན་ཐད་དབུ་མའི་ལམ་གྱི་སྲིད་བྱུས་གཞིར་བྱས་ཏེ་བསྒྱུར་བཅོས་ཧ་ལས་པ་གནང་ཡོད། ཞི་བའི་གྲོས་ཆར་དོན་ཚན་ལྔ་༸གོང་ས་མཆོག་གི་ཕུགས་ཀྱི་འཆར་སྣང་ཡིན་པ་དང་། སི་ཏྲས་སི་སྦག་གསུང་བཤད་ནི་རང་བཞིན་ནུས་མེད་ཡིན་པ་ཡོངས་གྲགས་ཁ་གསལ་བཟོས་པར་བརྟེན་དེ་འབྲེལ་གྱི་གཞུང་འབྲེལ་ཡིག་ཆ་མང་པོ་རང་བཞིན་ནུས་མེད་དུ་གྱུར་བ་རེད། དེའི་རྗེས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་ས་བོན་བཏབ་པར་བརྟེན་གཞི་ནས་བོད་རྒྱ་འབྲེལ་མོལ་བསྐྱར་མཐུད་གནང་ཐུབ་པ་བྱུང་ཡོད།
ལོ་ངོ་བཅུའི་རིང་བོད་རྒྱའི་དབར་ཐབས་མཁས་ཉམ་ཆུང་གིས་འཁོར་ཡུག་སྣ་ཚོགས་བསྐྲུན་ཏེ་འབྲེལ་མོལ་ཐེངས་བརྒྱད་ཙམ་གནང་བའི་བརྒྱུད་རིམ་ཁྲོད་དུ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་གཏན་འབེབས་ཀྱིས་རྒྱ་འབུལ་ཞུས་ཀྱང་གནང་འཇོགས་མ་གནང་བས་ཁོང་གི་བཀའ་ཤག་དང་ལྷན་དུ་བོད་རྒྱ་འབྲེལ་མོལ་མཇུག་བསྡུས་པ་རེད། ཟམ་གདོང་རིན་པོ་ཆེས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་རང་བཞིན་ནུས་མེད་དུ་གྱུར་བའི་གསལ་བསྒྲགས་གནང་མེད་ཀྱང་། སྲིད་སྐྱོང་བློ་བཟང་སེང་གེ་མཆོག་གིས་དབུ་མའི་ལམ་གྱི་གཞི་རྩའི་ཐོག་སྲིད་བྱུས་གསར་གཏོད་གནང་ཐབས་མ་བྱུང་ཚེ་སྐུ་ངལ་འཕྲད་སྲིད་པ་རེད།
སྲིད་སྐྱོང་མཆོག་གི་གཞུང་འཛིན་ལ་རྩ་དོན་དང་འབྲེལ་བའི་གནད་དོན་ཐད་ཟློག་ཐབས་མེད་པའི་སྐུ་ངལ་ཆེན་པོ་གཉིས་འཕྲད་ཡོད། དང་པོ། ༸གོང་ས་༸སྐྱབས་མགོན་ཆེན་པོ་མཆོག་ཆབ་སྲིད་ཀྱི་དབུ་ཁྲིད་ནས་བགྲེས་ཡོལ་གནང་བ་དེ་རེད། ༸གོང་ས་༸སྐྱབས་མགོན་ཆེན་པོ་མཆོག་ནས་ཆབ་སྲིད་ཀྱི་སྐུ་དབང་ཡོངས་རྫོགས་སྲིད་སྐྱོང་ལ་རྩིས་སྤྲོད་གནང་ཡང་། རྒྱ་ནག་གཞུང་གིས་ཁོང་དང་ཁོང་གིས་དབུ་ཁྲིད་པའི་གཞུང་གཉིས་ལ་བཀའ་མོལ་ཞུ་རྒྱུ་གང་ཡང་མེད་པའི་རྣམ་འགྱུར་མཁྲེགས་འཛིན་བྱས་པ་རེད། རྒྱ་གཞུང་གིས་ལངས་ཕྱོགས་འདི་བཞིན་འཛིན་མུས་ཡིན་ནའང་དེ་སྔོན་བཙན་བྱོལ་གཞུང་གི་དབུ་ཁྲིད་དང་། རྒྱ་ཕྱོགས་ནས་གྲོས་མོལ་བྱ་འདུན་ཡོད་སའི་ཏཱ་ལའི་བླ་མ་གཉིས་ངོ་བོ་གཅིག་ཡིན་པར་བརྟེན་དཀའ་ངལ་མེད། ཡིན་ནའང་ད་ལྟའི་ཆར་བོད་ཀྱི་ཆབ་སྲིད་དབུ་ཁྲིད་དང་ཏཱ་ལའི་བླ་མ་གཉིས་ངོ་བོ་ཐ་དད་དུ་ཡོད་སྟབས་དཀའ་རྙོག་དེ་རང་བཞིན་གྱིས་ལྷག་པ་རེད།
གཉིས་པ། འབའ་པ་ཕུན་ཚོགས་དབང་རྒྱལ་དགོངས་པ་རྫོགས་པ་དེ་རེད། འབའ་པ་ཕུན་ཚོགས་དབང་རྒྱལ་ལགས་ནི་བོད་མིའི་ཆབ་སྲིད་ཀྱི་འཕོ་འགྱུར་ཁྲོད་གནད་ཡོད་ཀྱི་མི་སྣ་ཞིག་ཡིན་པ་ཙམ་དུ་མ་ཟད། གྲོས་མཐུན་དོན་ཚན་བཅུ་བདུན་གྱི་ཡིག་ཆ་ནས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆའི་བར་བོད་ཀྱི་སྲིད་དོན་ཡིག་ཆ་མང་པོའི་ནང་དོན་ཁ་ཕྱོགས་དང་འབྲེལ་བ་ཡོད། ཁོང་ནི་དབུ་མའི་ལམ་གྱི་ཕྱོགས་སྟོན་འཁོར་ལོ་ཞིག་ཀྱང་ཡིན། དེ་ལྟར་ཡིན་པ་ནི་ཁོང་སྐུ་གྲོངས་རྗེས་སུ་༸གོང་ས་མཆོག་ནས་མི་རིགས་ཀྱི་དཔའ་བོ་ཡིན་པའི་མཐའ་སྡོམ་མཛད་པ་དང་། དེའི་དོན་འགྲེལ་ལྟ་བུར་མཁས་དབང་ཁྲི་ཟུར་ཟམ་གདོང་རིན་པོ་ཆེས་ཁོང་གི་བཀའ་ཤག་སྐབས་གསར་གཏོད་གནང་བའི་རང་སྐྱོང་ཡོང་ཐབས་ཀྱི་ཡིག་ཆའི་ནང་ཕུན་དབང་གི་ཚིག་དོན་ཞལ་འདེབས་ཡོད་པ་ཕྱིར་བསྒྲགས་གནང་བ་ལས་དཔག་ནུས།
གོད་ཆག་འདི་གཉིས་ཀྱི་ཁྲོད་དུ་སྲིད་སྐྱོང་བློ་བཟང་སེང་གེ་མཆོག་ལ་རྩ་དོན་ཐོག་ནུས་རྩལ་འདོན་སའི་ཁོར་ཡུག་མེད་པར་གྱུར་པ་རེད། མིག་སྔར་སྲིད་སྐྱོང་མཆོག་ནས་རྩ་དོན་ཐད་ནུས་པ་འདོན་ཆེད་དུ་སྲིད་བྱུས་སམ་ཐབས་ལམ་གསར་གཏོད་གནང་དགོས་པ་རེད། ད་ལྟའི་ཆར་དབུ་མའི་ལམ་གཞིར་བཞག་པའི་ཐོག་ནས་ཐབས་ལམ་གསར་གཏོད་ཀྱི་ཁ་ཕྱོགས་གཅིག་རང་ཡོད་པ་ནི། ཏཱ་ལའི་བླ་མ་སྒེར་གྱི་གནད་དོན་ཐག་གཅོད་བྱེད་པ་ཞེས་པའི་ཁ་བྱང་འདིའི་འོག་ཐབས་ལམ་གང་ཡོད་ལ་ཚོད་ལྟ་བྱེད་རྒྱུ་དེ་རེད། ཁ་བྱང་འདི་ནི་སྲིད་སྐྱོང་མཆོག་གིས་༸གོང་ས་སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་རྒྱུ་ཡིན་ཞེས་པའི་རེ་བ་གཅིག་པུ་དེ་དང་ཧ་ཅང་མཐུན་པོ་ཡོད་པ་མ་ཟད། གཞིས་ལུས་བོད་མི་ཚོའི་ཉིན་མཚན་དུས་དྲུག་གི་རེ་སྨོན་ཏེ་༸རྒྱལ་བ་རིན་པོ་ཆེའི་ཞལ་མཇལ་གསུང་ཐོས་ཐུབ་པ་ཡོང་བ་ཤོག་ཅེས་པའི་སྨོན་ལམ་རླབས་པོ་ཆེ་འདི་འགྲུབ་ཐུབ་པའི་གཞི་རྩ་འཛུགས་ཐུབ་ངེས་ཡིན་སྙམ། དེ་ཙམ་མ་ཟད་རྒྱ་ནག་ནང་གི་ནང་པ་ས་ཡ་ཉིས་བརྒྱ་ལྷག་གི་མངོན་འདོད་འགྲུབ་པའི་མཛད་རྗེས་རླབས་ཆེན་ཞིག་ཀྱང་འཇོག་ཐུབ་ངེས་རེད།
ལོ་སྔོན་མའི་ནང་སྲིད་སྐྱོང་མཆོག་ནས་ལམ་ཕྱོགས་འདིར་ཕེབས་ཀྱི་ཡོད་འདྲའི་གསུང་བཤད་ཚར་ཁ་ཤས་གནང་སོང་ཡང་ཁ་ཤུགས་ཆེ་བའི་མི་འགའ་ཤས་ཀྱིས་ཁ་བརྡུང་བཏང་བར་དོགས་ཟོན་གནང་སྟེ་ཕྱིར་ཐེན་གནང་བའི་ཚོར་སྣང་བྱུང་། སྐུ་ཉིད་ནས་རྩ་དོན་རང་བཞིན་གྱི་སྲིད་དོན་ཐག་གཅོད་ལ་དགོངས་པ་བཞེས་སྐབས་ཕྱིའི་རྒྱལ་ཁབ་གང་ཡང་རུང་བ་ཞིག་གི་མི་སེར་དུ་གྱུར་དང་འགྱུར་བཞིན་པའི་ཕྱི་སྡོད་བོད་མིའི་ཁ་ཤུགས་ལ་སྡུག་རུས་ཀྱིས་ཉིན་མཚན་འཁྱོལ་དཀའི་སྡུག་བསྔལ་མྱོང་བཞིན་པའི་གཞིས་ལུས་བོད་མིའི་ངུ་སྐད་ཁྲོད་ཀྱི་རེ་འདོད་ལ་ཡིད་འཇོགས་གནང་རོགས། གཞིས་ལུས་བོད་མི་ཚོས་སྲིད་སྐྱོང་མཆོག་གིས་བཟང་ཐག་ངན་ཐག་གཅོད་རྒྱུར་རེ་སྒུག་བྱེད་བཞིན་ཡོད། ད་དུང་ཆེ་ས་ནས་ཨ་རི་དང་རྒྱ་གར་ལྟ་བུ་སྟོབས་ཆེན་རྒྱལ་ཁབ་དང་། རྒྱལ་ཁབ་དེ་ཚོས་བོད་ཐོག་འཛིན་པའི་སྲིད་དོན་ཐབས་བྱུས་དང་གཞི་གཅིག་ཏུ་གྱུར་པའི་སྲིད་དོན་ཚོགས་ཁག་ཆེ་ཆུང་གི་སྐད་ཆ་དང་རྣམ་འགྱུར་ལ་གཞི་འཛིན་དེ་བས་གནང་ཐབས་མེད།། །།
འདི་ན་ཡང་གསར་འགྱུར་ཚ་བོ་ཚ་བོ་ཞིག་འདུག་ད།
དེང་སང་ང་ཚོ་ཝ་ཤིང་ཀྲོན་ཌི་སི་(d.c)ཉེ་འཁོར་བོད་ཀྱི་སྤྱི་ཚོགས་ནང་སྐུ་ཞབས་སྐལ་ལྡན་བློ་གྲོས་མཐོང་རྒྱུ་མེད་པ་ཆགས་སོང་། སྔོན་མ་ཡིན་ན་སྐུ་ཞབས་སྐལ་ལྡན་བློ་གྲོས་ང་ཚོ་ཨ་རི་རྒྱལ་སའི་ཁུལ་དུ་སྤྱི་ཚོགས་ལས་རིགས་ཁག་གི་དབུ་ཁྲིད་མཁན་གཙོ་བོའི་གྲས་ཤིག་རེད།
