གསུམ་བཅུའི་དུས་དྲན་ཉིན་ནེའུ་ཌར་ལན་ཌའི་ནང་ཡོད་པའི་རྒྱ་ནག་གཞུང་ཚབ་ཁང་གི་མདུན་དུ་བོད་རིགས་ན་གཞོན་ཞིག་གིས་རང་ཉིད་ཀྱི་ལུས་ལ་གྲིས་བརྒྱབ་སྟེ་རང་སྲོག་གཅོད་རྩིས་བྱས་ཡོད་འདུག
ཁ་སང་གསུམ་བཅུའི་དུས་དྲན་གྱི་ཉིན་མོར། ནེའུ་ཌར་ལན་ཌིའི་(Netherlands)ནང་ཡོད་པའི་རྒྱ་ནག་གཞུང་ཚབ་ཁང་གི་མདུན་དུ། ས་གནས་བོད་མི་མང་པོས་ལག་ཏུ་བོད་ཀྱི་རྒྱལ་དར་འཕྱར་ནས་བོད་ལ་རང་དབང་དགོས། བོད་རང་བཙན་གཙང་མ་ཡིན། རྒྱ་དམར་བོད་ནས་མཐའ་སྐྲོད་བྱོས་ཟེར་བ་སོགས་ཀྱི་འབོད་ཚིག་བསྒྲགས་ཏེ་ཉེན་སྲུང་ལྕགས་རའི་ཕྱི་རོལ་དུ་ཞི་རྒོལ་སྐད་འབོད་བྱས་ཡོད་པ་དང་། ཞི་རྒོལ་བ་ཕོ་གསར་གཉིས་ཉེན་སྲུང་ལྕགས་རའི་ནང་དུ་ཡོང་བཅུག་སྟེ་ལག་ཏུ་སྒྲ་དུང་(Speaker Icon)བཟུང་ནས་སྐད་འབོད་སྣེ་ཁྲིད་གནང་སྐབས། ཕོ་གསར་གཉིས་ཀྱི་ནང་ནས་གཅིག་གིས་རང་ཉིད་ཀྱི་ལུས་ལ་གྲིས་བརྒྱབ་སྟེ་རང་སྲོག་གཅོད་རྩིས་བྱས་ཡོད་པ་དང་། དེ་མ་ཐག་འགྲམ་དུ་ཡོད་པའི་ཉེན་རྟོག་པ་མང་པོས་ཁོང་ས་ལ་མནན་ཏེ་གྲི་འཕྲོག་ནས་སྨན་ཁང་ཞིག་ཏུ་བསྐྱལ་ཡོད་འདུག
སྤེལ་ཇམ་ས་གནས་གཞོན་ནུས་ངོ་དེབ་ཏུ་བརྙན་ཐུང་ཞིག་སྤེལ་བའི་ནང་། ན་གཞོན་དེས་ཉེ་སྔོན་བོད་པའི་གཞོན་ནུ་ལོ་ ༡༦ ཡིན་པ་ཞིག་གིས་བོད་དོན་ཆེད་རང་ལུས་མེར་བསྲེགས་གནང་ཡོད་པ་དང་། བོད་ལ་དངོས་གནས་མི་ཉུང་དྲགས་ཡོད་ཀྱང་། ང་རང་གིས་བོད་དོན་ཆེད་ཅིག་བྱེད་དགོས་བསམ་བསྡད་ཡོད་ལ། ཚང་མས་དགོངས་པ་གནང་རོགས། ཞེས་བརྗོད་ཚར་མ་ཐག་རང་ཉིད་ཀྱི་ལུས་ལ་གྲིས་བརྒྱབ་ཡོད་འདུག
འདི་གའི་གསར་འགོད་པས་ས་གནས་སུ་འབྲེལ་བ་ཞུ་ཐབས་བྱས་ཀྱང་། ད་ལྟའི་ཆར་ཁོང་གི་སྐུ་གཟུགས་གནས་སྟངས་ག་འདྲ་ཡོད་མེད་སོགས་ཞིབ་ཕྲའི་གནས་ཚུལ་ཤེས་རྟོགས་ཐུབ་ཀྱི་མི་འདུག
གསར་འགོད་པ། པདྨ་མཚོ།
གཞོན་ནུ་ཁོང་གི་ལྷག་བསམ་དང་སེམས་ཤུག་ལྷ་ལས་པ་ཞིག་རེད་ལ་རྗེས་སུ་ཡིད་རང་ཞུ་བ་དང་ལྷན་དུ་ངས་མ་འོངས་པའི་ལས་འགུལ་མཆེད་རེ་བ་ཞིག་ཞུ་འདོད་བྱུང།
