བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ནས་ངོ་བཞེས་ཐོབ་པའི་ལྕགས་པོ་རིའི་དྲན་རྟེན་བོད་ཀྱི་གསོ་རིག་མཐོ་སློབ་ཁང་དུ་འདི་ལོ་ ༢༠༡༥ ནང་སྨན་སློབ་སྐབས་བརྒྱད་པའི་ཁོངས་སློབ་མ་ཕོ་མོ་གྲྭ་བཙུན་ཁྱད་མེད་བསྡུ་བཞེས་བྱ་རྒྱུ་ཡིན་ན། བོད་ཀྱི་གསོ་བ་རིག་པའི་གཞུང་ལུགས་ལ་སློབ་སྦྱོང་གནང་བློ་ཡོད་པ་དང་། གཤམ་གསལ་ཆ་རྐྱེན་ཚང་བ་རྣམས་ནས་སོ་སོའི་འབྲེལ་བ་ཞུ་ཡུལ་ཞལ་བྱང་དང་། གློག་འཕྲིན་ཁ་བྱང་། ཁ་པར་ཨང་ཀི་གང་ཡོད་གསལ་བཀོད་ཀྱིས་ཡིག་ཆའི་འདྲ་བཤུས་བཅས་སྙན་ཤོག་གཤམ་གསལ་ཁ་བྱང་ཐོག་གློག་འཕྲིན་ནམ། སྦྲགས་ཡིག་གང་རུང་བརྒྱུད་གཏོང་གནང་དགོས་རྒྱུ་བཅས་དེ་དོན་དགོངས་འཇགས་ཞུ།
ཀ༽ ཆ་རྐྱེན་དགོས་མཁོ།
༡། བོད་མི་ཡིན་ཚེ་དཔྱ་དངུལ་འབུལ་འབབ་གཙང་ཕུལ་ཟིན་པའི་དཔང་རྟགས་དཔྱ་དེབ་ཤོག་ངོས་དང་པོ་དང་། མཐའ་མའི་དཔར་བཤུས།
༢། ཧི་མ་ལ་ཡའི་མི་རིགས་ཡིན་ཚེ་འབྲེལ་ཡོད་རྒྱ་གར་གཞུང་གི་ས་གནས་ལས་ཁུངས་ནས་རྒྱབ་གཉེར་ཕྱག་བྲིས་དགོས་པ་ཡིན།
༣། འཛིན་རིམ་བཅུ་གཉིས་ངེས་པར་ཐོན་དགོས་པ་དང་། འཛིན་རིམ་བཅུ་པ་དང་བཅུ་གཉིས་ཀྱི་ཁུངས་སྐྱེལ་སློབ་ཐོན་ལག་འཁྱེར་དང་། ཨང་ཐོབ་ངོ་བཤུས་ངེས་པར་མཉམ་འབུལ་དགོས།
༤། མཐའ་མའི་ཐོན་རྒྱུགས་ཀྱི་སློབ་ཚན་བོད་ཡིག་དང་། དབྱིན་ཇིར་བརྒྱ་ཆ་ ༥༠ རེ་ལོན་དགོས་པ་མ་ཟད། ཚུད་རྒྱུགས་སུའང་བརྒྱ་ཆ་ ༥༠ རེ་ངེས་པར་ལེན་དགོས་པ་ཡིན།
༥། ཆོས་སྡེ་ཁག་གི་གྲྭ་བཙུན་དང་བོད་ནས་གསར་དུ་འབྱོར་བ་ཡིན་ཚེ་འཛིན་རིམ་བཅུ་གཉིས་དང་ཤེས་ཚད་མཉམ་པའི་ངོས་སྦྱོར་ཚད་ལྡན་དགོས་རྒྱུ།
༦། ལོ་ཚད་ ༢༥ ལས་མ་བརྒལ་བ་དགོས་རྒྱུ་དང་། སྐྱེས་ཚེས་ཁུངས་སྐྱེལ་ཡིག་ཆའི་ངོ་བཤུས།
༧། གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར།
༨། སྒྲིག་འཛུགས་ཁག་གི་ནང་ཕྱག་ལས་གནང་བཞིན་པ་ཡིན་ཚེ་དེའི་འགན་འཛིན་ནས་དགག་ཆ་མེད་པའི་ངོས་སྦྱོར་དགོས།
༩། ཕྱེད་པར་ཁ་གསར་རེ་དགོས།