བདུན་ཕྲག་སྔོན་མའི་གཟའ་འཇུག་ནས་ཨེ་རླུང་ཚང་གི་བོད་སྐད་སྡེ་ཚན་འགན་འཛིན་བཀྲས་མཐོང་བསྟན་རྣམ་གྱིས་ཀྱང་མི་ཤེས་པར་བྱས་ནས་གསང་བའི་སྒོ་ནས་སྐུ་ཞབས་སྐལ་ལྡན་བློ་གྲོས་ཟེར་བ་དེ་རྡ་སའི་དབུ་ལམ་ཚོགས་པ་དང་གྲོས་སྡུར་བྱེད་སར་སོང་འདུག མ་འོངས་པར་བཙན་གནོན་གྱི་འོག་ཏུ་རང་དབང་བྲལ་བའི་གསར་འགོད་ཁང་ཨེ་ཤེ་ཡ་རླུང་འཕྲིན་ཁང་དེ་བཙན་བྱོལ་དབུ་ལམ་ཚོགས་པའི་ཁྱབ་བསྒྲགས་བྱེད་ས་ཙམ་འགྱུར་མི་འགྲོ་བའི་ངེས་པ་མེད་པ་ཆགས་ཟིན་པ་རེད།
ངས་ཚོད་དཔག་བྱེད་པ་ནོར་མེད་ན་རྒྱ་མོ་ལེས་བྷེས་ལུང་གིས་ཨེ་རླུང་ཚང་གི་ང་ཕོད་འཇིག་མེད་གནས་དབྱུང་བཏངས་བ་ནས་བཟུང་རྒྱལ་སའི་ཁུལ་གྱི་བོད་མི་མང་ཆེ་བས་སྐུ་ཞབས་སྐལ་ལྡན་ཟེར་དུས་མིའིི་གཟུགས་བརྙན་ལས་གྲུབ་པའི་ཁྱི་ཞིག་མཐོང་གི་ཡོད་པ་ལས་མི་ངོ་མ་ཞིག་མཐོང་མཁན་མེད་པ་རེད། ད་དུང་སྐུ་ཞབས་སྐལ་ལྡན་བློ་གྲོས་ལ་མཚོན་ན་བོད་པའི་ཤ་ཁྲག་ལས་གྲུབ་ཙམ་ལས་བོད་མི་རིགས་དང་རྒྱལ་ཁབ་ལ་ལ་ཤ་ཞེན་ཅུང་ཟད་ཙམ་མེད་མཁན་གྱི་མྱི་ངན་ལྟོ་གོས་དང་སྒེར་ཕན་ཁོ་ན་སྒྲུབ་མཁན་ཞིག་ཡིན་པ་རྒྱལ་སའི་དུས་དབང་སྐབས་སུ་རྩིས་ཁྲ་གཙང་མིན་དང་དབང་ཆ་སྒེར་སྤྱོད་སོགས་སོགས་བྱས་པ་ཡོངས་གྲགས་ཆགས་འདུག་པ་འདིས་ར་གསལ་པོ་སྤྲད་པ་རེད། དེའི་སྐབས་སུ་རྒྱལ་སའི་ཁུལ་དུ་རྡོ་རྗེ་ཕ་ལམ་གྱི་ཚོང་ཁང་ནང་དུ་འགྲོ་ཐུབ་མཁན་སྐལ་ལྡན་བློ་གྲོས་ཀྱི་གཟའ་ཟླ་ལས་གཞན་མེད་པ་ལྟ་བུ་རེད། རྒྱུ་མཚན་དེའི་ཕྱིར་ཁོང་ང་ཚོའི་སྤྱི་ཚོགས་ནང་འོང་བའི་སྤོབས་པ་མེད་པར་གྱུར་ནས་ཁ་ཐག་རིང་དུ་སོང་པ་རེད། ད་དུང་གཅིག་བཤད་ན་སྐུ་ཞབས་༧ ཏཱ་ལའི་བླ་མས་རྒྱ་གར་ལྷོ་ཕྱོགས་སེ་ར་དགོན་པའི་ནང་ཁྲི་བྱང་གི་བརྒྱུད་པ་འཁྲུལ་མེད་ལམ་རིམ་གསུང་སྐབས་སུ་གསང་བའི་སྒོ་ནས་ཨེ་རླུང་ཚང་གི་དམིགས་གསལ་ཛ་དྲག་གི་གསར་འགོད་པ་གལ་ཆེན་ཁ་ཤས་དང་ནོར་ཝེ་ཨ་རི་ཚང་གི་མི་སྣ་ཁ་ཤས་ལ་ནང་ཚག་བྱས་ནས་རང་བཙན་གླེང་ན་སྐུ་ཚེ་ཐུང་རུ་འགྲོ་རབས་གསུངས་པ་དང་། ད་དུང་བོད་ཀྱི་རང་བཙན་འཐབ་བརྩོད་པ་དག་མི་མང་ལ་ཤུགས་རྐྱེན་ཐེབ་པའི་ལས་གནས་ཡོད་ན་ཐབས་བརྒྱ་ཇུས་སྟོང་གི་གནོན་ཤུགས་སྤྲད་ནས་སྤྱི་ཚོགས་ནས་ཕྱིར་འབུད་ཐབས་བྱེད་དགོས་ཚུལ་སོགས་བཀའ་སློབ་ཟབ་མོ་འགའ་གསུང་ཡོད་པ་རེད།
རྒྱུ་མཚན་དེ་ཉིད་ཀྱིས་སྐུ་ཞབས་སྐལ་ལྡན་ཡང་༧ གོང་ས་ཏཱ་ལའི་བླ་མའི་གསོལ་དཔོན་སྐུ་ཞབས་བློ་བཟང་དགའ་བའི་བཀའ་དྲིན་གྱིས་སྐབས་དེ་ནས་བཟུང་༧ ཏཱ་ལའི་བླ་མའི་སྒེར་གྱི་དམག་དཔོན་གལ་ཆེན་ཞིག་ཆགས་ནས་ཐབས་བརྒྱ་ཇུས་སྟོང་གི་དབུ་མའི་ལམ་གྱི་གཡུལ་བཤམ་ནས་གཞོན་ནུ་ཚོགས་གཙོ་སོགས་མི་ཁ་ཤས་རང་བཙན་གྱི་ལྟ་བ་ཡོད་མཁན་རྣམས་ལ་གནོན་ཤུགས་སྤྲད་ཅི་ཐུབ་བྱས་ནས་མཐའ་ན་རྒྱ་མོ་ལིས་བྷིས་ལུ་བརླ་ཤ་ཡན་ཆད་བསྟོན་ནས་༧ ཏཱ་ལའི་བླ་མའི་ཕྱག་ལག་གཡས་པ་མཚོན་བྱེད་སྐུའི་གཡས་ཟུར་དུ་གདན་འདྲེན་ཞུ་ནས་ནང་ཁུལ་འབུར་འཇོམ་བྱེད་མགོ་བརྩམས་པ་རེད། དེ་ཙམ་ནས་སྐུ་ཞབས་ཀྱི་གཟའ་ཟླ་ཡང་ངོ་ཚ་ནས་སྤྱི་ཚོགས་ནང་ངོ་སྟོན་མི་ཤེས་པའི་ལས་ཤིག་ཡིན་པ་ངོས་ཟིན་ནས་གཟའ་ཚང་ཁ་བྲལ་དུ་སོང་བ་རེད།
དེང་སང་ཌི་སི་(d.c)ཁུལ་དུ་ཡོངས་གྲགས་ཀྱི་སྐད་ཆ་གསར་པ་ཞིག་ལ་ཉེ་སྔོན་༧ གོང་ས་ཏཱ་ལའི་བླ་མའི་ལ་དྭགས་དུས་འཁོར་དཔུང་པ་ཉེར་བཞི་ཅན་གྱི་དབང་གསུང་དུས་སུ་སྐུ་ཞབས་སྐལ་ལྡན་གྱིས་རང་གི་དགའ་རོགས་སམ་བྱང་ཨ་རི་རྒྱལ་སའི་ཁུལ་དུས་དབང་གི་སྦྱིན་བདག་མ་རྒྱ་མོ་དེ་ཁྲིད་ནས་འགྲོ་སྐབས་སྔོན་གྱི་དུས་དབང་གསུང་དུས་ཁོང་གཉིས་སྒེར་གྱི་གསང་བའི་གནས་ཚུལ་རྣམས་རྒྱ་མོའི་ཁྱོ་ག་དེའི་ལག་སོན་བྱུང་ནས་པར་བཤུས་བྱས་ནས་༧ སྐུ་སྒེར་ཡིག་ཚང་ལ་ཕུལ་དེ་སྒེར་གྱི་གཟའ་ཚང་མ་གཏོར་རོགས་ཞེས་སྙན་ཞུ་ཕུལ་ཡོད་རབས་གོ་རྒྱུ་འདུག