ང་རང་བསྡད་ས་ཡུ་རོབ་ནང་ཡིན་ལ་བོད་རིགས་ཚོགས་པའི་ལས་བྱེད་བྱེད་མྱོང་ཡོད་བོད་རིགས་ཚོགས་པའི་མིང་ཐོག་ནས་ས་གནས་ཉིན་རྟོག་ལས་ཁུང་དུ་སྐད་འབོད་སྙན་བཞུ་འཕུལ་སྐབས་ཉིན་རྟོག་ལས་ཁུང་ནས་དེ་ལྟར་བཤད་བྱུང་༼ཡུལ་དེ་ནི་ཡུ་རོབ་གི་ཡུལ་ཞིག་ཡིན་པས་ཁྱེད་ཚོར་ཡུལ་དེའི་ནང་དམང་གཙོ་དང་རང་དབང་ཡོད་རྒྱུ་མཚན་དེ་ལ་རྟེན་ནས་ཁྱེད་ཚོས་ངོ་རྒོལ་སྐད་འབོད་ཐོག་ནས་སོ་སོའི་ལུང་པའི་ནང་གི་དཀའ་ངལ་རྣམས་རྒྱལ་སྤྱིར་བཞུ་བ་དང་ཡང་ན་རྒྱ་ནག་གཞུང་ལ་ངོ་རྒོལ་ཡང་བྱས་མཆོག། ཡིན་ན་ཡང་ཡུལ་དེ་ནི་ཞི་བདེ་ཡུལ་ཞིག་ཡིན་པས་ཡུལ་དེའི་ནང་ཚེ་བའི་ལས་དཔེར་ན་རང་ལུས་མི་སྲིག་དང་མཚོན་ཆ་བེད་སྤྱོད་བྱེད་པ་དེ་བཞིན་བཟས་བཅད་ངོ་རྒོལ་སོགས་འདོར་ན་ཚེ་བ་དང་འབྲེལ་བའི་ལས་འགུལ་རིགས་རྩ་བ་ནས་བྱེད་མཆོག་གི་མ་རེད་གལ་ཏེ་དེ་ལྟ་བུའི་རིགས་བྱུང་ཚེ་དེ་ནི་ཁྱེད་ཚོས་ཡུལ་ཁྲིམས་ལ་བརྩི་མེད་གཏང་བ་དང་མིའི་ཚེ་སྲོག་ལ་འགན་མ་འཁུར་བ་སོགས་འདོར་ན་ཡུལ་ཁྲིམས་དང་ཡོངས་སུ་འགལ་བས་དེའི་འགན་ཡོངས་རྫོགས་གོ་སྒྲིག་བྱེད་མཁན་ནས་འཁྱེར་དགོས་པ་དང་སླད་ཕྱིན་བྱུང་བོད་པའི་མིང་ཐོག་ནས་སྐད་འབོད་སོགས་ཀྱི་ལས་འགུལ་རིགས་སྤེལ་བའི་མཆོག་ཅན་ནམ་ཡང་སྤྲད་གི་མ་རེད་བཅེས་གསལ་པོ་བྱས་ནས་བཤད་བྱུང་། དེར་རྟེན་ང་རང་ཚོ་བོད་རིགས་ཡོངས་ནས་དགོང་པ་སྟིང་ཟབ་ཞེས་དགོས་ལ་ང་རང་ཚོའི་གནས་འབབ་ནི་གཞན་དབང་སྟབས་སྟུན་ཡིན་པས་སོ་སོའི་ཚེ་སྲོག་ལ་བཅེས་སྤྲད་དང་བོད་ཀྱི་བདེན་མཐའ་མ་གསལ་བར་ཡུལ་ལུང་སོ་སོའི་ནང་ཡུལ་ཁྲིམས་དང་མཐུན་པའི་ལས་འགུལ་ཐབ་བརྩོད་དེ་མུ་མཐུད་ནས་གནས་ཐུབ་པའི་མཆེད་ལས་འགུལ་སྐབས་ཡུལ་ཁྲིམས་དང་མི་འགལ་བ་གནང་རྒྱུ་དེ་ཧ་ཅང་གི་གལ་ཆེན་ཞིག་ཡིན་པས་དགོང་པ་སྟིངས་ཟབ་ཞེས་རོགས་གནང་བཅེས་གུས་པས་རེ་བ་ཞུ་རྒྱུ་ཡིན།། རང་ཉིད་ཤེས་བྱ་སྨན་པས་གོང་དུ་ཡིག་ནོར་བྱུང་ཡོད་ན་དགོང་དག།།
ཕྱི་མིའི་མདུན་དུ་ལས་འགུལ་འདི་འདྲ་མི་མཛའ་མི་དགོས་ཅན་ཞིག་རེད། འདི་ལྟ་བུའི་ལས་འགུལ་གྱིས་མི་རིགས་ཀྱི་ངོ་གདོང་སོལ་བ་བྱུག་གིན་ཡོད།