ཟླ་འདིའི་ཕྱི་ཚེས་ ༢༧ ཉིན་སྲིད་སྐྱོང་བློ་བཟང་སེང་གེ་མཆོག་ནས་བཀའ་ཤག་སྐབས་ ༡༥ པའི་སྲིད་སྐྱོང་གི་ལས་འཁུར་དམ་བཅའ་འབུལ་རྒྱུ་ཡིན་འདུག
འདི་ལོའི་བཙན་བྱོལ་བོད་མིའི་འོས་བསྡུ་ཆེན་མོའི་ཁྲོད་སྲིད་སྐྱོང་ལས་ཐོག་བློ་བཟང་སེང་གེ་མཆོག་བཀའ་ཤག་སྐབས་ ༡༥ པའི་སྲིད་སྐྱོང་དུ་བདམས་ཐོན་བྱུང་ཡོད་པ་ལྟར། ཟླ་འདིའི་ཕྱི་ཚེས་ ༢༧ ཉིན་གྱི་སྔ་དྲོའི་ཆུ་ཚོད་ ༩།༣༠ སྟེང་དྷ་ས་ཐེག་ཆེན་གཙུག་ལག་ཁང་གི་ཆོས་རའི་ནང་དུ། བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་བཀའ་བརྒྱུད་དོན་གྲུབ་མཆོག་གི་མདུན་དུ། སྲིད་སྐྱོང་ལས་ཐོག་བློ་བཟང་སེང་གེ་མཆོག་ནས་ལས་འཁུར་གྱི་དམ་བཅའ་འབུལ་བའི་མཛད་སྒོ་འཚོགས་རྒྱུ་ཡིན་པ་དང་། མཛད་སྒོའི་ཐོག་༧གོང་ས་མཆོག་ཆིབས་བསྒྱུར་བཀའ་དྲིན་བསྐྱང་གཏན་འཁེལ་ཡོད་འདུག
གསར་འགོད་པ། པདྨ་མཚོ།
འབྱུང་འགྱུར་ལོ་ངོ་ལྔའི་རིང་ལ་སྲིད་སྐྱོང་གི་འགན་བཞེས་དགོས་པ་ཡིན་དུས་གུས་བསུ་དང་ཡི་རིངས་ཡོད། མ་ཟད་མང་གཙོའི་འགྲོ་སྟངས་ཐོག་ནས་ཁྱེད་ལ་རྒྱལ་ཁ་ཐོབ་པ་དེ་བས་རིན་ཐང་ཆེ། ཡིན་ན་ཡང་འདས་པའི་བྱ་བཞག་ལ་བསལ་བློ་རེ་བཏང་ནས་༧གོང་ས་མཆོག་ཐུགས་ཕམ་མི་འབྱུང་བས་ཕྱོགས་ལ་འབད་བརྩོན་གནང་དགོས་པ་དང་། བོད་ཆོལ་ཁ་གསུམ་པོ་དམ་ཚིག་མཐུན་པོ་བཟོ་དགོས་པ་ཁྱེད་རང་གིས་འོས་འགན་རེད། ད་བར་གླེང་གཞི་འདྲ་མིན་ཞིག་ཡོད་པ་གོ་ཚོད་རེད་དེ་འདྲ་སོང་ཙང་འབྱུང་འགྱུར་དེ་ཐོག་འབད་བརྩོན་གནང་རོགས་ཞུ། ཐུགས་བསམ་བཞེས་དགོས་པ་ཞིག་ལ་ཁྱེད་མི་མང་གིས་འདེམས་པ་ཡིན་པ་དུས་ནམ་ཡང་བརྗེད་མི་ཉན་ཞིག་རེད་འདོད་ཡོད། མི་མང་དབུ་སྐོར་མ་གནང་རོགས་ཞུ།
༸སྲིད་སྐྱོང་མཆོག་ནས་ཁ་ཤེས་ཉིས་མེད་ཐོག་ནས་དམ་བཅའ་བརྟན་པོ་ཞུས་དགོས་པ་ལས། དེ་མིན་སྔར་བཞིན་ཁས་ཙམ་གྱི་དམ་བཅའ་བཞག་པ་དེ་མི་འཐུས།
༧གོང་ས་མཆོག་གིས་ཞབས་ཀྱིས་མ་བཅགས་ས་སྣ་གཅིག་མེད་ཀྱང་། བོད་མི་ཚོས་ཁས་ལན་བསྒྲུབས་པ་རྐང་གཅིག་ལས་མེད། ངེ་ནི་༧གོང་མཆོག་གིས་མི་སུ་ཞིག་འུ་ཐུག་ཨ་ཐང་ཆད་པའི་སྐབས་ངའི་མིང་བེད་སྤྱོད་ཐོངས་ཤོག ཞེས་ས་མ་ཞུས་ན་ང་ལག་པ་འཕྱི་བྱེད་བྱས་ཤོག་ཟེར་བ་ལྟར། བོད་མི་ཚོས་རང་གི་ཁེ་ཁན་ཆེད་སྐུ་མདུན་མངོན་ལྐོགས་གཉིས་ནས་བཙོང་ཚར་བ་རེད།
བཀྲིས་བདེ་ལེགས་ཡོད་་་་དོན་མེད་སྐྱོན་བརྗོད་གནང་ན་དགོས་པ་ཨེ་ཡོད།
མ་འོངས་པར་ལོང་ཚན་གྱི་ཞེན་ཁོག་གིས་ཚོས་པའི་མི་བུ་ཀླད་སྟོང་དེ་ཚོའི་ཁ་ལ་མི་ཉན་པར། རང་ཚུགས་གཏན་པོར་གནས་རྒྱུད་དང་། འཛིན་སྐྱོང་གི་དབང་ཆ་བསྒོས་མི་བྱེད་པར་གང་འདོད་ལོངས་སུ་མི་སྤྱོད་པ་དང་། གཞན་གྱི་མཛད་རྗེས་རང་གི་ཆེས་མཐོང་དུ་མི་བགྲང་རྒྱུ། སོགས་ལ་དམ་བཅའ་བརྟན་པོ་གནང་རྒྱུ་ང་ཚོའི་རེ་བ་ཉག་གཅིག མ་འོངས་པའི་ལོ་ལྔའི་རྗེས་ནས་སྲིད་སྐྱོང་མཆོག་གི་གནང་སྟངས་ཡག་པོ་འདུག་ཟེར་པ་ཞིག་ཡོང་དགོས་ན་དམ་བཅའ་བརྟན་པོ་འཇོག་དགོས་པ་གལ་གནད་ཆེ།
ཡར་རྒྱས་གོང་འཕེལ་གྱི་རེ་བ་ཆེར་མེད། ཉམས་ཆག་དང་འཐུས་ཤོར་ལ་མི་གཏོང་བའི་རེ་བ་ཆེ།