༡༠། ཟླ་རེའི་སློབ་ཡོན་ཧིན་སྒོར་ ༣༠༠༠།༠༠ འབུལ་དགོས་པ་ལས་དེ་མིན་འགྲོ་གྲོན་ཁག་འདི་ག་ལས་ཁུངས་ནས་ཐབས་འཚོལ་བྱ་རྒྱུ་དང་། ཉམ་ཐག་འབུལ་མི་ཐུབ་པ་ཡིན་ཚེ་ཉམ་ཐག་ཡིན་པའི་ངོས་སྦྱོར་ས་གནས་འགོ་འཛིན་ལས་ཁང་ངམ། རྒྱ་གར་གཞུང་གིས་ངོས་འཛིན་ཞུས་པའི་ཚད་ལྡན་ཡིག་ཆའི་ངོ་བཤུས་དགོས་རྒྱུ། འདི་ག་ལས་ཁུངས་ནས་སློབ་ཡོན་ཆ་ཚང་སྦྱིན་བདག་འཚོལ་རྒྱུར་དེའི་དབང་ཚད་འདི་གའི་འཛིན་སྐྱོང་ལ་ཡོད།
༡༡། འདི་ལོ་གཞི་རིམ་འཛིན་གྲྭ་བཅུ་གཉིས་པའི་ཡིག་རྒྱུགས་གཏོང་མཁན་རྣམས་ཀྱང་སྙན་འབུལ་ཆོག་པ་ཡིན། འོན་ཀྱང་ཡིག་རྒྱུག་གྲུབ་འབྲས་གསལ་བསྒྲགས་རྗེས་ཨང་ཐོབ་ཚད་ལོན་མ་བྱུང་ཚེ་ཕྱིར་འཐེན་བྱ་དབང་འདི་གའི་ཚོགས་ཆུང་ལ་ཡོད་པ་ཡིན།
༡༢། མཐའ་མའི་སློབ་འཇུག་གི་དབང་ཚད་དང་ཐག་གཅོད་བྱ་དབང་སློབ་བཅུག་ཚོགས་ཆུང་ལ་ཡོད་ཡིན།
ཁ༽ རྒྱུགས་གཞི་དང་དེའི་བརྒྱ་ཆའི་ཆ་བགོས་ཐོབ་གྲངས།
སུམ་ཅུ་པར་ཐོབ། ༡༥%
རྟགས་འཇུག་ལ་ཐོབ། ༡༥%
སྤྱིའི་ཤེས་བྱར་ཐོབ། ༢༠%
རྩོམ་ཡིག་ལ་ཐོབ། ༣༠%
དབྱིན་ཇིར་ཐོབ། ༢༠%
ངག་རྩལ་ལ་ཐོབ། ༣༠%
ངོ་གཏུགས་བཅར་འདྲིར་ཐོབ། ༡༠%
ཚན་རིག་སློབ་ཚན་བཞེས་མཁན་ལ་དམིགས་བསལ་ཐོབ་གྲངས། ༡༠%
འཚན་སྙན་འབྱོར་ཚེས་མཐའ་མ། ཕྱི་ལོ་ ༢༠༡༥ ཟླ་ ༥ ཚེས་ ༣༡
འཚང་རྒྱུགས་བཞེས་ཚེས། ཕྱི་ལོ་ ༢༠༡༥ ཟླ་ ༦ ཚེས་ ༡༣ རེས་གཟའ་སྤེན་པ་དང་ཚེས་ ༡༤ རེས་གཟའ་ཉི་མ། ཡིག་རྒྱུགས་བཞེས་ཡུལ། རྡོར་གླིང་ལྕགས་པོ་རིའི་ཡིག་ཚང་།
ཐུགས་སྣང་། འཚང་སྙན་དུས་ཚེས་ནང་མ་འབྱོར་ཚེ་རྩིས་མེད་ཞུ་རྒྱུ་དང་། འཚང་རྒྱུགས་གྲུབ་འབྲས་གསལ་བསྒྲགས་ཉིན་གྲངས་ ༣༠ ནང་དོ་བདག་སོ་སོའི་ཁ་བྱང་ཐོག་འབུལ་རྒྱུ། འཛིན་གྲྭ་ཕྱི་ཟླ་བཅུ་པ་ནང་དབུ་འཛུགས་བྱ་རྒྱུ།
Principal
Chagpori Tibetan Medical Institute
10, Burdwan Road,
West View P.O. Darjeeling-734101
West Bengal
Email: info@chagpori.org Website. www.chagpori.org