ད་དུང་ཟར་ཟུར་ནས་ཨ་མདོ་བ་ཀླུ་འབུམ་ཟེར་བ་དེའི་གཟའ་ཟླ་ཡང་སྐུ་ཞབས་སྐལ་ལྡན་གྱི་ཕྱག་འོག་ནས་ཐར་ས་མ་རེད་ཟེར་ཀྱིན་འདུག
༧གོང་ས་མཆོག་གིས་སྟག་བྲག་རིན་པོ་ཆེ་ནས་བརྒྱུད་པའི་སྲིད་དབང་ཆ་ཚང་མི་མང་གིས་འོས་འདེབས་བྱས་པའི་འགོ་ཁྲིད་རིམ་པར་རྩིས་སྤྲོད་བྱས་ཟིན་ཞེས་གསུངས་ཕེབས་ཀྱི་འདུག རྩོམ་ཡིག་འདི་དང་རྒྱུད་ལམ་ཁ་ཤས་སུ་༧གོང་ས་མཆོག་གིས་སྟག་བྲག་རིན་པོ་ཆེ་ནས་བརྒྱུད་པའི་སྲིད་དབང་ཆ་ཚང་༼སྲིད་སྐྱོང་བློ་བཟང་སེང་གེར་རྩིས་སྤྲད་༽ཅེས་ཟེར་གྱི་འདུག
དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་ཐོག་མ་ཟམ་གདོང་རིན་པོ་ཆེ་ཡིས་བཀའ་ཐམ་སྲིད་ཞུ་བདེ་སྐྱིད་མ་གདམས་ཐོན་སྲིད་སྐྱོང་བློ་བཟང་སེང་གེ་ལ་རྩིས་སྤྲོད་གནང་བ་ནས་སྲིད་དབང་ཆ་ཚང་༧གོང་ས་མཆོག་གིས་ཕུལ་གནང་བ་ཞིག་མ་ཡིན།
བཅའ་ཁྲིམས་འགྱུར་བཅོས་བཏང་ནས་བཀའ་བློན་ཁྲི་བ་ཟམ་གདོང་རིན་པོ་ཆེས་ས་ཡིག་བཀོད་ཡོད་ཅིང་། ས་ཡིག་བཀོད་པ་ནས་ཁོང་གི་བཀའ་བློན་ཁྲི་བའི་མཚན་གནས་དེ་ཡང་སྲིད་སྐྱོང་དུ་འགྱུར་བ་ཐེབས། ཟླ་ ༨ ཚེས་ ༨ བར་ཟླ་དྲུག་ཡས་མས་ལ་ལ་ཟམ་གདོང་རིན་པོ་ཆེ་ཡིས་སྲིད་སྐྱོང་གི་འགན་ཁུར་གནང་བ་རེད། སོང་ཙང་། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་ཐོག་མའི་ཕྱག་ལས་དུས་ཡུན་ཟླ་༦ ཡས་མས་ཆགས་པ་རེད་དོ།
འབའ་ཕུན་ཡོད་པ་དྲིན་གྱི་རྒྱ་དམར་གྱིས་བཙན་འཛུལ་དེ་ཁྲིམས་མཐུན་གྱིས་བཙན་འཛུལ་ཞིག་ཆགས་མ་ཐུབ་པ་རེད།
འབའ་ཕུན་ཡོད་པ་དྲིན་གྱི་རྒྱ་དམར་གྱིས་བཙན་འཛུལ་དེ་ཁྲིམས་མཐུན་གྱིས་བཙན་འཛུལ་ཞིག་ཆགས་མ་ཐུབ་པ་རེད།
དེང་སྐབས་བཙན་བྱོལ་སྤྱི་ཚོགས་ནང་མི་ཆེ་ཆུང་ཚང་མས་ཁ་ཡར་གྲགས་མ་གྲགས་ཚང་མ་ལོར་བོད་ཀྱི་ཚབ་ཡིན་མདོག་མདོག་ཅིག་གནང་བཞིན་པ་འདི་ནི་གདེངས་ཚོད་མེད་པ་དང་རང་མདོག་ཕྱི་ལ་སྟོན་བཞིན་པ་ཞིག་རེད།