སྤྱི་འཐུས་འོས་མིའི་ཁྱབ་བསྒྲགས་དེ་དག་ལ་ཡིད་ཆེས་མེད།

འདི་ག་བོད་ཀྱི་དུས་བབ་གསར་ཁང་གིས་སྐབས་བཅུ་དྲུག་པའི་སྤྱི་འཐུས་འོས་མིར་བཞེངས་མཁན་གསར་པ་རྣམས་ལ་ཆེད་འདོན་བཅར་འདྲིའི་ལས་རིམ་ཞིག་འགྲོ་བཞིན་ཡོད་པ་ལྟར། ཐེངས་འདིར་དྷ་སར་གནས་སྡོད་མདོ་སྨད་ཆོལ་ཁའི་སྤྱི་འཐུས་འོས་མི་བསྟན་པའི་དངོས་གྲུབ་ལཊ་སུ་བཅར་འདྲི་ཞུས་ཡོད།
དྲི་བ། ཐོག་མར་ཁྱེད་ཀྱི་སློབ་སྦྱོང་གི་བརྒྱུད་རིམ་སོཊ་འདས་པའི་ལོ་རྒྱུས་མདོར་བསྡུས་ཤིག་ཤོད་དང་།
ལན། རང་ཉིད་ཀྱི་ལོ་རྒྱུས་མདོར་བསྡུས་ཤིག་ངོ་སྤྲོད་བྱས་པ་ཡིན་ན། ང་རང་ ༡༩༧༣ ལོར་མདོ་སྨད་ཆབ་ཆའི་མེ་ཏོག་ལུང་བར་སྐྱེས་པ་རེད། སྤྱིར་བཏང་སྐབས་དེ་དུས་ང་ཚོའི་ཕ་ཡུལ་དུ་སློབ་གྲྭ་ཧ་ཅང་དཀོན་པོ་ཡིན་སྟབས། ང་རང་ལོ་བརྒྱུད་དགུའི་སྟེང་སློབ་ཆུང་ལ་སོང་བ་ཙམ་ལས་སློབ་གྲྭར་འགྲོ་མྱོང་མེད། ང་ལོ་ ༡༢ ཐོག་སོ་སོའི་འདོད་བློ་ལྟར་དྷི་ཚ་དགོན་པར་གྲྭ་བ་བྱས་པ་ཡིན། བསྡུས་གྲྭ་ནས་བློ་རྟག་དང་གཞུང་ཤེར་སོགས་སྦྱངས་པ་རེད། ༡༩༩༣ ལོར་རྒྱ་གར་ལ་བཙན་བྱོལ་དུ་ཡོང་ནས་འབྲས་སྒོ་མང་གྲྭ་ཚང་དུ་ཐད་ཀར་རྟག་རིག་འཛིན་གྲྭར་ཞུཊ་པ་དང་། དེ་ནས་ཕར་ཕྱིན་རྫོགས་རག་བར་དུ་གྲྭ་སར་སློབ་གཉེར་བྱས་པ་ཡིན། དེ་ལྟར་ཤེས་ཡོན་གྱི་ཆ་ནས་རྒྱ་ཆེ་གཏིང་ཟབ་དེ་འདྲ་མིན་ཡང་། སོ་སོའི་རྒྱུད་ལ་འབྱོར་བའི་ཤེས་ཡོན་ཡོད་པ་གང་དེས་སྤྱི་ཚོཊ་ལ་ཞབས་ཞུ་བསྒྲུབ་ཐུབ་པའི་ནུས་པ་ཡོད་བསམ་གྱི་ཡོད།
དྲི་བ། སྤྱི་ཚོགས་དྲ་ལམ་རེ་ཟུང་ནང་ཁྱོད་རང་སྐབས་བཅུ་དྲུག་པའི་མདོ་སྨད་སྤྱི་འཐུས་ལ་ལང་གི་ཡོད་པའི་ཁྱབ་བསྒྲགས་ཤིག་འགྲོ་བཞིན་འདུག དེ་བདེན་པ་རེད་དམ།
ལན། སྤྱིར་ད་ལོར་ངས་གསར་འགྱུར་བརྒྱུད་ལམ་དང་སྤྱི་ཚོགས་བརྒྱུད་ལམ་གྱི་ཚོགས་པ་ཁག་གི་བཅར་འདྲི་དང་ལེན་བྱས་མེད། དེའི་རྒྱུ་མཚན། གཅིག་ནས་སྤྱིར་བཏང་ང་དང་བླངས་བྱས་ནས་སྤྱི་འཐུས་ལ་ལང་གི་མེད། ཡིན་ན་ཡང་ང་ལ་ཡིད་ཆེས་ཡོད་མཁན་དང་ང་རང་གི་དགའ་བོ་ཉེ་བོ་གྲོགས་པོ་སྐོར་ཞིག་གིས་ངའི་ལོ་རྒྱུས་དང་པར་སོགས་དྲ་ལམ་ལ་ཁྱབ་བསྒྲགས་བྱེད་སྐབས། ཁོ་ཚོས་ང་ལ་དགག་བྱ་ཡོད་མེད་འདྲི་དུས། ངས་དེ་ལ་དགག་བྱ་མེད་ལབ་པ་ཡིན། ང་ལ་མཚོན་ན་ད་ལྟའི་བར་མདོ་སྨད་སྤྱི་ཚོགས་ནང་ཁུལ་དུ་འདས་པའི་ལོ་ ༩ རིང་ཞབས་ཞུ་བསྒྲུབས་པ་ཡིན། དེ་ཡང་ངས་མདོ་སྨད་ས་རྒྱུན་ཚོགས་གཙོ་ལོ་ ༣ དང་། མདོ་སྨད་དབུས་རྒྱུན་བདེ་དོན་འགན་འཛིན་ལོ་ ༣། མདོ་སྨད་དབུས་རྒྱན་གྱི་ཚོགས་གཙོ་ལོ་ ༣ བཅས་ཁུར་བ་ཡིན། དྷ་ས་ས་གནས་རང་བདེན་ཚོགས་ཆུང་གི་དངུལ་གཉེར་དང་། ཆོལ་གསུམ་ཆིག་སྒྲིལ་ཚོགས་པའི་ཚོགས་གཙོ་སོགས་བྱས་པ་ཡིན། དེ་ལྟར་ལས་ཀ་མང་པོ་ཞིག་བྱས་པའི་རིང་མ་འགྲིག་པ་དེ་འདྲ་བྱུང་མེད་བསམ་ཡོད། མིས་བརྟག་དཔྱད་མཐིལ་ཕྱིན་གནང་སྟེ་ངོས་འཛིན་ཞིག་གནང་དགོས་པ་ལས། དང་བླངས་ཀྱིས་ཁྱབ་བསྒྲགས་བྱས་པ་དེ་ཡག་པོ་ཞིག་ཏུ་མཐོང་མ་སོང་། མདོ་སྨད་མི་མང་གི་ངོས་ནས་ང་ལ་ཡིད་ཆེས་བློ་དཀར་གྱི་སྒོ་ནས་འོས་ཤོག་བླུགས་ཡོང་བ་ཡིན་ན། ངས་ཀྱང་ཁོ་ཚོའི་ཡིད་ཆེས་དེ་ཆུད་ཟོས་སུ་མ་བཏང་བར་དང་ལེན་བྱས་ཏེ། ངས་མདོ་སྨད་མི་མང་གི་ལས་དོན་བསྒྲུབ་དགོས་ཀྱི་རེད་བསམ་གྱི་ཡོད།
    དྲི་བ། ཁྱེད་རང་སྤྱི་འཐུས་འོས་མིར་ལང་མཁན་ཞིག་ཡིན་པའི་ཆ་ནས། མི་མང་གི་འཐུས་ཚབ་ཅིག་ལ་ཆེས་མ་མཐའི་ཆ་རྐྱེན་གང་དག་ཚང་དགོས་པ་དང་། ཆེས་ཡ་མཐའི་ཤེས་འཇོན་གང་དག་ལྡན་དགོས་པར་འདོད།
