དེ་རིང་ཉིན་རྒྱབ་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་སྣེ་འཁྲིད་དེ་གྲོས་ཚོགས་མུ་མཐུད་ཚོགས་སོང་།
ད་ལྟ་ཉིན་རྒྱབ་ཆུ་ཚོད་ ༡།༣༠ སྟེང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་ལགས་ཀྱིས་སྣེ་འཁྲིད་དེ་གྲོས་ཚོགས་མུ་མཐུད་ཚོགས་སོང་། ཉིན་རྒྱབ་ཀྱི་གྲོས་ཚོགས་དབུ་འཛུགས་ཐོག་ཚོགས་གཞོན་མཆོག་གིས། གྲོས་ཚོགས་འདས་པའི་ཉིན་ཤས་རིང་ཚོགས་པའི་སྟེང་། གདུང་སེམས་མཉམ་སྐྱེད་ཀྱི་གྲོས་འཆར་གྲོས་ཆོད་དང་། བཀའ་དྲིན་རྗེས་དྲན་གྱི་གྲོས་ཆོད་སོགས་ཀྱི་ལས་རིམ་ཁག་གཏིང་ཟབ་པོ་དང་། གྲོས་ཚོགས་ཀྱི་ཚོགས་མི་ཚང་མས་བསམ་ཚུལ་ཧ་ཅང་ཡག་པོ་ཕེབས་ཐུབ་ཡོད་པ་རེད། ཅེས་གསུངས་སོང་།
ཁོང་གིས་མུ་མཐུད་དུ་གསུངས་དོན། དེ་རིང་ང་ཚོར་གནས་ཚུལ་ཞིག་བྱུང་བ་རེད། རྩ་བའི་ཁ་སང་གི་ལས་རིམ་ཞིག་གི་མཇུག་ཏུ་བྱུང་བ་ཞིག་ཆགས་ཡོད། དེ་རིང་བསྐྱར་དུ་ཆེས་མཐོའི་ཁྲིམས་ཞིབ་ཁང་གི་རྩིས་མགོ་ཞིག་དང་འབྲེལ་བའི་ཐོག་ནས་ཕན་ཚུན་གདོང་ཐུག་ཟེར་ན་འདྲ་སྒེར་སོ་སོའི་ངོས་ནས་བསམ་ཚུལ་མ་འདྲ་བ་བྱུང་བ་རེད། བྱུང་ཚར་བ་དེ་བྱུང་ཚར་བ་རེད། གྲོས་ཚོགས་ཚོགས་མི་ཚང་མའི་ངོས་ནས་ཐུགས་བསམ་རྒྱ་ཆེན་པོ་བཞེས་ཏེ། ང་ཚོའི་བསྟན་སྲིད་རང་དབང་སླར་གསོ་དང་། དེ་བཞིན་ང་ཚོའི་གྲོས་ཚོགས་ཀྱི་ལས་རིམ་མཇུག་ལེགས་པར་བསྐྱང་ཆེད་དུ་བསམ་བློ་གཏིང་ཟམ་མོ་བཞེས་རོགས་གནོངས། ཞེས་གསུངས་རྗེས། སྔ་དྲོའི་ལས་འཕྲོས་སྟེ་ཆེས་མཐོའི་ཁྲིམས་ཞིབ་ཁང་གི་སྔོན་རྩིས་གཏན་འབེབས་ཏེ་མཇུག་སྐྱོང་གནང་སོང་།
བཀའ་དྲིན་ཆེ་ཚོགས་གཞོན་མཁན་པོ་བསོད་ནམས་བསྟན་འཕེལ་རིན་པོ་ཆེ། བོད་འཆི་དང་གསོན་གྱི་འགག་རྩ་དུས་རབ་གཉན་འཕྲང་ཅན་འདིར། སྤྱིར་འཛམ་གླིང་མི་མང་ཁ་བརྒྱ་མིག་སྟོང་དང་། ལྷག་པར་དུ་དགྲ་གཉེན་ཕྱོགས་གཉིས་ཀྱིས་ཟས་ཆག་གཉིད་བཅད་ཀྱིས་མིག་གིས་གཅེར་ཡོད་པའི་བོད་མི་མང་སྤྱི་འཐུས་གྲོས་ཚོགས་འཚོགས་བཞིན་པ་འདི་ལ་སྣ་ཆད་ཀྱང་ཁ་མ་རལ་བ་ཞིག་མཛད་རོགས་སྙིང་ནས་ཞུ་ཞུ་ཞུ།
རང་ལ་ནག་ཉེས་མེད་ན་གདོང་ལ་དྲི་མ་འཁོར་དགོས་མེད།
ྖཆབ་སྲིད་ཀྱི་འཁྲབ་སྟོན་འདི་ལ་ཡག་པོ་གཟིགས་དང་། སྤྱི་འཐུས་ཚོགས་གཙོ་མཆོག་ལ་ཉེས་པ་མེད་བཞིན་དུ་ད་ལྟ་ནས་ཆར་གཞི་ལྡན་པའི་ཟུར་ཟ་དམའ་འབེབས་དང་གཅིག སྤྱི་འཐུས་ཚོགས་གཙོ་མེད་བཞིན་དུ་ཚོགས་གཞོན་གྱི་སྣེ་འཁྲིད་འོག་གྲོས་ཚོགས་ཚོགས་སྟངས་དང་གཉིས། དངོས་གནས་མི་ཤེས་འཇོན་གཉིས་ལྡན་ཞིག་ཆབ་སྲིད་འཁྲབ་སྟོན་འོག་ནས་མེད་པ་བཟོ་རྩིས་བྱེད་ཀྱི་འདུག
དགའ་བསུ་ཞུ།