ལྷ་ལྡན་ཆོ་འཕྲུལ་སྨོན་ལམ་ཆེན་མོའི་གསལ་བསྒྲགས།

༄༅།། མཚུངས་མེད་དགོན་སྡེ་ཁག་གི་ལས་སྣེ་རྣམ་པའི་དྲུང་དུ།
                              
                                ཆེད་ཞུ། དགོངས་མངའ་ལྟར་དབུས་བོད་མིའི་སྒྲིག་འཛུགས་ནས་ཇི་ལྟར་གསོལ་བཏབ་པ་བཞིན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས་སྤྱི་སྒོས་སྐྱེ་འགྲོའི་བསོད་ནམས་ཀྱི་བགོ་སྐལ་དུ་གནས་མཆོག་རྡོ་རྗེ་གདན་དུ་ ༢༠༡༦ སྤྱི་ཟླ་ ༡ ནང་དཔལ་དུས་ཀྱི་འཁོར་ལོའི་དབང་ཆེན་བརྩལ་གཏན་བཀའ་དྲིན་ཆེ་སྐབས་རྙིང་མའི་སྨོན་ལམ་དང་དུས་ཚོད་མཉམ་དུ་ཁེལ་སྟབས་ལྷ་ལྡན་ཆོ་འཕྲུལ་སྨོན་ལམ་ཕར་མ་མཉམ་ཚོགས་ཐུབ་ཐབས་མེད་པ་མ་ཟད། དགེ་འདུན་པ་རྣམ་པའི་བཞུགས་ས་ཡང་རྙིང་མའི་སྨོན་ལམ་གྱི་ཁང་པ་གཡར་ཐབས་བྲལ་བ་དང་། གུར་རིན་ཡང་བསྙེན་བཀུར་གྱི་ཐོག་ནས་གཏོང་ཐབས་མེད་པ་དུས་དབང་གོ་སྒྲིག་ཚོགས་ཆུང་ནས་ཐག་ཆོད་ཀྱིས་དཀའ་ཕེབས་བཅས་ལ་བརྟེན། ལྷ་ལྡན་ཆོ་འཕྲུན་སྨོན་ལམ་ཆེན་མོའི་འཛིན་སྐྱོང་ཁང་ནས་མ་གྷ་དྷའི་མཐོ་སློབ་ཀྱི་ཐང་ཆེན་ཐོག་བཞུགས་གུར་གོ་སྒྲིག་གི་ཞབས་ཞུ་སྒྲུབ་འཆར་ལགས་ན་བཞུགས་གུར་དགོས་མཁོ་ཡོད་པའི་དགོན་སྡེ་ཁག་ནས་དགེ་འདུན་པ་བཞུགས་གུར་ནང་བཞུགས་ངེས་ཀྱི་གྲངས་ཚད་ངེས་གཏན་ཡོང་ཐབས་དང་། བཞུགས་གུར་དགོས་ངེས་གང་དག་སྤུས་ཚད་གང་ལེགས་ཡོང་སླད་བཅས་ལ་དམིགས་ཏེ་དགོན་སྡེ་སོ་སོའི་ཁོངས་ནས་བཞུགས་གུར་དགོས་ངེས་ཀྱི་དགེ་འདུན་པ་རྣམ་པའི་མཚན་གཞུང་བསྡུ་སྐབས་སྒོར་ ༥༠༠ མཉམ་དུ་བསྡུ་ལེན་གྱིས་མཚན་གཞུང་དབྱིན་ཡིག་ཐོག་འགོད་གནང་ཡོང་བ་དང་། འགྲེལ་བརྗོད་ཡི་གེ་ཡང་ལས་ཤོག་སྟེང་དབྱིན་ཡིག་ཐོག་འགོད་གནང་གིས། གུར་རིན་གྱི་འབབ་དངུལ་རྣམས་ལྷ་ལྡན་ཆོ་འཕྲུལ་སྨོན་ལམ་ཆེན་མོའི་དངུལ་ཁང་ཨང་གྲངས་ཐོག་ངེས་གཏོང་ཡོང་བ་ཞུ་རྒྱུ་ནི་འདི་གར་གཞུང་རྩིས་ཀྱི་དཀའ་ངལ་སེལ་ཐབས་ལ་དགེ་མཚན་ཆེ་བ་བཅས་བབ་ཞུ་དང་། མཚན་གཞུང་འདྲ་ཤུས་དང་གུང་རིན་དངུལ་ཁང་དུ་བཅུག་པའི་འཛིན་གྱི་འདྲ་ཤུས་ ༢༠༡༥ ཕྱི་ཟླ་ ༡༠ ཚེས་ ༡༥ འགྱང་མེད་འདི་ག་ཝྭར་ཎའི་ལས་ཁུངས་སུ་ངེས་འབྱོར་ཡོང་བ་དང་། མཚན་གཞུང་ངོ་མ་དང་གུར་གྱི་རིན་འབབ་དངུལ་ཁང་དུ་བཅུག་འཛིན་ངོ་མ་དེ་གའི་ཕྱག་མཛོད་རྡོ་གདན་དུ་སྔོན་ལ་ཕེབས་སྐབས་མཉམ་འཁྱེར་ཡོང་བ་བཅས་ཞུ་རྒྱུ་ལགས་ན་དེ་དོན་དགོངས་འཇག་ཡོང་བ་ཞུ།

Contact No:
དགེ་བཤེས་ཕུར་བུ་བསམ་གྲུབ། 09845809845
དགེ་བཤེས་བློ་བཟང་བསོད་ནམས། 9990244221