ལན། རང་ཉིད་ཀྱིས་བསམ་ན། སྤྱི་འཐུས་འོས་མིར་ལང་མཁན་ཞིག་ལ་ངེས་པར་དུ་འཚང་དགོས་པའི་ཆ་རྐྱེན་འདྲ་བོ་དེ་གང་རེད་ཟེར་ན། བོད་མི་མང་སྤྱི་འཐུས་ཟེར་བ་དེ་དངོས་གནས་དྲང་གནས་ཤེས་འཇོན་གཉིས་ལྡན་ཞིག་ཡིན་དགོས་པ་དེ་ང་ཚོ་ཚང་མས་ཤོད་ཀྱི་ཡོད་པ་རེད། ཡིན་ན་ཡང་ཤེས་འཇོན་ལྡན་ཟེར་དུས། ཁ་ཤས་ཀྱིས་རྦད་དེ་ཕྱི་ནང་གི་སྐད་ཡིག་ལྔར་རང་སྐྱ་ཐུབ་པ་ཟེར་བ་དེར་ང་ལ་ཡིད་ཆེས་མེད། ད་ལྟའི་བར་སྤྱི་འཐུས་གྲོས་ཚོགས་ནང་བསླེབས་སྡོད་མཁན་ཚོ་ཚང་མ་ཕྱི་ནང་གི་སྐད་ཡིག་ལ་རང་སྐྱ་འཕེར་བ་དེ་འདྲར་ངས་མཐོང་གི་མེད་ལ། ད་ལྟ་གསལ་བསྒྲགས་སྤེལ་མཁན་མང་པོ་ཞིག་གིས་སོ་སོའི་ཤེས་འཇོན་གསལ་བསྒྲགས་བྱེད་ཀྱི་ཡོད་པ་དེར་ཡང་ངས་ཡིད་ཆེས་བྱེད་ཀྱི་མེད། ཡིན་ནའང་སྤྱི་འཐུས་ཤིག་ལ་ཆེས་མ་མཐའི་ཆ་རྐྱེན་གང་དག་ཚང་དགོས་པ་རེད་ཟེར་ན། མི་མང་གི་སྐུ་ཚབ་ཅིག་ཡིན་དུས། སྤྱི་འཐུས་དེ་ལ་རང་གཤིས་བརྟན་པོ་ཞིག་དང་རང་ཚུགས་བརྟན་པོ་ཞིག་ངེས་པར་དུ་དགོས་ཀྱི་འདུག དེ་བཞིན་སྤྱི་འཐུས་ཤིག་ལ་ཆེས་ཡ་མཐའི་ཤེས་འཇོན་གང་དག་ཚང་དགོས་སམ་ཞེ་ན། སྤྱི་ཚོགས་ལ་ཞབས་ཞུ་བསྒྲུབ་ཐུབ་པའི་ཤེས་ཡོན་ཞིག་དགོས་ཀྱི་ཡོད་པ་རེད་མ་གཏོཊ། རྩོམ་རིག་གི་ཤེས་ཡོན་དེ་འདྲ་དགོས་ཀྱི་ཡོད་པ་མ་རེད་ལ། བོད་མི་མང་སྤྱི་འཐུས་ཟེར་བ་དེ་བོད་མི་མང་གི་སྐུ་ཚབ་བྱས་ནས་བོད་སྤྱི་ལ་ཞབས་འདེགས་སྒྲུབ་མཁན་ཞིག་དང་བོད་བསྟན་པ་ཆབ་སྲིད་ཀྱི་དོན་དུ་ལས་ཀ་བྱེད་མཁན་ཞིག་རེད་མ་གཏོཊ། དཔོན་པོ་བྱས་ནས་སྡོད་མཁན་ཞིག་ཏུ་ངས་རྩ་བ་ནས་ངོས་འཛིན་བྱེད་ཀྱི་མེད། སྤྱི་འཐུས་ཀྱི་སྡངས་ཆ་འདིའི་སྒང་ལ་ཡོང་དགོས་ཀྱི་ཡོད་ན། མ་མཐར་ཡང་དྲུག་བཅུ་རེ་གྲངས་ནས་བཟུང་བཙན་བྱོལ་ནང་ལ་གནས་ཏེ་བཙན་བྱོལ་གྱི་ཆབ་སྲིད་འགྲོ་སྟངས་དེ་ད་ལྟའི་བར་ག་འདྲ་ཞིག་སོང་དང་འགྲོ་བཞིན་ཡོད་པའི་བརྒྱུད་རིམ་དེ་བརྒྱ་ཆའི་བརྒྱ་རེ་རེ་བཞིན་མི་ཤེས་ཀྱང་རག་ཙམ་ཞིག་སོ་སོའི་མིག་ལམ་དུ་ཁྲ་ལྷམ་མེར་ཤར་འོང་བ་ཞིག་ཤེས་དགོས་ཀྱི་ཡོད་པ་རེད།
དྲི་བ། གལ་སྲིད་ཁྱེད་རང་གྲོས་ཚོགས་ཀྱི་བཞུགས་སྟེགས་སྟེང་བསླེབ་པ་ཡིན་ན། ད་ལྟའི་སྤྱི་འཐུས་ལས་ཐོག་པ་ཚོ་ལས་ལྷག་པའི་ཤེས་འཇོན་ག་རེ་སྟོན་རྒྱུ་ཡོད།
ལན། གལ་སྲིད་ང་མ་འོངས་པར་སྐབས་བཅུ་དྲུག་པའི་སྤྱི་འཐུས་ནང་བསླེབ་པའི་དབང་དུ་བཏང་ཡང་། ད་ལྟའི་སྤྱི་འཐུས་ལས་ཐོག་པ་ཚོ་ལས་ལྷག་ཅིག་ངས་འཇོན་གྱི་རེད་བསམ་གྱི་མེད་ལ། འདི་ལས་ལྷག་ཅིག་ངས་བྱ་ཐུབ་ཀྱི་རེད་བསམ་གྱི་མེད། ཡིན་ན་ཡང་ངས་ད་ཡོད་ལས་ལྷག་ཅིག་བསྒྲུབ་མ་ཐུབ་ཀྱང་། དེ་ལས་སྡུག་ཏུ་ཕྱིན་ནས་ཞབས་འདྲེན་མི་ཞུ་བ་ང་རང་ཉིད་ལ་ཡིད་ཆེས་དང་སྤོབས་པ་ཡོད། གོང་དུ་བཤད་པ་ལྟར། ངས་ནམ་རྒྱུན་སྤྱི་འཐུས་ལ་ངེས་པར་དུ་རང་གཤིས་བརྟན་པོའི་ཆ་རྐྱེན་ཚང་དགོས་ཀྱི་འདུག་བསམ་ཡོད།
དྲི་བ། ཆོལ་གསུམ་བཀའ་སྤྱིའི་འོས་མི་མང་པོ་ཞིག་གིས། གལ་སྲིད་ཁོང་རྣམ་པ་གྲོས་ཚོགས་ར་བའི་ནང་ཐོན་ཐུབ་པ་བྱུང་ན། ད་ལྟའི་བོད་མིའི་སྒྲིག་འཛུཊ་ལ་འགྱུར་བ་གཏང་རྒྱུ་ཡིན་རབས་གླེང་གི་འདུག སྐུ་ཉིད་ཀྱིས་བོད་མིའི་སྒྲིག་འཛུཊ་ཟེར་དུས། ཅི་ལྟ་བུ་ཞིག་ལ་ངོས་འཛིན་གནང་གི་ཡོད།

ལན། ཆོལ་གསུམ་བཀའ་སྤྱིའི་འོས་མིར་བཞེང་མཁན་དང་། ཐ་ན་ལས་ཐོག་པ་མང་པོ་ཞིག་གི་བསྒྲགས་གཏམ་ནང་། གལ་སྲིད་ཁོ་ཚོ་གྲོས་ཚོགས་ར་བའི་ནང་བསླེབ་པ་ཡིན་ན། ད་ལྟའི་བོད་མིའི་སྒྲིག་འཛུགས་ལ་འགྱུར་བ་གཏང་གི་ཡིན་དང་ཡར་རྒྱས་གཏང་གི་ཡིན་ཞེས་མང་པོ་ཞིག་བཤད་ཀྱི་ཡོད་པ་དེ་དག་ལ་ང་རྩ་བ་ནས་མོས་མཐུན་མེད། རྒྱུ་མཚན་གང་ཡིན་ཞེ་ན། ཁོ་ཚོའི་བསྒྲཊ་ཡིག་ནང་ཕྱི་ནང་གི་སྐད་ཡིག་བཞི་ལྔར་བྱང་ཆུབ་ཚུལ་དང་ལོ་མང་རིང་བོད་སྤྱི་བའི་ལས་དོན་བསྒྲུབས་པའི་ཉམས་མྱོང་ཡོད་ལུགས་སོགས་མང་པོ་མང་པོ་ཞིག་བྲིས་འདུག་ཀྱང་། ཁོ་ཚོ་སྤྱི་འཐུས་ནང་དངོས་སུ་བསླེབས་དུས། བསྒྲགས་གཏམ་དེ་དག་ཚང་མ་རྫུན་དུ་འགྲོ་གི་ཡོད་སྟབས། དེ་ཡག་པོ་མ་རེད། ང་ཚོའི་སྤྱི་ཚོཊ་འདི་ཕྱི་རྒྱལ་མགོ་སེར་ཚོ་ལྟ་བུའི་ཆབ་སྲིད་ལ་དོ་སྣང་མེད་སྟབས། བསྒྲཊ་ཡིག་འདི་འདྲ་སྤེལ་ཡོང་དུས་མང་ཚོཊ་ལ་མགོ་སྐོར་གཏང་ཆོག་ཆོག་འདྲ་བོ་ཡོད་པ་རེད། རེ་ཟུང་གིས་ཤེས་ཡོན་སྲིད་ཇུས་དང་ཤེས་ཡོན་གྱི་ཐོག་ནས་འགྱུར་བ་གཏང་གི་ཡིན་ཞེས་པ་དང་། ཡང་རེ་འགས་གཞུང་གི་ལངས་ཕྱོཊ་རྦད་དེ་འགྱུར་བ་གཏོང་གི་ཡིན་ཟེར་བ། ང་རང་གི་ལྟ་ཚུལ་ཡིན་ན། འོས་མི་གཅིག་ལ་སྤྱི་འཐུས་ཐོབ་པ་ཙམ་གྱིས་ད་ལྟའི་བོད་མིའི་སྒྲིག་འཛུཊ་འདིར་འགྱུར་བ་གཏང་ཆོག་ཆོག་ཅིག་ཡོད་པ་མ་རེད་ལ། འགྱུར་བ་གཏང་ཐུབ་ཀྱི་མ་རེད་བསམ་གྱི་ཡོད། གང་ཡིན་ཞེ་ན། སྤྱི་འཐུས་ལྷན་ཚོཊ་ཟེར་བ་འདི་ཁྲིམས་བཟོ་ལྷན་ཚོགས་རེད། སྤྱི་འཐུས་ལྷན་ཚོགས་ནས་མང་མོས་སྤྱི་མོས་ཀྱི་ཐོག་ནས་གཏན་འབེབས་ཟིན་པའི་ཁྲིམས་དེར་བདག་པོ་རྒྱག་མཁན་བཀའ་ཤག་རེད། དེར་བརྟེན་མི་གཅིག་གིས་འགྱུར་བ་གཏོང་ཐུབ་པ་ཞིག་མ་རེད།
  

དྲི་བ། ཁྱེད་རང་བཙན་བྱོལ་བོད་མིའི་ལས་དོན་སྒྲུབ་མཁན་ཞིག་ཡིན་པའི་ཆ་ནས། ད་ལྟའི་བཙན་བྱོལ་བོད་མིའི་སྤྱི་ཚོཊ་ནང་ངེས་པར་བསྒྲུབ་དགོས་པའི་ལས་དོན་གཙོ་བོ་ག་རེ་མཐོང་སོང་།

ལན། ང་རང་གི་བསམ་ཚུལ་ཡིན་ན། ད་ལྟའི་བཙན་བྱོལ་བོད་མིའི་སྤྱི་ཚོགས་ནང་ངེས་པར་སྒྲུབ་དགོས་པ་དང་འགྲུབ་དགོས་པ་གཙོ་བོ་དོན་ཚན་ཁ་ཤས་ཡོད་པར་མཐོང་གི་འདུག གཅིག་ནས་བཙན་བྱོལ་བོད་མིའི་སྒྲིག་འཛུཊ་ཟེར་དུས། སྤྱི་འཐུས་རྣམ་པས་ཆབ་སྲིད་ཀྱི་ཕྱོཊ་ལ་དངོས་གནས་དྲང་གནས་ཀླད་པ་གསལ་བོ་བྱེད་དགོས་ཀྱི་འདུག ཀླད་པ་གསལ་བོ་བྱེད་དགོས་པའི་རྒྱུ་མཚན་གང་ཡིན་ཟེར་ན། ང་ཚོས་མང་ཚོཊ་ལ་འབྲེལ་འདྲིས་བྱས་ནས་མང་ཚོཊ་ཀྱི་དཀའ་ངལ་དང་མང་ཚོགས་ཀྱི་བདེ་སྡུག་ཨང་དང་པོར་ངོས་འཛིན་བྱེད་དགོས་པ་རེད། སྒང་དུ་སྡོད་མཁན་ལས་ཀྱི་སྣེ་མོ་བ་ཚང་མས་མང་ཚོཊ་ནང་དཀའ་སྡུག་གང་ཡོད་པ་དེར་རྒྱུས་ལོན་དང་སེལ་ཐབས་བྱེད་རྒྱུ་དེ་ངས་གལ་ཆེ་ཤོས་ཤིག་ཏུ་མཐོང་གི་ཡོད། མང་ཚོགས་ཀྱི་དཀའ་སྡུག་དང་ལེན་བྱེད་མ་ཐུབ་པ་ཡིན་ན། ང་ཚོས་མི་མང་པོ་ཞིག་བརླག་འགྲོ་གི་འདུག་ཟེར་བའི་ལམ་ཁ་དེར་སླེབ་ཀྱི་ཡོད་པ་རེད། དེ་ཡང་མང་ཚོཊ་ཀྱི་དཀའ་སྡུག་ཆ་ཚང་སེལ་མ་ཐུབ་པའི་རྒྱུ་མཚན་ལ་བརྟེན་ནས། མང་ཚོཊ་ཀྱི་ངོས་ནས་གཞུང་ལ་རེ་བ་རྒྱག་ས་མི་འདུག་ཅེས་ཐང་ཆད་ཀྱི་ཡོད་པ་རེད། གཞུང་གི་ངོས་ནས་ཀྱང་མང་ཚོཊ་ཀྱི་ལས་དོན་ཆ་ཚང་ཞིག་བསྒྲུབ་ཐུབ་ཀྱི་ཡོད་པ་མ་རེད། གཉིས་ནས་འཛིན་སྐྱོང་བཀའ་ཤག་ཡིན་ན་འདྲ། སྤྱི་འཐུས་ལྷན་ཚོཊ་ཡིན་ན་འདྲ། བོད་ནང་གི་དངོས་ཡོད་གནས་ཚུལ་དང་། གཞིས་ལུས་རྒྱ་ཆེའི་མི་མང་གི་ལྷག་བསམ་དང་སྙིང་སྟོབས་དེ་ང་ཚོས་སྒྲུང་བཤད་པ་ནང་བཞིན་མ་ཡིན་པར་སོ་སོའི་སེམས་ལ་དངོས་གནས་དྲང་གནས་ཁྲ་ལྷམ་མེར་ཤར་སྡོད་པ་ཞིག་དང་། སུ་ཞིག་ལ་འགྲེལ་བཤད་རྒྱག་དགོས་ན་གསལ་གསལ་ཐང་ཐང་གནང་ཐུབ་མཁན་ཞིག་དགོས་ཀྱི་འདུག གང་ཡིན་ཟེར་ན། ད་སྔ་བོད་ནས་ཡོང་མཁན་དང་འདི་ནས་སྐྱེས་མཁན་སུ་ཡིན་ཡང་། མཚམས་རེར་ཁྱབ་བསྒྲཊ་ནང་ཐབ་ཆག་ཞེ་དྲགས་དེ་འདྲ་ཡོང་གི་འདུག

གསར་འགོད་པ། པདྨ་རྒྱལ།